Pramāṇa · Search · About · API

Kaumarakhanda 25

Kaumārakhaṇḍa 25

Language
Sanskrit

Contents

25.1

cha || || nārada uvāca || || tataśca śailajā devī cikrīḍa subhagā tadā
devagaṃdharvakanyābhirnagakiṃnarasaṃbhavāḥ || munīnāṃ cāpi yāḥ kanyāstābhiḥ sārdhaṃ ca śobhanā

25.2

kadācidatha merustho vāsavaḥ pāṃḍunaṃdana || smasmāra
māṃ yayau cāhaṃ saṃsmṛto vāsavaṃ tadā

25.3

māṃ dṛṣṭvā ca sahasrākṣaḥ samutthāyātiharṣitaḥ || pūjayāmāsa tāṃ pūjāṃ pratigṛhyāhamabruvam

25.4

mahāsura
mahonmādakālānala divaspate || kuśalaṃ vidyate kaccittava kaccicca naṃdasi

25.5

pṛṣṭastvevaṃ mayā śakraḥ provāca vacanaṃ smayan || kuśalasyāṃkurastā
vatsaṃbhūto bhuvanatraye

25.6

tatphalodayasaṃpatto tadbhavānsaṃsmṛto mune || vetsi sarvamataṃ tvaṃ vai tathāpi parinodakaḥ

25.7

nirvṛtiṃ paramāṃ yāti nivedyārthaṃ
suhrjane

25.8

tadbhavāñchailajāṃ devīṃ śaileṃdraṃ śailavallabhām || haraṃ saṃbhāvaya varaṃ yannānyaṃ rocayaṃti te

25.9

tatastadvākyamākarṇya gato'haṃ śailasattamam
oṣadhiprasthanilayaṃ sākṣādiva divaspatim

25.10

tatra haime svayaṃ tena mahābhaktyā nivedite || mahāsane pūjito'hamupaviṣṭo mahāsukham

25.11

gṛhītārghyaṃ
tato māṃ ca papraccha ślakṣṇayā girā || kuśalaṃ tapasaḥ śailaḥ śanaiḥ phullānanāṃbujaḥ

25.12

ahamapyasya tatprocya pratyavocaṃ girīśvaram || tvayā śaileṃdra
pūrvāṃ vāpyaparāṃ caiva diśaṃ tathā

25.13

avagāhya sthitavatā kriyate prāṇipālnā || aho dhanyosi vipreṃdrāḥ sāhāyyena tavācala

25.16

tapojapa
vratasnānaiḥ sādhayaṃtyātmanaḥ param|| yajñāṅgasādhanaiḥ kāṃścitkaṃdādiphaladānataḥ||14||tvaṃ samudrasi viprānkimataḥ procyate tava||anye'pi jīvā bahudhā
tvāmupāśritya bhūdhara||15||muditāḥ prativartaṃte gṛhasthamiva prāṇinaḥ||śītamātapavarṣāṃśca kleśānnānāvidhānsahan

25.17

upākaroṣi jaṃtūnāmevaṃrūpā hi
sādhavaḥ || kimataḥ procyate tubhyaṃ dhanyastvaṃ pṛthivīdhara

25.18

kaṃdaraṃ yasya cādhyāste svayaṃ tava maheśvaraḥ || ityuktavati vākyaṃ ca yathārthaṃ mayi
phālguna

25.19

himaśailasya mahiṣī menā āgādihakṣayā || anuyātā duhitrā ca svalpāśca paricārikāḥ

25.20

lajjayānatasarvāṃgī praviveśa
sado mahat || tato māṃ śailamahiṣī vavaṃde praṇipatya sā

25.21

vastranigūḍhavadanā pāṇipadmakṛtāṃjaliḥ || tāmahaṃ satyarūpābhirāśīrbhiḥ samavardhayam

25.22

pativratā śubhācārā subhagā vīrasūḥ śubhe || sadā vīravatī cāpi bhava vaṃśonnatiprade

25.23

tato'haṃ vismitākṣīṃ ca himavadgiriputri
kām || mṛduvāṇyā pratyavocamehi bāle mamāṃtikam

25.24

tato devī jaganmātā bālabhāvaṃ svakaṃ mayi || darśayaṃtī svapitaraṃ kaṃṭhe gṛhyāṃkamāviśat

25.25

uvāca vācaṃ tāṃ maṃdaṃ muniṃ vaṃdaya putrike || muneḥ prasādato'vaśyaṃ patimāpsyasi saṃmatam

25.26

ityuktā sā tato bālā vastrāṃtapi
hitānanā || kiṃcitsahuṃkṛtotkaṃpaṃ procya novāca kiṃcana

25.27

tato vismitacitto'hamupacāravidāṃvaraḥ || pratyavocaṃ punardevīmehi dāsyāmi te śubhe

25.28

ratnakrīḍanakaṃ ramyaṃ sthāpitaṃ suciraṃ mayā || ityuktā sā tadotthāya pituraṃkātsavegataḥ

25.29

vaṃdamānā ca me pādau mayā nītāṃka
mātmanaḥ|| manyatā tāṃ jagatpūjyāmuktaṃ bāle tavocitam

25.30

na tatpaśyāmi yaccubhyaṃ dadyāśīḥ kā tavocitā || ityukte mātṛvātsalyācchailendra
mahiṣī tadā

25.31

nodayāmāsa māṃ maṃdamanāśīḥśaṃkitā tadā || bhagavanvetsi sarvaṃ tvamatītānāgataṃ prabho

25.32

tadahaṃ jñātumicchāmi kīha
śo'syāḥ patirbhavet || śrutveti sasmitamukhaḥ prāvocaṃ narmavallabhaḥ

25.33

na jāto'syāḥ patirbhadre vartate ca kulakṣaṇaḥ || nagno'tinirdhanaḥ krodhī
vṛtaḥ krūraiśca sarvadā

25.34

śrutveti saṃbhramāviṣṭo dhvastavīryo himācalaḥ || māṃ tadā pratyuvācedaṃ sāśrukaṇṭho mahāgiriḥ

25.35

aho vicitraḥ saṃ
sāro durvedyo mahatāmapi || pravarastvapi śaktyā yo nareṣu na kṛpāyate

25.36

yatnena mahatā tāvatpuṇyairbahuvidhairapi || sādhayatyātmano loko mānuṣya
matidurlabham

25.37

adhruvaṃ tadbhavatve ca kathaṃcitparikalpyate || tatrāpi durlabhānāṃ samānavratacāriṇī

25.38

sādhvī mahākulotpannā bhāryā
yā syātpativratā || tatrāpi durlabhaṃ yacca tayā dharmaniṣevaṇam

25.39

saha vedapurāṇoktaṃ jagattrayahitāvaham || etatsudurlabhaṃ yacca tasyāṃ caiva prajā
yate

25.40

tadapatyamapatyārthaṃ saṃsāre kila nārada || eteṣāṃ durlabhānāṃ hi kiṃcitprāpnoti puṇyavān

25.41

sarvametadvāpnoti sa kopi yadi
vā na vā || kiṃcitkenāpi hi nyūnaṃ saṃsāraḥ kurute naram

25.42

atha sāṃsāriko doṣaḥ svakṛtaṃ yatra bhujyate || gārhasthyaṃ ca praśaṃsaṃti vedāḥ
sarve'pi nārada

25.43

neti kecittatra punaḥ kathaṃ te yadi no gṛhī || ato dhātrā ca śāstreṣu sutalābhaḥ preśaṃsitaḥ

25.44

punaśca
sṛṣṭivṛddhyarthaṃ narakatrāṇanāya ca || tatra strīṇāṃ samutpattiṃ vinā sṛṣṭirna jāyate

25.45

sā ca jātiprakṛtyaiva kṛpaṇā dainyabhā
ginī || tāsāmupari māvajñā bhavediti ca vedhasā || śāstrepūktamasaṃdigdhaṃ vākyametanmahatphalam

25.46

daśaputrasamā kanyā daśapu
trānpravarddhayan || yatphalaṃ labhate martyastallabhyaṃ kanyayaikayā

25.47

tasmātkanyā pituḥ śocyā sadā duḥkhavivardhinī

25.48

yāpi syātpūrṇasarvārthā patiputradhanānvitā || tvayoktaṃ ca kṛte hyasyāstaddhākyaṃ mama śokadam

25.49

kena doṣeṇa me putrī na yogyā āśiṣā
matā || na jāto'syāḥ patiḥ kasmādvartate vā kulakṣaṇaḥ

25.50

nirdhanaśca mune kasmātsarveṣāṃ sarvadaḥ kutaḥ || iti durvaṭavākyaṃ te mano mohayatīva
me

25.51

iti taṃ putravātsalyātsabhāryaṃ śokasaṃplutam || ahamāśvāsayaṃ vāgbhiḥ satyābhiḥ pāṃḍunaṃdana

25.52

mā śucaḥ śailarāja tvaṃ harṣaṃ
sthāne'tipuṇyabhāk || śṛṇu tadvacanaṃ mahyaṃ yanmayoktaṃ ca hyarthavat

25.53

jaganmātā tviyaṃ bālā putrī te sarvasiddhidā || purā bhave'bhavadvāryā
satīnāmnā bhavasya yā

25.54

tadsyāḥ kimahaṃ dadmi raverdīpamivālpakaḥ || saṃciṃtyeti mahādevyā nāśiṣaṃ dattavānaham

25.55

na jāto'syāḥ
patiśceti vartate ca bhavo hi saḥ || na sa jāto mahādevo bhūtabhavyabhavodbhavaḥ

25.56

śaraṇyaḥ śāśvataḥ śāstā śaṃkaraḥ parameśvaraḥ

25.57

sarve devā
yatpadāmāmanaṃti vedaiśca sarvairapi yo na labhyaḥ || brahmādiviśvaṃ nanu yasya śaila bālasya vām̐ krīḍanakaṃ vadaṃti

25.58

sa cāmaṃgalyaśīlo'pi maṃgalaṃ
yatano haraḥ || nirdhanaḥ sarvadaścāsau veda svaṃ svayameva saḥ

25.59

sa ca devo'calaḥ sthāṇurmahādevo'jaro haraḥ || bhaviṣyati patiḥ so'syāstatkimarthaṃ
tu śocasi

25.59.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśamāhātmye himava dāśvāsanaṃnāma trayoviṃśo'dhyāyaḥ

Linked texts (8)