Pramāṇa · Search · About · API

Ekadashikhanda 27

Ekādaśīkhaṇḍa 27

Language
Sanskrit

27.1

athādhikamāsaśuklaikādaśīkathā || yudhiṣṭhira uvāca || malimlucasya māsasya kā vā ekādaśī bhavet || kiṃ
nāma ko vidhistasyāḥ kathasva janārdana

27.2

śrīkṛṣṇa uvāca || mama māsasya yā puṇyā proktā nāmnā ca
padminī || sopoṣitā prayatnena padmanābhapuraṃ nayeta

27.3

mama māse mahāpuṇyā kīrtiṃkā kalmaṣāpahā || tasyāḥ
phalaṃ kathayituṃ na śaktaścaturānanaḥ

27.4

nāradāya purā proktaṃ vidhinā vratamuttamam || padminyāḥ pāparāśighnaṃ
bhuktimuktiphalapradam

27.5

śrutvā vākyaṃ murārestu provācātimudānvitaḥ || yudhiṣṭhiro jagannāthaṃ vidhiṃ papraccha
dharmavit

27.6

śrutvā rājāstu vacanaṃ prītyutphullāmbujekṣaṇaḥ || śṛṇu rājan pravakṣyāmi munīnāmapyagocaram

27.7

daśamīdivase prāpte vratārambho vidhīyate || kāṃsyaṃ māṃsaṃ masūrāṃśca caṇakān kodravāṃstathā

27.8

śākaṃ madhu parānnaṃ
ca daśamyāṃ daśa varjayet || haviṣyānnaṃ ca bhuñjīta akṣāralavaṇaṃ tathā

27.9

bhūmiśāyī brahmacārī bhavecca daśamīdine

27.10

ekādaśīdine prāpte prātarutthāya sādaram || vidhāya ca malotsargaṃ na kuryāddantadhāvanam

27.11

kṛtvā dvādaśa gaṇḍūṣāñchucirbhūtvā samāhitaḥ || sūryodaye śubhe tīrthe snānārthī pravrajetsudhīḥ

27.12

gaumayaṃ
mṛttikāṃ gṛhya tilān darbhāṃcchucistathā || cūrṇairāmalakībhūtairvidhinā snānamācaret

27.13

uddhṛtāsi varāheṇa kṛṣṇena śatabāhunā || mṛttike brahmadattāsi kaśyapenābhimaṃtritā

27.14

tvaṃ me kuru pavitrāṅgaṃ
lagnā netre śiro ruhe || haripūjanayogyaṃ māṃ mṛttike kuru te namaḥ

27.15

sarvauṣadhisamutpannaṃ gavodagramadhiṣṭhitam
pavitrakaraṇaṃ bhūmermīpāvayatu gomayam

27.16

brahmaṣṭhīvanasaṃbhūtā dhātrī bhuvanapāvanī || saṃspṛṣṭā pāvayāṅgaṃ me nirmalaṃ
kurute namaḥ

27.17

devadeva jagannātha śaṃkhacakra gadā dharaḥ || dehi viṣṇo mamānujñāṃ tava tīrthāvagāhane

27.18

vāruṇāṃśca japenmaṃtrānsnānaṃ kuryādvidhānataḥ || gaṃgāditīrthaṃ saṃsmṛtya yatra kutra jalāśaye

27.19

paścātsaṃmārjayedgātraṃ
vidhinā nṛpasattama || mukhe pṛṣṭhe ca hṛdaye bāhvoḥ śirasi cāpyadhaḥ

27.20

paridhāya sukhaṃ vāsaḥ śuklaṃ śuci
dyakhaṃḍitam || tataḥ kuryāddhareḥ pūjāṃ mahāpāpaṃ vinaśyati

27.21

saṃdhyāmupāsya vidhinā tarpatecca pitṝnsurān
haremeṃdigmāgatya pūjayetkamalāpatim

27.22

svarṇamātraṃ kṛtaṃ devaṃ rādhikāsahitaṃ harim || pārvatyā sahitaṃ devaṃ
pūjayedvidhipūrvakam

27.23

kumbhopari nyaseddevaṃ tāmrapātre'tha mṛnmaye || divyavastrasamāyukte divya gandhānuvāsite

27.24

tasyopari nyesetpātra tāmra raupya hiraṇmayam || tasminsaṃsthāpayeddevaṃ vidhinā pūjayettataḥ

27.25

saṃsthāpya
salilaiḥ śreṣṭhairgaṃdhadhūpādivāsitaiḥ || caṃdanāgurukarpūraiḥpūjayeddevamīśvaram

27.26

nānākusumakastūrīkuṃkumena sitāṃbujaiḥ || tatkālajātaiḥ kusumaiḥpūjayetparameśvaram

27.27

naivedyairvividhaiḥ śaktyā
tathā nīrājanādibhiḥ || dhūpaiḥ dīpaiḥ saṃkarpūraiḥ pūjayetkeśava śivam

27.28

nṛtyaṃ gītaṃ tadagre tu kuryādbhaktipuraḥ
saram || nālapetpatitānpāpāṃstāsminnahani na spṛśet

27.29

nānṛtaṃ hi vadeddhākayaṃ satyapūtaṃ vaco vadet
rajasvalāṃ na spṛśecca na nindedbrāhmaṇaṃ gurum

27.30

purāṇaṃ purato viṣṇoḥ śṛṇuyātsaha vaiṣṇavaiḥ || nirjalā sā
prakartavyā yā ca śukke malimluce

27.31

jalapānena vā kuryāddugdhāhāreṇa nāyanthā || rātrau jāgaraṇaṃ kuryādgītavāditra saṃyutam

27.32

prathame prahare pūjā nārikelārghamuttamam || dvitīye śrīphalaiścaiva tṛtīye bījapūrakaiḥ

27.33

caturthe pūjayetpūgairnāraṃgaiśca viśeṣataḥ || prathame prahare puṇyamagniṣṭomasya jāyate

27.34

dvitīye vājapeyasya tṛtīye
hayamedhajam || caturthe rājasūyasya jāyato jāyate phalaṃ

27.35

nātaḥ parataraṃ puṇyaṃ nātaḥ paratarā makhāḥ || nātaḥ
paratarā vidyā nātaḥparataraṃ tapaḥ

27.36

pṛthivyāṃ yāni tīrthāni kṣetrāṇyāyatanāni ca || tāni snātāni dṛṣṭāni
yenākāri harervratam

27.37

evaṃ jāgaraṇaṃ kuryādyāvatsūryodayaṃ bhavet || sūryodaye śubhetīrthe gatvā snānaṃ samācaret

27.38

snātvaivāgatya bhāvena pūjayeddevamīśvaram || pūrvoditena vidhinā bhojayedbrāhmaṇāñchubhān

27.39

kumbhādikaṃ ca yatsarvaṃ pratimāṃ keśavasya ca || pūjayitvā vidhānena brāhmaṇāya samarpayeta

27.40

evaṃvidhaṃ vrataṃ
yo vai karute bhuvi mānavaḥ || saphalaṃ jāyate tasya vrataṃ muktiphalapradam

27.41

etatte sarvamākhyātaṃ yatpṛṣṭo'haṃ
tvayā'nagha || malimlucasya māsasya śuklāyā vidhimuttamam

27.42

vratāni tena cīrṇāni sarvāṇi nṛpanandana
padminyāḥprītiyukto yaḥ kurute vratamuttamam

27.44

kṛṣṇāyā malamāsasya vidhistasyāpi tāhaśaḥ || paramā sā
tu vijñayā sarvapāpakṣayakarī ||43||atra te kathayiṣyāmi kathāmekāṃ manoramām || nāradāya pulastyena vistāreṇa
niveditām

27.45

kārtavīryeṇa kārāyāṃ nikṣiptaṃ vīkṣya rāvaṇam || vimocitaḥ pulastyena yācayitvā mahīpatim

27.46

tadāścaryaṃ tadā śrutvā nārado divyadarśanaḥ|| prapaccha ca yathā bhaktyā pulastye munipuṃgavam

27.47

daśānanena vijitāḥ sarve devāḥ savāsavāḥ || kārtavīryeṇa vijitaḥ kathaṃ raṇaviśāradaḥ

27.48

nāradasya vacaḥ śrutvā pulastyo munimabravīt || śṛṇu vatsa pravakṣyāmi kārtavīryasamudbhavam

27.49

purā tretāyuge rājanmāhiṣmatyāṃ bṛhattaraḥ || haihayānāṃ kule jātaḥ kṛtavīryo mahīpatiḥ

27.50

sahasraṃ pramadāstasya nṛpasya prāṇavallabhāḥ na tāsāṃ tanayaṃ kaścidebhe rājadhuraṃdharaḥ

27.51

yajandevānpitṝn siddhānpracikitsād bṛhattarān|| teṣāṃ vākyādvrataṃ kurvanna labdhastanayastadā

27.52

sutaṃ vinā
tadā rājyaṃ na sukhāya mahīpateḥ || kṣudhitasya yathā bhogā na bhavanti sukhapradā

27.53

vicārya citte nṛpatistapastaptuṃ mano dadhe || tapasaiva sadā siddhirjāyate manasepsitā

27.54

ityuktvā sahabhāryaśca cīravāsā jaṭādharaḥ|| tapastaptuṃ gṛhaṃ nyasya suvicārya sumaṃtriṇe

27.55

nirgataṃ nṛpatiṃ vīkṣya padminī pramadottamā || hariścandrasya
tanayā ikṣvākukulasambhavā

27.56

pativratā priyaṃ dṛṣṭvā tapastaptuṃ kṛtodyamam || bhūṣaṇāni parityajya cīramekaṃ
samāśrayet

27.57

jagāma patinā sārddhaṃ parvate gandhamādane || gatvā tatra tapastepe varṣāṇāmayutaṃ nṛpaḥ

27.58

na lebhe tanayaṃ rājye dhyāyandevaṃ gadādharam || asthisnāyumayaṃkāntaṃ dṛṣṭvā sā pramadottamā

27.59

anasūyāṃ
mahāsādhvī papraccha vinayānvitā || bhartuḥ pratapataḥ sādhvi varṣāṇāmayutaṃ gatam

27.60

tathāpi na prasanno'bhūtkeśavaḥ kleśanāśanaḥ || vadaṃtaṃ mama mahābhāge kathayasva yathātatham

27.61

yena prasanno bhagavān mama bhaktyā prajāyate || yena me jāyate putraścakravartī bṛhattaraḥ

27.62

śrutvā tasyāstu vacanaṃ pativrataparāyaṇā || yaṃ pravrajantaṃ nṛpatiṃ svayaṃ vavrāja dīkṣitam

27.63

tadā provāja saṃhṛṣṭā padminīṃ padmalocanām || snātvā mālmiuce śubhru māsadvādaśasaṃmate

27.64

triśaddinaiśca bhavati māsaḥ pūrṇaḥ śubhānane || tanmadhye dvādaśīyugmaṃ padminī paramā tathā

27.65

upoṣya tatprakartavyaṃ vidhinā jāgaraiḥ samam || śīghraṃ prasanno bhagavānbhaviṣyati sutapradaḥ

27.66

ityuktvā kathayatsarvaṃ mayā pūrvoditaṃ nṛpa
vidhiṃ vratasya vidhivatprasannā kardamāṅgajā

27.67

śrutvā vratavidhiṃ sarvaṃ yathoktamanasūyayā || cāvam̐gyakṛta tatsarva
putraprāptimabhīpsatī

27.68

ekādaśyāṃ nirāhārā sadā jātā ca nirmalā || jāgareṇa yutā rātrau gītanṛtyasamanvitā

27.69

pūrṇe vrate ca vai śīghraṃ prasannaḥ keśavaḥ svayam || babhāṣe garuḍārūḍho varaṃ varaya śobhane

27.70

śrutvā vākyaṃ jagaddhātuḥ stutvā prītyā śucismitā || yayāce'tha varaṃ dehi mama bharturbṛhattaram

27.71

padminyāstadvacaḥ śrutvā kṛṣṇaḥ prītaḥ priyaṃvadaḥ || tvayā'haṃ toṣito bhadre pratyuvāca janārdanaḥ

27.72

malimlucaśca
māso'sau nā'nyo me prītidāyakaḥ || tanmadhyaikādaśī ramyā mama prītivivardhinī

27.73

sā tvayopoṣitā śubhru
yathoktavidhināmunā|| tena tvayā prasanno'haṃ kṛto'smi subhagānane

27.74

tava bhartuḥ pradāsyāmi varaṃ yanmanasepsitam|| ityuktvā nṛpatiṃ prāha viṣṇurviśvārtināśanaḥ

27.75

varaṃ varaya rājendra
yatte manasi kāṃkṣitam || santoṣito'haṃ priyā tava siddhicikīrṣayā

27.76

śrutvā tadvacanaṃ viṣṇoḥ prasanno
nṛpasattamaḥ || vatre sutaṃ mahābāhuṃ sarvalokanamaskṛtam

27.77

na devairmānuṣairnāgairdaityadānava rākṣasaiḥ || jetuṃ śakyo
jagannātha vinā tvāṃ madhusūdana

27.78

ityukto bāḍhamityukvā tatraivāntaradhīyata || nṛpo'si suprasannātmā hṛṣṭaḥ
puṣṭaḥ priyāyutaḥ

27.79

samāyātsvapuraṃ ramyaṃ naranārī manoramam || sapatnyāṃ sutaṃ lebhe kārttavīryaṃ mahābalam

27.80

na tena sadṛśaḥ kaścittriṣu lokeṣu mānavaḥ || tasmātparājitaḥ saṃkhye rāvaṇo daśakandharaḥ

27.81

na taṃ
jetuṃ samartho'sti triṣu lokeṣu kaścana || vinā nārāyaṇaṃ devaṃ cakrapārṇiṃ gadādharam

27.82

na tvayā vismayaḥ
kāryo rāvaṇasya parājaye || malimlucaprasādena padminyāścāpyupoṣaṇāt

27.83

datto devādhidevena kārtavīryo
mahābalaḥ || ityuktā prayayau vipraḥ prasannenāntarātmanā

27.84

śrīkṛṣṇa uvāca || etatte sarvamākhyātaṃ yatpṛṣṭo'haṃ
tvayānagha || malimlucasya māsasya śuklāyāḥ sambhavo mahān

27.85

ye kariṣyanti manujāste yāsyanti
hareḥ padam || tvamevaṃ kuru rājendra yadi ceṣṭāmabhīpsasi

27.86

keśavasyavacaḥ śrutvā dharmarājo'tiharṣitaḥ || cakre vrataṃ vidhānena bandhubhiḥ parivāritaḥ

27.87

sūta uvāca
etatte sarvamākhyātaṃ yatpṛṣṭo'haṃ purā dvija || puṇyaṃ pavitraṃ paramaṃ ki bhūyaḥ śrotumicchasi

27.88

evaṃvidhaṃ
ye'pi vrataṃ manuṣyā bhaktyā kariṣyaṃti malimlucasya || upoṣitā yaistu sukhapradātrī yā śuklapakṣe bhuvi te'pi
dhanyāḥ

27.89

śroṣyanti ye tasya vidhiṃ samagraṃ te'pyaṃśabhājā manujā praśastāḥ || ye vai paṭhiṣyanti
kathāṃ samagrāṃ te vai gamiṣyaṃti harernivāsam

27.25-2

ityadhikaśuklaikādaśīkathā samāptā

Linked texts (3)