Pramāṇa · Search · About · API

Ekadashikhanda 11

Ekādaśīkhaṇḍa 11

Language
Sanskrit

11.1

atha vaiśākhaśuklaikādaśīkathā || yudhiṣṭhira uvāca || vaiśākhaśuklapakṣe tu kiṃ nāmaikādaśī bhavet || kiṃ phalaṃ ko
vidhistasyāḥ kathayasva janārdana

11.2

śrīkṛṣṇa uvāca || kathayāmikathāmetāṃ śṛṇu tvaṃ dharmanandana || vasiṣṭho
yāmakathayatpurā rāmāya pṛcchate

11.3

rāma uvāca || bhagavanchrotumicchāmi vratānāmuttamaṃ vratam || sarvapāpakṣayakaraṃ sarvaduḥkhanikṛntanam

11.4

mayā duḥkhāni bhuktāni sītāvirahajāni vai || tato'haṃ bhayabhīto'smi pṛcchāmi
tvāṃ mahāmune

11.5

vasiṣṭha uvāca || sādhu pṛṣṭaṃ tvayā rāma tavaiṣā naiṣṭhikī matiḥ || tvannāmagrahaṇenaiva pūto bhavati
mānavaḥ

11.6

tathāpi kathayiṣyāmi lokānāṃ hitakāmyayā || pavitraṃ pāvanānāṃ ca vratānāmuttamaṃ vratam

11.7

vaiśākhasya site pakṣe dvādaśī rāma yā bhavet || mohinī nāma sā proktā sarvapāpaharā parā

11.8

mohajālātpramucyeta pātakānāṃ sapūhataḥ || asyā vrataprabhāveṇa satyaṃ satyaṃ vadāmyaham

11.9

atastu kāraṇādrāma kartavyaiṣā
bhavāhaśaiḥ|| pātakānāṃ kṣayakarī mahāduḥkhavināśinī

11.10

śṛṇuṣvaikamanā rāma kathāṃ puṇyapradāṃ śubhām || asyāḥ
śravaṇamātreṇa mahāpāpaṃ praṇaśyati

11.11

sarasvatyāstaṭe ramye purī bhadrāvatī śubhā || dyutimānnāma nṛpatistatra rājyaṃ karoti vai

11.12

somavaṃśodbhavo rāma
dhṛtimānsatyasaṃgaraḥ || tatra vaiśyo nivasati dhanadhānyasamṛddhimān

11.13

dhanapāla iti khyātaḥ puṇyakarmapravartakaḥ || prapāsatrādyāyatanataḍāgārāmakārakaḥ

11.14

viṣṇubhaktiparaḥ śāṃtistasyāsanpañca putrakāḥ sumanā
dyutimāṃścaiva medhāvī sukṛtī tathā

11.15

pañcamo dhṛṣṭabuddhiśca mahāpāparataḥ sadā || vārastrīsaṃganirato viṭagoṣṭhī
viśāradaḥ

11.16

dyūtādivyasanāsaktaḥ parastrīratilālasaḥ || na devānnātithīnvṛddhān pitṝṃścaiva dvijānapi

11.17

anyāyakarttā duṣṭātmā piturdravyakṣayaṃkaraḥ || abhakṣyabhakṣakaḥ pāpaḥ surāpānarataḥ sadā

11.18

veśyākaṇṭhaśliṣṭabāhurbhaman bhraṣṭaścatuṣprathe || pitrā niṣkāsitogehātparityaktaścabāndhavaiḥ

11.19

svadehabhūṣaṇānyeva kṣayaṃ nītāni
tena vai || gaṇikābhiḥ parityakto ninditaśca dhanakṣayāt

11.20

tataścintāparo jāto vahnihīnaḥ kṣudhārditaḥ || kiṃ
karomi ka gacchāmi kenopāyena jīvyate

11.21

taskaratvaṃ samārandhaṃ tatraivanagare punaḥ || gṛhīto rājapuruṣairmuktaśca pitṛgauravāt

11.22

punarbaddhaḥ punarmuktaḥ punarmuktaḥ sasaṃbhramaiḥ || dhṛṣṭabuddhirdurācāro nibaddho nigaḍairdṛḍhaiḥ

11.23

kaśāghātaistāḍitaśca pīḍitaśca punaḥ punaḥ || na sthātavyaṃ hi mandātmaṃstvayā maheśagocare

11.24

evamuktā tato rājā mocito dṛḍhabandhanāt || nirjagāma bhayāttasya gato'sau gahanaṃ vanam

11.25

kṣuttṛṣāpīḍitaścāyamitaścetaśca dhāvati || siṃhavannijaghānā'sau mṛgasūkaracittalān

11.26

āmiṣāhāranirato vanetiṣṭhati sarvadā || kare śarāsanaṃ kṛtvā niṣaṃgaṃ pṛṣṭhasantatam

11.27

araṇyacāriṇo hanti pakṣiṇaśca catuṣpadān || cakorāṃśca mayūrāṃśca
kaṅkakāṃstittirimūṣakān

11.28

etānanyānhanti nityaṃ dhṛṣṭadhīrnirgataghṛṇaḥ || pūrvajanmakṛtaiḥ pāpairnimagnaḥ pāpakardame

11.29

duḥkhaśokasamāviṣṭaścintayanso'pyaharniśam || kauṇḍinyasya śramapadaṃ prāptaḥ puṇyavaśātkacit

11.30

mādhave māsi jāhnavyāṃ kṛtasnānaṃ tapodhanam || āsasāda dhṛṣṭabuddhiḥ śokabhāreṇa pīḍitaḥ

11.31

tadvastrabindusparśena gatapāpmā hatāṃśubhaḥ || kauṇḍinyasyāgrataḥ sthitvā pratyuvāca kṛtāṃjaliḥ

11.32

dhṛṣṭabuddhiruvāca || prāyaścittaṃ vada brahman vinā yatnena yadbhavet || ājanmakṛtapāpasya nāsti vitta samādhunā

11.33

ṛṣiruvāca || śṛṇghvaikamanā bhūtvā yena pāpakṣayastava || vaiśākhasya site pakṣe mohinī nāma nāmataḥ

11.34

ekādaśīvrataṃ tasmātkuru madvākyanoditaḥ || merutulyāni pāpāni kṣayaṃ nayati dehinām

11.35

bahujanmārjitānyeṣā mohinī samupoṣitā || iti vākyaṃ muneḥ śrutvā dhṛṣṭabuddhirhasan hṛdi

11.36

vrataṃ cakāra vidhivatkauṇḍinyasyopadeśataḥ || kṛte vrate nṛpaśreṣṭha hatapāpo babhūva saḥ

11.37

divyadehastato bhūtvā garuḍopari saṃsthitaḥ
jagāma vaiṣṇavaṃ lokaṃ sarvopadravarjitam

11.38

itīdṛśaṃ rāmacandra tamomohāntakṛntanam || nātaḥ parataraṃ kiñcitrilokye sacarācare

11.39

yajñāditīrthadānāni kalāṃ nārhanti ṣoḍaśīm || paṭhanācchravaṇādrājan gosahasraphalaṃ
labhet

11.12-2

itiśrīkūrmapurāṇe vaiśākhaśuklamohinyekādaśīmāhātmyaṃ samāptam

Linked texts (9)