Kaumarakhanda 30
Kaumārakhaṇḍa 30
- Language
- Sanskrit
Contents
- 30.14 — 1 part
30.1
cha
nārada uvāca || || ityuktā madirāttatsamānnirjagāma himādrijā || tasyāṃ vrajaṃtyāṃ cakruśca gaṇāḥ kilakiladhvanim
30.2
ka mātargaccha
sītyuktā rudanto dhāvitāḥ puraḥ || viṣṭhabhya caraṇau devyā vīrako bāṣpagadgadam
30.3
provāca mātaḥ kiṃ nvetatka yāsi kupitā tvarā||ahaṃ tvāmanu
yāsyāmi mātaraṃ snehavatsalām
30.4
nāhaṃ sahiṣye paruṣaṃ girīśasya tvayojjhitaḥ || putraḥ pāruṣyapātraṃ hi bhavenmātrā vinā pituḥ
30.5
unnāmya
vadanaṃ paścādakṣiṇena tu pāṇinā || uvāca vīrakaṃ mātā mā śokaṃ putra bhāvaya
30.6
śailāgrātpatituṃ naiva nyāyyaṃ gaṃtuṃ mayā saha || vakṣyāmi putra
te yogyaṃ tattu kāryaṃ tvayā śṛṇu
30.7
kṛṣṇetyuktā hareṇāhaṃ niṃditā ca tṛṇāyitā || sāhaṃ tapaḥ kariṣyāmi yathā gaurītvamāpnuyām
30.8
gaurāṃgī
laṃpaṭo hyeṣa yātāyāṃ mayyanaṃtaram || dvārarakṣā tvayā kāryā nityaṃ raṃdhrānveṣiṇā
30.9
yathā na kācitpraviśedyoṣidatra harāṃtike || dṛṣṭvā parāṃ striyaṃ
cātra vadethā mama putraka
30.10
śīghrameva kariṣyāmi tato yuktamanaṃtaram || evamastviti tāṃ devīṃ vīrakaḥ prāha sāṃpratam
30.11
māturājñā suto hyādaṣṭvāvitāṅgo gatajvaraḥ || jagāma tryakṣaṃ saṃdraṣṭuṃ praṇipatya ca mātaram
30.12
gajavaktraṃ tataḥ prāha praṇamya samavasthitam || sāśrukaṃṭhaṃ prayācaṃtaṃ naya māmapi
pārvati
30.13
gajavaktraṃ hi tvāṃ bāla māmivoparhaṃsiṣyati || tadāgaccha mayā sārdhaṃ yā gatirme tavāpi sā
30.14
parābhavāddhi dhūrtānāṃ maraṇaṃ
sādhu putraka || evamuktvā samādāya himādriṃ prati sā yayau
30.14.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṇḍe kumāreśvaramāhātmye pārvatyāstaporthaṃ gamanavarṇanaṃnāmāṣṭāviṃśo'dhyāyaḥ
Linked texts (8)
- Skandamahāpurāṇa (vulgate) — Sanskrit
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Kumārikākhaṇḍa — Sanskrit
- Vaiṣṇavakhaṇḍa — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Matsya — Sanskrit