Kaumarakhanda 50

Kaumārakhaṇḍa 50

Language: Sanskrit

50.29 — 1 part

50.1

cha || || nārada uvāca || || athātaḥ saṃpravakṣyāmi somanāthamahiṃ sphuṭam || śṛṇvantyāṃ kīrtayiṣyāmi pāpamokṣamavāpnuyāt

50.2

purā tretāyuge pārtha cauṃḍedeśasamudbhavau || ūrjayaṃtaśca prāleyo viprāvāstāṃ mahādyutī

50.3

tāvekadā purā ṇārthe ślokamekamapaśyatām || taṃ dṛṣṭvā sarvaśāstrajñāvāstāṃ kaṃṭakitatvacau

50.4

prabhāsādyāni tīrthāni pulastyāyāha padmabhūḥ || na yaistatrāptutaṃ caiva kiṃ taistīrthamupāsitam

50.5

iti ślokaṃ paṭhitvā tau punaḥpunarabhiṣṭutam || tarhyeva ca prabhāsāya niḥsṛtau snātumuttamau

50.6

tau vanāni nadīścaiva vyatikramya śanaiḥśanaiḥ || maharṣigaṇasaṃkīrṇāmuttīrṇo narmadāṃ śivām

50.7

guptakṣetrasya māhātmyaṃ mahīsāgarasaṃgamam || tatra snātvā prabhā sāya tanmadhyena pratasthatuḥ

50.8

tato mārgasya śūnyatvāttṛṭkṣudhāpīḍitau bhṛśam || āstāṃ vicetanau viprau siddhaliṃgasamīpataḥ

50.9

siddhanāthaṃ namaskṛtya saṃprayātau sudhairyataḥ || kṣudhāvegena tīvreṇa tṛṣā madhyārkatāpitau

50.10

sahasā patitau bhūmau sthūṇapādau vimūrcchitau || tato muhūrtātprāleya ūrjayaṃtamabhāṣata

50.11

kiṃciddhiśvasya dhairyācca sakhe kiṃ na śrutaṃ tvayā || yathā yathā vivarṇāṃgo jāyate tīrthayātrayā

50.12

tathātathā bhavedānairdīnaḥ someśvaro haraḥ || tathāstāṃ luṃṭhamānau tāvevamukte śrute'pi ca

50.13

luṃṭhamāno jagāmaiva prāleyaḥ kiṃcidaṃtare || utthitaṃ sahasā liṃgaṃ bhūmiṃ bhittvā sudurdṛśam

50.14

khe vāṇī cābhavattatra puṣpavarṣapuraḥsarā || prāleya tava hetostu somanāthasamaṃ phalam || utthitaṃ sāgarataṭe liṃgaṃ tiṣṭhātra suvrata

50.15

prāleya uvāca || || yadyevaṃ satyametacca tathāpyātmā prakalpitaḥ

50.16

prabhāsāya prayātavyaṃ yadā'' mṛtyormayā sphuṭam || tataścaivorjayaṃto'pi mūrchābhāvālluṭhanpuraḥ

50.17

apaśyadutthitaṃ liṃgaṃ sa caivaṃ pratyapadyata || tataḥ pratyakṣatāṃ prāpto bhavaścake tayorhṛde

50.18

dṛṣṭvā tanū tato yātau prabhāsaṃ śivasadma ca || tāvetau somanāthau dvau siddheśvarasamīpataḥ

50.19

ūrjayaṃtaḥ pratīcyāṃ ca prāleyasya ca parāḥ || somakuṃḍāṃbhasi śanaiḥ snātvārṇavamahījale

50.20

somanāthadvayaṃ paśyejjanmapāpātpramucyate || brahmātra sthāpayitvā tu hāṭakeśvara
saṃjñitam

50.21

mahīnagarake liṃgaṃ pātālātsumanoharam || tuṣṭāva devaṃ prayataḥ stutiṃ tāṃ śṛṇu pāṃḍava

50.22

namaste bhagavanrudra bhāskarā
mitatejase || namo bhavāya rudrāya rasāyāṃbumayāya te

50.23

śarvāya kṣitirūpāya sadā surabhiṇe namaḥ || īśāya vāyave tubhyaṃ saṃsparśāya
namonamaḥ

50.24

paśūnāṃ pataye cāpi pāvakāyātitejase || bhīmāya vyomarūpāya śabdamātrāya te namaḥ

50.25

mahādevāya somāya
amṛtāya namo'stu te || udghāya yajamānāya namaste karmayogine

50.26

ityevaṃ nāmabhirdivyaiḥ stava eṣa udīritaḥ || yaḥ paṭhecchṛṇu
yādrāpi pitāmahakṛtaṃ stavam

50.27

hāṭakeśvaraliṃgasya nityaṃ ca prayato naraḥ || aṣṭamūrteḥ sa sāyujyaṃ labhate nātra saṃśayaḥ

50.28

hāṭakeśvaraliṃgaṃ ca prayato yaḥ smaredapi || tasya syādrarado brahmā tenedaṃ sthāpitaṃ jagat

50.29

evaṃvidhāni tīrthāni mahīsāgarasaṃgame || bahūni
saṃti puṇyāni saṃkṣepādgarṇitāni me

50.29.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe stambhatīrthamāhātmye somanāthavṛttāṃtavarṇanaṃnāmāṣṭacatvāriṃśo'dhyāyaḥ