Ekadashikhanda 18
Ekādaśīkhaṇḍa 18
- Language
- Sanskrit
18.1
atha śrāvaṇakṛṣṇaikādaśīkathā || yudhiṣṭhira uvāca || āṣāḍhaśuklapakṣe tu yaddevaśayanavratam
tanmayā śrutapūrvaṃ hi purāṇe bahuvistaram
18.2
śrāvaṇe kṛṣṇapakṣe tu kiṃnāmaikādaśī bhavet || etatkathaya govinda
vāsudeva namo'stu te
18.3
śrīkṛṣṇa uvāca || śṛṇu rājanpravakṣyāmi vrataṃ pāpapraṇāśanam || nāradāya purā rājanpṛcchate
ca pitāmahaḥ
18.4
paraṃ yaduktavāṃstāta tadahaṃ te vadāmi ca || nārada uvāca || bhagavacchrotumicchāmi tvatto'haṃ
kamalāsana
18.5
śrāvaṇasyāsite pakṣe kiṃnāmaikādaśī bhavet || ko devaḥ ko vidhistasyāḥ kiṃ puṇyaṃ kathaya prabho
18.6
brahmovāca || śṛṇu nārada te vacmi lokānāṃ hitakāmyayā || śrāvaṇaikādaśī kṛṣṇā kāmiketi ca nāmataḥ
18.7
tasyāḥ śravaṇamātreṇa vājapeyaphalaṃ labhet || tasyāṃ tu pūjayeddevaṃ śaṃkhacakragadādharam
18.8
śrīdharākhyaṃ hariṃ viṣṇuṃ mādhavaṃ madhusūdanam || yajate dhyāyate yo vai tasya puṇyaphalaṃ śṛṇu
18.9
na gaṅgāyāṃ na kāśyāṃ vai naimiṣe na ca puṣkare || tatphalaṃ samavāpnoti yatphalaṃ viṣṇupūjanāt
18.10
kedāre ca kurukṣetre rāhugraste divākare || na tatphalamavāpnoti yatphalaṃ kṛṣṇapūjanāt
18.11
saṃsāgaravanopetāṃ yo dadāti vasundharām || godāvaryāṃ gurau siṃhe vyatīpāte ca gaṇḍake
18.12
na tatphalamavāpnoti yatphalaṃ kṛṣṇapūjanāt
kāmikāvratakārī ca dvubhau samaphalau smṛtau
18.13
prasūyamānāṃ yo dhenuṃ dadyāt sopaskarāṃ naraḥ || tatphalaṃ
samavāpnoti kāmikāvratakārakaḥ
18.14
śrāvaṇe śrīdharaṃ devaṃ pūjayedyo narottamaḥ || tenaiva pūjitā devā gandharvoragapannagāḥ
18.15
tasmātsarvaprayatnena kāmikādivase hariḥ || pūjanīyo yathāśakti manuṣyaiḥ pāpabhīrubhiḥ
18.16
saṃsārārṇavamagnā ye pāpapaṃkasamākulāḥ || teṣāmuddharaṇārthāya kāmikāvratamuttamam
18.17
nātaḥ paratarā kācitpavitrā
pāpahāriṇī || evaṃ nārada jānīhi svayamāha purāḥ hariḥ
18.18
adhyātmavidyāniratairyatphalaṃ prāpyate naraiḥ || tato
bahutaraṃ viddhi kāmikāvratasevanāt
18.19
rātrau jāgaraṇaṃ kuryātkāmikāvratakṛnnaraḥ || na paśyati yamaṃ raudraṃ naiva
paśyati durgatim
18.20
na paśyati kuyoniṃ ca kāmikāvratasevanāt || kāmikāyā vratenaiva kaivalyaṃ yogino gatāḥ || sarvaiḥ sarvaprayatnena
kartavyā niyatātmabhiḥ
18.21
tulasīprabhavaiḥ patrairyo naraḥ pūjayeddharim || na vai sa lipyate pāpaiḥ padmapatramivāmbhasā
18.22
suvarṇabhāramekaṃ tu rajataṃ ca caturguṇam || dattvā yatphalamāpnoti tatphalaṃ tulasīdale
18.23
ratnamauktikavairdūryapravālādibhirarcitaḥ || na tuṣyati tathā viṣṇustulasīpūjanādyathā
18.24
tulasīmañjarībhistu pūjito yena keśavaḥ || ājanmakṛtapāpasya tena sammārjitā lipiḥ
18.25
yā dṛṣṭvā nikhilāghasaṃghaśamanī spṛṣṭā vapuḥ pāvanī
rogāṇāmabhivanditā niraśanī siktā'ntaka trāsinī|| pratyāsanna vidhāyinī bhagavataḥ kṛṣṇasya sāropitā nyastā
taccaraṇe vimuktiphaladā tasyai tulasyai namaḥ
18.26
dīpaṃ dadāti yo martyo divārātrau harordine || tasya puṇyasya
saṃkhyānaṃ citragupto'pi vetti na
18.27
kṛṣṇāgre dīpiko yastu jvaledekādaśīdine || pitarastasya tṛpyaṃti amṛtena
divi sthitāḥ
18.28
ghṛtena dīpaṃ prajvālya tilatailena vā punaḥ || prayāti sūryaloke'sau dīpakoṭiśanairvṛtaḥ
18.29
ayaṃ tavāgre kathitaḥ kārtikamahimā mayā || ato naraiḥ prakartavyā sarvapātakahāriṇī
18.30
brahmahatyā'paharaṇī bhrūṇahatyā vināśinī || tridivasthānadātrī ca mahāpuṇyaphalapradā
18.31
śrutaṃ māhātmyametasyā
naraiḥ śraddhāsamanvitaḥ || viṣṇulokamavāpnoti sarvapāpaiḥ pramucyate
18.17-2
iti śrībrahmavaivartapurāṇe śrāvaṇakṛṣṇakādaśīkāmikāmāhātmyaṃ samāptam
Linked texts (5)
- Padmapurāṇa — Vyāsa, Sanskrit
- Ṣaḍviṃśatyekādaśīmāhātmya — Sanskrit
- Vrataprakāśa — Viśvanātha 1711, Sanskrit
- Vrataprakasa (ed1884) — Sanskrit
- Jayasīṃhakalpadruma — Ratnākara 1688, Sanskrit