Pramāṇa · Search · About · API

Ekadashikhanda 7

Ekādaśīkhaṇḍa 7

Language
Sanskrit

7.1

atha phālgunaśuklaikādaśīkathā || māndhātovāca || vada brahmanmahābhāga yena śreyo bhavenmama || īhagvrataṃ brahmayone te'nukampāsti cenmayi

7.2

vasiṣṭha uvāca || sarahasyaṃ setihāsaṃ vratānāṃ vratamuttamam || kathayāmyadhunā tubhyaṃ sarvabhūtaphalapradam

7.3

āmalakyā vrataṃ rājan mahāpātakanāśanam || mokṣadaṃ sarvalokānāṃ gosahasraphalapradam

7.4

atraivodāharantīmamitihāsaṃ purātanam || yathā muktimanuprāpto vyādho hiṃsāsamanvitaḥ

7.5

vaidiśaṃ nāma nagaraṃ hṛṣṭapuṣṭajanākulam brāhmaṇaiḥ kṣatriyairvaiśyaiḥ śūdraiśca samalaṃkṛtam

7.6

ruciraṃ nṛpaśārdūla brahmaghoṣanināditam || na nāstiko na duskṛtikastasmin puravare sadā

7.7

tatra somānvaye rājā vikhyātaśaśabindukaḥ || rājā caitraratho nāma dharmātmā satyasaṃgaraḥ

7.8

nāgāyutabalaḥ
śrīmān śastraśāstrārthapāragaḥ || tasmin śāsati dharmajñe dharmātmani dharāṃ prabho

7.9

kṛpaṇo naiva kutrāpi dṛśyate naiva
nirdhanaḥ || sukālaḥ kṣemārogyaṃ tasmin rājyaṃ praśāsati

7.10

viṣṇubhaktiratā lokāstasmin puravare sadā
harapūjāratāścaiva rājācāpi viśeṣataḥ

7.11

na kṛṣṇāyāṃ na śuklāyāṃ dvādaśyāṃ bhuñjate janāḥ || sarvadharmānparityajya
haribhaktiparāyaṇāḥ

7.12

evaṃ saṃvatsarā jagmurbahavo rājasattama || janasya saukhyayuktasya haribhaktiratasya ca

7.13

atha kālena saṃprāptā dvādaśī puṇyasaṃyutā || phālgunasya site pakṣe nāmnā āmalakīsmṛtā

7.14

tāmavāpya
janāḥ sarve bālakāsthavirā nṛpa || niyamaṃ copavāsaṃ ca sarve cakkurnarā vibho

7.15

mahāphalaṃ vrataṃ jñātvā snānaṃ
kṛtvā nadījale || tatra devālaye rājā lokayukto mahāprabhuḥ

7.16

pūrṇakumbhamavasthāpya chatropānahasaṃyutam
paṃcaratnasamāyuktaṃ divyagaṃdhādivāsitam

7.17

dhātri dhātrīsamudbhūte sarvapātakanāśini || āmalaki namastubhyaṃ
gṛhāṇārghyodakaṃ mama

7.18

dhātri brahmasvarūpāsi tvaṃtu rāmeṇa pūjitā || pradakṣiṇavidhānena sarvapāpaharā bhava

7.19

tatra jāgaraṇaṃ cakkurjanāḥ sarve svabhaktitaḥ || etasminneva kāle tu vyādhastatra samāgataḥ

7.20

kṣudhāśramapariṇyāto
mahābhāreṇa pīḍitaḥ || kuṭumbārthe jīvaghātī sarvadharmabahiskṛtaḥ

7.21

jāgaraṇaṃ tatra so'paśyadāmalakyā kṣudhānvitaḥ || dīpamālākulaṃ dṛṣṭvā tatraiva niṣasāda saḥ

7.22

kimetaditi saṃcintya prāpto vismayatāṃ bhṛśam
dadarśa kumbhaṃ tatrasthaṃ devaṃ dāmodaraṃ tathā

7.23

dadarśāmalakīvṛkṣaṃ tatrasthāṃścaiva dīpakān || vaiṣṇavaṃ ca tathā''rūyānaṃ śuśrāva paṭhatāṃ nṛṇām

7.24

ekādaśyāśca māhātmyaṃ śuśrāva kṣudhito'pi san || jāgratastasya sā
rātrirgatā vismitacetasaḥ

7.25

tataḥ prabhātasamaye viviśurnagaraṃ janaḥ || vyādho'pi gṛhamāgatya bubhuje prītamānasaḥ

7.26

tataḥ kālena mahatā vyādhaḥ paṃcatvamāgataḥ || ekādaśyāḥ prabhāvena rātrau jāgaraṇena ca

7.27

rājyaṃ prapede sumahaccaturaṅgabalānvitam || jayantī nāma nagarī tatra rājā vidūrathaḥ

7.28

tasmātsa tanayo jajñe
nāmnā vasuratho balī || caturaṅgabalopeto dhanadhānyasamanvitaḥ

7.29

daśāyutāni grāmāṇāṃ bubhuje bhayavarjitaḥ
tejasā''dityasaṅkāśaḥ kāntyā candrasamaprabhaḥ

7.30

parākrame viṣṇusamaḥ kṣamayā pṛthivīsamaḥ || dhārmikaḥ
satyavādī ca viṣṇubhaktiparāyaṇaḥ

7.31

brahmajñaḥ karmaśīlaśca prajāpālanatatparaḥ || yajate vividhānyajñānsa rājā paradarpahā

7.32

dānāni vividhānyeva
dadāti ca sarvadā || ekadā mṛgayāṃ yāto daivānmārgaparicyutaḥ

7.33

na diśo naiva vidiśo vetti tatra mahīpatiḥ || upadhāya ca dormūlamekākī gahane vane

7.34

śrāntaśca kṣudhito'tyantaṃ saṃviveśa mahīpatiḥ || atrāntare
mlecchagaṇaḥ parvatāntaravāsabhāk

7.35

āyayau tatra yatrāste rājā parabalārdanaḥ || kṛtavairāstu te rājñā sarvadevopatāpitāḥ

7.36

parivārya tatastasthū rājānaṃ bhūridakṣiṇam || hanyatāṃ hanyatāṃ cāyaṃ pūrvavairaviruddhadhīḥ

7.37

anena nihatāḥ pūrvaṃ pitaro bhrātaraḥ sutāḥ || pautrāśca bhāgineyāśca mātulāśca nipātitāḥ

7.38

niṣkāsitāśca
svasthānāddhikṣiptāśca diśo daśa || etāvaduktvā te sarve tatrainaṃ haṃtumudyatāḥ

7.39

pāśaiśca paṭṭiśaiḥ khaḍgacarvāṇaidhanuṣi saṃsthitaiḥ || sarvato'ggiṇāste ca rājānaṃ hantumudyatāḥ

7.40

sarvāṇi śastrāṇi samādravanti na vai śarīre
praviśaṃti tasya|| te cāpi sarve hataśastrasaṃghā mlecchā babhūvurgatadehajīvāḥ

7.41

padāpi calituṃ tatra na śekusterayo bhṛśam || śastrāṇi kuṇṭhatāṃ jagmuḥ sarveṣāṃ hatacetasām

7.42

dīnābabhūvuste sarve yaṃ te hantuṃ samāgatāḥ || etasmineva kāle tu tasya rājñaḥ śarīrataḥ

7.43

niḥsṛtā pramadā hyekā
sarvāvayaśobhanā || divyagandha samāyuktā divyābharaṇabhūṣitā

7.44

divyamālyāmbaradharā bhrukuṭīkuṭilānanā
sphurliṃgaṃ ca netrābhyāṃ vamantaṃ pāvakaṃ bahu

7.45

cakrodyatakarā caiva kālarātririvāparā || abhyadhāvata saṃkruddhā
mlecchānatyantaduḥkhitān

7.46

nihatāśca yadā mlecchāste vikarmaratāstayā || tato rājā nibuddhaḥ san dadarśa
mahadadabhutam

7.47

hatān mlecchagaṇāndṛṣṭvā rājā harṣamavāpa saḥ || iha kena hatā mlecchā atyantaṃ vairiṇo mama

7.48

kena cedaṃ mahatkarma kṛtamasmaddhitārthinā || etasminneva kāle tu vāguvācāśarīriṇī

7.49

taṃ sthitaṃ nṛpatiṃ dṛṣṭvā
niṣkāmaṃ vismayānvitam||śaraṇaṃ keśavādanyonāstiko'pi dvitīyakaḥ

7.50

vanāttasmātsa kuśalī samāyāto'pi
bhūmimuk|| rājyaṃ cakāra dharmātmā dhagayāṃ devateśavat

7.51

vaśiṣṭha uvāca|| tasmādāmalakīṃ rājan ye kurvaṃti
narottamāḥ|| te yāṃti vaiṣṇavaṃ lokaṃ nātra kāryā vicāraṇā

7.8-2

iti śrībrahmāṃḍapurāṇe phālgunaśuklaikādaśayāmalakī
māhātmyaṃ samāptam

Linked texts (3)