[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 105 # Kaumarikakhanda 105 Kaumārīkākhaṇḍa 105 - **Language:** Sanskrit ## Contents - [105.15](https://indike.org/pramana/in.purana.kaumarikakhanda.105.15) — 1 part ### [105.1](https://indike.org/pramana/in.purana.kaumarikakhanda.105.1) cha|| || kalādhara uvāca || || kāṃbojeṣu hayo bhūtvā kāṃtiśālī suhanmama || ayāsīdaupavāhyatvaṃ bhavato rājapuṃgava ### [105.2](https://indike.org/pramana/in.purana.kaumarikakhanda.105.2) ahaṃ ca gaṃdhamṛgatāṃ gataḥ svāṃgaprasūtinā || sugaṃdhinā madenāsya saṃcāraṃ cācaraṃ gireḥ ### [105.3](https://indike.org/pramana/in.purana.kaumarikakhanda.105.3) dharmātmanmṛgayāvyājādāgatena tvayādhunā || āvāṃ śoṇādri nāthasya prāpitau hi pradakṣiṇām ### [105.4](https://indike.org/pramana/in.purana.kaumarikakhanda.105.4) vāhyārohaṇadoṣeṇa tavāsīdīdṛśī daśā || pādapracārapuṇyena prāptaṃ nau prāktanaṃ padam ### [105.5](https://indike.org/pramana/in.purana.kaumarikakhanda.105.5) rājeṃdra tva saṃbaṃdhādasmāttiryaktvabaṃdhanāt || muktāvāvāṃ svakaṃ dhāma prāptau svastyastu te sadā ### [105.6](https://indike.org/pramana/in.purana.kaumarikakhanda.105.6) ityudīrya nijaṃ dhāma yiyāsaṃtaṃ kalādharam || kāṃtiśālinaṃ ca rājā jagāda racitāṃjaliḥ ### [105.7](https://indike.org/pramana/in.purana.kaumarikakhanda.105.7) evaṃ yuvāṃ śoṇaśailaśaṃkarasya prabhāvataḥ || śāpārṇavaṃ samuttīrṇau kathaṃ me punarucchrayaḥ ### [105.8](https://indike.org/pramana/in.purana.kaumarikakhanda.105.8) bhrāmyatīva mama svāṃ tamādhāya tadavekṣaṇam || niryātīva mama prāṇāstatra daivaṃ balottaram ### [105.9](https://indike.org/pramana/in.purana.kaumarikakhanda.105.9) kalādharakāṃtiśālināvūcatuḥ || || avadhāraya nistāraṃ kathayāva tavāspa dam || samāhitena manasā nirdhūtanikhilādhinā ### [105.10](https://indike.org/pramana/in.purana.kaumarikakhanda.105.10) jagatsargasthitidhvaṃsavidhānānugraheśvare || aruṇādrīśvare cittaṃ nidhehi karuṇānidhau ### [105.11](https://indike.org/pramana/in.purana.kaumarikakhanda.105.11) pratyakṣitaṃ tvayedānīmasya devasya vaibhavam || tiraścorāvayoretadīdṛśatvaṃ vitanvataḥ ### [105.12](https://indike.org/pramana/in.purana.kaumarikakhanda.105.12) kuru pradakṣiṇāṃ pādacārī mṛgamadāhṛtaiḥ || kalhāraiḥ pūjayeśānaṃ devaṃ mṛgamadapriyam ### [105.13](https://indike.org/pramana/in.purana.kaumarikakhanda.105.13) yāvatī tava saṃpattistāvatīmakhilāṃ vibho || prākāragopurāgāranavīkārāya kalpaya ### [105.14](https://indike.org/pramana/in.purana.kaumarikakhanda.105.14) acirādeva siddhiste bhaviṣyati garīyasī || manumāṃdhātṛnābhāgabhagīrathavadāṃdhikā ### [105.15](https://indike.org/pramana/in.purana.kaumarikakhanda.105.15) naṃdikeśvara uvāca || || itthaṃ niśamya ca tayornijameva dhāma vidyābhṛtoḥ sapadi saṃśrutayornarendraḥ || niḥsaṃśayena manasā niratastadānīṃ bhaktiṃ babaṃdha bhagavatyaruṇādrināthe ### [105.15.p1](https://indike.org/pramana/in.purana.kaumarikakhanda.105.15.p1) iti śrīskāṃde mahāpurāṇa ekāśī tisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe kalādharakāṃtiśālivṛttāṃtavarṇanaṃnāma trayoviṃśatitamo'dhyāyaḥ ## Linked texts (4) - [Māheśvarakhaṇḍa](https://indike.org/pramana/in.purana.mahesvarakhanda.105.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.145.1) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.4.23.p3) — Sanskrit - [Śoṇādrimāhātmya](https://indike.org/pramana/in.purana.sthala.sonadrimahatmya.29.3) — Sanskrit --- Source: [https://indike.org/pramana/in.purana.kaumarikakhanda.105](https://indike.org/pramana/in.purana.kaumarikakhanda.105) · Pramāṇa