Pramāṇa · Search · About · API

Ekadashikhanda 14

Ekādaśīkhaṇḍa 14

Language
Sanskrit

14.1

athaṣār̤hakṛṣṇaikādaśīkathā || yudhiṣṭhira uvāca || jyeṣṭhaśukle nirjalāyā māhātmyaṃ vai śrutaṃ mayā || āṣār̤hakṛṣṇapakṣetu
kināmaikādaśī bhavet

14.2

kathayasva prasādena mamāgre madhusūdana || śrīkṛṣṇa uvāca || vratānāmuttamaṃ rājankathayāmi
tavāgrataḥ

14.3

sarvapāpakṣayakaraṃ bhuktimuktipradāyakam || āṣāḍhasyāsite pakṣe yoginī nāma nāmataḥ

14.4

ekādaśī
nṛpaśreṣṭha mahāpātakanāśinī || saṃsārārṇavamagnānāṃ pārarūpā sanātanī

14.5

jagatraye sārabhūtā yoganīti narādhipa
kathayāmi kathāṃ tasyāḥ paurāṇīṃ pāpahāriṇīm

14.6

alakādhipatirnāmnā kuberaḥ śivapūjakaḥ || tasyāsītpuṣpabaṭṭako
hemamālīti nāmataḥ

14.7

tasya patnī surūpā ca viśālākṣīti nāmataḥ || sa tasyāṃ snehasaṃyuktaḥ kāmapāśavaśaṃ
gataḥ

14.8

manasātpuṣpanicayamānīya svagṛhe sthitaḥ || patnīpremasamāyukto na kuberālayaṃ gataḥ

14.9

kubero
devasadane karoti śivapūjanam || madhyāhnasamaye rājan puṣpāṇi na samīkṣate

14.10

hemamālī svabhavane ramate hi
tayā saha || yakṣarāṭ pratyuvācātha kālātikramakopitaḥ

14.11

kasmānnāyāti bho yakṣā hemamālī durātmavān
niścayaḥ kriyatāmasya pratyuvāca punaḥ punaḥ

14.12

yakṣā ūcuḥ || vanitākāmuko gehe ramate svecchayā nṛpa || teṣāṃ vākyaṃ samākarṇya kuberaḥ kopapūritaḥ

14.13

āhvayāmāsa taṃ tūrṇaṃ vaṭukaṃ hemamālinam || jñātvā kālātyayaṃ so'pi bhayavyākulalocanaḥ

14.14

ājagāma
namaskṛtya kuberasyāgrataḥ sthitaḥ || taṃ dṛṣṭvā dhanadaḥ kruddhaḥ kopasaṃraktalocanaḥ

14.15

pratyuvāca rūpāviṣṭaḥ
kopādvisphuritādharaḥ || dhanada uvāca || re pāpa duṣṭa durvṛtta kṛtavāndevahelanam

14.16

ato bhava śvitrayukto
viyuktaḥ kāntayā sadā || asmāt sthānādapadhvarato gaccha sthānamathādhamam

14.17

ityukte vacane tena tasmāt
sthānātpapāta saḥ || mahāduḥkhābhibhūtaśca kuṣṭapīḍitavigrahaḥ

14.18

na vai toyaṃ na bhakṣyaṃ ca vane raudre labhatyasau
na sukhaṃ divase tasya na nidrāṃ labhate niśi

14.19

chāyāyāṃ pīḍitastandurnidāghe'tyantapīḍitaḥ || śivapūjāprabhāveṇa
smṛtistasya na lupyate

14.20

pātakenābhibhūto'pi karma pūrvamanusmaran || bhramamāṇastato'gacchaddhimādri parvatottamam

14.21

tatrāpaśyanmunivaraṃ mārkaṇḍeyaṃ taponidhim || tasyāyurvidyate rājan brahmaṇo dinasaptakam

14.22

āśramaṃ sa gatastasya ṛṣerbrahmasadaḥ samam || vavande caraṇau tasya dūrataḥ pāpakarmakṛt

14.23

mārkaṇḍeyo munivaro dṛṣṭvā taṃ kuṣṭhinaṃ tadā || paropakaraṇārthāya samāhūyedamabravīt

14.24

mārkaṇḍeya uvāca
kasmātkuṣṭhābhibhūtastvaṃ kuto nindyataro hyasi || ityuktaḥ pratyuvācātha mārkaṇḍeyena dhīmatā

14.25

hemāmālyuvāca
yakṣarājasyānucaro hemamālīti nāmataḥ || mānasātpuṣpanicayamānīya pratyahaṃ mune

14.26

śivapūjanavelāyāṃ
kuberāya samarpaye || ekasmin divase kālaлоpaśca vihito mayā

14.27

patnīsaukhyaprasaktena kāmavyākulacetasā
tataḥ kruddhena śapto'haṃ rājarājena vai mune

14.28

kuṣṭhābhibhūtaḥ saṃjāto vibhaktaḥ kāntayā saha || adhunā tava
sānidhyaṃ prāpto'smi śubhakarmaṇā

14.29

satāṃ svabhāvataścittaṃ paropakaraṇakṣamam || iti jñātvā muni śreṣṭha śādhi
māṃ ca kṛtāṃnasam

14.30

mārkaṇḍeya uvāca || tvayā satyamiha proktaṃ nāsatyaṃ bhāṣitaṃ yataḥ || ato vratopadeśaṃ te
kariṣyāmi śubhapradam

14.31

āṣāḍhakṛṣṇapakṣe tvaṃ yoginīvratamācara || asya vratasya puṇyena kuṣṭhātvaṃ mucyase
dhuvam

14.32

iti vākyaṃ muneḥ śrutvā daṃḍavatpatitobhuvi || utthāpitaśca muninā babhūvātīva harṣitaḥ

14.33

mārkaṇḍeyopadeśena kṛtaṃ tena vratottamam || tadvratasyaprabhāveṇa devarūpa babhūva saḥ

14.34

saṃyogaṃ kāntayā lebhe
bubhuje saukhyamuttamam || īdṛgvidhaṃ nṛpaśreṣṭha kathitaṃ yoginī vratam

14.35

aṣṭāśītisahasrāṇi dvijān bhojayate tu yaḥ || tatphalaṃ samavāpnoti yoginīvratakṛnnaraḥ

14.36

mahāpāpapraśamanī
mahāpuṇyaphalapradā || śucau kṛṣṇaikādaśī te kathitā yoginī nṛpa

14.15-2

iti śrībrahmavaivarte āṣāḍhakṛṣṇaikādaśīyoginīmāhātmyaṃ samāptam

Linked texts (5)