Pramāṇa · Search · About · API

Ekadashikhanda 8

Ekādaśīkhaṇḍa 8

Language
Sanskrit

8.1

atha caitrakṛṣṇaikādaśī || yudhiṣṭhira uvāca || phālgunasya site pakṣe śrutā sā ''malakī mayā || caitrasya kṛṣṇapakṣe tu
kināmaikādaśī bhavet

8.2

śrīkṛṣṇa uvāca || śṛṇu rājendra vakṣyāmi pāpamocanikā vratam || yacchomaśo'bravītpṛṣṭo māndhātrā cakravartinā

8.3

māndhātovāca || bhagavañchrotumicchāmi lokānāṃ hitakāmyayā || caitramāsāsite pakṣe kināmaikādaśī bhavet

8.4

ko vidhiḥ kiṃ phalaṃ tasyāḥ kathayasva prasādataḥ || lomaśa uvāca
śrūyatāṃ rājaśārdūla kāmadā siddhidā tathā || kathā vicitrā śubhadā pāpahā dharmadāyinī

8.5

purā caitrarathodeśeṣvapsarogaṇasevite || vasantasamaye prāpte puṣpairākulite vane

8.6

gandharvakanyāstatraiva ramante saha kinnaraiḥ
pākaśāsana mukhyāśca krīḍante ca divaukasaḥ

8.7

nāparaṃ sundaraṃ kiṃcidvanāccaitrarathādvanam || tasminvane tu munayastapaṃti bahulaṃ tapaḥ

8.8

saha devaistu maghavā ramate madhumādhave || eko munivarastatra medhāvī nāma nāmataḥ

8.9

apsarāstaṃ munivaraṃ mohanāyopacakrame || maṃjughoṣeti vikhyātābhāvaṃ tasya vicinvatī

8.10

krośamātraṃ
sthitā tasya bhayādāśramasannidhau || gāyaṃtī madhuraṃ sādhu pīḍayantī vipaścikām

8.11

gāyantīṃ tāmathālokya puṣpacaṃdanaveṣṭitām || kāmo'pi vijayākāṃkṣī śivabhaktaṃ munīśvaram

8.12

tasyā śarīrasaṃsarga śivavairamanusmaran || kṛtvā bhruvordhanuḥ koṭī guṇaṃ kṛtvā kaṭākṣakam

8.13

mārgaṇau nayane kṛtvā
pakṣayuktau yathākramam|| kucau kṛtvā paṭakuṭīṃ vijayāyopasaṃsthitaḥ

8.14

mañjughoṣā'bhavattatra kāmasyeva varūthinī
medhāvinaṃ muniṃ dṛṣṭvā sā'pi kāmena pīḍitā

8.15

yauvanodbhinnadeho'sau medhāvyativirājate|| sitopavītasaṃvīto
daṇḍī smara ivāparaḥ

8.16

medhāvī vasati smāsau cyavanasyāśrame śubhe|| mañjughoṣā sthitā tatra dṛṣṭvā te munipuṃgavam

8.17

madanasya vaśaṃ prāptā maṃdaṃ maṃdamagāyata|| raṇadvalayasaṃyuktā jhijannūpuramekhalā

8.18

gāyantīṃ bhāvasaṃyuktāṃ
vilokya munipuṃgavaḥ|| madanena sasainyena nīto mohavaśaṃbalāt

8.19

mañjughoṣā samāgamya muniṃ dṛṣṭvā tathāvidham|| hāsyabhāvakaṭākṣaistu mohayāmāsa cāṅganā

8.20

adhaḥ saṃsthāpyavīṇāṃ sā sasvaje taṃ munīśvaram|| vallīvākulitā vṛkṣaṃ vātavegena vepitā

8.21

so'pi remetayā sārddhaṃ medhāvī munipuṃgavaḥ || tasminneva vanoddeśedṛṅgvā taddehamuttamam

8.22

śivatattvaṃ gataṃ tasya kāmatattvavaśaṃ gataḥ || na niśāṃ na dinaṃ so'pi ramajñānāti kāmukaḥ

8.23

bahulaśca gataḥ kālomunerācāralopakaḥ || maṃjughoṣā devalokagamanāyopacakrame

8.24

gacchantī pratyuvācātha
ramantaṃ munipuṃgavam || ādeśo dīyatāṃ mahyaṃ svadhāmagamanāya me

8.25

medhāvyuvāca || adyaiva tvaṃ samāyātā
pradoṣādau varānane || yāvatprabhātasaṃdhyā syāttāvattiṣṭha mamāṃtike

8.26

iti śrutvā munervākyaṃ bhayabhītā babhūva
sā || punarbairamayāmāsa taṃ muniṃ munisattamam

8.27

muneḥ śāpabhayādbhītā bahulānparivatsarān || varṣāṇāṃ
paṃcapaṃcāśannavamāsān dinatrayam

8.28

sā reme muninā tena niśārddhamiva cābhavat || sā ca taṃ pratyuvācātha
tasmin kāle gate muni || ādeśo dīyatāṃ brahman gaṃtavyaṃ svagṛhaṃ mayā

8.29

medhāvyuvāca || prātaḥkālo'dhunaivāste śrūyatāṃ vacanaṃ mama || kurve saṃdhyāmahaṃ yāvattāvattvaṃ vai sthirā bhava

8.30

iti vākyaṃ muneḥ śrutvā bhayena
ca samākulā || smitaṃ kṛtvā tu sā kiñcit pratyuvāca suvismitā

8.31

apsarā uvāca || kiyatpramāṇī
viprendra tava saṃdhyā gatā na vā || mayi prasādaṃ kṛtvā tu gataḥ kālo vicāryatām

8.32

iti tasyā vacaḥ
śrutvā vismayotphullocanaḥ || sa dhyātvā hṛdivipreṃdra pramāṇamakarottadā

8.33

samāśca saptapaṃcāśadvatā mama tayā saha || netrābhyāṃ visphuliṃgānsa muṃcamāno'ti kopanaḥ

8.34

kālarūpāṃ ca tāṃ
dṛṣṭvā tapasaḥ kṣayakāriṇīm || duḥkhārjitaṃ mama tapo nītaṃ tadanayā kṣayam

8.35

sakaṃpoṣṭho munistatra pratyuvācākulendriyaḥ || sa tāṃ śaśāpa medhāvī tvaṃ piśācī bhaveti ca

8.36

dhiktvāṃ pāpe durācāre kulaṭe pātakapriye || tasya śāpena sā dagdhā vinayāvanatā sthitā

8.37

uvāca vacanaṃ subhrūḥ prasādaṃ vāṃchatī munim || prasādaṃ
kuru viprendra śāpasyānugrahaṃ kuru || satāṃ saṃgo hi phalati vacobhiḥ saptame pade

8.38

tvayā saha mama brahman
gatāḥ subahavaḥ samāḥ || etasmāt kāraṇātsvāminprasādaṃ kuru suvrata

8.39

muniruvāca || śṛṇumadvacanaṃ bhadre
śāpānugrahakāraṇam || ki karomi tvayā pāpe kṣayaṃ nītaṃ mahattapaḥ

8.40

caitrasya kṛṣṇapakṣe yā bhavatyekādaśī
śubhā || pāpamocanikā nāma sarvapāpakṣayaṃkarī

8.41

tasyā vrate kṛte subhru piśācatvaṃ prayāsyati || ityuktvā
tāṃ sa medhāvī jagāma piturāśramam

8.42

tamāgataṃ samālokya cyavanaḥ pratyuvāca ha || kimetaddhihitaṃ putra
tvayā puṇyakṣayaḥ kṛtaḥ

8.43

medhāvyuvāca || pāpaṃ kṛtaṃ mahattāta ramitā cāpsarā mayā || prāyaścittaṃ brūhi tāta
yena pāpakṣayo bhavet

8.44

cyavana uvāca || caitrasya cāsite pakṣe nāmnā vai pāpamocanī || yasyā vrate kṛte putra pāparāśiḥkṣayaṃ vrajet

8.45

iti śrutvā piturvākyaṃ kṛtaṃ tena vratottamam || gataṃ pāpaṃ kṣayaṃ tasya puṇyayukto babhūva saḥ

8.46

so'pyeva maṃjughoṣā ca kṛtvā tadvratamuttamam || piśācatvavinirmuktā pāpamocanikāvratāt

8.47

divyarūpadharā sā'pi gatā
nākaṃ varāpsarāḥ || lomaśa uvāca || itthaṃ bhūtaprabhāvaṃ hi pāpamocanikāvratāt

8.48

pāpamocanikāṃ rājanye
kurvanti ca mānavāḥ || teṣāṃ pāpaṃ ca yatkiṃcittatsarvaṃ kṣayamāvrajet

8.49

paṭhanācchravaṇādrājan gosahasraphalapradā || brahmahā bhrūṇahā caiva surāpo gurutalpagaḥ

8.50

vratasya cāsya karaṇātpāpamuktā bhavaṃti te || bahupuṇyapradaṃ
hyetatkaraṇādvratamuttamam

8.9-2

iti śrībhaviṣyottarapurāṇe caitrakṛṣṇe pāpamocanikānāmaikādaśīmāhātmya samāoṃ

Linked texts (4)