Kaumarakhanda 64

Kaumārakhaṇḍa 64

Language: Sanskrit

64.62 — 1 part

64.1

cha || || śaunaka
uvāca || || sūta śrutā purāsmābhirutpattirgaṇapasya ca || kṣetranāthaḥ kathaṃ jajñe vadaitacchṛṇvatāṃ hi naḥ

64.2

sūta uvāca || || yadā dāru
kadaityena pīḍyamānā divaukasaḥ || śivaṃ devyā sahāsīnaṃ praṇipatyedamabruvan

64.3

deva daityena ghoreṇa durjayena surāsuraiḥ || pīḍitā dārukeṇa smaḥ
svasthānāccāpi cyāvitāḥ

64.4

na viṣṇunā na caṃdreṇa na cānyenāpi kenacit || śakyo haṃtuṃ sa duṣṭātmā ardhanārīśvaraṃ vinā

64.5

tena saṃpī
ḍyamānānāsmākaṃ śaraṇaṃ bhava || ityuktvā rurudurdevāścāhircāhīti cābruvan

64.6

tato'tikṛpayāviṣṭaharakaṃṭhasya kālimām || gṛhītvā pārvatī
cake nārīmekāṃ mahābhayām

64.7

ātmaśaktiṃ tatra muktvā provācedaṃ vacaḥ śubhā || yasmādatīva kālāsi nāmnā tvaṃ kālikā bhava

64.8

devāriṃ
ca durātmānaṃ śīghraṃ nāśaya śobhane || evamuktā mahārāvā kālikā prāpya taṃ tadā

64.9

raveṇaiva mūrtaṃ cakre sānugaṃ sphuṭitahṛdam || tatovantī
śmaśānasthā mahārāvānamuṃcata

64.10

yairāsanvikalau lokāṃścayo'pi pramṛtā yathā || tato rudro bālarūpaṃ kṛtvā viśvakṛte vibhuḥ

64.11

rudaṃsta
rayāḥ samīpe cāpyāgataḥ pretasadmani || rudaṃtaṃ ca tato bālaṃ kṛtvotsaṃge kṛpānvitā

64.12

kālikāpāyayatstanyaṃ mā rudeti prajalpatī || stanya
vyājena bālo'pi papau krodhaṃ tadaṃgajam

64.13

yo'sau harakaṃṭhabhavaviṣādāsītsudurdharaḥ || pītakrodhasvabhāve ca saumyāsītkālikā tadā

64.14

bālo'pi bālarūpaṃ tattyaktumaicchatkṛtakriyaḥ

64.15

tato devāḥ kālikāyā śaṃkamānāḥ punarbhayam || ūcurmā bāla bālatvaṃ parityaja kṛpāṃ kuru

64.16

bāla uvāca || || na bhetavyaṃ kālikāyāḥ saumyā devī yataḥ kṛtā || asti cedbhavatāṃ bhītiranyānhiṃsyāmi bālakān || catuḥ
ṣaṣṭikṣetrapālānityuktvā so'sṛjanmukhāt

64.17

prāha tānbālarūpāṃśca bālarūpī maheśvaraḥ || svargeṣu paṃcaviṃśānāṃ pātāleṣu ca tāvatām

64.18

caturdeśānāṃ bhūloṃke vāso vaḥ pālanaṃ tathā || ayameva śmaśānastho bhavitā śvā ca vāhanam

64.19

naivedyaṃ bhavatāṃ rājamāṣataṃdulamiśrakāḥ
anabhyarcya ca yo yuṣmānikacitkṛtyaṃ vidhāsyati

64.20

tasya tanniṣphalaṃ bhāvi bhuktaṃ pretaiśca rākṣasaiḥ || ityuktvā bhagavānrudrastatraivāṃtaradhīyata

64.21

kṣetrapālāḥ sthitāścaiva yathāsthāne nirūpitāḥ || iti vaḥ kṣetrapālānāṃ sṛṣṭiḥ proktā samāsataḥ

64.22

ārādhanaṃ pravakṣyāmi
yena prītā bhavaṃti te

64.23

oṃkṣāṃ kṣetrapālāya namaḥ || iti navākṣaro mahāmaṃtraḥ

64.24

anenātra caṃdanādi dattvā rājamāṣataṇḍulamiśrakāṃśca catuḥ
ṣaṣṭikṛtabhāgānvaṭakānnivedya tāvatyo dīpikāstāvanti patrāṇi pūgāni nivedya daṇḍavatpraṇamya mahāstutimetāṃ japet

64.25

oṃūrdhvakeśā virū
pākṣā nityaṃ ye ghorarūpiṇaḥ || raktanetrāśca piṃgākṣāḥ kṣetrapālānnamāmi tān

64.26

am̐hvaro vyāpakumbhaśca iḍācārastathaiva yaḥ || iṃdramūrtiśca kolā
kṣa upapāda ṛtuṃsanaḥ

64.27

siddheyaścaiva valiko nīlapādekadaṃṣṭrikaḥ || irāpatiścāvahārī vignahārī tathāṃtakaḥ

64.28

ūrdhvapādaḥ kambalaśca
khaṃjanaḥ khara eva ca || gomukhaścaiva jaṃvālo gaṇanāthaśca vāraṇaḥ

64.29

jaṭālopyajaṭālaśca naumi svaḥkṣetrapālakān || ṛkāro haṭhakārī ca
ṭaṃkapāṇiḥ khaṇistathā

64.30

ṭhaṃṭhaṃkaṇo jaṃbaraśca sphuliṃgāsyastaḍidruciḥ || daṃturo ghananādaśca nandakaśca tathā paraḥ

64.31

phetkārī paṃcāsyo barbarī bhīmarūpavān || bhagnapakṣaḥ kālamegho yuvāno bhāskarastathā

64.32

rauravaścāpi laṃboṣṭho vaṇijaḥ sujaṭālikaḥ || sugaṃdho
huhukaścaiva naumi pātālarakṣakān

64.33

sarvaliṃgeṣu huṃkāraḥ smaśāneṣu bhayāvahaḥ || mahālakṣo vane ghore jvālākṣo vasatau sthitaḥ

64.34

ekavṛkṣaśca vṛkṣeṣu karālavadano niśi || ghaṇṭāravo guhāvāsī padmakhaṃjo jale sthitaḥ

64.35

catvareṣu durārohaḥ parvate kuravastathā || nirjhareṣu pravāhāsyo māṇibhadro nidhiṣvapi

64.36

rasakṣetre rasādhyakṣo yajñavāṭeṣu koṭanaḥ || caturdaśa bhuvaṃ vyāpya sthitāstvevaṃ namāmi tān

64.37

evaṃ catuḥṣaṣṭimitāñcharaṇaṃ yāmi kṣetrapān || prasīdaṃtu prasīdaṃtu tṛpyaṃtu mama pūjayā

64.38

sarvakāryeṣu yaścaivaṃ kṣetrapānarcayecchuciḥ || kṣetrapāstasya tuṣyaṃti yacchaṃti ca samīhitam

64.39

imaṃ kṣetrapakalpaṃ ca vijānanvijayastathā || yathoktavidhinābhyarcya siddheyaṃ tuṣṭuve ca tam

64.40

praṇamya ca tato devīmānarca vaṭayakṣiṇīm || purā yadā nāradena kalāpagrāmato dvijāḥ

64.41

samānītāstaiśca sākaṃ sunaṃdā nāma brāhmaṇī || vidhyābhyāgatā tatra tapastaptaṃ mahītaṭe

64.42

sā kṛcchrāṇi parākāṃśca atikṛcchrāṇi kurvatī || jyeṣṭhe bhādrapade cake sāvitryā dve trirātrike

64.43

māsopavāsaṃ ca tathā kārtike kulanaṃdinī || saptaliṃgāni saṃpūjya devīpūjāṃ sadā vyadhāt

64.44

darśe snānaṃ tathā cake mahīsāgarasaṃgame || ityā dibahubhistaistairnityaṃ niyamapālanaiḥ

64.45

dhūtapāpā yayau lokamumāyāḥ kṛtasvāgatā || aṃśena ca taṭe tasminsaṃbhūtā vaṭayakṣiṇī

64.46

tasyāstuṣṭo varaṃ prādātsiddhaliṃgasthito haraḥ || anabhyarcya ya enāṃ ca matpūjāṃ prakariṣyati

64.47

tasya tanniṣphalaṃ sarvamityuktaṃ pālyameva me
tasmātprapūjayennityaṃ vaṭasthāṃ vaṭayakṣiṇīm || puṣpaidhūpaistu naivedyairmantreṇānena bhaktitaḥ

64.48

sunande nandanīyāsi pūjāmetāṃ gṛhāṇa me
prasīd sarvakāleṣu mama tvaṃ vaṭayakṣiṇi

64.49

evaṃ saṃpūjya tāṃ natvā kṣamāpya vaṭayakṣiṇīm || sarvānkāmānavāpnotinaro nārī
ca sarvadā

64.50

vijayaścāpi māhātmyamidaṃ jānanmahāmatiḥ || ānarca vaṭavṛkṣasthāṃ bhaktito vaṭayakṣiṇīm

64.51

tataḥ siddhāṃ
bikāṃ stutvā jagatvānaparājitām || mahāvidyāṃ vaiṣṇavīṃ tu sādhanena samanvitām

64.52

yasyāḥ smaraṇamātreṇa sarvaduḥkhakṣayo bhavet
tāṃ vidyāṃ kīrtayiṣyāmi śṛṇudhvaṃ viprapuṃgavāḥ

oṃ namo bhagavate vāsudevāya namo'naṃtāya sahasraśīrṣāya kṣīrodārṇavaśāyine śeṣabhogaparyaṃ
kāya garuḍavāhanāya pītavāsase vāsudeva saṃkarṣaṇa pradyumnāniruddha hayaśiro varāha narasiṃha vāmana trivikrama rāma rāma varaprada namo'stu te namo'
stu te asuradaityadānavayakṣarākṣasabhūtapretapiśācakuṃbhāṃḍasiddhayoginīḍākinīskaṃdapurogamānyahānnakṣatragrahāṃścānyāṃśca hana 2 daha 2 paca 2 matha 2
vidhvaṃsaya 2 vidrāvaya 2 śaṃkhena cakreṇa vajreṇa gadayā muśalena halena bhasmīkuru sahasrabāhave sahasracaraṇāyudha jaya 2 vijaya 2 aparājita apra
tihata sahasranetra jvala 2 prajvala 2 viśvarūpa bahurūpa madhusūdana mahāvarāha mahāpuruṣa vaikuṃṭha nārāyaṇa padmanābha goviṃda dāmodara hṛṣīkeśa sarvāsuro
tsādana sarvabhūtavaśaṃkara sarvaduḥkhaprabhedana sarvayaṃtraprabhaṃjana sarvanāgapramardana sarvadevamaheśvara sarvabaṃdhavimokṣaṇa sarvāhitapramardana sarvajvarapraṇāśana sarvagraha
nivāraṇa sarvapāpapraśamana janārdana janānaṃdakara namo'stu te svāhā

64.54

imāmaparājitāṃ paramavaiṣṇavīṃ mahāvidyāṃ japati paṭhati śṛṇoti smarati
dhārayati kīrtayati na ca tasya vāyvagnivajropalāśanivarṣabhayaṃ na samudrabhayaṃ na grahabhayaṃ na ca caurabhayaṃ na ca śvāpadabhayaṃ vā bhavet

64.55

kacid
drāñyaṃdhakārastrīrājakulaviṣopaviṣagaradavaśīkaraṇavidveṣaṇoccāṭanavadhabaṃdhabhayaṃ vā na bhavedaitairmantrapadairudāhṛtairhidā baddhaiḥ saṃsiddhapūjitaiḥ

64.56

tathathā || namonamaste'stu abhaye anaghe ajite atrasite amṛte aparājite paṭhitasiddhe smaritasiddha ekānaṃśe ume dhruve aruṃdhati sāvitri gāyatri
jātavedasi mānastoke sarasi sarasvati dharaṇi dhāriṇi saudāmini adite vinate gauri gāṃdhāri mātaṃgi kṛṣṇe yaśode satyavādini brahmavādini
kāli kapālini sadyovayavacayanakari sthalagataṃ jalagatamaṃtarikṣagataṃ vā rakṣa 2 sarvabhūtabhayopadravebhyo rakṣa 2 svāhā

64.57

yasyāḥ praṇaśyate puṣpaṃ
garbho vā patate yadi || mriyaṃte bālakā yasyāḥ kākavaṃdhyā ca yā bhavet || dhārayeta imāṃ vidyāmebhirdoṣairna lipyate

64.98

raṇe rājakule ghūte nityaṃ
tasya jayo bhaveta || śastraṃ dhārayate hyeṣāṃ samare kāṃḍadhāriṇī

64.99

gulmaśūlākṣirogāṇāṃ nityaṃ nāśakarī tathā || śirorogajvarāṇāṃ ca nāśanī
sarvadehinām

64.60

tadyathā || hana 2 kāli sara 2 kāli sara 2 gauri dhama 2 gauri dhama 2 vidye āle tāle māle maṃdhe baṃdhe paca 2 vidye
nāśaya pāpaṃ hana duḥsvapnaṃ vināśaya kaṣṭanāśini rajani saṃdhye duṃdubhināde mānasavege śaṃkhini cakriṇi vajriṇi śūlini apamṛtyuvināśini
viśveśvari draviḍi drāviḍi keśavadayite paśupatimahite durddamadamini śarvari kirāti mātaṃgi oṃhrāṃhrīṃhrūṃhrauṃkāṃkaṃkaṃkaṃtvara 2 ye māṃ dvipaṃti pratyakṣaṃ
parokṣaṃ vā sarvāndama 2 marda 2 tāpaya 2 pātaya 2 śoṣaya 2 utsādaya 2 brahmāṇi māheśvari vārāhi vināyaki aiṃdri āgneyi cāmuṃḍe
vāruṇi pracaṃḍavidyote iṃdropeṃdrabhagini vijaye śāṃtisvastipuddhivivardhini kāmāṃkuśe kāmadughe sarvakāmavaraprade sarvabhūteṣu vāsini prati
vidyāṃ kuru 2 ākarṣiṇi veśini jvālāmālini ramaṇi rāmaṇi dharaṇi dhāriṇi mānonmānini rakṣa 2 vāyavye jvālāmālini
tāpani śoṣaṇi nīlapatākini mahāgauri mahāśvete mahāmayūri ādityaraśmi jāhnavi yamaghaṃṭe kiṇi 2 ciṃtāmaṇi surabhi surotpanne
kāmadughe yathā manīṣitaṃ kāryaṃ tanmama sidhyatu svāhā oṃsvāhā oṃbhūḥ svāhā oṃbhuvaḥ svāhā oṃsvaḥ svāhā oṃbhūrbhuvaḥsvaḥ svāhā
yatrevāgataṃ pāpaṃ tatraiva pratigacchatu svāhā oṃbale mahābale asiddhasādhini svāhā

Kaumarakhanda 64

Contents

Linked texts (5)