Pramāṇa · Search · About · API

Ekadashikhanda 9

Ekādaśīkhaṇḍa 9

Language
Sanskrit

9.1

atha caitraśuklaikādaśīkathā || sūta uvāca || devakīnandanaṃ kṛṣṇaṃ vasudevātmajaṃ harim || namaskṛtya pravakṣyāmi mahāpātakanāśanam

9.2

yudhiṣṭhirāya kṛṣṇena kathitāni mahātmanā || ekādaśīmahātmyāni nānāpāpaharāṇi ca

9.3

aṣṭādaśa purāṇebhyo vivicya sumahātmanā || caturviṃśatisaṃkhyāni nānākhyānairyutāni ca

9.4

tāni vakṣyāmi
bho viprāḥ śṛṇudhvaṃsusamāhitāḥ || yudhiṣṭhira uvāca || vāsudevanamastubhyaṃ kathayasvamammāgrataḥ

9.5

caitrasya śukla
pakṣe tu kiṃnāmaikādaśī bhavet || śrīkṛṣṇa uvāca || śṛṇuṣvaikamanā rājan kathāmetāṃ purātanīm

9.6

vasiṣṭho
yāmakathayatprāg dilīpāya pṛcchate || dilīpa uvāca || bhagavanśrotumicchāmi kathayasva prasādataḥ

9.7

caitramāse site pakṣe kināmaikādaśī bhavet || vasiṣṭha uvāca || sādhu pṛṣṭaṃ nṛpaśreṣṭha kathayāmitavāgrataḥ

9.8

ekādaśī puṇyatamā pāpendhanadāvānalaḥ || śṛṇu rājan kathāmetāṃ pāpaghnīṃ putradāyinīm

9.9

purā ratnapure ramye hemaratnavibhūṣite || puṇḍarīkamukhā nāgā nivasaṃti madotkaṭāḥ

9.10

tasminpure puṇḍarīko rājā rājyaṃ karoti ca
gandharvaiḥ kinnaraiścaiva hyapsarobhiḥ susevyate

9.11

varāpsarā tu lalitā gandharvo lalitastathā || ubhau rāgeṇa
saṃyuktau dampatī kāmapīḍitau

9.12

remāte svagṛhe ramye dhanadhānyayute sadā || lalitāyāstu hṛdaye patirvasati
sarvadā

9.13

hṛdaye tasya lalitā nityaṃ vasati bhāminī|| ekadā puṇḍarīkādyāḥ krīḍaṃti sadasi sthitāḥ

9.15

gītagānaṃ prakurute lalito dayitā vinā|| padabaṃdhe skhalajjihvo babhūva lalitāṃ smaran||14||manobhāvaṃ viditvāsya
karkoṭo nāgasattamaḥ|| padabandhacyutiṃ tasya puṇḍarīke nyavedayat

9.16

śaśāpa lalitaṃ tatra madanāturacetasam
rākṣaso bhava durbuddhe kravyādaḥ puruṣādakaḥ

9.17

yataḥ patnīvaśo jāto gāyamāno mamāgrataḥ || vacanāttasya
rājendra rakṣorūpī babhūva ha

9.18

raudrānano virūpākṣo dṛṣṭamātro bhayaṃkaraḥ|| bāhū yojanavistīrṇau mukhaṃ kandarasannibham

9.19

candrasūryanibhe netre grīvā parvatasannibhā || nāsārandhre tu vivare adharau yojanārdhakau

9.20

śarīraṃ tasya rājendra ucchritaṃ yojanāṣṭakam || īdṛśo rākṣasaḥ so'bhūdbhuñjānaḥ karmaṇaḥ phalam

9.21

lalitā
tamathālokyasvapatiṃ vikṛtākṛtim || cintayāmāsa manasā duḥkhena mahatā'ditā

9.22

kiṃ karomi kva gacchāmi
patiḥ pāpena pīḍitaḥ || iti sasmṛtyamanasā na śarma labhate tu sā

9.23

cacāra patinā sārdhaṃ lalitā gahane
vane || babhrāma vipine durge kāmarūpaḥ sa rākṣasaḥ

9.24

nirghṛṇaḥ pāpanirato virūpaḥpuruṣādhamaḥ || na sukhaṃ labhate
rātrau na divā pāpapīḍitaḥ

9.25

lalitā duḥkhitā'tīva patiṃ dṛṣṭvā tathā vidham || bhramantī tena sārdhaṃ sā rudatī
gahane vane

9.26

kadācidagamadvindhyaśikhare bahukautuke || ṛṣyaśṛṅgamunestatra dṛṣṭvā''śramapadaṃ śubham

9.27

śīghraṃ jagāma lalitā vinayāvanatā sthitā || pratyuvāca munirhṛṣṭā kā tvaṃ kasya sutā śubhe

9.28

kimarthaṃ hi
samāyāta satyaṃ vada mamāgrataḥ || lalitovāca || vīradhanveti gandharvaḥ sutā tasya mahātmanaḥ

9.29

lalitā nāma
māṃ viddhi patyarthamiha cāgatām || bharttā me śāpadoṣeṇa rākṣaso'bhūnmahāmune

9.30

raudrarūpo durācārastaṃ dṛṣṭvā
nāsti me sukham || sāṃprataṃ śādhi māṃ brahman prāyaścittaṃ vada prabho

9.31

yena puṇyena viprendra rākṣasatvāddhimucyate || ṛṣiruvāca || caitramāsasya raṃbhoru śuklapakṣasya sāṃpratam

9.32

kāmadaikādaśī nāmnī yā kṛtā kāmadā
nṛṇām || kuruṣva tadvrataṃ bhadre vidhipūrvaṃ mayoditam

9.33

tasya vratasya yatpuṇyaṃ tatsvabhartre pradīyatām || datte
puṇyaṃ kṣaṇāttasya śāpadoṣaḥ praśāmyati

9.34

iti śrutvā munervākyaṃ lalitā harṣitā'bhavat| upoṣyaikādaśīṃ
rājan dvādaśādivase tadā

9.35

viprasyaiva samāpe tu vāsudevāgrataḥ sthitā || vākyamūce tu lalitā
svapatyustāraṇāya vai

9.36

mayā tu yadvrataṃ cīrṇaṃ kāmadāyā upoṣaṇam || tasya puṇyaprabhāveṇa gacchatvasya
piśācatā

9.37

lalitāvacanādeva vartamāno'pi tatkṣaṇe || gatapāpaḥ sa lalito divyadeho babhūva ha

9.38

rākṣasatvaṃ gataṃ tasya prāpto gandharvatāṃ punaḥ || hemaratna samākīrṇo reme lalitayā saha

9.39

to vipānasamārūḍhau
pūrvarūpādhikābubhau || dampatī cāpi śobhetāṃ kāmadāyāḥ prabhāvataḥ

9.40

iti jñātvā nṛpaśreṣṭha kartavyaiṣā
prayatanataḥ || lokānāṃ ca hitāthyaṃ tavāgre kathitā mayā

9.41

brahmahatyādipāpaghnī piśācatvavināśinī
nātaḥ paratarā kācitrailokye sacarācare || paṭhanācchravaṇādvāpi vājapeyaphalaṃ labhet

9.10-2

iti śrīvārāhapurāṇe
caitraśuklakāmadānāmaikādaśīmāhātmyaṃ samāptam

Linked texts (6)