Pramāṇa · Search · About · API

Ekadashikhanda 4

Ekādaśīkhaṇḍa 4

Language
Sanskrit

4.2

iti śrībrahmāṇḍapurāṇe mārgaśīrṣaśuklaikādaśyā mokṣadānāmnyā
māhātmyaṃ samāptam

4.1

atha pauṣa kṛṣṇasaphalaikādaśīkathā || yudhiṣṭhira uvāca || pauṣasya kṛṣṇapakṣe tu keyamekādaśī bhavet || ki nāmako
vidhistasyāḥ ko devastatra pūjyate

4.2-2

etadācakṣva me svāmin vistareṇa janārdana || śrīkṛṣṇa uvāca || kathayiṣyāmi rājendra bhavataḥ snehakāraṇāt

4.3

tathā tuṣṭirna me rājan ṛtubhiścāptadakṣiṇaiḥ || yathātuṣṭirbhavenmahyamekādaśyā vratena vai

4.4

tasmātsarva prayatnena kartavyo harivāsaraḥ || pauṣasya kṛṣṇapakṣe tu dvādaśī yā bhavennṛpa

4.5

tasyāścaiva ca māhātmyaṃ śṛṇuṣvaikāgramānasaḥ || gaditā yāśca vai rājannekādaśayo bhavaṃti hi

4.6

tāsāmapi hi
sarvāsāṃ vikalpaṃ naiva kārayet || ekādaśyāstathāpyasyāḥ śṛṇu rājan kathāntaram

4.7

ataḥ paraṃ pravakṣyāmi
pauṣasyaikādaśīṃ tava || lokānāṃ ca hitārthāya kathayiṣye vidhiṃ tava

4.8

pauṣasya kṛṣṇapakṣe yā saphalā nāma
nāmataḥ || nārāyaṇo'dhidevo'syāḥ pūjayettaṃ prayatnataḥ

4.9

pūrveṇa vidhinā rājan kartavyaiva kādaśī janaiḥ || nāgānāṃ ca yathā śeṣaḥ pakṣiṇāṃ garuḍo yathā

4.10

yathāśvamedho yajñānāṃ nadīnāṃ jāhnavī yathā || vratānāṃ ca tathā rājan pravaraikādaśī tithiḥ

4.11

te janā bharataśreṣṭha mama pūjyāśca sarvaśaḥ || harivāsarasaṃyuktā vartante ye janā bhuvam

4.12

saphalā nāma yā proktā tasyāḥ pūjāvidhiṃ śṛṇu || phalairmāṃ pūjayettatra kāladeśodbhavaiḥ śubhaiḥ

4.13

nārikelaphalaiḥ śuddhaistathā vai bījapūrakaiḥ || jambīrairdāḍimaiścaiva tathā pūṃgīphalairapi

4.14

lavaṃgairvividhaiścānyaistathā cāmraphalādibhiḥ || pūjayeddevadeveśaṃ dhūpairdīpairyathākramam

4.15

saphalāyāṃ dīpadānaṃ viśeṣeṇa prakīrtitam|| rātrau jāgaraṇaṃ tatra kartavyaṃ ca prayatnataḥ

4.16

yāvadunmīlayennetraṃ tāvajjāgarti yo niśi || ekāgramānaso bhūtvā tasya puṇyaṃ śṛṇuṣva tat

4.17

tatsamo
nāsti vai yajñastīrthaṃ tatsadṛśaṃ na hi || tatsamaṃ na vrataṃ kiṃcidiha loke narādhipa

4.18

pañcavarṣasahasrāṇi tapastaptvā ca yatphalam || tatphalaṃ samavāpnoti saphalāyā vratena vai

4.19

śṛyatāṃ rājaśārdūla saphalāyāḥ kathānakam || campāvatīti vikhyātā purī māhiṣmatasya ca

4.20

māhiṣmatasya rājarṣeścatvāraścābhavansutāḥ || teṣāṃ
madhye tu yo jyeṣṭhaḥ sa mahāpāpasaṃyutaḥ

4.21

paradārābhigāmī ca veśyāsaṃgarataḥ sadā || piturdravyaṃ sa pāpiṣṭho gamayāmāsa sarvaśaḥ

4.22

asadvṛttirato
nityaṃ devatādvijanindakaḥ || vaiṣṇavānāṃ ca devānāṃ nityaṃ niṃdārataḥ sa vai

4.23

ihaggivadhaṃ tadā dṛṣṭvā putraṃ
māhiṣmato nṛpaḥ || nāmnā sa vai luṃpakaṃ tu kṛtavānatyamarṣitaḥ

4.24

rājānniṣkāsitastena pitrā caivāpi
bandhubhiḥ || parivārajanaiḥ sarvaistyakto rājño bhayāditi

4.25

luṃpako'pi tadā tyaktaścintayāmāsa ekalaḥ
mayā'tra kiṃ prakartavyaṃ tyaktaḥ pitrā ca bāṃdhavaiḥ

4.26

iti ciṃtāparo bhūtvā matiṃ pāpe tadākarot || mayā tu
gamanaṃ kāryaṃ vanaṃ tyaktvā purīṃ pituḥ

4.27

divā vane cariṣyāmi rātrāvapi pituḥ puraḥ || tasmādvanātpituḥ
sarvaṃ vyāpayiṣye puraṃ niśi

4.28

ityevaṃ sa matiṃ kṛtvā luṃpako daivapātitaḥ || nirjagāma purāttasmādvato'sau
gṛhanam vanam

4.29

jīvaghātakaro nityaṃ nityaṃ steyaparāyaṇaḥ || sarvaṃ vanacaraṃ tena muṣitaṃ pāpakarmaṇā

4.30

gṛhītaśca parityakto rājgo māhiṣmaterbhayāt || janmāṃtarīyapāpena rājabhraṣṭaḥ sa pāpakṛt

4.31

āmiṣābhirato
nityaṃ nityaṃ vai phalabhakṣakaḥ || āśramastasya duṣṭasya vāsudevasya saṃmataḥ

4.32

aśvattho vartate tatra jīrṇo
bahulavārṣikaḥ || devatvaṃ tasya vṛkṣasya vartate tadvane mahat

4.33

tatraiva nivasaṃścāsau luṃpakaḥ pāpabuddhimān || evaṃ kālakrameṇaiva vasatastasya pāpinaḥ

4.34

duṣkarmaniratasyāsya
kurvataḥ karma ninditam || pauṣasya kṛṣṇapakṣe tu saṃprāptaṃ saphalādinam

4.35

daśamīdivase rājan niśāyāṃ
śītapīḍitaḥ || lumpako vastrahīno vai niśceṣṭo hyabhavattadā

4.36

pīḍyamānastu śītena aśvatthasya samīpataḥ
na nidrā na sukhaṃ tasya gataprāṇa ivābhavat

4.37

pīḍayandaśanairdantānevaṃ ca gamitā niśā || bhānūdaye'pi
tasyātha na saṃjñā samajāyata

4.38

lumpako gatasaṃjñastu saphalādivase tadā || madhyāhnasamaye prāpte saṃjñāṃ lebhe
sa lumpakaḥ

4.39

prāptasaṃjño muhūrtena cotthito'sau tadā''sanāt || praskhalaṃśca padanyāsaiḥ paṃguvaccalito muhuḥ

4.40

vanamadhye gatastatra kṣuttṛṣāpīḍito'bhavat || na śaktirjīvaghātasya luṃpakasya durātmanaḥ

4.41

phalāni
bhūmau patitānyājahāra sa luṃpakaḥ || yāvatsa cāgatastatra tāvadastamagādraviḥ

4.42

kiṃ bhaviṣyati tāteti
vilalāpātiduḥkhitaḥ || phalāni tāni sarvāṇi vṛkṣamūle nyavedayat

4.43

pratyuvāca phalairebhiḥ prīyatāṃ bhagavānhariḥ || upaviṣṭo luṃpakaśca nidrāṃ lebhe na vai niśi

4.44

tena jāgaraṇaṃ jātaṃ bhagavānmadhusūdanaḥ || phalānāṃ
pūjanaṃ mene saphalāyāstathā vratam

4.45

kṛtamevaṃ luṃpakena hyakasmādvratamuttamam|| tena vrataprabhāveṇa prāptaṃ rājyamakaṇṭakam

4.46

puṇyāṃkurodayādrājan
yathā prāptaṃ tathā śṛṇu || raverudayavelāyāṃ divyo'śvaścājagāma ha

4.47

divyavastuparīvāro luṃpakasya samīpataḥ
tasthau sa turago rājanvāguvācā'śarīriṇī

4.48

prāpnuhi tvaṃnṛpasutaṃ svaṃ rājyaṃ hatakaṇṭakam|| vāsudevaprasādena
saphalāyāḥ prabhāvataḥ

4.49

pituḥ samīpaṃ gaccha tvaṃ bhukṣva rājyamakaṃṭakam || tathetyuktvā tvasau tatra divyarūpadharo'bhavat

4.50

kṛṣṇe matiśca tasyāsīt paramā vaiṣṇavī tathā || divyābharaṇaśobhāḍhyastāta natvā
sthito gṛhe

4.51

vaiṣṇavāya tato dattaṃ pitrā rājyamakaṇṭakam || kṛtaṃ rājyaṃ tu tenaiva varṣāṇi bahūnyapi

4.52

harivāsarasaṃlīno viṣṇubhaktirataḥ sadā || manojñāstasya putrāḥ syurdārāḥ kṛṣṇaprasādataḥ

4.53

tataḥ
sa vārdhake prāpte rājye putraṃ niveśya ca || vanaṃ gataḥ saṃyatātmā viṣṇubhaktiparāyaṇaḥ

4.54

sādhayitvā
tathātmānaṃ viṣṇulokaṃ jagāma ha || gataḥ kṛṣṇasya sānidhye yatra gatvā na śocati

4.55

evaṃ ye vai prakurvanti
saphalaikādaśīvratam || iha loke yaśaḥ prāpya mokṣaṃ yāsyantyasaṃśayam

4.56

dhanyāste mānavā loke saphalā vratakāriṇaḥ|| tasmiñjanmani te mokṣaṃ labhante nātra saṃśayaḥ

4.57

saphalāyāśca
māhātmyaśravaṇāddhi viśāṃpate || rājasūyaphalaṃ prāpya vasetsvarge ca mānavaḥ

4.3-2

iti śrīpauṣakṛṣṇaikādaśyāḥ
saphalānāmnyā māhātmyaṃ sampūrṇam

4.1-2

atha pauṣaśuklaikādaśīkathā || yudhiṣṭhira uvāca || kathitā vai tvayā kṛṣṇa saphalaikādaśī śubhā || kathayasva
prasādena śuklā pauṣasya yā bhavet

4.2-3

kiṃ nāma ko vidhistasyāḥ ko devastatra pūjyate || kasmai tuṣṭo hṛṣīkeśastvameva puruṣottamaḥ

4.3-3

śrīkṛṣṇa uvāca || śṛṇu rājan pravakṣyāmi śuklā pauṣasya yā bhavet || tasyā
vidhi mahārāja lokānāṃ ca hitāya vai

4.4-2

pūrveṇa vidhinā rājan kartavyaiṣā prayatnataḥ || putradete ca nāmnā'sau
sarvapāpaharā parā || nārāyaṇo'dhidevo'syāḥ kāmadaḥ siddhidāyakaḥ

4.5-2

nātaḥ paratarā kāciotrailokye sacarācare || vidyāvantaṃ yaśasvantaṃ karoti ca naraṃ hariḥ

4.6-2

śṛṇu rājan pravakṣyāmi kathāṃ pāpaharāṃ parām || purī
bhadrāvatī nāmnī rājā tatra suketumān

4.7-2

tasya rājño'tha rājñī ca śaibyā nāmnīti viśrutā || putrahīnena rājñā ca kālo nīto manorathaiḥ

4.8-2

naivātmajaṃ nṛpo lebhe vaṃśakartārameva ca || tenaiva rājā dharmeṇa cintitaṃ bahukālataḥ

4.9-2

kiṃ karomi kva gacchāmi
sutaprāptiḥ kathaṃ bhavet || na rāṣṭre na pure saukhyaṃ lebhe rājā suketumān || śaibyayā kāṃtayā sārddhaṃ pratyahaṃ duḥkhito'bhavat

4.10-2

tāvubhau daṃpatī nityaṃ cintāśokaparāyaṇau || pitarastu jalaṃ dattaṃ kavoṣṇamupabhuñjate

4.11-2

rājñaḥ paścānna paśyāmo yo'smānsantarpayiṣyati || ityevaṃ saṃsmaraṃto'sya pitaro duḥkhino'bhavan || teṣāṃ tadduḥkhamūlaṃ ca jñātvā rājāpyatapyata

4.12-2

na bāṃdhavā na mitrāṇi suhṛdastathā || rocaṃte tasya bhūpasya
na gajāśvapadātayaḥ

4.13-2

nairāśyaṃ bhūpatestasya manasyaivamajāyata || narasya putrahīnasya nāsti vai janmanaḥ
phalam

4.14-2

aputrasya gṛhaṃ śūnyaṃ hṛdayaṃ duḥkhitaṃ sadā || pitṛdevamanuṣyāṇāṃ nānṛṇatvaṃ sutaṃ vinā

4.15-2

tasmātsarvaprayatnena sutamutpādayennaraḥ || iha loke yaśasteṣāṃ paraloke śubhā gatiḥ

4.16-2

yeṣāṃ tu karmakartṛṇāṃ
puṇyaṃ janmaśatodbhavam || āyurārogyasaṃpacca teṣāṃ gehe pravartate

4.17-2

putrapautrāśca lokāśca bhaveyuḥ puṇyakarmaṇām
puṇyaṃ vinā ca na prāptirviṣṇubhaktiṃ vinā tathā

4.18-2

putrāṇāṃ saṃpado vāpi vidyāyāśceti me matiḥ || evaṃ vicintyamāno'sau rājā śarma na labdhavān

4.19-2

pratyūṣe'cintayadrājā niśīthe'cintayattathā || tataścātmavināśaṃ vai vicāryātha suketumān

4.20-2

ātmaghāte
durgatiṃ ca cintayitvā tadā nṛpaḥ || dṛṣṭvā''tmadehaṃ prakṣīṇamaputratvaṃ tathaiva ca

4.21-2

punarvicāryātmabuddhyā
hyātmano hitakāraṇam || aśvārūḍhastato rājā jagāma gahanaṃ vanam

4.22-2

purohitādayaḥsarve na jānaṃti gataṃ
nṛpam || gaṃbhīre vipine rājā mṛgapakṣi niṣevite

4.23-2

vicacāra tadā tasminvane vṛkṣānvilokayan || vaṭānaśvatthabilvāṃśca kharjūrān panasāṃstathā

4.24-2

bakulān śatāparṇāṃśca tiṃdukāṃstilakānapi || śālāṃstālāṃstamālāṃśca dadarśa saralānnṛpaḥ

4.25-2

iṃgudīkakubhāṃścaiva śleṣmātaka vibhītakān || śaṅkukīkaramardāṃśca pāṭalān
khadirānapi

4.26-2

śākhāṃścaiva palāśāṃśca śobhitāndadaśe nṛpaḥ || mṛgavyāghravarāhāṃśca siṃhāॅṃśchākhānṛgānapi

4.27-2

dadarśa bhujagān rājā vālmīkādabhinissṛtān tathā vanagajānmattānkalabhaiḥ saha saṃgatān

4.28-2

gavayānkṛṣṇasārān gāḥ sṛgālāñchaśakānapi || vanamārjārakānkūrāñjhallakāṃścamarānapi

4.29-2

yūthapāṃśca
caturdantānkariṇīgaṇamadhyagān || tāndṛṣṭvā cintayāmāsa hyātmanassa gajānnṛpaḥ

4.30-2

teṣāṃ sa vicaranmadhye rājā śokamavāpa ha || mahadāścaryasaṃyuktaṃ darśe vipinaṃ nṛpaḥ

4.31-2

kvacicchivārutaṃ
śṛṇvannulūkavirutaṃ tathā || tāṃstānpakṣigaṇānpaśyanbhrāma vanamadhyagaḥ

4.32-2

evaṃ darśe gahanaṃ nṛpo madhyaṃgate
ravau || kṣuttṛḍbhyāṃ pīḍito rājā itaścetaśca dhāvati

4.33-2

cintayāmāsa nṛpatiḥ saṃśuṣkagalakandharaḥ || mayā
tu kiṃ kṛtaṃ karma prāptaṃ duḥkhaṃ yadīdṛśam

4.34-2

mayā ca toṣitā devā yajñaiḥ pūjābhireva ca || tathaiva brāhmaṇā
dānaistoṣitā miṣṭabhojanaiḥ

4.35-2

prajāścaiva yathākālaṃ putravatparipālitāḥ || kasmādduḥkhaṃ mayā prāptamīdṛśaṃ
dāruṇaṃ mahat

4.36-2

iti cintāparo rājā jagāmāthāgrato vanam || sukṛtasya prabhāveṇa saro dṛṣṭaṃ manoramam

4.37-2

mānasaṃ spardhamānaṃ ca paṅkajanīpariśobhitam || kāraṃḍavaiścakravākai rājahaṃsaiśca nāditam

4.38-2

makarairbahubhiryuktaṃ matsyairjalacarairyutam || samīpe sarasastatra munīnāmāśramānbahūna

4.39-2

dadarśa rājā lakṣmīvānnimittaiḥ
śubhaśaṃsibhiḥ || savyātparataraṃ cakṣuḥ prāsphuracca tathā karaḥ

4.40-2

sphuritastasya rājñaśca śaṃsitaśubhalakṣaṇam
tasya tīre munīn dṛṣṭvā kurvāṇāānvaigamaṃ japam

4.41-2

avatīrya hatāttasmānmunīnāmagrataḥ sthitaḥ || pṛthak pṛthak
vavaṃde sa munīṃstāñśaṃsitavratān

4.42-2

kṛtāṃjalipuṭo bhūtvā daṇḍavacca praṇamya saḥ || harṣeṇa mahatāviṣṭo babhūva nṛpasattamaḥ

4.43-2

tamūcuste'pi munayaḥ
prasannāḥ smo vayaṃ tava || kathayasvādya vai rājan yatte manasi vartate

4.44-2

rājovāca || ke yūyamagratapasaḥ kimākhyābhavatāmapi || kimarthamāgatā yūyaṃ vadaṃtu mama tattvataḥ

4.45-2

munaya ūcuḥ || viśvedevā vayaṃ rājansnānārthamiha cāgatāḥ || māgho nikaṭamāyāta etasmātpaṃcame'hani

4.46-2

adya hyekādaśī rājanputradā nāma nāmataḥ
putraṃ dadātyasau śuklā putradā putramicchatām

4.47-2

rājovāca || eṣa vai saṃśayo mahyaṃ sutasyotpādane mahān
yadi tuṣṭā bhavanto me putro vai dīyatāṃ tadā

4.48-2

munaya ūcuḥ || asminneva dine rājanputradā nāma vartate
ekādaśīti vikhyātā kriyatāṃ vratamuttamam

4.49-2

āśīrvādena cāsmākaṃ keśavasya prasādataḥ || avaśyaṃ tava
rājendra putraprāptirbhaviṣyati

4.50-2

ityevaṃ vacanātteṣāṃ kṛtaṃ rājā vrataṃ śubham || dvādaśyāṃ pāraṇaṃ kṛtvā munīnnatvāpunaḥ punaḥ

4.51-2

ājagāma gṛhaṃ rājā rājñī garbhaṃ samādadhau || munīnāṃvacanenaiva putradāyāḥ prabhāvataḥ

4.52-2

putro jātastathā kāle tejasvī puṇyakarmakṛt || pitaraṃ toṣayāmāsa prajāpālo babhūva saḥ

4.53-2

etasmātkāraṇādrājankartavyaṃ putradāvratam || lokānāṃ ca hitārthāya tavāgre kathitaṃ mayā

4.54-2

etadvrataṃ tu ye martyāḥ kurvaṃti putradābhidham || teṣāṃ caiva bhavetputro hyavaśyaṃ mokṣabhāginām

4.55-2

paṭhanācchravaṇādrājannaśvamedha- phalaṃ labhet

4.4-3

iti śrībhaviṣyottarapurāṇe pauṣaśuklaikādaśyāḥ putradānāmnyā māhātmyaṃ sampūrṇam

4.1-3

atha māghakṛṣṇaikādaśīkathā || dālbhya uvāca || martyaloke tu saṃprāptāḥ pāpaṃ kurvanti jantavaḥ || brahmahatyādipāpaiśca
ghnanyaiśca vividhairyutāḥ

4.2-4

paradravyāpahārāśca paravyasanamohitāḥ || kathaṃ na yānti narakān brahmastada brūhi tattvataḥ

4.3-4

anāyāsena bhagavandānenālpena kenacit || pāpaṃ praśamamāyāti yena tadvaktumarhasi

4.4-4

pulastya uvāca
sādhu sādhu mahābhāga guhyametadudāhṛtam || yanna kasya cidākhyātaṃ brahmaviṣṇavandradevataiḥ

4.5-3

tadahaṃ kathayiṣyāmi tvayā pṛṣṭo dvijottama || tato māghe tu saṃprāpte śuciḥ snāto jitendriyaḥ

4.6-3

kāmakrodhābhimāneryālobhapaiśunyavarjitaḥ || devadevaṃ ca saṃsmṛtya pādau prakṣālya vāriṇā

4.7-3

bhūmāvapatitaṃ yadyaṃ gomayaṃ tatra mānavaḥ || tilān prakṣipya kārpāsaṃ piṇḍakāṃścaiva kārayet

4.8-3

aṣṭottaraśataṃ
caiva nātra kāryā vicāraṇā || tato māghe ca saṃprāpte dvādau caiva bhavedyadi

4.9-3

mūle vā kṛṣṇapakṣasyaikādaśyāṃ
niyamaṃ tataḥ || gṛhṇīyātputraphaladaṃ vidhānaṃ tatra me śṛṇu

4.10-3

devadevaṃ samabhyarcya snātaḥ prayataḥ śuciḥ || kṛṣṇanāmāni saṃkīrtya kṣujjṛṃbhāsu ca sarvadā

4.11-3

rātrau jāgaraṇaṃ kuryādrātrau homaṃ ca kārayet || arcayeddevadeveśaṃ śaṃkhacakragadādharam

4.12-3

candanāgarukarpūrairnaivedyaiḥ śarkarādibhiḥ || saṃsmṛtya nāmnā ca tataḥ kṛṣṇākhyena punaḥ punaḥ

4.13-3

kūṣmāṇḍairnārikelaiśca hyathavā bījapūrakaiḥ || sarvābhāve'pi viprendra śastaṃ pūgīphalaṃ tadā

4.14-3

arghyaṃ
dattvā vidhānena pūjayitvā janārdanam || kṛṣṇa kṛṣṇa kṛpālo tvamagatīnāṃgatiprada

4.15-3

saṃsārārṇavamagnānāṃ
prasīda parameśvara || namaste puṇḍarīkākṣa namaste viśvabhāvana

4.16-3

subrahmaṇya namaste'stu mahāpuruṣa pūrvaja
gṛhāṇārghyaṃ mayā dattaṃ lakṣmyā saha jagatpate

4.17-3

tatastu pūjayedvipramudakuṃbhaṃ pradāpayet || chatropānahavastraiśca
kṛṣṇo me prīyatāmiti

4.18-3

kṛṣṇā dhenuḥ pradātavyā yathāśaktyā dvijottama || tilapātraṃ dvijaśreṣṭhaṃ dadyāetra vicakṣaṇaḥ

4.19-3

snānaprāśanayoḥ
śastāḥ śvetāḥ kṛṣṇastilā mune || tān pradadyātprayatnena yathāśaktyā dvijottama

4.20-3

tāvadvarṣasahasrāṇi
svargaloke mahīyate || tilasnāyī tilodvartīṃ tilahomī tilodakī

4.21-3

tilabhuk tiladātā ca ṣaṭtilāḥ
pāpanāśakāḥ || nārada uvāca || kṛṣṇa kṛṣṇa mahābāho namaste bhaktabhāvana

4.22-3

ṣaṭtilaikādaśībhūtaṃ kīdṛśaṃ
phalamaśnute || sopākhyānaṃ mama brūhi yadi tuṣṭo'si yādava

4.23-3

śrīkṛṣṇa uvāca || śṛṇu brahmanyathāvṛttaṃ hṛṣṭa
tatkathayāmi te || mṛtyuloke purā hyāsīdbrāhmaṇī tatra nārada

4.24-3

vratacaryaratā nityaṃ devapūjāratā tadā
māsopavāsaniratā mama bhaktā ca sarvadā

4.25-3

kṛṣṇopavāsasaṃyuktā mama pūjāparāyaṇā || śarīraṃ kleśitaṃ
nityamupavāsādvijottama

4.26-3

dīnānāṃ brāhmaṇānāṃ ca kumārīṇāṃ ca bhaktitaḥ || gṛhādikaṃ prayacchantī sarvakālaṃ
mahāmatiḥ

4.27-3

atikṛcchratā sā tu sarva kāleṣu vai dvija || śuddhamasyāḥ śarīraṃ hi vrataiḥ kṛcchrairna saṃśayaḥ

4.28-3

arthinaṃ vaiṣṇavaṃ lokaṃ kāyakleśena vai tayā || nadattamannadānaṃ hi yena tṛptiḥ parā bhavet

4.29-3

etajjijñāsayā brahmanmṛtyulokamupāgataḥ || kāpilaṃrūpamāsthāya bhikṣāpātreṇa yācitā

4.30-3

brāhmaṇyuvāca || kasmāttvamāgato brahmanvadayasmātsamāgataḥ || punareva mayā proktaṃ dehi bhikṣāṃ ca sundari

4.31-3

tayā kopena mahatā mṛttipiḍastāmrabhājane
kṣipto yāvattayā devyā punaḥ svargaṃ gato dvijaḥ

4.32-3

tataḥ kālena mahatā tāpasī sumahāvratā || kadācitsvargamāyātā vratacaryāprasādataḥ

4.33-3

mṛttiṇḍasya prabhāveṇa gṛhaṃ prāptaṃ manoramam || saṃjātaṃ caiva viprarṣe dhānyakośādivarjitam

4.34-3

gṛhaṃ yāvannirīkṣeta na kiṃcittatra paśyatī || tāvadgṛhādviniṣkāṃtā samānte cāgatā dvija

4.35-3

krodhena mahatāviṣṭā tvidaṃ vacanamabravīt || mayā vrataiśca kṛcchraiśca upavāsairanekaśaḥ

4.36-3

pūjayā''rādhito devaḥ
sarvalokasya bhāvanaḥ || na dhanaṃ dṛśyate kiṃcidgṛhe mama janārdana

4.37-3

tataścoktā mayā sā tu gṛhaṃ gaccha yathāgatam
āgamiṣyaṃti sutarāṃ kautūhalasamanvitāḥ

4.38-3

devapatnyastu tvāṃ draṣṭuṃ vismayena samanvitāḥ || dvāraṃ nodghāṭanīyaṃ hi
ṣaṭtilāpuṇyavācanāt

4.39-3

evamuktā gatā sā tu yadā vai mānuṣī tadā || atrāṃtare samāyātā devapatnyaśca nārada

4.40-3

tābhiśca kathitaṃ tatra tvāṃ draṣṭuṃ hi samāgatāḥ|| dvāramudghāṭaya tvaṃ ca paśyāmastvāṃ śubhānane

4.41-3

mānuṣyuvāca || yadi draṣṭuṃ mayā kāryaṃ satyaṃ vācyaṃ viśeṣataḥ || dadantu ṣaṭtilāpuṇyaṃ dvārodghāṭanakāraṇāt

4.42-3

ekāpi tatra nāvādītṣaṭtilāvratanāmataḥ || anyayā kathitaṃ tatradraṣṭvyā mānuṣī mayā

4.43-3

tato dvāraṃ
samudghāṭaya dṛṣṭā tābhiśca mānuṣī || na devī na ca gaṃdharvī nāsurī na ca pannagī || dṛṣṭā pūrvaṃ mayā nārī īdṛśī
sā dvijarṣabha

4.44-3

rūpakāṃtisamāyuktā kṣaṇena samapadyata || dhanaṃ dhānyaṃ ca vastrādi suvarṇaṃ raupyameva ca

4.45-3

sarvaṃ gṛhaṃ susaṃpannaṃ ṣaṭtilāyāḥ prasādataḥ || atitṛṣṇā na kartavyā vittaśāṭhyaṃ vivarjayet

4.46-3

ātmavittānusāreṇa tilānvastrādi dāpayet|| labhate caivamārogyaṃ tato janmani janmani

4.47-3

dāridrayaṃ na ca
kaṣṭaṃ vai na ca daurbhāgyamevaca || na bhavedvai dvijaśreṣṭha ṣaṭtilāyā upoṣaṇāt

4.48-3

anena vidhinā rājaṃstiladānānna
saṃśayaḥ|| mucyate pātakaiḥ sarvairnātra kāryā vicāraṇā

4.49-3

dānaṃ ca vidhinā samyak sarvapāpapraṇāśanam|| nānarthabhūto
nāyāsaḥ śarīre munisattama

4.5-4

iti śrībhaviṣyottarapurāṇa māghakṛṣṇaikādaśīṣaṭtilāmāhātmyaṃ samāptam

Linked texts (9)