Pramāṇa · Search · About · API

Kaumarakhanda 32

Kaumārakhaṇḍa 32

Language
Sanskrit

Contents

32.1

6 || || nārada uvāca || || tataḥ skandaḥ suraiḥ sārdhaṃ śvetaparvata
mastakāt || uttīrya tārakaṃ hantuṃ dakṣiṇāṃ sa diśaṃ yayau

32.2

tataḥ sarasvatītīre yāni bhūtāni nārada || grahāścopagrahāścaiva vetālāḥ śākinī
gaṇāḥ

32.3

unmādā ye hyapasmārā: palādāśca piśācakāḥ || devaisteṣāmadhipatye so'bhyaṣiñcata pāvakiḥ

32.4

yathā te naiva maryādāṃ saṃtya
jaṃti durāśayāḥ || etaistasmātsamākrāṃtaḥ śaraṇyaṃ pāvakiṃ vrajet

32.5

aprakīrṇendriyaṃ dāṃtaṃ śuciṃ nityamataṃdritam || āstikaṃ skandabhaktaṃ ca
varjayaṃti grahādikāḥ

32.6

maheśvaraṃ ca ye bhaktā bhaktā nārāyaṇaṃ ca ye || teṣāṃ darśanamātreṇa naśyaṃte te vidūrataḥ

32.7

tataḥ sarvaiḥ suraiḥ sārdhaṃ mahī
tīraṃ yayau guhaḥ || tatra devaiḥ prakathitaṃ mahīmāhātmyamuttamam

32.8

śṛṇvanvisiṣmiye skandaḥ praṇanāma ca tāṃ nadīm || tato mahīdakṣiṇatastīramā
śritya dhiṣṭhitam

32.9

praṇamya śakrapramukhā guhaṃ vacanamabruvan || abhiṣiktaṃ vinā skanda senāpatimakalmaṣam

32.10

na śarma labhate senā tasmāttvamabhi
ṣecaya || mahīsāgarasaṃbhūtaiḥ puṇyaiścāpi śivairjalaiḥ

32.11

abhiṣekṣyāmahe tvāṃ ca tatra no draṣṭumarhasi || yathā hastipade sarvapadāṃtarbhāva iṣyate

32.12

sarvatīrthāntarasthānaṃ tathārṇavamahījale || sarvabhūtamayo yadvattryaṃbakaḥ parikīrtyate

32.13

sarvatīrthamayastadvanmahīsāgarasaṃgamaḥ || ardhanārīśvaraṃ rūpaṃ
yathā rudrasya sarvadam

32.14

tathā mahīsamudrasya snānaṃ sarvaphalapradam || yenātra pitaraḥ skanda tarpitā bhaktibhāvataḥ

32.15

tena sarveṣu tīrtheṣu tarpitā
nātra saṃśayaḥ || na caitadvadi maṃtavyaṃ kṣārametajjalaṃ hi yat

32.16

yathā hi kaṭutiktādi gavā staṃ hi kṣīradam || evametattvidaṃ toyaṃ pitṝṇāṃ tṛpti
dāyakam

32.17

evaṃ bruvatsu deveṣu kapilo'pi munirjaṃgau || satyametadumāputra sarvatīrthamayī mahī

32.18

kardamo yastvahamapi jñātvā tīrthamahā
guṇān || sarvā bhuvaṃ parityajya kṛtvā hyāśramamāsthitaḥ

32.19

tato maheśvaraḥ prāha satyametattvaroditam || brahmādyāstaṃ tathā prāhustra bhūyo'pyatho
guruḥ

32.20

atrābhiṣekaṃ te vīra kariṣyāmaḥ samādiśa || tataḥ suvismitastatra snātvā skando mahāmanāḥ

32.21

abhiṣiñcantu māṃ devā iti
tānabravīdgucaḥ || tato'bhiṣekasaṃbhārānsarvānsaṃbhṛtya śāstrataḥ

32.22

juhuvurmaṃtrapūte'gnau catvāro mukhyaṛtvijaḥ || brahmā ca kapilo jīvo viśvā
mitraścaturthakaḥ

32.23

anye ca śataśastatra munayo vedapāragāḥ || tatrādbhutaṃ mahādevo darśayāmāsa bhārata

32.24

yadagnikuṇḍamadhyastho liṃgamūrti
rvyadṛśyata || ahamevāgnimadhyastho havirgṛhṇāmi nityaśaḥ

32.25

etatsaṃdarśanārthāya liṃgamūrtirabhūdvibhuḥ || tacchiṃgamatulaṃ devā namaścakrurmudā
nvitāḥ

32.26

sarvapāpāpahaṃ pārtha sarvakāmaphalapradam || tatra homāvasāne ca datte himavatā śubhe

32.27

divyaratnānvite skando niṣaṇṇaḥ paramā
sane || sarvamaṃgalasaṃbhārairvidhimaṃtrapuraskṛtam

32.28

abhyaṣiṃcaṃstato devāḥ kumāraṃ śaṃkarātmajam || iṃdro viṣṇurmahāvīryo brahmarudrau ca phālguna

32.29

ādityādyā grahāḥ sarve tathobhāvānalānalau || ādityā vasavo rudrāḥ sādhyāścaivāśvināvubhau

32.30

viśvedevāśca maruto gaṃdharvāpsarasastathā
devabrahmarṣayaścaiva vālakhilyā marīcipāḥ

32.31

vidyādharā yogasiddhāḥ pulastyapulahādayaḥ || pitaraḥ kaśyapo'triśca marīcirbhṛguraṃgirāḥ

32.32

dakṣo'tha manavo ye ca jyotīṃṣi ṛtavastathā || mūrtimaṃtyaśca sarito mahīprabhṛtikāstathā

32.33

lavaṇādyāḥ samudrāśca prabhāsādyāśca tīrthakāḥ
pṛthivī dyaurdiśaścaiva pādapāḥ parvatāstathā

32.34

ādityādyā mātaraśca kurvaṃtyo guhamaṃgalam || vāsukipramukhā nāgāstathobhau garuḍāruṇau

32.35

varuṇo dhanadaścaiva yamaḥ sānucarastathā || rākṣaso nirṛtiścaiva bhūtāni ca palāśanāḥ

32.36

dharmo bṛhaspatiścaiva kapilo gādhinaṃdanaḥ
bahutvācca ye noktā vividhā devatāgaṇāḥ

32.37

te ca sarve mahīkūle hyabhyaṣiṃcanmudā guham || tato mahāsvanāmugrāṃ devadaityādidarpahām

32.38

dadau paśupatistasmai sarvabhūtamahācamam || viṣṇurdadau vaijayaṃtīṃ mālāṃ balavivardhinīm

32.39

umā dadau cārujasī vāsasī sūryasaprabhā || gaṃgā kamaṃ
ḍaluṃ divyamamṛtodbhavamuttamam

32.40

mahī mahānadī tasya cākṣamālāṃ sasāgarāṃ dadau mudā kumārāya daṃḍaṃ caiva bṛhaspatiḥ

32.41

garuḍo
dayitaṃ putraṃ mayūraṃ citrabarhiṇam || aruṇastāmracūḍaṃ ca pradadau caraṇāyudham

32.42

chāgaṃ ca varuṇo rājā balavīryasamanvitam || kṛṣṇājinaṃ tathā
brahmā brahmaṇyāya dadau jayam

32.43

caturo'nucarāṃścaiva mahāvīryānbalotkaṭān || naṃdisenaṃ lohitākṣaṃ ghaṃṭākarṇaṃ ca mānasān

32.44

caturthaṃ
cāpyatibalaṃ khyātaṃ kusumamālinam || tataḥ sthāṇurdadau devo mahāpāriṣadaṃ kratum

32.45

sa hi devāsure yuddhe daityānāṃ bhīmakarmaṇām || jaghāna
dorbhyāṃ saṃkruddhaḥ prayutāni caturdaśa

32.46

yamaḥ prādādanucarau yamakālopamau tadā || unmāthaṃ ca pramāthaṃ ca mahāvīryau mahādyutī

32.47

subhrājau
bhāskarasyaiva yau sadā cānuyāyinau || tau sūryaḥ kārtikeyāya dadau pārtha mudānvitaḥ

32.48

kailāsaśṛṃgasaṃkāśau śvetamālyānulepanau || somo'
pyanucarau prādānmaṇiṃ sumaṇimeva ca

32.49

jvālājihvaṃ jyotiṣaṃ ca dadāvagnirmahābalau || parighaṃ ca balaṃ caiva bhīmaṃ ca sumahābalam

32.50

skaṃdāya trīnanucarāndadau viṣṇururukramaḥ || utkrośaṃ paṃcajaṃ caiva vajradaṇḍadharāvubhau

32.51

dadau maheśaputrāya vāsavaḥ paravīrahā || tau hi śatrūnmahendrasya
jaghnatuḥ samare bahūn

32.52

vardhanaṃ baṃdhanaṃ caiva āyurvedaviśāradau || skandāya dadatuḥ prītāvaśvinau bharatarṣabha

32.53

balaṃ cātibalaṃ caiva mahāvaktrau
mahābalau ||pradadau kārtikeyāya vāyuścānucarāvubhau

32.54

ghasaṃ cātighasaṃ vīrau varuṇaśca dadau prabhuḥ || suvarcasaṃ mahātmānaṃ tathaivāpyativarcasam

32.55

himavānpradadau pārtha sākṣādyauhitrakāya vai || kāṃcanaṃ ca dadau merurmeghamālinameva ca

32.56

ucchritaṃ cātiśṛṃgaṃ ca mahāpāṣāṇayodhinau
svāheyāya dadau prītaḥ sa viṃdhyaḥ pārṣadau śubhau

32.57

saṃgrahaṃ vigrahaṃ caiva samudro'pi gadādharau || pradadau pārṣadau vīrau mahīnacyā samanvitaḥ

32.58

unmādaṃ puṣpadaṃtaṃ ca śaṃkukarṇaṃ tathaiva ca || pradadāvagniputrāya pārvatī śubhadarśanā

32.59

jayaṃ mahājayaṃ caiva nāgau jvalanasūnave || pradadurbalināṃ śreṣṭhau
suparṇaḥ pārṣadāvubhau

32.60

evaṃ sādhyāśca rudrāśca vasavaḥ pitarastathā || sarve jagati ye mukhyā daduḥ skaṃdāya pārṣadān

32.61

nānāvīryānmahāvīryā
jñānāyudhavibhūṣaṇān || bahulatvānna śakyaṃte saṃkhyātuṃ te ca phālguna

32.62

mātaraśca dadustasmai tadā mātṛgaṇānprabho || yābhirvyāptāstrayā
yo lokāḥ kalyāṇībhiścarācarāḥ

32.63

prabhāvatī viśālākṣī gopālā gonasā tathā || apsujātā bṛhaddaṃḍī kālikā bahuputrakā

32.64

bhayaṃkarī ca cakrāṃgī tīrthanemiśca mādhavī || gītapriyā alātākṣī caṃṭulā śalabhāmukhī

32.65

vidyujjihvā rudrakālī śatolūkhalamekhalā || śata
ghaṃṭākiṃkiṇikā cakrākṣī catvarālayā

32.66

pūtanā rodanā tryāṃmā koṭarā meghavāhinī || ūrdhvaveṇīdharā caiva jarāyurjarjarānanā

32.67

khaṃ
ṭakheṭī dahadahā tathā dhamadhamā jayā || bahuveṇī bahuśirā bahupādā bahustanī

32.68

śatolūkamukhī kṛṣṇā karṇaprāvaraṇā tathā || śūnyālayā
dhānyavāsā paśudā dhānyadā sadā

32.69

etāścānyāśca bahvacśca mātaro bharatarṣabha || bahulatvādahaṃ tāsāṃ na saṃkhyātumihotsahe

32.70

vṛkṣacatva
ravāsinyaścatuṣpathaniveśanāḥ || guhāsmaśānavāsinyaḥ śailaprasravaṇālayāḥ

32.71

nānābharaṇaveṣāstā nānāmūrtidharāstathā || nānābhāṣāyudhadharāḥ
parivavrustadā guham

32.72

tataḥ sa śuśubhe śrīmānguho guhaṃ ivāparaḥ || saināpatye cābhiṣikto devairnānāmunīśvaraiḥ

32.73

tataḥ praṇamya sarvāṃstā
nekaikatvena pāvakiḥ || briyatāṃ vara ityāha bhavannupurogamān

32.73.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kārtikeyasya senānītve'bhiṣekavarṇanaṃnāma triṃśo'dhyāyaḥ

Linked texts (7)