Pramāṇa · Search · About · API

Ekadashikhanda 22

Ekādaśīkhaṇḍa 22

Language
Sanskrit

22.1

athāśivanakṛṣṇaikādaśīkathā || yudhiṣṭhira uvāca || kathayasva prasādena samāgre madhusūdana || āśvine kṛṣṇapakṣe tu kināmaikādaśī
bhavet

22.2

śrīkṛṣṇa uvāca || āśvinasyāsite pakṣe iṃdirā nāma nāmataḥ || tasyā vrataprabhāveṇa mahāpāpaṃ
praṇaśyati

22.3

adhoyonigatānāṃ ca pitṝṇāṃ gatidāyinīm || śṛṇuṣvāvahito rājan kathāṃ pāpaharāṃ parām

22.4

yasyāḥ śravaṇamātreṇa vājapeyaphalaṃ labhet || purā kṛtayuge rājā babhūva ripusūdanaḥ

22.5

indrasena iti
khyātaḥ purīṃ māhiṣmatīṃ prati || sa rājyaṃ pālayāmāsa dharmeṇa yaśasā'nvitaḥ

22.6

putrapautrasamāyukto dhanadhānyasamanvitaḥ || māhiṣmatyadhipo rājā viṣṇubhaktiparāyaṇaḥ

22.7

japan govindanāmāni muktidāni narādhipaḥ
kālaṃ nayati vidhivadadhyātmasya vicintakaḥ

22.8

ekasmindivase rājñi sukhāsīne sadogate || avatīryāgamaddhīmānambarānnārado muniḥ

22.9

tamāgatamadhiprekṣya
pratyutthāya kṛtāñjaliḥ || pūjayitvārghavidhinā cāsane saṃnyaveśayat

22.10

sukhopaviṣṭaḥ sa muniḥ pratyuvāca nṛpottamam || kuśalaṃ tava rājendra saptasvaṅgeṣu vartate

22.11

dharme matirvartate te viṣṇubhaktiratistathā || iti vākyaṃ tu devarṣeḥ śrutvā rājā tamabravīt

22.12

rājovāca || tvatprasādānmuniśreṣṭha sarvatra kuśalaṃ mama || adya kratukriyāḥ sarvāḥ saphalāstava darśanāt

22.13

prasādaṃ kuru viprendra brahmāgamanakāraṇam || iti rājño vacaḥ śrutvā devarṣirvākyamabravīt

22.14

nārada uvāca || śrūyatāṃ rājaśārdūla madvaco vismayapradam || brahmalokādahaṃ prāpto yamalokaṃ
nṛpottama

22.15

śamanenārcito bhaktyā upaviṣṭo varāsane || dharmaśīlaḥ satyavāṃstu bhāskaraṃ samupāsate

22.16

bahupuṇyaprakartā ca vratavaikalpa doṣataḥ || sabhāyāṃ śrāddhadevasya mayā dṛṣṭaḥ pitā tava

22.17

kathitastena sandeśastaṃ
nibodha janeśvara || indrasena iti khyāto rājā māhiṣmatīprabhuḥ

22.18

tasyāgre kathaya brahman sthitaṃ māṃ yamasannidhau
kenāpi cāṃtarāyeṇa pūrvajanmodbhavena vai

22.19

svargaṃ preṣaya māṃ putra iṃdirāvratadānataḥ || ityukto'haṃ samāyātaḥ
samīpaṃ tava pārthiva

22.20

pituḥ svargataye rājannindirāvratamācara ||tena vrataprabhāvena svargaṃ yāsyati te pitā

22.21

rājovāca || kathayasva prasādena bhagavannindirāvratam || vidhinā kena kartavyaṃ kasminpakṣe tithau tathā

22.22

nārada uvāca || śṛṇu rājan hitaṃ vacmi vratasyāsya vidhiṃ śubham || āśvinasyāsite pakṣe daśamī divase śubhe

22.23

prātaḥ snānaṃ prakurvīta śraddhāyuktena cetasā || tato madhyāhnasamaye snānaṃ kṛtvā bahirjale

22.24

pitṝṇāṃ
prītaye śrāddhaṃ kuryācchraddhāsamanvitaḥ || ekabhuktaṃ tataḥ kṛtvā rātrau bhūmau śayīta ca

22.25

prabhāte vimale jāte
prāpte caikādaśīdine || mukhaprakṣālanaṃ kuryāddantadhāvanapūrvakam

22.26

upavāsasya niyamaṃ gṛhīyādbhakti bhāvataḥ
adya sthitvā nirāhāraḥ sarvabhogavivarjitaḥ

22.27

śvo bhokṣye puṇḍarīkākṣa śaraṇaṃ me bhavācyuta|| ityevaṃ niyamaṃ
kṛtvā madhyāhnasamaye tathā

22.28

śālagrāmaśilāgre tu śrāddhaṃ kṛtvā yathāvidhi || bhojayitvā dvijāñchuddhāndakṣiṇābhiḥ supūjitān

22.29

pitṛśeṣaṃ samāghrāya gave dadyādvicakṣaṇaḥ ||pūjayitvā hṛṣīkeśaṃ dhūpagandhādibhistathā

22.30

rātrau jāgaraṇaṃ kuryātkeśavasya samīpataḥ || tataḥprabhātasamaye samprāpte dvādaśīdine

22.31

arcayitvā hariṃ bhaktyā bhojayitvā dvijānatha || baṃdhudauhitraputrādyaiḥ svayaṃ bhuñjīta vāgyataḥ

22.32

anena vidhinā
rājankuru vratamatandritaḥ || viṣṇulokaṃ prayāsyaṃti pitarastava bhūpate

22.33

ityuktvā nṛpatiṃ rājanmunirantaradhīyata || yathoktavidhinā rājā cakāra vratamuttamam

22.34

antaḥpureṇa
sahitaḥ putrabhṛtyasamanvitaḥ || kṛte vrate tu kaunteya puṣpavṛṣṭirabhūddivaḥ

22.35

tatpitā garuḍārūḍho jagāma maṃdiram
indraseno'pi rājarṣiḥkṛtvā rājyamakaṇṭakam

22.36

rājyaṃ niveśya tanayaṃ jagāma tridivaṃ svayam || iṃdirāvratamāhātmyaṃ tavāgre kathitaṃ mayā

22.37

paṭhanācchravaṇāccāsya sarvapāpaiḥ pramucyate || bhuktveha nikhilān bhogān
viṣṇuloke vasecciram

22.21-2

iti śrībrahmavaivarte॰ āśvina kṛṣṇaikādaśīndirāmāhātmyaṃ samāptam

Linked texts (6)