Pramāṇa · Search · About · API

Ekadashikhanda 26

Ekādaśīkhaṇḍa 26

Language
Sanskrit

26.1

ayācite balīvardaṃ sahiraṇyaṃ pradāpayet || āmāṃsāśī naro yastu pradadedgāṃ sadakṣiṇām

26.2

dhātro snāyī naro dadyādghṛtamākṣikameva ca || phalānāṃ niyame rājan phaladānaṃ samācaret

26.3

tailasthāne ghṛtaṃ deyaṃ
ghṛtasthāne payaḥ smṛtam || dhānyānāṃ niyame rājan dīyante śālitaṇḍulāḥ

26.4

dadyādbhūśayane śayyāṃ satūlāṃ saparicchadām || patrabhojī naro rājan bhojanaṃ ghṛtasaṃyutam

26.5

maune ghaṇṭāṃ
tilāścaiva sahiraṇyaṃ pradāpayet || daṃpatyorbhojanaṃ deyaṃ niḥsnehaṃ sarpiṣā yutam

26.6

dhāraṇena svakeśānāmādarśa
dāpayedbudhaḥ || upānahau pradātavye upānatparivarjanāt

26.7

lavaṇasya ca saṃtyāge śarkarāṃ ca pradāpayet
nityaṃ dīpaḥ pradeyastu viṣṇorvā vibudhālaye

26.8

sardāpaṃ saghṛtaṃ tāmraṃ kāṃcanaṃ vā daśāyutam || pradadyādviṣṇubhaktāya || saṃpūrṇavratahetave

26.9

ekāṃtaropavāse tu kumbhānaṣṭau pradāpayet || savastrān kāṃcanopetānsarvān sālakṛtāñchubhān

26.10

sarveṣāmapyalābhe tu yathoktakaraṇaṃ vinā || dvijavākyaṃ smṛtaṃ rājansaṃpūrṇavratasiddhidam

26.11

natvā visarjayedviprāṃstato bhuñjīta ca svayam. || yastvekataṃ caturo māsānsamāptiṃ tasya cācareta

26.12

evaṃ ya ācaretprājñaḥ so'nantaphalamāpnuyāt || avasāne tu rājendra vāsudevapuraṃ vrajet

26.13

yaścāvighnaṃ samāpyaivaṃ cātu-māsyavrataṃ nṛpa || sa bhavet kṛtakṛtyastu na punarmānuṣo bhavet

26.14

etatkṛtvā mahīpāla paripūrṇaṃ vrataṃ bhavet || vratavaikalyamāsādya hyaṃdhaḥ kuṣṭhī prajāyate

26.15

etatte sarvamākhyātaṃ yatpṛṣṭo'hamiha tvayā || paṭhanācchravaṇādyāpi labhedgodānajaṃ phalam

26.24

iti śrīskaṃdapurāṇe kārtikaśuklaikādaśīprabodhinīmāhātmyaṃ samātama

Linked texts (5)