Ekadashikhanda 23
Ekādaśīkhaṇḍa 23
- Language
- Sanskrit
23.1
atha āśvinaśuklaikādaśīkathā || yudhiṣṭhira uvāca || kathayasva prasādena bhagavanmadhusūdana || itasya śuklapakṣe tu
kiṃnāmaikādaśī bhavet
23.2
śrīkṛṣṇa uvāca || śṛṇu rājendra vakṣyāmi māhātmyaṃ pāpanāśanam || śuklapakṣe
cāśvayuje bhavedekādaśī tu yā
23.3
pāśāṃkuśeti vikhyātā sarvapāpaharā parā || padmanābhidhānaṃ tu pūjayettatra
mānavaḥ
23.4
sarvābhīṣṭaphalaprāpyai svargamokṣapradaṃ nṛṇām || tapastaptvā narastīvraṃ ciraṃ suniyatendriyaḥ
23.6
yatphalaṃ
samavāpnoti taṃ natvā garuḍadhvajam || kṛtvāpi bahuśaḥ pāpaṃ naro mohasamanvitaḥ
23.6-2
na yāti narakaṃ ghoraṃ natvā pāpaharaṃ harim || pṛthivyāṃ yāni tīrthāni puṇyānyāyatanāni ca
23.7
tāni sarvāṇyavāpnoti
viṣṇornāmānukīrtanāt || devaṃ śārṅgadharaṃ viṣṇuṃ ye prapannā janārdanam
23.8
na teṣāṃyamalokaśca nṛṇāṃ vai jāyate
kacit || upoṣyaikādaśīmekāṃ prasaṃgenāpi mānavāḥ
23.9
na yāṃti yātanāṃ yāmyāṃ pāpaṃ kṛtvātidāruṇam
vaiṣṇavaḥ puruṣo bhūtvā śivanindāṃ karoti yaḥ
23.10
yo nidedvaiṣṇavaṃ lokaṃ sa yāti naraka dhruvam || aśvamedhasahasrāṇi rājasūyaśatāni ca
23.11
ekādaśyupavāsasya kalāṃ nārhati ṣoḍaśīm || ekādaśīsamaṃ puṇyaṃ
kiñcilloke na vidyate
23.12
nedṛśaṃ pāvanaṃ kiñcittriṣu lokeṣu vidyate || yādṛśaṃ padmanābhasya dinaṃ pātakahānidam
23.13
yāvatnopoṣyate jaṃtuḥ padmanābhadinaṃ śubham || tāvatpāpāni dehe'sminstiṣṭhanti manujādhipa
23.14
naikādaśīsamaṃ kiñcittriṣu lokeṣuvidyate || vyājenāpi kṛtā rājanna darśayati bhāskarim
23.15
svargamokṣapradā
hyeṣā śarīrārogyadāyinī || sukalatrapradā hyeṣā dhanadhānyapradāyinī
23.16
na gaṃgā na gayā rājanna kāśī na ca
puruṣakaram || na cāpi kauravaṃ kṣetraṃ puṇyaṃbhūpaharerdināt
23.17
rātraujāgaraṇaṃ kṛtvā samupoṣya harerdinam || anāyāsenabhūpāla prāpyate vaiṣṇavaṃ padam
23.18
daśa vai mātṛpakṣe ca daśa rājendra paitṛke || priyāyā daśa pakṣe tu puruṣānuddharennaraḥ
23.19
caturbhujā divyarūpā
nāgārikṛtaketanāḥ || sragviṇaḥ pītavastrāśca prayānti harimandiram
23.20
bālatve yauvanatve ca vṛddhatve'pi nṛpottama
upoṣya dvādaśī nūnaṃ naiti pāpo'pi durgatim
23.21
pāśāṃkuśāmupoṣyaiva āśvine cāsitetare || sarvapāpavinirmukto
harilokaṃ sa gacchati
23.22
dattvā hematilānbhūmi gāmannamudakaṃ tathā || upānadvastracchatrādi na paśyati yamaṃ naraḥ
23.23
avandhyaṃ divasaṃ kuryāddaridro'pi nṛpottama || samācāranyathāśakti snānadānādikāḥ kriyāḥ
23.24
taḍāgārāmasaudhānāṃ sattrāṇāṃ puṇyakarmaṇām || kartāro naiva paśyanti dhīrāstāṃ yamayātanām
23.25
dīrghāyuṣo
dhanāḍhyāśca kulīnā rogavarjitāḥ || dṛśyante mānavā loke puṇyakartāra īdṛśāḥ
23.26
kimatra bahunoktena yāntyadharmeṇa
durgatim || ārohanti divaṃ dharmenātra kāryā vicāraṇā
23.27
iti te kathitaṃ rājanyat pṛṣṭo'haṃ tvayānagha
23.22-2
iti śrībrahmavaivartapurāṇe āśvinaśuklaikādaśīpāśāṃkuśāmāhātmyaṃ samāptam
Linked texts (7)
- Padmapurāṇa — Vyāsa, Sanskrit
- Nāradapurāṇa — Vyāsa, Sanskrit
- Ṣaḍviṃśatyekādaśīmāhātmya — Sanskrit
- Pāpāṅkuśaikādaśīmāhātmya — Sanskrit
- Vrataprakāśa — Viśvanātha 1711, Sanskrit
- Vrataprakasa (ed1884) — Sanskrit
- Vṛndāvanakhaṇḍe Gargasahhitā — Sanskrit