Pramāṇa · Search · About · API

Ekadashikhanda 6

Ekādaśīkhaṇḍa 6

Language
Sanskrit

6.1

atha phālgunakṛṣṇaikādaśī kathā
yudhiṣṭhira uvāca || phālgunasyāsite pakṣe kināmaikādaśī bhavet || vāsudevaprasādenakathayasva mamāgrataḥ

6.2

śrīkṛṣṇa uvāca || kathayiṣyāmi rājeṃdra kṛṣṇe yā phālgune bhavet || vijayeti ca sāpoktā kartṛṇāṃ jayadāsadā

6.3

tasyāśca vratamāhātmyaṃ sarvapāpaharaṃ param || nāradaḥ paripapraccha brahmāṇaṃ kamalāsanam

6.4

phālgunasyāsite pakṣe vijayā nāma yā tithiḥ || tasyā vrataṃ suraśreṣṭha kathayasva prasādataḥ

6.5

iti pṛṣṭho nāradena pratyuvāca pitāmahaḥ || brahmovāca || śṛṇu nārada vakṣyāmi kathāṃ pāpaharāṃ parām

6.6

purātanaṃ vrataṃ hyetatpavitraṃ pāpanāśanam || yanna kasyacidākhyātaṃ mayaitadvijayāvratam

6.7

jayaṃ dadāti vijayā nṛṇāṃ caiva na saṃśayaḥ || rāmastapovanaṃ yāto varṣāṇyeva caturdaśa

6.8

nyavasatpañcavaṭyāṃ tu sasītaśca salakṣmaṇaḥ || tatraiva vasatastasya rāghavasya mahātmanaḥ

6.9

rāvaṇena hṛtā bhāryā sītānāmnī tapasvinī || tena duḥkhena rāmo'sau mohamabhyāgatastadā

6.10

amajhaṭāyuṣaṃtatradadarśa vigatāyuṣam || kabandho nihataḥ paścādramato'raṇyamadhyataḥ

6.11

rājñe vijñāpya tatsarvaṃ so'pi
mṛtyuvaśaṃ gataḥ || sugrīveṇa samaṃ sakhyaṃ rāmasya samajāyata

6.12

vānarāṇāmanīkāni rāmārthe saṃgatāni vai || tato
hanumatā dṛṣṭvā laṃkodyāne tu jānakī

6.13

rāmasaṃjñāpanaṃ tasyai dattaṃ karma mahatkṛtam || sametya rāmeṇa punaḥ sarvaṃ
tatra niveditam

6.14

atha śrutvā rāmacandro vākyaṃ caiva hanūmataḥ || sugrīvānumatenaiva prasthānaṃ samarocayat

6.15

sa gatvā vānaraiḥ sārdhaṃ tīraṃ nadanadīpateḥ || dṛṣṭvārṇidha dustaraṃ rāmo vismito'bhūtkapipriyaḥ

6.16

protphullilocane bhūtvā lakṣmaṇaṃ vākyamabravīt || saumitre kenapuṇyena tīryate varuṇālayaḥ

6.17

agādhasalilaiḥ
pūrṇo nakrairmīnaiḥ samākulaḥ || upāyaṃ naiva paśyāmi yenāyaṃ sutaro bhavet

6.18

lakṣmaṇa uvāca || ādidevastvamevāsi purāṇapuruṣottamaḥ bakadālbhyo muniścātra vartate dvīpamadhyataḥ

6.19

asmātsthānādyojanārdhamāśramastasya rāghava || anena dṛṣṭvā bahavo brahmāṇo raghunandana

6.20

taṃ pṛccha gatvā rājendra purāṇamṛṣipuṅgavam || iti
vākyaṃ tataḥśrutvā lakṣmaṇasyātiśobhanam

6.21

jagāma rāghavo draṣṭuṃ bakadālbhyaṃ mahāmunim || praṇanāma muniṃ
mūrdhnā rāmo viṣṇumivāmarāḥ

6.22

munirjhātvā tato rāmaṃ purāṇapuruṣottamam || uvāca sa ṛṣistatra kuto rāmastavāgamaḥ

6.23

rāma uvāca || tvatprasādādaho vipra varuṇālayasannidhim || āgato'tra sasainyo'smi laṃkāṃ jetuṃ sarākṣasām

6.24

bhavataścānukūlyena tīryate'bdhiryathā mayā || tadupāyaṃ vada mune prasādaṃ kuru suvrata

6.25

muniruvāca || kathayiṣyāmyahaṃ rāma vratānāṃ vratamuttamam || kṛtena yena sahasā vijayaste bhaviṣyati

6.26

laṅkāṃ jitvā rākṣasāṃśca dīrghāṃ kīrtimavāpsyasi || ekāgramānaso bhūtvā vratametat samācara

6.27

phālgunasyāsite pakṣe vijayaikādaśī bhavet || tasyā vrate kṛte rāma vijayaste bhaviṣyati

6.28

nissaṃśayaṃ samudraṃ
ca tariṣyasi savānaraḥ || vidhiśca śrūyatāṃ rāma vratasyāsya phalapradaḥ

6.29

daśamīdivase prāpte kumbhamekaṃ ca kārayet || haimaṃ vā rājataṃ vāpi tāmraṃ vāpyatha mṛnmayam

6.30

sthāpayecchobhitaṃ kumbhaṃ jala pūrṇaṃ sapallavam
tasyopari nyaseddevaṃ haimaṃ nārāyaṇaṃ prabhum

6.31

ekādaśīdine prāpte prātaḥ snānaṃ samācaret || niścale sthāpite
kumbhe gandhamālyānulepite

6.32

dāḍimairnārikelaiśca pūjayecca viśeṣataḥ || saptadhānyānyadhastasya yavānupari
vinyaset

6.33

gandhadhūpaistathā dīpairnaivedyairvividhairapi || kumbhāgre taddine rāma nīyate bhaktibhāvataḥ

6.34

rātrau
jāgaraṇaṃ caiva tasyāgre kārayedbudhaḥ || dvādaśe divase prāpte mārtaṇḍasyodaye sati

6.35

natvā kumbhaṃ jalodeśe
nadyāṃ prasravaṇe tathā|| taḍāge sthāpayitvā vā pūjayitvā yathāvidhi

6.36

dadyātsadaivataṃ kumbhaṃ brāhmaṇe vedapārage
kumbheina saha rājendra mahādānāni dāpayet

6.37

anena vidhinā rāma yūthapaissaha saṃgataḥ|| kuru vrataṃ prayatnena
vijayaste bhaviṣyati

6.38

iti śrutvā vaco rāmo yathoktamakaroddrutam || kṛte vrate sa vijayī babhūva raghunandanaḥ

6.39

anena vidhinā rājan ye kurvanti narā bratam|| iha loke jayasteṣāṃ paraloke sadā jayaḥ

6.40

etasmātkāraṇātputra kartavya vijayāvratam || paṭhanācchravaṇāttasya vājapeyaphalaṃ labhet

6.7-2

iti śrīskaṃdapurāṇe phālgunakṛṣṇekādaśyā vijayānāmnyā māhātmyaṃ samāptam

Linked texts (4)