Kaumarakhanda 68

Kaumārakhaṇḍa 68

Language: Sanskrit

68.135 — 1 part

68.1

cha || || sūta uvāca || || tataścayodaśe varṣe vyatīte
samaye tadā || upapluve saṃgateṣu sarvarājasu pāṃḍavāḥ

68.2

yoddhumāgatya saṃtasthuḥ kurukṣetraṃ mahārathāḥ || kauravāścāpi saṃtasthurduryodhanapurogamāḥ

68.3

tato bhīṣmeṇa proktāṃ ca naraiḥ śrutvā yudhiṣṭhiraḥ || rathātirathasaṃkhyāṃ tu rājñāṃ madhye vaco'bravīt

68.4

bhīṣmeṇa vihitā kṛṣṇa rathātirathavarṇanā || tato
duryodhano'pṛcchadidaṃ svīyānmahārathān

68.6

sasainyānpāṃḍavānetānhanyātkālena kena kaḥ || māsena tu pratijñātaṃ bhīṣmeṇa ca kṛpeṇa ca

68.6-2

pakṣaṃ dro
ṇena cāhvāṃ ca daśabhirdrauṇinā raṇe || ṣaḍbhiḥ karṇena ca tathā sadā mama bhayaṃkṛtā

68.7

tadahaṃ svāṃśca pṛcchāmi kena kālena haṃti kaḥ || etacchrutvā
vaco rājñaḥ phālguno vākyamabravīt

68.8

ayuktametadrīṣmādyaiḥ pratijñātaṃ yudhiṣṭhira || tato jaye ca vijaye niścayo hi mṛṣaiva tat

68.9

tavāpi
ye saṃti nṛpāḥ sannaddhā raṇasaṃsthitāḥ || paśyaitānpuruṣavyāghrānkālakalpāndurāsadān

68.10

drupadaṃ ca virāṭaṃ ca dhṛṣṭaketuṃ ca kaikayam || sahadevaṃ sātya
ki ca cekitānaṃ ca durjayam

68.11

dhṛṣṭadyumnaṃ saputraṃ ca mahāvīryaṃ ghaṭotkacam || bhīmādīṃśca maheṣvāsānkeśavaṃ cāparājitam

68.12

manyehameka
stveteṣāṃ hanyātkauravabāhinīm || sannaddhāḥ pratidṛśyaṃte bhīṣmādyā bahavo rathāḥ

68.13

tebhyo bhayaṃ na kāryaṃ te phalgavo'mī mṛgā iva

68.14

asmākaṃ dhanuṣāṃ ghoṣairidānīmeva bhārata || kauravā vidraviṣyaṃti siṃhatrastā mṛgā iva

68.15

vṛddhādrīṣmādvijādradrādroṇādapi kṛpādapi || bāli
śārtikaṃ bhayaṃ drauṇeḥ sūtaputrācca durmateḥ

68.16

athavā cittanirvṛtyai jñātumicchasi bhārata || śatrūṇāṃ pratyanīkeṣu saṃdhāvacchṛṇu me vacaḥ

68.17

eko
'hameva saṃgrāme sarve tiṣṭhaṃtu te rathāḥ || ekāhnā kṣapaye sarvānkauravānsainyasaṃyutān

68.18

ityarjunavacaḥ śrutvā smayandāmodaro'bravīt || evametadyathā
prāha phālguno'yaṃ mṛṣā na tat

68.19

tataśca śaṃkhānbherīśca śataśaścaiva puṣkarān || nivārya rājamadhyastho varbarīko vaco'bravīt

68.20

yena tat guptakṣetre yena devyaḥ sutoṣitāḥ || yasyātulaṃ bāhubalaṃ tena coktaṃ niśamyatām

68.21

yadbhavīmi vacaḥ satyaṃ śṛṇudhvaṃ tannarā
dhipāḥ || ātmano vīryasadṛśaṃ kevalaṃ na tu darpataḥ

68.22

yadāryeṇa pratijñātamarjunena mahātmanā || na marṣayāmi tadvākyaṃ kālakṣepo mahānayam

68.23

sarve bhavaṃtastiṣṭhaṃtu sārjunāḥ sahakeśavāḥ || eko muhūrtādrīṣmādīnsarvāṃstreṣye yamakṣayam

68.24

mayi tiṣṭhati kenāpi śastraṃ grāhyaṃ na
kṣatriyaiḥ || svadharmaśapatho vo'stu mṛte grāhyaṃ tato mayi

68.25

paśyadhvaṃ me balaṃ bāhvordevyārādhanasaṃbhavam || māhātmyaṃ guptakṣetrasya tathā bhaktiṃ ca
pāṃḍuṣu

68.26

paśyadhvaṃ me dhanurcoraṃ tūṇīrāvakṣayau tathā || khaḍgaṃ ca devyā yadattaṃ tato vacmi vacastvidam

68.27

iti tasya vacaḥ śrutvā
kṣatriyā vismayaṃ yayuḥ || arjunaśca kaṭākṣepe lajjitaḥ kṛṣṇamaikṣata

68.28

tamāha lalitaṃ kṛṣṇaḥ phālgunaṃ paramaṃ vacaḥ || ātmaupayikamevedaṃ bhaimi
putro'bhyabhāṣata

68.29

navakoṭyayuto'nena palāśī nihataḥ purā || kṣaṇādeva ca pātāle śrūyate mahadadbhutam

68.30

punaḥ prakṣyāmahe
tvenaṃ kenopāyena kauravān || muhūrtādbhasi brūhīti pṛcchayatāṃ cāha taṃ jayaḥ

68.31

tataḥ smayanyādaveṃdro bhaimiputramabhāṣata

68.32

bhīṣmadroṇa
kṛpadrauṇikarṇaduryodhanādibhiḥ || guptāṃ yyaṃbakadurjeyāṃ senāṃ haṃsi kathaṃ kṣaṇāt

68.33

ayaṃ mahānvismayaste vaca go bhaiminandana || saṃbhūtaḥ sarvarājñāṃ
ca phālgunasya ca dhīmataḥ

68.24-2

taddhi hi kenopāyena muhūrtārddhaṃsi kauravān || upāyavīryaṃ te jñātvā maṃsyāmo vayamapyuta

68.35

sūta
uvāca || || ityuko vāsudevena sarvabhūteśvareṇa ca || siṃhavakṣāḥ parvatābho nānābhūṣaṇabhūṣitaḥ

68.36

ghaṭāsyo ghaṇṭāsaśca ūrdhvakeśo'tidīpti
mān || vidyuddaṃṣo vāyujavo yaścecchennāśayejjagat

68.37

devīdattātulabalo barbarīko'bhyabhāṣata || yadi vo mānasaṃ vīrā upāyasya pradarśane

68.38

tadahaṃ darśayāmyeṣa paśyadhvaṃ sahakeśavāḥ || ityukkā dhanurāropya saṃdadhe viśikhaṃ tvaran || niḥśalyaṃ cāpi saṃpūrṇaṃ siṃdūrābheṇa bhasmanā

68.39

ākarṇamākṛṣya ca taṃ mumoca mukhādathoddhūtamabhūcca bhasma

68.40

senādye tacca papāta śīghraṃ yasyaiva yatrāsti ca mṛtyumarma || sarveromasu bhīṣmasya
kaṃṭhe rādheyadroṇayoḥ

68.41

ūrau duryodhanasyāpi śalyasyāpi ca vakṣasi || kaṃṭhe ca śakunerdīnaṃ bhagadattasya cāpatat

68.42

kṛṣṇasya pādatala
lake kaṃṭhe drupadamatsyayoḥ || śikhaṃḍinastathā karṣyāṃ kaṃṭhe senāpatestathā

68.43

papāta raktaṃ tadrasma yatra yeṣāṃ ca marma ca || kevalaṃ caiva pāṃḍūnāṃ
kṛpadrauṇyośca nāspṛśat

68.44

iti kṛtvā tato bhūyo barbarīko'bhyabhāṣata || dṛṣṭaṃ bhavadbhirevaṃ yanmayā marma nirīkṣitam

68.45

adhunā pāta
yiṣyāmi marmasveṣāṃ śitāñcharān || devīdattānamoghākhyānyairmariṣyaṃtyamī kṣaṇāt

68.46

śapathā vaḥ svadharmasya śabdaṃ grāhyaṃ na vaḥ kacit
muhūrtātpātayiṣyāmi śatrūnetāñchitaiḥ śaraiḥ

68.47

tato vismitacittānāṃ yudhiṣṭhirapurogiṇām || āsīnninādaḥ sumahānsādhusādhviti śaṃsa
tām

68.48

vāsudevaśca saṃkruddhaścakreṇa niśitena ca || evaṃ bruvata evāsya śiraśchittvā nyapātayat

68.49

tataḥ kṣaṇātsarvamāsīdāvignaṃ rājamaṃḍalam || vyalokayankeśavaṃ te vismitāścābhavanbhṛśam

68.50

kimetaditi prāhuśca barbarīkaḥ kuto hataḥ|| pāṃḍavāścāpi mumucuraśrūṇi sahapārthivāḥ

68.51

hāhā putreti ca gṛṇanpraskhalaṃśca padepade || ghaṭotkaco'pataddīnaḥ putropari vimūrchitaḥ

68.52

etasminnaṃtare devyaścaturdaśa samāyayuḥ

68.53

siddhāṃbikā kroḍamātā kapālī tārā suvarṇā ca trilokajetrī || bhāṇeśvarī carcikā caikavīrā yogeśvarī caṃḍikā traipurā ca

68.54

bhūtāṃbikā harasi
dvistathāmūḥ saṃprāpya tasthurnṛpavismayaṃkarāḥ || śrīcaṃḍikā''śvāsya tato ghaṭotkacaṃ provāca vākyaṃ mahatā svareṇa

68.55

śṛṇudhvaṃ pārthivāḥ sarve
kṛṣṇena viditātmanā || hetunā yena nihato barbarīko mahābalaḥ

68.56

merumūrdhni purā pṛthvī samavetāndivaukasaḥ || ārākāṃtā jagādaitānbhāropa
hiyatāṃ hi me

68.57

tato brahmā prāha viṣṇuṃ bhagavaṃstvamidaṃ śṛṇu || devāstvānugamiṣyaṃti bhāraṃ hara bhuvaḥ prabho

68.58

tatastatheti tanmene
vacanaṃ viṣṇuravyayaḥ || etasminnaṃtare bāhumuddhatyoccairabhāṣata

68.59

sūryavarceti yakṣeṃdraścaturāśītikoṭipaḥ || kimarthaṃ mānuṣe loke bhavadbhirjanma
kāryate

68.60

mayi tiṣṭhati doṣāṇāmanekānāṃ mahāspade || sarve bhavaṃto modaṃtu svargeṣu saha viṣṇunā

68.61

ahameko'vatīryaitānhaniṣyāmi
bhuvo bharān || svadharmaśapathā vo vai saṃti cejjanma prāpsyatha

68.62

ityuktavacane brahmā kuddhastaṃ samabhāṣata || durmate sarvadevānāmaviṣahyaṃ mahābharam

68.63

svasādhyaṃ brūṣe mohāttvaṃ śāpayogyo'si bāliśa || deśakālocitaṃ svīyaṃ parasya ca balaṃ hṛdā

68.64

avicāryaiva prabhuṣu vakti so'rhati
daṃḍanam || tasmādbhūbhāraharaṇe yuddhasyopakrame sati

68.65

śarīranāśaṃ kṛṣṇāttvamavāpsyasi na saṃśayaḥ || evaṃ śapto brahmaṇā'sau viṣṇumetadyācata

68.66

yadyevaṃ bhavitā nāśastadekaṃ deva prārthaye || janmaprabhṛti me dehi matiṃ sarvārthasādhanīm

68.67

tatastatheti taṃ prāha keśavo devasaṃsadi
śiraste pūjayiṣyaṃti devyāḥ pūjyo bhaviṣyasi

68.68

ityuktvā cāvatīrṇo'sau saha devairharistadā || harirnāma sa kṛṣṇo'sau bhavaṃtaste tathā surāḥ

68.69

sūryavarcāḥ sa cāyaṃ hi nihato bhaimiputrakaḥ || prākchāpaṃ brahmaṇaḥ smṛtvā hatonena mahātmanā || tasmāddoṣo na kṛṣṇe'smindraṣṭavyaḥ sarvabhū
mipaiḥ

68.70

śrīkṛṣṇa uvāca || || yaduktaṃ bhūmipā devyā tattathaiva na saṃśayaḥ

68.71

yadyenamadhunā naiva hanyāṃ brahmavaco'nyathā || tato
bhavediti smṛtvā mayāsau vinipātitaḥ

68.72

guptakṣetre mayaivāsau niyukto devyanusmṛtau || pūrvaṃ dattaṃ varaṃ svīyaṃ smaratā devasaṃsadi

68.73

ityukte
caṃḍikā devī tadā bhaktaśirastvidam || abhyukṣya sudhayā śīghramajaraṃ cāmaraṃ vyadhāt

68.74

yathā rāhuśirastadvatticchiraḥ praṇanāma tān || uvāca
ca diṣṭakṣāmi yuddhaṃ tadanumanyatām

68.75

tataḥ kṛṣṇo vacaḥ prāha meghagaṃbhīravākprabhuḥ || yāvanmahī sanakṣatrā yāvaccaṃdradivākarau

68.76

tāvattvaṃ
sarvalokānāṃ vatsa pūjyo bhaviṣyasi || devīlokeṣu sarveṣu devīvadvicariṣyasi

68.77

svabhaktānāṃ ca lokeṣu devīnāṃ dāsyase sthitim || bālānāṃ ye
bhaviṣyaṃti vātapittakaphodbhavāḥ || piṭakāstāḥ sukhenaiva śāmayiṣyasi pūjanāt

68.78

idaṃ ca śṛṃgamāruhya paśya yuddhaṃ yathā bhavet

68.79

dhāvaṃtaḥ
kauravāstvasmānvayaṃ yāmastvamūniti || ityukte vāsudevena devyo'thāṃbaramāviśan

68.80

barbarīkaśiraścaiva giriśṛṃgamavāpya tat || dehasya
bhūmisaṃskārāścābhavacchiraso nahi || tato yuddhaṃ mahadabhūtkurupāṃḍavasenayoḥ

68.81

aṣṭādaśāhena hatā ye ca droṇavṛṣādayaḥ || duryodhane hate krūre aṣṭāda
śadinātyaye

68.82

yudhiṣṭhiro jñātimadhye goviṃdaṃ samabhāṣata || puruṣottama saṃgrāmamamuṃ saṃtāritā vayam

68.83

tvayaiva nāthena hare namaste
puruṣottama || śrutvā tasyāpi sāmūyamidaṃ bhīmo vaco'bravīt

68.84

yena dhvastā dhātarāṣṭrāstaṃ nirākṛtya māṃ nṛpa || puruṣottamaṃ kṛṣṇamiti
bravīṣi kimu mūḍhavat

68.85

dhṛṣṭadyumnaṃ phālgunaṃ ca sātyakiṃ māṃ ca pāṃḍava || nirākṛtya bravīṣyeva sūtaṃ dhiktvāṃ yudhiṣṭhira

68.86

arjuna
uvāca || || maivaṃ maivaṃ brahi bhīma na tvaṃ vetsi janārdanam || na mayā na tvayā pārtha nānyenāpyarayo hatāḥ

68.87

ahaṃ hi sarvadāyasthaṃ naraṃ
paśyāmi saṃyuge || nighnaṃtaṃ śātravāṃstatra na jāne ko'pyasāviti

68.88

bhīma uvāca || || viśrāṃto'si dhruvaṃ pārtha nātra haṃtā naro'paraḥ
atha cedasti tvatpautramucyasthaṃ vacmi haṃta kaḥ

68.89

upasṛtya tato bhīmo barbarīkamapṛcchata || brūhyete kena nihatā dhārtarāṣṭrā hi śatravaḥ

68.90

barbarīka uvāca || || eko mayā pumāndṛṣṭo yudhyamānaḥ paraiḥ saha || savyataḥ paṃcavaktraḥ sa dakṣiṇe caikavakrataḥ

68.91

savyato daśahasta
śca dhṛtaśūlādyudāyudhaḥ || dakṣiṇe ca caturhasto dhṛtacakrādyudāyudhaḥ

68.92

savyataśca jaṭādhārī dakṣiṇe mukuṭoccayaḥ || savyato bhasmadhārī ca dakṣiṇe
dhṛtacaṃdanaḥ

68.93

savyataścaṃdradhārī ca dakṣiṇe kaustubhadyutiḥ || mamāpi taddarśanato mahadbhayamajāyata

68.94

īdaśo me naro dṛṣṭo
na cānyo yo jaghāna tān || ityukte puṣpavarṣaṃ tu khādāsītsumahāprabham

68.95

sasvanurdevavādyāni sādhusādhiti vai jaguḥ || vismitāḥ pāṃḍavā
śvāsanpraṇemuḥ puruṣottamam

68.96

vilakṣaścābhavadbhīmo niśvāsāṃścāpyamuṃcata || taṃ tataḥ keśavaḥ svāmī samādāya kare dṛḍhe

68.97

kuruśārdūla
ehīti procya sasmāra kāṃśyapim || āruhya garuḍaṃ paścātsmṛtamātramupasthitam

68.98

bhīmena sahito vyomni prayāto dakṣiṇāṃ diśam || tato'rṇa
vamatītyaiva suvelaṃ ca mahāgirim

68.99

laṃkāsamīpe dṛṣṭvaiva saraḥ kṛṣṇo'bravīdvacaḥ || kuruśārdūla paśyedaṃ saro dvādaśayojanam

68.100

yadi
śūro'si tacchīghramānayāsyatalānmṛdam || ityukto garuḍācchīghraṃ nyapatattajjale balī

68.101

yojanaṃ vāyujavācchannagho nāṃtamapaśyata || tato
bhīmo viniḥsṛtya bhagnavīryo'bhyabhāṣata

68.102

agādhametatsumahatsaraḥ kaiścinmahābalaiḥ || ahaṃ khāditumārabdhaḥ kathaṃciccāpi nirgataḥ

68.103

tato
evamukto hasankṛṣṇa uccikṣepa mahatsaraḥ || svenāṃguṣṭhena tejasvī tadrdhārdhamajāyata

68.104

taddṛṣṭvā vismitaḥ prāha kimidaṃ kṛṣṇa brūhi me

68.105

śrīkṛṣṇa uvāca || || kumbhakarṇa iti khyātaḥ pūrvamāsīnniśācaraḥ || rāmabāṇahatasyābhūccharaśchinnaṃ sudurmateḥ

68.106

śirasastasya
tālukyakhaṃḍametaṭṭakodara || yojanadvādaśāyāmaṃ mṛdu kṣitaṃ vicūrṇitam

68.107

vidhūtastvaṃ ca yaiste tu sarogeyābhidhāḥ surāḥ || trikūṭasya śilā
bhiśca cūrṇitā ye ca koṭiśaḥ

68.108

ete hi viśvaripavo nihatāḥ syurupāyataḥ || gacchāmaḥ pāṃḍavānbhīma drauṇirhi tvarate haṭham

68.109

tato bhīmaḥ praṇamyāha manovākkāyabuddhibhiḥ || kṛtamājanmataḥ sava kukṛtaṃ kṣama keśava

68.110

puruṣottama bhavānnātha bāliśasya prasīda me
tataḥ kṣāṃtamiti procya bhīmena sahito hariḥ

68.111

raṇājiraṃ bhūya etya barbarīkaṃ vaco'bravīt || carannevaṃ suhṛdaya sarvalokeṣu nityaśaḥ

68.112

pūjitaḥ sarvalokaistvaṃ yacchaṃsteṣāṃ varānvṛtān || gutakṣetraṃ ca na tyājyaṃ sarvakṣetrottamottamam

68.113

dehisthalyāṃ tathā vāsī kṣamasva
duṣkṛtaṃ ca yat || ityuktastānnamaskṛtya bhīmiḥ svairaṃ yayau mudā

68.114

vāsudevo'pi kāryāṇi sarvāṇyūrdhvamakārayat || iti vo varṇitotpattirbarbarīkasya vāḍavāḥ || stavaṃ cāsya pravakṣyāmi yena tuṣyati yakṣarāṭ

jayajaya caturaśītikoṭiparivāra sūryavarcābhidhāna yakṣarāja jaya bhūbhā
raharaṇapravṛtta laghuśāpaprāptanairṛtiyonisaṃbhava jaya kāmakaṭaṃkaṭākukṣirājahaṃsa jaya vaṭotkacānaṃdavardhana barbarīkābhidhāna jaya kṛṣṇopadiṣṭaśrīguptakṣetrade
vīsamārādhanaprāptatulavīrya jaya vijayasiddhidāyaka jaya piṃgalārepalendraduhahuhānavakoṭīśvara palāśanadāvānala jaya bhūpātālāṃtarāle nāgakanyāpari
hāraka jaya bhīmamānamardana jaya sakalakauravasenāvadhamuhūrtapravṛtta jaya śrīkṛṣṇavaralabdhasarvavarapradānasāmarthya jayajaya kalikālavaṃdita namonamaste pā
hipāhīti

Linked texts (6)

Skandamahāpurāṇa (vulgate) — Sanskrit
Kumārikākhaṇḍa — Sanskrit
Māheśvarakhaṇḍa — Sanskrit
Kaumārīkākhaṇḍa — Sanskrit
Vaiṣṇavakhaṇḍa — Sanskrit
Skandapurāṇa (early; "Ambikākhaṇḍa") (ed. Bakker) — Sanskrit

Kaumarakhanda 68

Contents

Linked texts (6)