[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 101 # Kaumarikakhanda 101 Kaumārīkākhaṇḍa 101 - **Language:** Sanskrit ## Contents - [101.81](https://indike.org/pramana/in.purana.kaumarikakhanda.101.81) — 1 part ### [101.1](https://indike.org/pramana/in.purana.kaumarikakhanda.101.1) cha|| || naṃdikeśvara uvāca || || tāvatkṛta ścidākarṇya tatrasthāṃ mahiṣāsuraḥ || avajñātāsurārātirvidhvaṃsitapuraṃdaraḥ ### [101.2](https://indike.org/pramana/in.purana.kaumarikakhanda.101.2) sarvalokajayī siddhavidyādharabhayāvahaḥ || durnigraho varādāsīcchastrāstraira khilairapi ### [101.3](https://indike.org/pramana/in.purana.kaumarikakhanda.101.3) tīkṣṇānāmapi śāpānāmapyagocaratāṃ gataḥ || darpadvirdānavairdaityaiḥ kauṇapaiśca niṣevitaḥ ### [101.4](https://indike.org/pramana/in.purana.kaumarikakhanda.101.4) dūṣako munipatnīnāṃ dharmamārgopa ghātakaḥ || balātpulomno namucervṛtrādapi balādhikaḥ ### [101.5](https://indike.org/pramana/in.purana.kaumarikakhanda.101.5) hiraṇyakaśiporvaṃśyo hiraṇyākṣa ivāparaḥ || tāṃ vilobhayituṃ kāṃcinnāhiṇotkila dūti kām ### [101.6](https://indike.org/pramana/in.purana.kaumarikakhanda.101.6) tataḥ sā tāpasīveṣadhāriṇī girijāṃ prati || sakhīsamakṣa evedmuvācānucitaṃ vacaḥ ### [101.7](https://indike.org/pramana/in.purana.kaumarikakhanda.101.7) a̍rāru bhīṣaṇe bhīro nivasanyatra kiṃ vane || vihartumucitā ramyeṣvavarodhanaveśmasu ### [101.8](https://indike.org/pramana/in.purana.kaumarikakhanda.101.8) kimarthaṃ vādya cittaṃ te yauvane bhoganiḥspṛham || niveśitaṃ tapasi ca daivatairapi duṣkare ### [101.9](https://indike.org/pramana/in.purana.kaumarikakhanda.101.9) haṃsatūlamayīṃ śayyāṃ muktāmayavitānikām || hitvā kimiti mṛdvaṃgi supyate paruṣāśmasu ### [101.10](https://indike.org/pramana/in.purana.kaumarikakhanda.101.10) tapojaḍo mṛḍo diṣṭyā prāgevāsti tvayo jjhitaḥ || tavānurūpo naivānyo vidyate diviṣatsu ca ### [101.11](https://indike.org/pramana/in.purana.kaumarikakhanda.101.11) kiṃ tu trailokyanātho'sti mahiṣo dānaveśvaraḥ || yadi drakṣyasi taṃ subhru tyakṣya syeva kṣaṇāttapaḥ ### [101.12](https://indike.org/pramana/in.purana.kaumarikakhanda.101.12) kiṃ nihnavena nanveṣa śrutvā sarvaṃ cirātprabhuḥ || sa prāhiṇodupānetuṃ dūtikāṃ māṃ smarāturaḥ ### [101.13](https://indike.org/pramana/in.purana.kaumarikakhanda.101.13) itya tyaṃtaviruddhaṃ tāṃ bruvāṇāmasamaṃjasam || devyāścittasthitiṃ jñātvā vijayā nirakāsayat ### [101.14](https://indike.org/pramana/in.purana.kaumarikakhanda.101.14) sā cātiroṣeṇa kṛtapratijñā daityarūpikā gatvā viditavṛttāṃtamakaronmahiṣāsuram ### [101.15](https://indike.org/pramana/in.purana.kaumarikakhanda.101.15) so'pi tatsarvamākarṇya ruṣātīvāruṇekṣaṇaḥ || devīṃ jighṛkṣurabhyāgādvṛto daiteyakoṭibhiḥ ### [101.16](https://indike.org/pramana/in.purana.kaumarikakhanda.101.16) syandanairdviradairaśvaiḥ pattibhiśca samaṃtataḥ || bhuvamācchādayāmāsa dhvajaiśca gaganāntaram ### [101.17](https://indike.org/pramana/in.purana.kaumarikakhanda.101.17) kṣvelitairvādyaghoṣaiśca nabhaḥ sphuṭa divābhavat || pādāghātaiśca daityānāṃ vidradre vasudhātalaṃm ### [101.18](https://indike.org/pramana/in.purana.kaumarikakhanda.101.18) karāḷo durddharastasya vicaṃṣṇurvikarālakaḥ || bāṣkalo durmukhaścaṃḍaḥ pracaṃḍaścā marāsuraḥ ### [101.19](https://indike.org/pramana/in.purana.kaumarikakhanda.101.19) mahāhanurmahāmaulirugrāsyo vikaṭekṣaṇaḥ || jvālāsyo dahanaśceme senānyopi pratasthire ### [101.20](https://indike.org/pramana/in.purana.kaumarikakhanda.101.20) kolāhalamimaṃ śrutvā devī niya mavighnataḥ || śaṃkitā daityasaṃhatyai durgāmādiśati sma sā ### [101.21](https://indike.org/pramana/in.purana.kaumarikakhanda.101.21) sāruṇādrirahodroṇyāmadhirūḍhā mṛgādhipam || dīptāyudhadharairdorbhiḥ kālikeva ma hīṃ gatā ### [101.22](https://indike.org/pramana/in.purana.kaumarikakhanda.101.22) ghanāghanaravodgayaṃ siṃhanādamacīkarat || sphuradaṃtacchadopāṃtaṃ valagadaṃgulipallavā ### [101.23](https://indike.org/pramana/in.purana.kaumarikakhanda.101.23) svāṃgebhyo yoginīcakraṃ mātaro'pyasṛja nnṛpā || devyāḥ priyāya daiteyasaṃhārāhīḥ sahasraśaḥ ### [101.24](https://indike.org/pramana/in.purana.kaumarikakhanda.101.24) kāścittatrāruṇacchāyā daṃḍinyo haṃsavāhanāḥ || mukhaiścaturbhirājagmuḥ kopaprasphuritādharaiḥ ### [101.25](https://indike.org/pramana/in.purana.kaumarikakhanda.101.25) niryayuḥ kāścana kruddhā jvalatriśikhapāṇayaḥ || nisvanadbhūṣaṇāḥ paṃsalhalāṭā vṛṣavāhanāḥ ### [101.26](https://indike.org/pramana/in.purana.kaumarikakhanda.101.26) nirjagmuraparāḥ senāsahitāḥ śikhivā hanaiḥ || śaktidaṃḍābhayakarāḥ śataśaḥ ṣaḍrirānanaiḥ ### [101.27](https://indike.org/pramana/in.purana.kaumarikakhanda.101.27) niṣkramūḥ parāstākṣyamadhiruhyādhikakrudhā || śaṃkhacakradharāḥ sūryacaṃdramobhyāṃ divo yathā ### [101.28](https://indike.org/pramana/in.purana.kaumarikakhanda.101.28) pratiṣṭhaṃte tathā vyāghravāhāḥ kuvalayatviṣaḥ || potraiḥ sadghargharākārairbibhratyo musalaṃ halam ### [101.29](https://indike.org/pramana/in.purana.kaumarikakhanda.101.29) roṣāruṇasahasrākṣyo valakṣadvipavāhanāḥ pratasthire śātakoṭiśatakoṭidharāḥ parāḥ ### [101.30](https://indike.org/pramana/in.purana.kaumarikakhanda.101.30) aśvārūḍhāḥ samāpeturekāḥ saudāminīnibhāḥ || khaḍgakheṭakadhāriṇyaḥ kopena kapilānanāḥ ### [101.31](https://indike.org/pramana/in.purana.kaumarikakhanda.101.31) tāśca koṭicatuḥṣaṣṭimasurānāśramādbahiḥ || arundhanprasabhaṃ dhvāṃtarāśīniva khestviṣaḥ ### [101.32](https://indike.org/pramana/in.purana.kaumarikakhanda.101.32) tataśca yoginīcakradānavānīkayormithaḥ prāvarttata raṇaṃ ghoraṃ muṣṭāmuṣṭi kacākaci ### [101.33](https://indike.org/pramana/in.purana.kaumarikakhanda.101.33) sāyakairyoginīmuktairdalitā daityamaulyaḥ || ācchādayanmahīpṛṣṭhaṃ sthalajānīva sarvataḥ ### [101.34](https://indike.org/pramana/in.purana.kaumarikakhanda.101.34) prasasrū raktasarito lagatkaiśikaśaivalāḥ || luṭhadvipāṭhapāṭhīnāḥ smerairdevīmukhāṃbujaiḥ ### [101.35](https://indike.org/pramana/in.purana.kaumarikakhanda.101.35) vetaṇḍatuṇḍānyāruhya saudhāniva piśācikāḥ || pracaṇḍa tāṃḍavāḥ pītaraktamadyāścakāśire ### [101.36](https://indike.org/pramana/in.purana.kaumarikakhanda.101.36) kapālairdetyavīrāṇāmaghāsusṛgāsavān || krīḍaḍḍamarukākārairḍāmarairyoginīgaṇāḥ ### [101.37](https://indike.org/pramana/in.purana.kaumarikakhanda.101.37) parijahustathāṃ trāṇi kaṃ kaughāḥ pāśaśaṃkayā || kṣudhitā api māṃsāni saśalyānyajahuḥ śivāḥ ### [101.38](https://indike.org/pramana/in.purana.kaumarikakhanda.101.38) siddhavidyādharonmuktamaṃdāraprasavāsavaiḥ || iyāya śāṃtiṃ bhūrreṇuḥ saṃgrāme kṣobhasambhavaḥ ### [101.39](https://indike.org/pramana/in.purana.kaumarikakhanda.101.39) virejuryoginīmuktairdehalagnairdviṣāṃ hayāḥ || amarṣātiśayotkṣiptaiḥ śalyaiḥ śalyamṛgā iva ### [101.40](https://indike.org/pramana/in.purana.kaumarikakhanda.101.40) daṃḍaiḥ keci tpare śūlairniśitaiḥ ke'pi śaktibhiḥ || cakrairanye halaireke katicicchatakoṭibhiḥ ### [101.41](https://indike.org/pramana/in.purana.kaumarikakhanda.101.41) yoginīnāṃ pare khaṅgairdalitā dānaveśvarāḥ || niḥśeṣatāmu pājagmurvinā senādhipānnijān ### [101.42](https://indike.org/pramana/in.purana.kaumarikakhanda.101.42) brāhmī svayamupāgamya vihitāyodhanāvadhīt || karālaṃ vikarālena daṇḍena jvalitā cirāt ### [101.43](https://indike.org/pramana/in.purana.kaumarikakhanda.101.43) māheśvarī triśūlena suciraṃ kṛtasaṃgarā || cakarta durddharasyāśu mūrddhānamatiroṣaṇā ### [101.44](https://indike.org/pramana/in.purana.kaumarikakhanda.101.44) śaktyā lulāva kaumārī cikṣurāsuramastakam cakreṇa cālunānmauliṃ vikarālasya vaiṣṇavī ### [101.45](https://indike.org/pramana/in.purana.kaumarikakhanda.101.45) bāṣkalasyāśu vārāhī musalenālunācchiraḥ || durmukhaṃ cāśu vajreṇa vyadhā daindrī gatāyuṣam ### [101.46](https://indike.org/pramana/in.purana.kaumarikakhanda.101.46) khyātaṃ yasyāśca nāmedaṃ tayoreva nidūṣanāt || cāmuṇḍā caṇḍamuṇḍau ca maṇḍalāgreṇa cicchide ### [101.47](https://indike.org/pramana/in.purana.kaumarikakhanda.101.47) pracaṇḍacā marau vīrau mahāmauliṃ mahāhanum || ugrāsyavikaṭākṣau ca jvālāsyadahanāvapi ### [101.48](https://indike.org/pramana/in.purana.kaumarikakhanda.101.48) anujagmuḥ krudhā yāntaṃ yuddhāya mahiṣāsuram || kālane miprabhṛtayo vipracittimivāsurāḥ ### [101.49](https://indike.org/pramana/in.purana.kaumarikakhanda.101.49) śirasravanto rathinaḥ suniṣaṃgā dhanurdharāḥ || uddhatakaṭakāḥ prāpuryuddhabhūmiṃ caladdhvajāḥ ### [101.50](https://indike.org/pramana/in.purana.kaumarikakhanda.101.50) samaṃtātpū ritādiśaḥ siṃhanādairbhayaṃkaraiḥ || pṛthaktvavarṣiṇo mātṛmaṃḍalānyabhidudruvuḥ ### [101.51](https://indike.org/pramana/in.purana.kaumarikakhanda.101.51) tāśca tairbalibhiḥ kṛtvā saṃgrāmaṃ nissahatvataḥ || durgāṃ prapedire devīṃ śaraṇaṃ siṃhavāhanām ### [101.52](https://indike.org/pramana/in.purana.kaumarikakhanda.101.52) uktvā māyālulāyasya durjayatvaṃ durātmanaḥ || devīṃ tāṃ tuṣṭuvurdurgāmevaṃ saptāpi mātaraḥ ### [101.53](https://indike.org/pramana/in.purana.kaumarikakhanda.101.53) yoganidreti rūpeṇa viṣṇornayanapadmayoḥ || tvayā nilīyate devi madhukāryaiva līlayā ### [101.54](https://indike.org/pramana/in.purana.kaumarikakhanda.101.54) amūmuhastaṃ na tathā mātaśca madhukaiṭabhau || kathaṃ jaghāna tau viṣṇu stayorevābhyanujñayā ### [101.55](https://indike.org/pramana/in.purana.kaumarikakhanda.101.55) tvaṃ kauśikī na cejjātā mṛtyuḥ śuṃbhaniśuṃbhayoḥ || kathaṃ tu lokapālānāmaiśvaryaṃ devi eṣyati ### [101.56](https://indike.org/pramana/in.purana.kaumarikakhanda.101.56) viṃdhyavā sini viṃdhyena kimavaṃdhyaṃ kṛtaṃ tapaḥ || yatra maitrī kirātībhirapi labhyā tvayā samam ### [101.57](https://indike.org/pramana/in.purana.kaumarikakhanda.101.57) kāpi śāyanamāpītaṃ dhanadopāyanīkṛtam tvayāṃba nītaṃ daityānāṃ rasairniyatamānavaiḥ ### [101.58](https://indike.org/pramana/in.purana.kaumarikakhanda.101.58) brahmaṇaḥ sṛṣṭiśaktistvaṃ sthitiśaktirmadhudviṣaḥ || aṃba saṃhāraśaktiśca rudrasyāpi pragalbhase ### [101.59](https://indike.org/pramana/in.purana.kaumarikakhanda.101.59) yaśodānaṃdajātā tvamekānaṃśeti nāmataḥ || kaṃsādyasurasaṃhāre hareḥ sāhāyyaṃ kariṣyasi ### [101.60](https://indike.org/pramana/in.purana.kaumarikakhanda.101.60) tvaṃ vidyā tvaṃ mahāmāyā tvaṃ lakṣmīstvaṃ sarasvatī tvaṃ devī pārvatīśāpi durge kiṃ vā na jāyase ### [101.61](https://indike.org/pramana/in.purana.kaumarikakhanda.101.61) nandikeśvara uvāca || || stotreṇānena mātṛbhyo durgā dattābhayā svayam || mahiṣā surayuddhāya saṃtuṣṭā niryayau tadā ### [101.62](https://indike.org/pramana/in.purana.kaumarikakhanda.101.62) pracaṃḍamaṃḍalāgreṇa bhiṃḍipālena cāmaram || mahāmauliṃ kṣurikayā karpareṇa mahāhanum ### [101.63](https://indike.org/pramana/in.purana.kaumarikakhanda.101.63) ugravaktraṃ kuṭhāreṇa śaktyā vikaṭacakṣuṣam || jvālāmukhaṃ mudgareṇa dahanaṃ musalena ca ### [101.64](https://indike.org/pramana/in.purana.kaumarikakhanda.101.64) nihatya mahiṣasyāgre saroṣaṃ yudhyatī svayam || siṃhanādaṃ mahāghoraṃ cakreṇa muditāśayā ### [101.65](https://indike.org/pramana/in.purana.kaumarikakhanda.101.65) athātyamarṣito durgāṃ viśikhairmahiṣāsuraḥ || vivyādha phālaphalake stanayorgaṃḍayorapi ### [101.66](https://indike.org/pramana/in.purana.kaumarikakhanda.101.66) tato durgātha saṃraṃbhātpra jahārāsureśvaram || bāhvorvakṣasi vakre ca kṣurapraiḥ prajvalatphalaiḥ ### [101.67](https://indike.org/pramana/in.purana.kaumarikakhanda.101.67) tato daityastribhirdurgāṃ jaghāna viśikhairmukhe || paṃcabhiḥ paṃcabhirbāhvordvābhyāṃ dvābhyāṃ ca netrayoḥ ### [101.68](https://indike.org/pramana/in.purana.kaumarikakhanda.101.68) ekena sārathiṃ rathyānaṣṭabhiḥ kārmukaṃ tribhiḥ || caturbhiśca dhvajaṃ tasya durgā ciccheda sāyakaiḥ ### [101.69](https://indike.org/pramana/in.purana.kaumarikakhanda.101.69) padātiraṃtha daityeṃdraḥ śataghnīṃ jvaladākṛtim || kāladaṃḍapratīkāśāṃ durgāṃ prati vimuktavān ### [101.70](https://indike.org/pramana/in.purana.kaumarikakhanda.101.70) hāhākurvatsu deveṣu vidrāṇe mātṛmaṃḍale || tāmāpataṃtīmādāya durgā jagrāha līlayā ### [101.71](https://indike.org/pramana/in.purana.kaumarikakhanda.101.71) kṛpāṇamaṃkuśaṃ pāśaṃ bhuśuṃḍīṃ karavālikām || śaṃkuṃ śaktiṃ gadāṃ cakraṃ tomaraṃ phalakaṃ sṛṇim ### [101.72](https://indike.org/pramana/in.purana.kaumarikakhanda.101.72) paraśvadhaṃ bhiṃḍipālaṃ paṭṭiśaṃ laguḍaṃ ca saḥ durgāṃ prati vicikṣepa kṣayāṃbhoda ivāśanim ### [101.73](https://indike.org/pramana/in.purana.kaumarikakhanda.101.73) āpataṃtyeva śastrāṇi kṣiptānyādāya vairiṇām || babhaṃja pāṇibhiḥ svairaṃ kariṇīvekṣukāṃḍakam ### [101.74](https://indike.org/pramana/in.purana.kaumarikakhanda.101.74) durgopavāhyaḥ siṃho'pi lāṃgūlāgreṇa mudritam || daṃṣṭrayā dārayāmāsa praharannakhapaṃkajaiḥ ### [101.75](https://indike.org/pramana/in.purana.kaumarikakhanda.101.75) kṣaṇaṃ siṃhaḥ kṣaṇaṃ kroḍaḥ kṣaṇaṃ vyāghraḥ kṣaṇaṃ gajaḥ || kṣaṇaṃ ca mahiṣo bhūtvā daityo durgāmayodhayat ### [101.76](https://indike.org/pramana/in.purana.kaumarikakhanda.101.76) mahiṣo'tha viṣāṇābhyāṃ tīkṣṇābhyāmatyamarṣitaḥ || tāḍayāmāsa siṃhaṃ ca devīmapi muhurmuhuḥ ### [101.77](https://indike.org/pramana/in.purana.kaumarikakhanda.101.77) kṣaṇaṃ gaganamadhyasthaḥ kṣaṇaṃ prāpto mahītale || kṣaṇaṃ dikṣu bhramanprātaḥ kṣaṇaṃ cādṛśyatāṃ gataḥ ### [101.78](https://indike.org/pramana/in.purana.kaumarikakhanda.101.78) prārthitā mātṛcakreṇa durgā mahiṣada़ānavam || amoghena triśūlena dārayāmāsa sasmitā ### [101.79](https://indike.org/pramana/in.purana.kaumarikakhanda.101.79) muktaghargharanirghoṣo yāvatpatati dānavaḥ || tāvadasya haṭhenāṃghriṃ skaṃdhapīṭhe nyaveśayat ### [101.80](https://indike.org/pramana/in.purana.kaumarikakhanda.101.80) kaṃṭhapīḍanato yātajīvitasyāmaradruhaḥ || chinnaṃ mūrddhānamādāya pāṇinātha nanartta sā ### [101.81](https://indike.org/pramana/in.purana.kaumarikakhanda.101.81) iti durgatyā samiti kāṃsarāsure dalite samastabhuvanaikakaṃṭake nanṛtuḥ surāḥ prajahṛṣurmaharṣayo vavṛṣuśca divyakusumāni vāridāḥ ### [101.81.p1](https://indike.org/pramana/in.purana.kaumarikakhanda.101.81.p1) iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe devyāstapaścaryāyāṃ durgākṛta mahiṣāsuravadhavarṇanaṃnāmaikonaviṃśo'dhyāyaḥ ## Linked texts (4) - [Māheśvarakhaṇḍa](https://indike.org/pramana/in.purana.mahesvarakhanda.101.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.141.1) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.4.19.1) — Sanskrit - [Śoṇādrimāhātmya](https://indike.org/pramana/in.purana.sthala.sonadrimahatmya.26.30) — Sanskrit --- Source: [https://indike.org/pramana/in.purana.kaumarikakhanda.101](https://indike.org/pramana/in.purana.kaumarikakhanda.101) · Pramāṇa