Pramāṇa · Search · About · API

Kaumarikakhanda 102

Kaumārīkākhaṇḍa 102

Language
Sanskrit

102.1

cha || || mārkaṃḍeya
uvāca || || aho mahiṣadaityasya durācāratvamīdṛśam || aho duritahāriṇyā durgāyāśca parākramaḥ

102.2

evaṃ tayā bhadrakālyā nihate mahipāsure
kiṃ cakāra girīṃdrasya naṃdinī tapasi sthitā

102.3

naṃdikeśvara uvāca || || anaṃtaraṃ sā hastena dadhatī daityamastakam || nanāma gaurīmanye
na pāṇinā khaḍgadhāriṇā

102.4

atha harṣeṇa nṛtyaṃtīṃ tāmālokya dayārdrayā || dṛṣṭayā devī jagādaināṃ daṃtāṃśudyotitāṃbarā

102.5

tvayātiduṣkaraṃ
karma nirmitaṃ viṃdhyavāsini || jātaṃ tava prabhāvena niṣpratyūhaṃ ca me tapaḥ

102.6

athaitanmāhiṣaṃ śīrṣamapavitraṃ bhayaṃkaram || jagatpavitracāritre tyaktu
marhasi hastataḥ

102.7

iti gauryoditā durgā jugupsākulamānasā || mūrdhnastasya nipātāya vyadhunodbahuśaḥ karam

102.8

tīrthamutpādyatāṃ devi navaṃ
pāpavināśanam || tasminnimajnādurge prāyaścittaṃ bhaviṣyati

102.9

itīritā gautamena durgā duritaśaṃkinī || pāṭayāmāsa khaḍgena śilāpaṭṭaṃ
paṭīyasā

102.10

pātālāvadhi nirbhinnātpāṣāṇatalatastataḥ || udajṛṃbhattaraṃgāṃbhaḥ sañcittamiva nirmalam

102.11

mamajja sāpi gaṃbhīre tasminnaṃbhasi
pāvane || namaḥ śoṇādrināthāyetyuktvā maṃtramanuttamam

102.12

tāvanmahiṣakaṃṭhasthaṃ liṃgaṃ tadgalitaṃ tale || taṭe pratiṣṭhitaṃ jātaṃ pāpanāśanasaṃjñayā

102.13

unmamajja tato durgā tīrthāṃbhodhūtakakalmaṣā || nipapātātha tatpāṇermahiṣāsuramastakam

102.14

kṛtapradakṣiṇā natvā pāpanāśanamīśvaram
purastādasti sā gauryā gautamenābhinaṃditā

102.15

evaṃ pratyakṣaniratapāpāṃ tāṃ vīkṣya pāvattī || jagāda dīrghatapasaṃ jagatīdharanaṃdinī

102.16

mahiṣāsurasaṃhāraṃ
'jasā svanumatiḥ kṛtā || viṃdhyavāsinīyamaho duṣṭamāhiṣavigraham

102.17

gṛhītvā bhakṣayāmāsa tasya liṃgamidaṃ śivam || prāyaścittaṃ tato brūhi ma
māpi munisattama

102.18

gautama uvāca || || devi sarvajagatsargasthitisaṃhārakāriṇi || tvaddhyānameva jagatāṃ sarvapātakanāśanam

102.19

athāpi laukikaṃ vṛttamavalaṃbya tvayoritam || svakṛtāpi hi maryādā na mahadbhirvilaṃghyate

102.20

antaḥkaraṇakāluṣyaśālinī kācana
kriyā || kathyate'dya mayā mātaravadhānaṃ vidhīyatām

102.21

aruṇādrirayaṃ sākṣādanalādristirohitaḥ || jvalatijyotiṣā svena kṛttikāpūrṇimā
niśi

102.22

tatsaparyāṃtapaścaryā kāryā kātyāyani tvayā || tajjyotirdarśanātsarvamabhīṣṭaṃ tava sidhyati

102.23

ityuktā gautamenāṃbā tadāpra
bhṛti dāruṇā || iyaṃ ca śivabhaktā hi śi vapūjāratā tadā

102.24

tapaścacāra paṃcānāmagnīnāṃ madhyamāśritā || caturṇāṃ śikhināṃ madhye sthitā
sūryaniviṣṭadṛk

102.25

reje haimī śalākeva dyotamānā girīṃdrajā || athākṛṣṭevapārvatyāḥ premapāśairnirāyataiḥ

102.26

sā kārttikī paurṇa
māsī samāpede śubhā tithiḥ || tatastasya dinasyāṃte śṛṃge śoṇamahībhṛtaḥ

102.27

adarśi kimapi jyotiranupādhikavaibhavam || tadarthopagatairbrahmama
dhubhidvāsavādibhiḥ

102.28

upāsyamānamabhito devairdivyarṣisaṃgataiḥ || tadaniṃdhana masnehamadaśāvarttisaṃbhavam

102.29

mahāpradīpamālokya vismayaṃ
prāpa pārvatī || kṛtapradakṣiṇā sātha praṇamaṃtī padepade || aruṇādrīśvaraṃ nāthaṃ tuṣṭā tuṣṭāva śailajā

102.30

namaste merucāpāya kailāsācalavā
sine || nīhāraśailajāmātre śoṇakṣmādhararūpiṇe

102.31

varuṇādisurārcyāya taruṇādityavarcase || aruṇācalanāthāya karuṇāmūrttayenamaḥ

102.32

jaya jahnusutācandralekhāalaṃkṛtaśekhara || sauṃdaryamohitāśeṣamunipatnīja smash āśaya

102.33

jaya śailasutāsaṃgasambhṛtānaṃgavaibhava || māyā
nārāyaṇābhogakrīḍāmreḍanapaṃḍita

102.34

jaya saṃdhyāsamopetasambhṛtānaṃdatāṃḍava || jaya gīrvāṇagaṃdharvasiddhavidyādharāṃcita

102.35

jaya heraṃbajanaka
jaya ṣaṇmukhavatsala || jaya haimavatīprārthya jaya pārthivadurlabha

102.36

iti stutvā muhustasminjyotiṣi nyastalocanām || dṛṣṭvā devīṃ dayāvyā
jādvililye vṛṣabhadhvajaḥ

102.37

layitvā nijamāsthāya rūpamutkaṭasundaram || āsthāya vṛṣabhaṃ divyamamūṃ dṛṣṭvā śivāṃ śubhām

102.38

mānā
tirekādapahāya sarvamaiśvaryamevaṃ tapasi pravṛttām || mugdhāṃ punaḥ sāṃtvayituṃ girīśaḥ pracakrame parvatarājaputrīm

Linked texts (4)