Kaumarikakhanda 105
Kaumārīkākhaṇḍa 105
- Language
- Sanskrit
Contents
- 105.15 — 1 part
105.1
cha|| || kalādhara uvāca || || kāṃbojeṣu hayo bhūtvā kāṃtiśālī suhanmama || ayāsīdaupavāhyatvaṃ bhavato rājapuṃgava
105.2
ahaṃ ca
gaṃdhamṛgatāṃ gataḥ svāṃgaprasūtinā || sugaṃdhinā madenāsya saṃcāraṃ cācaraṃ gireḥ
105.3
dharmātmanmṛgayāvyājādāgatena tvayādhunā || āvāṃ śoṇādri
nāthasya prāpitau hi pradakṣiṇām
105.4
vāhyārohaṇadoṣeṇa tavāsīdīdṛśī daśā || pādapracārapuṇyena prāptaṃ nau prāktanaṃ padam
105.5
rājeṃdra tva
saṃbaṃdhādasmāttiryaktvabaṃdhanāt || muktāvāvāṃ svakaṃ dhāma prāptau svastyastu te sadā
105.6
ityudīrya nijaṃ dhāma yiyāsaṃtaṃ kalādharam || kāṃtiśālinaṃ
ca rājā jagāda racitāṃjaliḥ
105.7
evaṃ yuvāṃ śoṇaśailaśaṃkarasya prabhāvataḥ || śāpārṇavaṃ samuttīrṇau kathaṃ me punarucchrayaḥ
105.8
bhrāmyatīva mama svāṃ
tamādhāya tadavekṣaṇam || niryātīva mama prāṇāstatra daivaṃ balottaram
105.9
kalādharakāṃtiśālināvūcatuḥ || || avadhāraya nistāraṃ kathayāva tavāspa
dam || samāhitena manasā nirdhūtanikhilādhinā
105.10
jagatsargasthitidhvaṃsavidhānānugraheśvare || aruṇādrīśvare cittaṃ nidhehi karuṇānidhau
105.11
pratyakṣitaṃ tvayedānīmasya devasya vaibhavam || tiraścorāvayoretadīdṛśatvaṃ vitanvataḥ
105.12
kuru pradakṣiṇāṃ pādacārī mṛgamadāhṛtaiḥ || kalhāraiḥ
pūjayeśānaṃ devaṃ mṛgamadapriyam
105.13
yāvatī tava saṃpattistāvatīmakhilāṃ vibho || prākāragopurāgāranavīkārāya kalpaya
105.14
acirādeva
siddhiste bhaviṣyati garīyasī || manumāṃdhātṛnābhāgabhagīrathavadāṃdhikā
105.15
naṃdikeśvara uvāca || || itthaṃ niśamya ca tayornijameva dhāma
vidyābhṛtoḥ sapadi saṃśrutayornarendraḥ || niḥsaṃśayena manasā niratastadānīṃ bhaktiṃ babaṃdha bhagavatyaruṇādrināthe
105.15.p1
iti śrīskāṃde mahāpurāṇa ekāśī tisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe kalādharakāṃtiśālivṛttāṃtavarṇanaṃnāma trayoviṃśatitamo'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit