Pramāṇa · Search · About · API

Ekadashikhanda 16

Ekādaśīkhaṇḍa 16

Language
Sanskrit

16.1

ārogyaṃ kāntimatulāṃ putrasaubhāgyasampadaḥ || śatrukṣayaṃ ca labhate brāhmaṇaḥ pratimo bhavet

16.2

aśvatthasevāṃ yaḥ
kuryāt sarvapāpaiḥ pramucyate || viṣṇubhakto bhavetpaścādante vastraṃ pradāpayet

16.3

sakāñcanaṃ brāhmaṇāya nava rogānsa
vindate || tulasīṃ dhārayedyastu viṣṇuprītikarīṃ śubhām

16.4

viṣṇulokamavāpnoti sarvapāpaiḥ pramucyate || brāhmaṇān
bhojayetpaścādviṣṇumuddiśya pāṇḍava

16.5

yastu supte hṛṣīkeśe dūrvāmṛtasambhavām || sadā prātarvahenmūrdhni śuddhātmā
ca ṛtudvaye

16.6

mantreṇānena rājendra lakṣmīnāthasya tuṣṭaye || tvaṃ dūrve'mṛtajanmāsi vaṃditā'si surāsuraiḥ

16.7

saubhāgyaṃ santatiṃ dattvā sadyaḥ kāryakarī bhava || vratānte ca kuruśreṣṭha dūrvāṃ svarṇavinirmitām

16.8

sāgrāṃ sarvadalopetāṃ
savatrāṃ dvijapuṃgave || dadyāddakṣiṇayā sārddhaṃ mantreṇānena suvrata

16.9

yathā śākhāpraśākhābhirvistṛtāsi mahītale
tathā mamāpi santānaṃ dehi tvamajarāmaram

16.110

evaṃ vrataṃ yaḥ kurute cāturmāsyamatandritaḥ || na ca duḥkhabhayaṃ tasya
na ca rogabhayaṃ bhavet

16.11

nāśubhaṃ prāpnuyājjātu pāpebhyaḥ pravimucyate || bhuktvā tu sakalān bhogān svargaloke
mahīyate

16.12

gītaṃ tu devadevasya keśavasya śivasya vā || karoti nityamāpnoti naro jāgaraṇe phalam

16.13

vratānte ca vratī dadyādghaṇṭāṃ devāya susvarām || guroravajñayā yajjñānadhyāye'dhyayanaṃ kṛtam

16.14

sarasvati jagannāthe
jagajjāḍyāpahāriṇi || sākṣādbrahmakalatraṃ ca viṣṇurudrādibhiḥstute

16.15

tanmamādhyayanotpannaṃ jāḍyaṃ hara varānane || ghaṇṭānādena tuṣṭā tvaṃ brahmāṇī lokapāvanī

16.16

viprapāda vinirmuktaṃ toyaṃ yaḥ pratyahaṃ pibet
cāturmāsye naro bhaktyā madrūpaṃ brāhmaṇaṃ smaran

16.17

manovākkāyajanitairmukto bhavati kilbiṣaiḥ || vyādhibhirnābhibhūyeta śrīrāyustasya varddhate

16.18

samāntau goyugaṃ dadyāddhāmekāṃ vā payasvinīm || tatrāpyaśakto rājendra dadyādāsoyugaṃ
vratī

16.19

brāhmaṇaṃ vandate yastu sarvadevamayaṃ smṛtam || kṛtakṛtyo bhavetsadyaḥ sarvapāpaiḥ pramucyate

16.120

akṣayyaṃ
sukhamāpnoti pitṛbhaktiparo naraḥ || samāntau bhojayedviprānāśuvittaṃ ca vindati

16.21

sandhyāṃ prātarnaraḥ kṛtvā
samānau ghṛtakuṃbhadaḥ || vastrayugamaṃ tilān ghaṇṭāṃ brāhmaṇāya nivedayet

16.22

sārasvataṃ yāti tattvaṃ vidyāvāṃstu
bhavediti || saṃspṛśetkapilāṃ yo vai nityaṃ sa ca bhaveddhanī

16.23

tāmevālaṃkṛtāṃ dadyātsarvāṃ bhūmimathāpi vā
sārvabhaumo bhavedrājā dīrghāyuśca pratāpavān

16.24

dānaśīlaḥ sadāraṃbhaḥ sarvasaṃkaṭavarjitaḥ || rūpavān bhāgyasampanno labhate sukhamakṣayam

16.25

sa vasedindravatsvarge
vatsarān romasaṃmitān || namaskaroti yaḥ sūryaṃ gaṇeśaṃ vāpi nityaśaḥ

16.26

āyurārogyamaiśvaryaṃ labhate kāntimuttamām || vighnarājaprasādena prāpnuyādīpsitaṃ phalam

16.27

sarvatra vijayaṃ caiva nātra kāryā vicāraṇā || raviḥ
kāryaḥ suvarṇasya siṃdūrāruṇasannibhaḥ

16.28

nivedayedbrāhmaṇāya sarvakāmārthasiddhaye || urasā śirasā dṛṣṭacā manasā
vacasā tathā

16.29

padbhyāṃ karābhyāṃ jānubhyāṃ praṇāmo'ṣṭāṃga ucyate || aṣṭāṃgasahitaṃ bhūmau namaskāreṇa yo'rcayet

16.30

sa yāṃ gatimavāpnoti na tāṃ kratuśatairapi || yastu raupyaṃ śivaprītyai dadyādvarṣāṛtutraye

16.31

tāmraṃ vā
pratyahaṃ dadyātsvaśaktyā śivatuṣṭaye || surūpām̐śchabhateputrān rudrabhaktiparāyaṇān

16.32

samāptau madhupūrṇaṃ tu pātraṃ
rājatamuttamam || pradadyāccāmradānena tāmrapātraṃ guḍānvitam

16.33

tāmraṃ puṣṭikaraṃ sarvadevapriyakaraṃ śubham || sarvarakṣākaraṃ
nityamataḥ śānti prayaccha me

16.34

yastu sume hṛṣīkeśe svarṇadānaṃ svaśaktitaḥ || vastrayugmaṃ tilaiḥ sārddhaṃ dattvā
doṣaiḥ pramucyate

16.35

iha bhuktvā mahābhogānante śivapuraṃ vrajet|| suvarṇaṃ rajataṃ tāmraṃ nityadānaṃ ca dhānyakam

16.36

nityaśrāddhaṃ devapūjā sarvametat sadakṣiṇam || vastradānaṃ tu yaḥ kuryāccāturmāsye dvijātaye

16.37

abhyarcya gandhapuṣpādyaiḥ sa viṣṇuḥ prīyatāmiti || śayyāṃ dadyātsamāptau tu vāsaḥ kāñcanapaṭṭikām

16.38

akṣayyaṃ sukhamāpnoti
dhanaṃ ca dhanadopamam || yo gopīcandanaṃ dadyānnityaṃ varṣāsu mānavaḥ

16.39

śrīpatistasya santuṣṭo mukti bhukti
dadāti ca || yadvai devāṅgasaṃlagnaṃ kuṃkumādivilepanam

16.140

jalakrīḍāsu gopīnāṃ dvāravatyā mṛdānvitam
gopīcandanamityuktaṃ munīndraiḥ kilviṣāpaham

16.41

tasmāddeyaṃ prayatnena viṣṇurdiśati vāñchitam|| samāptāvapi
tadvyāttulāparimitaṃ śubham

16.42

tadardhaṃ vā tadardhaṃ vā savastraṃ ca sadakṣiṇam || yastu sute hṛṣīkeśe pratyahaṃ tu
vratānvitaḥ

16.43

dadyāddakṣiṇayā sārddhaṃ śarkarāmapi vā guḍam || amṛtasya kalā proktā ikṣusārajaśarkarā

16.44

tasyā jñānena santuṣṭo bhānurdiśati vāṃchitam || evaṃ vrataṃ tu sampūrṇe kuryādudyāpanaṃ budhaḥ

16.45

kārayettāmrapātrāṇi
pratyekaṃ tu palāṣṭakam || vittaśāṭhyamakurvāṇo yadvā palacatuṣṭayam

16.46

aṣṭo catvāryathaikaikaṃ pratyekaṃ ca saśarkaram
dakṣiṇāphalavastreṇa pratyekaṃ veṣṭitāni ca

16.47

sahadhānyāni viprebhyaḥ śraddhayā pratipādayet || tāmrapātraṃ savastraṃ ca śarkarāhemasaṃyutam

16.48

sūryaprītikaraṃ yasmādrogaghnaṃ pāpanāśanam|| puṣṭidaṃ kīrttidaṃ nṝṇāṃ nityaṃ santānakārakam

16.49

sarvakāmapradaṃ svargyamāyurvarddhanamuttamam
tasmādasya pradānena kīrtirastu sadā mama

16.50

evaṃ vrataṃ tu yaḥ kuryāttasya puṇyaphalaṃ śṛṇu|| gandharvavidyāsaṃpannaḥ
sarvayoṣitpriyo bhavet

16.51

rājāpi labhate rājyaṃ putrārthī labhate sutān|| arthārthī prāpnuyādarthaṃ niṣkāmo
mokṣamāpnuyāt

16.52

yastu vai caturo māsāñchākamūlaphalādikam|| nityaṃ dadāti viprebhyaḥ śaktyā yatsambhavedvijaḥ

16.53

vratānte vastrayugaṃ ca śaktyā dadyātsadakṣiṇam|| sukhī bhūtvā ciraṃ kālaṃ rājayogī bhavennaraḥ

16.54

sarvadevapriyaṃ yasmācchākaṃ tṛptikaraṃ nṛṇām|| devarṣiprītidaṃ kandamūlapatrasapuṣpakam

16.55

dadāmi tena devādyāḥ
sadā kurvantu maṃgalam|| yastu supte hṛṣīkeśe pratyahaṃ tu ṛtudvaye

16.56

dadyātkaṭutrayaṃ martyo gṛhaparyaṃtamādarāt
brāhmaṇāya suśīlāya dineśaprītaye'nagha

16.57

dakṣiṇāsahitaṃ vipre mantreṇānena suvrata || kaṭutrayamidaṃ yasmādrogaghnaṃ
sarvadehinām

16.58

tasmādasya pradānena prīto bhavatu bhāskaraḥ|| evaṃ kṛtvā vrataṃ samyak kuryādudyāpanaṃ budhaḥ

16.59

kṛtvā svarṇamayīṃ śuṇṭhīṃ maricaṃ māgadhīmapi|| savastrāṃ dakṣiṇāyuktāṃ dadyādviprāya dhīmate

16.160

evaṃ vrataṃ yaḥ kurute
sa jīveccharadāṃ śatam|| prāpnuyādīpsitānarthānante svargaṃ vrajediti

16.61

muktāphalāni yo dadyānnityaṃ viprāya
sanmatiḥ|| annavānkīrtimāṃśchīmāñjāyate vasudhādhipaḥ

16.62

cāturmāsye pratyahaṃ tu kṣīrakumbhaṃ pradāpayet
beṣṭayitvā suvastreṇa phalairdakṣiṇayā saha

16.63

suvāsinīṃ śriyaṃ matvā gandhapuṣpairathārcayet || tāmbūlaṃ phalamekaṃ vā
dadyācchrīpataye namaḥ

16.64

samāptau yoṣitaṃ vipraṃ sūkṣmavastravibhūṣaṇaiḥ || mithunaṃ pūjayitvā tu jātipuṣpaiḥ suśobhanaiḥ

16.65

pumāṃstu striyamāpnoti nārī bhartāramāpnuyāt || pumāṃstu śriyamāpnoti sakalāmiva mādhavaḥ

16.66

tāmbūladānaṃ yaḥ kuryāddharjayeddhā jitendriyaḥ || raktavastradvayaṃ dadyātkarakaṃ ca sadakṣiṇam

16.67

mahālāvaṇyamāpnoti
sarvaroga vivarjitaḥ || medhāvī subhagaḥ prājño raktakaṇṭhaśca jāyate

16.68

gandharvatvamavāpnoti svargalokaṃ ca gacchati
tāmbūlaṃ śrīkaraṃ bhadraṃ brahmaviṣṇuśivātmakam

16.69

asya pradānādbrahmādyāḥ śriyaṃ dadatu puṣkalām || pūge brahmā hariḥ patre
cūrṇaṃ sākṣānmaheśvaraḥ

16.170

eteṣāṃ saṃpradānena santu me bhāgyasampadaḥ || pūritaṃ pūgacūrṇena nāgavallīdalānvitam

16.71

sacūrṇaṃ khādiraṃ caiva patrīphalasamanvitam || elālavaṃgasaṃmiśraṃ gandharvāpsarasāṃ priyam

16.72

kanakāḍhacaṃ nirātaṃkaṃ tvaṃ
prāsādātkuruṣva māṃ || cāturmāsyavratopetaḥ suvāsinyai dvijāya ca

16.73

nārī vā puruṣo vā'pi haridrāṃ samprayacchati || lakṣmīmuddiśya gaurīṃ vā tatpātre dakṣiṇānvitam

16.74

pradadyādbhaktisaṃyuktaṃ devī me prīyatāmiti || bhartrā saha
sukhaṃ bhuṃkte nārī naro tathā pumān

16.75

saubhāgyamakṣayaṃ dhānyaṃ dhanaputrasamunnatim || samprāpya rūpalāvaṇye devīloke
mahīyate

16.76

umāmaheśamuddiśya cāturmāsye dine dine || sampūjya vipramithunaṃ tasmai viprāya śaktitaḥ

16.77

dadyātsadakṣiṇaṃ haimamumeśaḥ prīyatāmiti|| umeśapratimāṃ haimīṃ dadyādudyāpane budhaḥ

16.78

paṃcopacāraiḥ sampūjya dhenuṃ
savṛṣabhāṃ naraḥ || bhojayedapi miṣṭānnaṃ tasya puṇyaphalaṃ śṛṇu

16.79

saubhāgyaṃ pūrṇamāyuṣyaṃ santatiścānapāyinī
sampattiścākṣayā kīrtirjāyate vratavaibhavāt

16.180

iha bhuktvā'khilān kāmānante śivapuraṃ vrajet|| tatra sthitvā
ciraṃ kālamupabhujya sukhaṃ mahat

16.81

puṇyaśeṣādihāgatya jāyate dharaṇīpatiḥ|| phaladānaṃ tu yaḥ kuryāccāturmāsyamatandritaḥ

16.82

samānnau kala dhautāni tāni dadyāddvijātaye|| sarvānmanorathānprāpya santatiścānapāyinīm

16.83

phaladānasya māhātmyānmodate nandane vane || puṣpadānaṃ vratenāpi svarṇapuṣpādi dāpayet

16.84

sa saubhāgyaṃ paraṃ
prāpya gandharvapadamāpnuyāt || vāsudeve prasupte tu cāturmāsyamataṃdritaḥ

16.85

nityaṃ vāmanamuddiśya dadhyannaṃ svādu
ṣaḍrasam || bhojayedathavā dadyādekādaśyāṃ na bhojayet

16.86

dānamevaṃ prakurvīta grahaṇādau tathaiva ca || aśaktau
nityadāne tu kuryātpañcasu parvasu

16.87

bhūtāṣṭamyāmamāyāṃ ca pūrṇimāyāṃ tathāpi ca || pratyarkavāramathavā pratibhārgavavāsaram

16.88

pakṣadvaye'pi dvādaśyāmavaśyaṃ dānameva ca || evaṃ kṛtvā samāptau tu yathāśakti mahīṃ dadet

16.89

aśaktau bhūmidāne tu dhenuṃ dadyāda laṃkṛtām || tatrāpyaśaktau vāsaśca sarukmaṃ pāduke tathā

16.190

chatropānadvrasaṃyutaṃ
dānaṃ sarvaṃ praśasyate || dvijānāṃ bhojanaṃ caiva kṣatriyasya yathāsukham

16.91

bhūmyādi muniśārdūla vaiśyasya vasudhāṃ
vinā || brāhmaṇasyāpi śakrasya śūdrasyāpi tathā matam || kubereṇa purā cīrṇa śaṃkarasyopadeśataḥ

16.92

jahnunā
gautamenāpi śakreṇāpi kṛtaṃ purā || akṣayyamannamāpnoti putrapautrādisaṃpadam

16.93

dṛḍhāṃgaḥ pūrṇamāyuṣyaṃ labhate
vairināśanam || sa sthirāṃ viṣṇubhaktiṃ ca prayāti harimaṃdiram

16.94

ārogyaṃ saukhyamatulaṃ rūpaṃ sampattimeva ca || na vandhyā jāyate cedamananyaphaladāyakam

16.95

nityaṃ payasvinīṃ
dadyātsālaṃkārāṃ śubhāvahām || dattvā tu dakṣiṇāṃ śaktyā sa sarvajñānavān bhavet

16.96

na parapreṣyatāṃ yāti brahmalokaṃ
ca gacchati || akṣayyaṃ sukhamāpnoti pitṛbhiḥ sahito naraḥ

16.97

vārṣikāṃścaturo māsān prājāpatyaṃ carennaraḥ
samātau goyugaṃ dadyātkṛtvā brāhmaṇabhojanam

16.98

sarvapāpaviśuddhātmā yāti brahma sanātanam || ekāntaropavāse tu
dīpānaṣṭau pradāpayet

16.99

vastrakāñcanayuktām̐śca śayyayā saha bhāminī || anaḍḍudvayasaṃyuktaṃ lāṃgalaṃ karṣaṇakṣamam

16.200

sarvopaskarasaṃyuktaṃ dadāmi prīyatāṃ hariḥ || śākamūlaphalairvāpi cāturmāsyaṃ nayennaraḥ

Linked texts (4)