Kaumarakhanda 9
Kaumārakhaṇḍa 9
- Language
- Sanskrit
Contents
- 9.111 — 1 part
9.2
gaṇādhipatyamapi me jātaṃ paribhavāspadam || vipadaṃtā hi jāyaṃte durvinītasya saṃpadaḥ
9.3
vidureṣyaddhiyā'pāyaṃ parato'nye vivekinaḥ || naivobhayaṃ vidurnīṃcā vinā'nubhavamātmanaḥ
9.4
durvinītaḥ śriyaṃ prāpya vidyāmai śvaryameva vā || na tiṣṭhati ciraṃ sthāne yathāhaṃ madagarvitaḥ
9.5
vidyāmado dhanamadastṛtīyo'bhijano madaḥ || ete madā madāṃdhānāmeta eva satāṃ damāḥ
9.6
nodarkaśālinī buddhiryeṣāmavijitātmanām || taiḥ śriyaścapalā vācyaṃ nīyaṃte māhaśairjanaiḥ
9.7
tatprasīda muniśreṣṭha śāpāṃtaṃ me'dhunā kuru || durvinīteṣvapi sadā kṣamācārā hi sādhavaḥ
9.8
itthaṃ vacasi vijñapte vinītenāpi vai mayā || prasādapravaṇo bhūtvā śāpāṃtaṃ me tadā vyadhāt
9.9
gālava uvāca || channakīrtisamudbhārasahāyastvaṃ bhaviṣyasi || yadendradyumnabhūpasya tadā mokṣamavāpsyasi
9.110
ityahaṃ muniśāpena tadāprabhṛti parvate || himācale bako bhūtvā kāśyapeyo vasāmi ca
9.111
rājyaṃ cirāyuriti me ghṛtakambalasya jātismaratvamadhunāpi tathā''vān || śāpādbakatvamabhavanmunigālavasya tadvad sarvamuditaṃ bhavatādya pṛṣṭam
9.111.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe mahīprādurbhāve saptamo'dhyāyaḥ
Linked texts (5)
- Skandamahāpurāṇa (vulgate) — Sanskrit
- Kumārikākhaṇḍa — Sanskrit
- Vaiṣṇavakhaṇḍa — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit