Pramāṇa · Search · About · API

Kaumarikakhanda 103

Kaumārīkākhaṇḍa 103

Language
Sanskrit

Contents

103.1

iti śrīskānde mahāpurāṇa ekā
śītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe pārvatīkṛtāruṇācaleśvarastutivarṇanaṃnāma viṃśatitamo'dhyāyaḥ ||20||cha
naṃdikeśvara uvāca || || tadā brahmā sarasvatyā mahāviṣṇuśca padmayā || śakraḥ pulomasutayā pare dikpālakā api

103.2

gaṃdharvāpsarasāṃ
saṃghā vasavo'pi surā api || trayastriṃśatkoṭigaṇāḥ pare muni gaṇā api

103.3

ekādaśamahārudrā ādityā dvādaśāpi ca || bhairavāśca piśācāśca
vetālāḥ kaṭapūtanāḥ

103.4

yakṣarakṣoragā bhūtā ye cānye śivakiṃkarāḥ || saṃtoṣabhājaḥ sarve'pi vikaṭākāraveṣṭitāḥ

103.5

parivārya maheśānaṃ samā
jagmuḥ sahasraśaḥ || tadgīrāśaṃsanaṃ dṛṣṭvā yoginīdānavaiḥ kṛtam

103.6

atīva vismayaṃ bhejuḥ sarve kalpāṃtabhīṣaṇam || kṛtasāṃnidhyamālokya
devamānaṃdayaṃtyumā

103.7

cirarātraprarūḍhāṃ ca tadviyogavyathāṃ jahau || romāṃcittā svinnamukhī vepamānā ghanastanī

103.8

pādāṃgulīṣu nayane vini
veśayati sma sā || vṛṣabhādavaruhyātha gṛhītvaināṃ kare śivaḥ || smitaśārīrakaṃṭhaśrīpraṇayenaivamabravīt

103.9

śiva uvāca || || vyākulīkriyate
devi kimevaṃ kāraṇaṃ vinā

103.10

sarvairārādhanīyeti mayāpi ghaṭitoṃjaliḥ || kiṃ na vetsyādayoraikyaṃ jyotsnācaṃdramasoriva

103.11

anādisiddhaṃ
deveśi tavedaṃ maugdhyamīdṛśam || kedaṃ śirīṣamṛdvaṃgi śarīraṃ te girīndraje

103.12

tapaḥ samādhayaśceti kva karkaśajanocitāḥ || nārāyaṇo'haṃ lakṣmī
stvaṃ brahmāsmi tvaṃ sarasvatī

103.13

vāruṇī tvaṃ phaṇīṃdro'haṃ rohiṇī tvamahaṃ śaśī || svāhā tvaṃ havyavāho'haṃ sūryo'haṃ tvaṃ suvarcalā

103.14

jāhnavī tvaṃ
samudro'haṃ merurasmi tvamurvarā || pulomajā tvaṃ śakro'haṃ tvaṃ ratiścittabhūraham

103.15

buddhastvaṃ rājarājo'haṃ tvaṃ śamāṃ'haṃ samīraṇaḥ || pāthodhipo'haṃ
vīcistvaṃ prakṛtistvaṃ pumānaham

103.16

vidyā tvaṃ veditavyo'haṃ vāktvamarthopi pārvatī || īśvaro'haṃ madaṃśāsi tvayaivājñāsvarūpayā

103.17

sṛṣṭi
sthityupasaṃhāravidhānānugraheśvare || na bhedo'tastvayā kāryaḥ pṛthagjanavadāvayoḥ

103.18

citprakāśātmanordevi svecchādhṛtaśarīrayā || vyākulī
kuruṣe śaśvadvṛthaiverṣyāyase hi mām

103.19

dṛṣṭāpratikriyā tasya kriyate yādhunā mayā || ityuktveśo niṣaṇṇastāṃ pārśvadeśe nyaveśayat

103.20

gaurīṃ svakīya evāṃge gūhamānābhiva hriyā || aṃgadvayaṃ tayoraikyamagātpremṇā ca līnayoḥ

103.21

arthadvayamivānyāya saṃnikarṣopalaṃbhataḥ || ardhe
karpūradhavalamardhe siṃdhūrapāṭalam

103.22

tadvicitramabhūdaṃgaṃ śivayorekatāṃ gatam || ardhe kuṃtaladāmārdhahāramadhye tu kuṃcikā

103.21-2

aṃgādardhedu
pāvane || namaḥ śoṇādrināthāyetyuktvā maṃtramanuttamam

103.23

tāvanmahiṣakaṃṭhasthaṃ liṃgaṃ taddalitaṃ tale || tatre patitinaṃ gataṃ tattatātkālaṃtacūḍasya vapurardhendukūlitam || ekanūpuratāṭaṃkaparihāryamanoharam

103.24

ekapiṃgalasaśrīco gātramekastanaṃ babhau || devyai dattvā ca dhāmārthaṃ vāmadevo
jagād tām

103.25

avakāśo ruṣo devi mā bhūtataḥ paraṃ tava || stanyārthinaṃ guhaṃ hitvā yātāsi tapase yataḥ

103.26

tadapītastanīnāmnā
nivasātra mamāṃtike || tvāmapītastanīṃ devīṃ śoṇādrīśaṃ ca māmapi

103.27

janāḥ sarve samārādhya ramaṃtāṃ bhogamokṣayoḥ || iyaṃ tvadaṃśajā devī
durgā mahiṣamūrdinī

103.28

atraiva sannidhattāṃ tu maṃtrasiddhipradā nṛṇām || khaḍgatīrthamidaṃ puṇyaṃ sakṛdeva nimajjanāt

103.29

sarvarogaharaṃ puṃsāmastu
sarvāghanāśanam|| pravālagirināthaśca devo'yaṃ pāpanāśanaḥ

103.30

bhaktiśraddhāvatāṃ nṛṇāṃ bhūyāstāṃ bhūtaye bhṛśam|| ayaṃ ca gautamo devi tvadanugrahabhājanam

103.31

tapo'nurūpaṃ bhajatāṃ lokeṣvācaṃdratārakam || imāśca mātaraḥ sapta saptalokaikamātaraḥ

103.32

adyaprabhṛti kurvaṃtu sānnidhyaṃ jagatāṃ śriyai || śāstāro
bhairavāḥ kṣetrapālakā baṭukā api

103.33

aruṇakṣetra evātra nityaṃ kurvaṃtu saṃnidhim || atrāhamaruṇakṣetre nivasāmyaruṇādvayaḥ

103.34

tvayāpyaru
ṇayā devyā sthātavyaṃ karuṇārdrayā || īpsināmaruṇādevau sānnidhyaṃ kuruto yataḥ

103.35

tadasminnaruṇakṣetre sulabhāḥ sarvasiddhayaḥ

103.36

idaṃ kṛtaṃ parva
tarājaputryā prasādanaṃ śoṇagirīśvarasya || śṛṇoti yaḥ sa dviṣato vidhūya svargāpavargau sulabhāvupeyāt

103.36.p1

iti śrīskānde mahāpurāṇa ekāśī tisāharuyāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivakṛtapārvatīpraśaṃsāvarṇanaṃnāmaikaviṃśatitamo'dhyāyaḥ

Linked texts (4)