Pramāṇa · Search · About · API

Ekadashikhanda 28

Ekādaśīkhaṇḍa 28

Language
Sanskrit

28.1

athādhikakṛṣṇaikādaśī kathā || yudhiṣṭhira uvāca || malimlucasya māsasya kṛṣṇā kā kathyate vibho || kiṃ nāma ko vidhistasyāḥ kathayasva jagatpate

28.2

śrīkṛṣṇa uvāca || parameti samākhyātā pavitrā pāpahārikā
bhuktimuktipradā nṛṇāṃ bhogadā ca yudhiṣṭhira

28.3

pūrvoktavidhinā kāryā śuklāyāḥ sahaśena vai || pūjayetparayā bhaktyā nāmnā devaṃ narottamam

28.4

atrate kathayiṣyāmi kathāmetāṃ manoramām || kāmpilyanagare jātā munīnāmagrataḥ śrutām

28.5

āsīddvijavaraḥ kaścitsumedhā nāma dhārmikaḥ || tasya patnī pavitrākhyā pātivratyaparāyaṇā

28.6

karmaṇā kenaciddvijo dhanadhānyavivarjitaḥ || na kāpi labhate bhikṣāṃ yācannapi narān bahūn

28.7

na bhojyaṃ labhate
tāhaṅgana vastraṃ naiva maṇḍanam|| rūpayauvanamādhuryaṃ nārī śuśrūṣate patim

28.8

atithiṃ pūjayetkāpi tadā sā kṣudhitā
gṛhe|| tiṣṭhatyeva viśālākṣī na mlānamukhapaṅkajā

28.9

vilokya bhāryāṃ sudatīṃ karśaṃtīṃ svakalevaram|| na bharttāraṃ
kaciccaiva nāstyannamiti bhāṣate

28.10

vicārya brāhmaṇaścinte bhāryāyāḥ premabandhanam|| nindanbhāgyaṃ svakaṃ vipraḥ
proce vākyaṃ priyaṃvadām

28.11

kānte karomi kiṃ kāryaṃ na mayā labhyate dhanam|| yācayāmi narān bhavyānna
yacchaṃti ca me dhanam

28.12

kiṃ karomi ka gacchāmi tvaṃ me kathaya śobhane|| vinā dhanena suśroṇi gṛhakāryaṃ na
sidhyati

28.13

dehyājñāṃ paradeśāya gacchāmi dhanalabdhaye|| tasmindeśe ca yadbhāvyaṃ bhāgyaṃ tatraiva labhyate

28.14

udyamena vinā siddhiḥ karmaṇāṃ nopalabhyate || tasmādbudhāḥ praśaṃsaṃti sarvathaiva śubhodyamam

28.15

śrutvā kāntasya
vacanaṃ sāśrunetrā vicakṣaṇā || provāca prāñjalirbhūtvā vinayānatakaṃdharā

28.16

tvatto nāsti suvijñātā
tvayā''jñatā bravīmyaham || hitaiṣiṇo narā brūyuḥ śāśvadāpadgatā api

28.17

pūrvadattaṃ hi labhate yatra kutra
mahītale || vinā dānaṃ na labhyeta merau kanakaparvate

28.18

pūrvadattā hi yā vidyā pūrvadattaṃ hi yaddhanam || pūrvadattā hi yā bhūmiriha janmani labhyate

28.19

yaddhātrā likhitaṃ
bhāle tattathaiva hi labhyate || vinā dattena kiṃ kāpi labhyate naiva kiñcana

28.20

pūrvajanmani viprendra na mayā
na tvayā kacit || satpātrāṇāṃ kare dattaṃ svalpaṃ bhūryapi saddhanam

28.21

iha deśe pare vāpi dattaṃ sarvatra labhyate
annamātraṃ tu viśveśo vinā dattaṃ ca yacchati

28.22

tasmādatraiva bho vipra sthātavyaṃ bhavatā mayā || bhavaddinā
na tiṣṭhāmi kṣaṇamātraṃ mahāmune

28.23

na mātā na pitā bhrātā na śvaśrūḥ śvaśuro janāḥ || na satkurvanti taṃ
ke'pi svajanāśca puro gatāḥ

28.24

bhartṛhīnāṃ vinindanti durbhageti vadanti tām || tasmādatra sthiro bhūtvā
viharasva yathāsukham

28.25

bhavatāṃ bhāgyayogena prātiṣṭhātra bhaviṣyati || śrutvā tasyāstu vacanaṃ sthitastatra
vicakṣaṇaḥ

28.26

tāvattatra samāyātaḥ kauṇḍinyo munisattamaḥ|| dṛṣṭvā samāgataṃ hṛṣṭaḥ sumedhā dvijasattamaḥ

28.27

sabhāryaḥ sahasotthāya nanāma śirasā'sakṛt || dhanyo'smyanugṛhīto'smi saphalaṃ jīvitaṃ mama

28.28

yaddṛṣṭo'si mahadbhāgyādityuvāca munīśvaram || dattvā suviṣṭaraṃ tasmai pūjayāmāsa taṃ dvijam

28.29

bhojayitvā vidhānena papraccha pramadottamā || vidvankena prakāreṇa dāridrayasya kṣayo bhavet

28.30

vinā
dattaṃ kathaṃ labhyeddhanaṃ vidyāṃ kuṭumbinīm || māṃ bharttā parityajya gantukāmo'dya vartate

28.31

anyadeśaṃ
parām̐llokān yācituṃ parapattane || rakṣito'sti mayā vidvan hetubhiḥ karmahattaraiḥ

28.32

nādattaṃ labhyate
kiñcidityuktvā sa nivāritaḥ || mama bhāgyānmunīndrādya tvamatraiva samāgataḥ

28.33

tvatprasādāddaridraṃ me
śīghraṃ naśyatyasaṃśayam || kenopāyena viprendra daridraṃ naśyati dhruvam

28.34

kathayasva kṛpāsindho vrataṃ tīrtha
tapādikam|| śrutvā tasyāḥ suśīlāyā bhāṣitaṃ munipuṅgavaḥ

28.35

provāca pravaraṃ citte vicārya vratamuttamam
sarvapāpaughaśamanaṃ duḥkhadāridracanāśanam

28.36

paramā nāma vikhyātā viṣṇostithiruttamā|| malimluce tu yā
kṛṣṇā bhuktimuktiphalapradā

28.37

tasyā upoṣaṇaṃ kṛtvā dhanadhānyayuto bhavet|| vidhinā jāgaraiḥ sākaṃ gītanṛtyādikaṃ caret

28.38

dhanadena purā cīrṇaṃ vratametatsuśobhanam|| tadā tuṣṭena rudreṇa dhanānāmadhipaḥ kṛtaḥ

28.39

hariścandreṇa ca
kṛtaṃ dhanānāmadhipaḥ kṛtaḥ || punaḥ prāptā priyā tena rājyaṃ nihatakaṇṭakam

28.40

tasmātkuru viśālākṣi vratametatsuśobhanam || vidhinā vidhiyuktena samaṃ jāgaraṇena ca

28.41

ityuktā
tadvṛddhi sarvaṃ kathayāmāsa pāṇḍava || prītyā paramasantuṣṭastato bhaktyā prasādataḥ

28.42

punaḥ
provāca vrataṃ vipra pañcarātrivrataṃ śubham || yasyānuṣṭhānamātreṇa bhuktirmuktiśca prāpyate

28.43

paramādivase
prātaḥ kṛtvā paurvāhnikaṃ vidhim || kuryātsuni yamāñchaktyā pañcarātrivratādarāt

28.44

prātaḥ snātvā
nirāhāro yastiṣṭheddinapañcakam || sa gacchedvaiṣṇavaṃ sthānaṃ pitṛmātṛpriyāsamam

28.45

ekāśanastu yo
bhūyādinānāṃ pañcakaṃ naraḥ || sarvapāpavinirmuktaḥ svarga loke mahīyate

28.46

snātvā yo bhojayedvipraṃ
dinānāṃ pañcakaṃ naraḥ || bhojitaṃ tena vidhinā sadevāsuramānuṣam

28.47

pūrṇakumbhaṃ suto yena yo dadāti dvijātaye
dattaṃ tenaiṣa sakalaṃ brahmāṇḍaṃ sacarācaram

28.48

tilapātraṃ tuyo dadyātsnātvā pañcadinaṃ naraḥ || sa bhuktvā vipulān
bhogānsūryalokemahīyate

28.49

brahmacaryeṇa yastiṣṭheddinānāṃ pañcakaṃ naraḥ || sa svarge bhuñjate bhogān svarveśyābhiḥ
samaṃ mudā

28.50

evaṃvidhi vrataṃ sādhvi kuru tvaṃ patinā śubhe || dhanadhānyayutā bhūtvā svargaṃ yāsyasi bhuvrate

28.51

ityuktā sā vrataṃ cakre kauṇḍinyena yathoditam || bhartrā samaṃ bhāvayutā snātvā māsi malimluce

28.52

pañcarātravrate pūrṇe parāyāḥ priyasaṃyutā || sāpaśyadrājabhavanādāyāntaṃ nṛpanandanam

28.53

dattvānavīnaṃ bhavanaṃ bhavya
vastusamanvitam ||vāsayāmāsa vidhinā preritaḥ svayam

28.54

dattvā grāmaṃ vṛttikaraṃ brāhmaṇāya sumedhase || prasannastapasā rājā taṃ stutvā svagṛhaṃ yayau

28.55

malimlucasya māsasya parāyāḥ paramādarāt ||upoṣaṇātsakṛṣṇāyāḥ
pañcarātravratena ca

28.56

sarvapāpavinirmuktaḥ sarvasaukhyasamanvitaḥ || bhuktvā bhogān priyāsārddhamante viṣṇupuraṃ
yayau

28.57

ye kariṣyanti manujāḥ parāyā vratamuttamam || pañcarātrabhavaṃ puṇyaṃ mayā vaktuṃ na śakyate

28.58

puṣkarādyāni tīrthāni gaṅgādyāḥ saritastathā || dhenumukhyāni dānāni tena cīrṇāni sarvathā

28.59

gayāśrāddhaṃ
kṛtaṃ tenapitaraḥ paratoṣitāḥ|| vratāni tena cīrṇāni vratakhaṃḍoditāni vai

28.60

dvipadāṃ brāhmaṇaḥ śreṣṭho gaurvariṣṭhā catuṣpadām || devānāṃ vāsavaḥ śreṣṭhastathā māso malimlucaḥ

28.61

malimluce pañcarātraṃ mahāpāpaharaṃ smṛtam || pañcarātre ca paramā padminī pāpaśoṣaṇī

28.62

sāpyaśaktaiḥ prakartavyā yathāśaktyā vicakṣaṇaiḥ mānuṣaṃ janmarāsādya na tnāto yemalimlucaḥ

28.63

te janmaghātino nūnaṃ nopoṣya harivāsare || caturaśīti lakṣāṇi
labhante yonisaṃkaṭe

28.64

prāpyate mānuṣaṃ janma durlabhaṃ puṇyasañcayaiḥ || tasmātkāryaṃ prayatnena paramāyā vrataṃ śubham

28.65

śrīkṛṣṇa uvāca || etatte sarvamākhyātaṃ yatpṛṣṭo'haṃ tvā'nagha || malimlucasya māsasya paramāyāḥ
samudbhavam

28.66

tatsarvaṃ te samākhyātaṃ kuruṣvāvahito nṛpa

28.67

māhātmyaṃ yadupatinoditaṃ niśamya naccake
vratamatha priyāsametaḥ || bhuktvāsau divi bhuvi durlabhāṃśca bhogānnīto'sau suravaramaṃdiraṃ suhṛṣṭaḥ

28.8-2

ye'pyevaṃ bhuvi manujā malimlucasya susnātāḥ śubha vidhinā samācaraṃti || te bhuktvādivi vibhava surendratulyaṃ
gaccheyustribhuvana vaṃditasya geham

28.26-2

iti śrīmadadhikakṛṣṇaikādaśī paramāmāhātmyaṃ samāptam

Linked texts (3)