Pramāṇa · Search · About · API

Ekadashikhanda 3

Ekādaśīkhaṇḍa 3

Language
Sanskrit

3.1

iti śrībhaviṣyottarapurāṇe śrīkṛṣṇārjunasaṃvāde mārgaśīrṣakṛṣṇaikādaśīmāhātmyaṃ saṃpūrṇam

3.1-2

atha mārgaśīrṣaśuklaikādaśīkathā || yudhiṣṭhira uvāca || vande viṣṇuṃ prabhuṃ sākṣāllokatrayasukhapradam || viśveśaṃ
viśvakartāraṃ purāṇaṃ puruṣottamam

3.2

pṛcchāmi devadeveśa saṃśayo'sti mahān mama || lokānāṃ tu hitārthāya
pāpānāṃ ca kṣayāya ca

3.3

mārgaśīrṣe site pakṣe kināmaikādaśī bhavet || kīdṛśaśca vidhistasyāḥ ko devastetripūjyate

3.4

etadācakṣva me svāmin vistareṇa yathātatham || śrībhagavānuvāca || samyakpṛṣṭaṃ tvayā rājan
sādhu te vipulaṃ yaśaḥ

3.5

kathayiṣyāmi rājendra harivāsaramuttamam || utpannā sā site pakṣe dvādaśī mama
vallabhā

3.6

mārgaśīrṣe samutpannā mama dehāntarādhipa || murāsuravadhārthāya prakhyātā mama vallabhā

3.7

kathitā sā
mayā caiva tvadagre rājasattama || pūrvaṃpekādaśī rājam̐strailokye sacarācara

3.8

mārgaśīrṣe'site pakṣe cotpattiriti
nāmataḥ || ataḥ paraṃ pravakṣyāmi mārgaśīrṣe sitāṃ tathā

3.9

tasyāḥ śravaṇamātreṇa vājapeyaphalaṃ bhavet || mokṣā nāmnīti vikhyātā sarvāpāpaharā parā

3.10

devaṃ dāmodaraṃ
tasyāṃ pūjayecca prayatnataḥ || tulasyā maṃjarībhiśca dhūpadīpairmanoramaiḥ

3.11

śṛṇu rājendra vakṣyāmi kathāṃ paurāṇikīṃ śubhām || adhogarti gatā ye ve pitṛmātṛsutādayaḥ

3.12

asyāḥ puṇyaprabhāveṇa svargaṃ yāṃti na
saṃśayaḥ || etasmātkāraṇādrājanmahimānaṃ śṛṇuṣva tam

3.13

campake nagare ramye vaiṣṇavaiḥ suvibhūṣite || vaikhānaseti rājarṣiḥ putravatpālayanprajāḥ

3.14

dvijāścānyavasaṃstatra caturvedaparāyaṇāḥ || evaṃ sa rājyaṃ kurvāṇo rātrau
tu svapnamadhyataḥ

3.15

dadarśa janakaṃ svaṃ tu adhoyoni gataṃ nṛpaḥ || evaṃ dṛṣṭvā tu taṃ tatra vismayotphullalocanaḥ

3.16

kathayāmāsa vṛttāntaṃ dvijāgre svapnasaṃbhavam || rājovāca || mayā tu svapitā dṛṣṭo narake patito dvijāḥ
tārayasveti māṃ tāta adhoyonigataṃ suta

3.17

iti bruvāṇaḥ sa tadā mayā dṛṣṭaḥ pitā svayam || tadāprabhṛti
bho viprā nāhaṃ śarma labhāmyaho

3.19

etadrājyaṃ mama mahadasahyamasukhaṃ tadā || aśvā gajā rathāścaiva me rocaṃte na
sarvathā||18||na kośo'pi sukhāyeti na kiṃcitsukhadaṃ mama || na dārā na sutā mahyaṃ rocante dvijasattamāḥ

3.20

kiṃ karomi ka gacchāmi śarīraṃ me su dahyate || dānaṃ vrataṃ tapo yogo yenaiva mama pūrvajāḥ

3.21

mokṣamāyāṃti
viprendrāstadeva kathayaṃtu me || kiṃ tena jīvatā loke suputreṇa balīyasā

3.22

pitā tu yasya narake tasya
janma nirarthakam || brāhmaṇā ūcuḥ || parvatasya muneratra āśramo nikaṭe nṛpa

3.23

gamyatāṃ rājasārdūla bhūtaṃ
bhavya vijānataḥ || teṣāṃ śrutvā tato vākyaṃ vaikhāno rāja sattamaḥ

3.24

jagāma tatra yatrā'sau āśrame parvato
muniḥ || brāhmaṇairveṣṭitaḥ śāṃtaiḥ prajābhiśca samaṃtagaḥ

3.25

āśramo vipulastasya munibhiḥ sanniṣevitaḥ
ṝgvedibhiryajuṣaiśca sāmātharvaṇakovidaiḥ

3.26

veṣṭito munibhistatra dvitīya iva padmajaḥ|| dṛṣṭvātaṃmuniśārdūlaṃ rājā
vekhānasastadā

3.27

jagāma cāvaniṃ mūrdhnā daṃḍavatpraṇanāma ca || papraccha kuśalaṃ tasya saptasvaṃgeṣvasau muniḥ

3.28

rājye niṣkaṇṭakatvaṃ ca rājasaukhyasamanvitam || rājovāca || tava prasādādyo vipra kuśalaṃ me'ṅgasaptake

3.29

vibhaveṣvanukūleṣu kaścidvighna upasthitaḥ || etanme saṃśayaṃ brahman praṣṭutvāṃ ca samāgataḥ

3.30

evaṃ śrutvā nṛpavacaḥ
parvato munisattamaḥ || dhyānasthi mitanetro'sau bhūtaṃ bhavyaṃ vyacintayat

3.31

muhūrtamekaṃ dhyātvā ca pratyuvāca nṛpottamam || muniruvāca || jāne'haṃ tava rājendra pituḥ pāpaṃ vikarmaṇaḥ

3.32

pūrvajanmani te pitrā sapatnīkṛtadveṣataḥ || kāmāsaktena caikatra ṛtubhaṃgaḥ kṛtaḥ striyāḥ

3.33

trāhi dehīti
jalpatyā ṛtudānaṃ narādhipa|| tena vai tava pitrā tu na datto ṛturāgrahāt

3.34

karmaṇā tena satataṃ narake patito
hyayam|| rājovāca|| kena vai vratadānena mokṣastasya bhavenmune

3.35

nirayātpāpasaṃyuktāttanmamācakṣva pṛcchataḥ
muniruvāca || mārgaśīrṣe site pakṣe mokṣā nāmnī harestithiḥ

3.36

sarvaistu tadvrataṃ kṛtvā pitre puṇyaṃ pradīyatām
tasyā puṇyaprabhāveṇa mokṣastasya bhaviṣyati

3.37

munervākyaṃ tataḥ śrutvā nṛpaḥ svagṛhamāgataḥ || āgrahāyaṇikīṃ kṛcchātprāpto bharatasattama

3.38

antaḥpuracaraissarvaiḥ putradāraistathā nṛpaḥ|| vrataṃ kṛtvā vidhānena puṇyaṃ
dattvā nṛpāya tat

3.39

tasmindatte tadā puṇye puṣpavṛṣṭirabhūddivaḥ|| vaikhānasapitā tena gataḥ svargaṃ stuto
gajaiḥ

3.40

rājānamaṃtarikṣācca śuddhāṃ giramabhāṣata || svastyastu te putrasadetyuktvā sa tridivaṃ gataḥ

3.41

evaṃ yaḥ kurute rājanmokṣadaikādaśīmimām || tasya pāpaṃ kṣayaṃ yāti mṛto mokṣamavāpnuyāt

3.42

nātaḥ paratarā kācinmokṣadā vimalā śubhā || puṇyasaṃkhyāṃ tu rājendra na jāne'haṃ tu yeḥ kṛtāḥ

3.43

cintāmaṇisamā hyeṣā svargamokṣapradāyinī

Linked texts (5)