Pramāṇa · Search · About · API

Ekadashikhanda 13

Ekādaśīkhaṇḍa 13

Language
Sanskrit

13.1

atha jyeṣṭhaśuklaikādaśīkathā || bhīmasena uvāca || pitāmaha mahābuddhe śṛṇu me
paramaṃ vacaḥ || yudhiṣṭhiraśca kuntī ca tathā drupadanaṃdinī

13.2

arjuno nakulaścaiva sahadevastathaiva ca || ekādaśyāṃ na
bhuñjanti kadācidapi suvrata

13.3

te māṃ bruvaṃti vai nityaṃ mā tvaṃ bhuṃkṣva vṛkodara || ahaṃ tānabruvaṃ tāta bubhukṣā
duḥsahā mama

13.4

dānaṃ dāsyāmi vidhivatpūjayiṣyāmi keśavam || vinopavāsaṃ labhyeta kathamekādaśīvratam

13.5

bhīmasenavacaḥ śrutvā vyāso vacanamabravīt || vyāsa uvāca || yadi svargo'tyabhīṣṭaste narako duṣṭa eva ca

13.6

ekādaśyāṃ na bhoktavyaṃ pakṣayorubhayorapi || bhīmasena uvāca || pitāmahaḥ mahābuddhe kathayāmi tavāgrataḥ

13.13

kādaśīkathā samāptā

13.7

ekaṃbhuṃkte na śakto'hamupavāsaḥ kathaṃ mune || vṛkanāmā'pi yo vahniḥ sa sadā jaṭhare mama

13.8

atīvānnaṃ yadā'śnāmi
tadā samupaśāmyati || ekaṃ śakto'smyahaṃ kartuṃ copavāsaṃ mahāmune

13.9

yenaiva prāpyate svargastatkaromi yathātatham
tadekaṃ vada niścitya yena śreyo'hamāpnuyām

13.10

vyāsa uvāca || śrutvā me mānavā dharmā vaidikāśca śrutāstvayā
kalau yuge na śakyante te vai kartuṃ narādhipa

13.11

sukhopāyaṃ cālpadhanamalpakkeśaṃ mahāphalam || purāṇānāṃ ca
sarveṣāṃ sārabhūtaṃ vadāmi te

13.12

ekādaśyāṃ na bhuṃjīta pakṣayorubhayorapi || ekādaśyāṃ na bhuṅkte yo na yāti
narakaṃ tu saḥ

13.13-2

vyāsasya vacanaṃ śrutvā kampito'śvatthapatravat || bhīmaseno mahābāhurbhīto vākyamabhāṣata

13.14

bhīmasena uvāca || pitāmaha na śakto'hamupavāse karomi kim || tato bahuphalaṃ brūhi vratamekaṃ mama prabho

13.15

vyāsa uvāca || vṛṣasthe mithunasthe vā śuklā hokādaśī bhavet || jyeṣṭhamāse prayatnena sopoṣyā jalavarjitā

13.16

snāne cācamane caiva varjayitvodakaṃ budhaḥ || māṣamātrasuvarṇasya yatra majjati vai maṇiḥ

13.17

etadācamanaṃ
proktaṃ pavitraṃ kāyaśodhanam || gokarṇakṛtahastena māṣamātraṃ jalaṃ pibet

13.18

tannyūnamadhikaṃ pītvā surāpānasamaṃ bhavet || upabhuñjīta naivānnaṃ vratabhaṃgo'nyathā bhavet

13.19

udayādudayaṃ yāvadvarjayitvā tathodakam || aprayatnādavāpnoti dvādaśadvādaśīphalam

13.20

prabhāte vimale jāte dvādaśyāṃ snānamācaret || jalaṃ suvarṇaṃ dattvā ca dvijātibhyo yathāvidhi

13.21

bhuñjītakṛtakṛtyastu brāhmaṇaiḥ sahito vaśī || evaṃ kṛte tu
yatpuṇyaṃ bhīmasena śṛṇuṣva tat

13.22

saṃvatsarasya yā madhye hyekādaśyo bhavaṃti vai|| tāsāṃ phalamavāpnoti atra me
nāsti saṃśayaḥ

13.23

iti māṃ keśavaḥ prāha śaṃkhacakragadādharaḥ|| sarvadharmānparityajya māmekaṃ śaraṇaṃ vraja

13.24

ekādaśyāṃ nirāhārānnraḥ pāpātpramucyate || dravyaśuddhiḥ kalau nāsti saṃskāraḥ smārtta eva ca

13.25

vaidikaśca
kutaścāste prāpte duṣṭe kalau yuge || kintu te bahunoktena vāyuputra punaḥ punaḥ

13.26

ekādaśyāṃ na bhuñjīta pakṣayorubhayorapi || ekādaśyāṃ site pakṣe jyeṣṭhasyodakavarjitam

13.27

upoṣya phalamāpnoti tacchṛṇuṣva vṛkodara || sarvatīrtheṣu
yatpuṇyaṃ sarvadāneṣu yatphalam

13.28

tatphalaṃ samavāpnoti imāṃ kṛtvā vṛkodara|| saṃvatsareṇa yāśca syuḥ śuklāḥ kṛṣṇā
vṛkodara

13.29

upoṣitāstaḥ sarvāḥ syurekādaśyo na saṃśayaḥ || dhanadhānyabalāyurdāḥ putrārogyadhanapradāḥ

13.30

upoṣitā naravyāghra itisatyaṃ vadāmite || yamadūtā mahākāyā: karālā: kṛṣṇapiṃgalā

13.31

daṇḍapāśadharā raudrā
nopasarpanti taṃ naram || pītāmbaradharaḥ saumyāścakrahastā manojavāḥ

13.32

antakāle nayantyenaṃ mānavaṃ vaiṣṇavīṃ
purīm|| tasmātsarvaprayatnena sopoṣyodakavarjitā

13.33

jaladhenuṃ tato datvā sarvapāpaiḥ pramucyate || iti śrutvā tadā
cakruḥ pāṇḍavā janamejaya

13.34

tathā tvamapi bhūpāla sopavāsārcanaṃ hareḥ || kuru tvaṃ ca prayatnena sarvapā5praśāntaye

13.35

kariṣyāmyadya deveśa jalavarjamupoṣaṇam || bhokṣye pare'hi deveśa hyananta tava vāsarāt

13.36

ityuccārya
tato mantramupavāsaparo bhavet|| sarvapāpavināśāya śraddhādamasamanvitaḥ

13.37

merumandaramānaṃ tu triyo'tha puruṣasya
vā || sarvaṃ tadvasramatāṃ yāti ekādaśyāḥ prabhāvataḥ

13.38

sakāñcanaḥ pradātavyo ghaṭo vastreṇa saṃvṛtaḥ || toyasya
niyamaṃ tasyāṃ kurute vai sa puṇyabhāk

13.39

palakoṭisuvarṇasya yāme yāme'śnute phalam || snānaṃ dānaṃ japaṃ homaṃ
yadasyāṃ kurute naraḥ

13.40

tatsarvaṃ cākṣayaṃ proktametatkṛṣṇasya bhāṣitam || kiṃvā'pareṇa dharmeṇa nirjalaikādaśī
nṛpa

13.41

upoṣitā ca vidhivaddhaiṣṇavaṃ padamāpnuyāt || suvarṇamannaṃ vāsāṃsi yadasyāṃ saṃpradīyate

13.42

tasyaiva ca kuruśreṣṭha sarvaṃ cāpyakṣayaṃ bhavet || ekādaśīdine yo'nnaṃ bhuṃkte pāpaṃ bhunakti saḥ

13.43

iha loke sa
cāṃḍālo mṛtaḥ prāpnoti durgatim || ye pradāsyanti dānāni dvādaśīṃ samupoṣya ca

13.44

jyeṣṭhamāsi site pakṣe
prāpsyanti paramaṃ padam || brahmahā madyapaḥ steno gurudveṣā sadā'nṛtī

13.45

mucyate pātakaiḥ sarvaiddādaśī yairupoṣitā
viśeṣaṃ śṛṇu kaunteya nirjalaikādaśīdine

13.46

tatkartavyaṃ naraistrībhiḥ śraddhādamasamanvitaiḥ || jalāśāyī tu sampūjyo
deyā dhenuśca tanmayī

13.47

pratyakṣaṃ vā nṛpaśreṣṭha ghṛtadhenurathāpi vā || dakṣiṇābhiśca śreṣṭhābhirmiṣṭhānnaiśca pṛthagvidhaiḥ

13.48

toṣaṇīyāḥ prayatnena dvijā dharmabhṛtāṃ vara || tuṣṭo bhavati vai kṣipraṃ taistuṣṭairmokṣado hariḥ

13.49

ātmadrohaḥ kṛtastaistu yainaiṣā samrupoṣitā || pāpātmāno durācārā duṣṭāste nātra saṃśayaḥ

13.50

kulānāṃ ca śataṃ sāgramanācārarataṃ sadā
ātmanā saha sannītaṃ vāsudevasya mandiram

13.51

śāntairdānaparaiścaiva arcadbhiśca tathā harim || kurvadbhirjāgaraṃ
rātrau yairnaraiḥ samupoṣitā

13.52

annaṃ pānaṃ tathā gāvo vastraṃ śayyā''sanaṃ śubham || kamaṇḍalustathā chatraṃ dātavyaṃ
nirjalādine

13.53

upānahau ca yo dadyātpātrabhūte dvijottame || sa sauvarṇena yānena svargalokaṃ vrajed dhruvam

13.54

yaścemāṃ śṛṇuyādbhaktyā yaścāpi parikīrttayet || ubhau tau svargatau syātāṃ nātra kāryā vicāraṇā

13.55

yatphalaṃ
tu sinīvālyāṃ rāhugraste divākare || kṛtvā śrāddhaṃ labhenmartyastadasya śravaṇādapi

13.56

niyamaṃ ca prakurvīta
dantadhāvanapūrvakam || ekādaśyāṃ nirāhāro varjayiṣyāmi vai jalam

13.57

keśavaprīṇanārthāya anyadācamanāhate
dvādaśyāṃ devadeveśaḥ pūjanīyaśtrivikramaḥ

13.58

gandhapuṣpaistathā dīpairvāribhiḥ prīṇayeddharim || pūjayitvā vidhānena
maṃtrametamudīrayet

13.59

devadeva hṛṣīkeśa saṃsārārṇavatāraka || udakumbhapradānena naya māṃ paramāṃ gatim

13.60

tataḥ kumbhāḥ pradātavyā brāhmaṇebhyaḥ svaśaktitaḥ || sānnā vastrayutā bhīma chatropānatphalānvitāḥ

13.61

dānānyanyāni deyāni jaladhenurviśeṣataḥ || bhojayitvā tato viprān svayaṃ bhuñjīta vāgyataḥ

13.62

evaṃ yaḥ kurute pūrṇāṃ
dvādaśīṃ pāpanāśinīm || sarvapāpavinirmuktaḥ padaṃ gacchatyanāmayam

13.63

tataḥ prabhṛti bhīmena kṛtā hyekādaśī
śubhā || pāṇḍavadvādaśī nāmnā loke khyātā babhūva ha

13.14-2

iti śrībrahmāṇḍapurāṇe jyeṣṭhaśuklanirjalaikādaśīmāhātmyaṃ saṃpūrṇam

Linked texts (5)