Pramāṇa · Search · About · API

Kaumarikakhanda 12

Kaumārīkākhaṇḍa 12

Language
Sanskrit

Contents

12.1

cha || || nārada uvāca || || gṛdhrasyaitadvacaḥ śrutvā duḥkhavismayasaṃyutaḥ || indradyumnastamā
pṛcchaya maraṇāyāepacakrame

12.2

tatastamālokya tathā mumūrṣu kauśikādibhiḥ || sa saṃhitaṃ viciṃtyāha dīrghāyuṣamathātmanaḥ

12.3

maivaṃ kārṣīḥ śṛṇu giraṃ bhadraka tvaṃ ciraṃtanaḥ || matto'pyasti sphuṭaṃ caiva jñāsyati tvadabhīpsitam

12.4

mānase sarasi khyātaḥ kūrmo
maṃtharakākhyayā || tasya nāviditaṃ kiṃcidehi tatra vrajāmahe

12.5

tataḥ pratītāste bhūpamunigṛdhravakāstathā || ulūkasahitā jagmuḥ sarve kūrma
didṛkṣavaḥ

12.6

sarastīre sthitaḥ kūrmastānrīkṣya vidruragān || kāṃdiśīko viveśāsau jalaṃ śīghrataraṃ tadā

12.7

kauśiko'tha tamāhedaṃ prahasya
vacanaṃ svayam || kasmātkūrma pranaṣṭodya vimukho'bhyāgateṣvapi

12.8

agnidvijānāṃ vipraśca varṇānāṃ ramaṇaḥ striyām || guruḥ pitā ca putrāṇāṃ sarva
syābhyāgato guruḥ

12.9

vihāya tamimaṃ dharmamātithyavimukhaḥ katham || gṛhṇāsi pāpaṃ sarveṣāṃ brūhi kūrmādhunottaram

12.10

kūrma uvāca
ciraṃtano hi jānāmi karttumātithyasatkriyām || abhyāgateṣvapacitiṃ dharmaśāstreṣu niścitam

12.11

sumahatkāraṇaṃ cātra śrūyatāṃ tadvadāmi vaḥ
nāhaṃ parāṅmukho jāta etāvaṃti dinānyapi

12.12

abhyāgatasya kasyāpi sarvasatkārasaṅghatī || kiṃ tveṣa paṃcamo yo vo dṛśyate saralākṛtiḥ

12.13

iṃdradyumno mahīpālo bibhemyasmādalaṃ tarām || amunā yajamānena raucakākhye purā pure

12.14

yajñapāvakadagdhā me pṛṣṭināryāāpi nirvaṇā
tanme bhayaṃ punarjātaṃ kimayaṃ punareva mām

12.15

āsutīvalamādhāya bhuvi dhakṣyati saṃprati || iti vākyāvasāne tu kūrmasya kurusattama

12.16

papāta puṣpavṛṣṭiḥ khādvimuktāpsarasāṃ gaṇaiḥ || sasvanurdevavādyāni kīrtyuddhāre mahīpateḥ

12.17

vismitāste ca dadṛśurvimānaṃ purataḥ sthitam
iṃdradyumnakṛte devadūtenādhiṣṭhitaṃ tadā

12.18

ayātayāmāḥ pradadurāśiṣo'smai suradvijāḥ || sādhuvādo divi mahānāsīttasya mahīpateḥ

12.19

tato vimānamālaṃbya devadūtastamuccakaiḥ || iṃdradyumnamuvācedaṃ śṛṇvatāṃ nākavāsinām

12.20

devadūta uvāca || || navīkṛtādhunā
kīrtistava bhūpāla nirmalā || trilokyāmapi tacchīghraṃ vimānamidamāruha

12.21

gamyatāṃ brahmaṇo lokamākalpaṃ tapasorjitam || preṣito'hamane
naiva tavānayanakāraṇāt

12.22

yāvatkīrtirmanuṣyasya pṛthivyāṃ prathitā bhavet || tāvāneva bhavetsvargī sati puṇye hyanaṃtake

12.23

surālayasaro
vāpīkūpārāmādikalpanā || etadarthaṃ hi pūrtākhyā dharmaśāstreṣu niścitā

12.24

iṃdradyumna uvāca || || amī mamaiva suhṛdo mārkaṃḍabakakauṃ
śikāḥ || gṛdhrakūrmau prabhāvo'yamamīṣāṃ mama vṛddhaye

12.25

taccedamī mayā sākaṃ brahmalokaṃ prayāṃtyuta || puraḥsthitāstadāyāsye brahmalokaṃ ca
nānyathā

12.26

pareṣāmanapekṣyaiva kṛtapratikṛtaṃ hi yaḥ || pravartate hitāyaiva sa suhṛtprocyate budhaiḥ

12.27

svārthodyuktadhiyo ye syuranvarthāste
pyasuṃdharāḥ || maraṇaṃ prakṛtiścaivaṃ jīvitaṃ vikṛtiryadā

12.28

prāṇināṃ paramo lām‍bhaḥ kevalaṃ prāṇisauhṛdam || daridrā rāgiṇo'satyapratijñātā guru
druhaḥ

12.29

mitrāvasāninaḥ pāpāḥ prāyo narakamaṃḍanāḥ || parārthanaṣṭāstadamī paṃca saṃprati sādhavaḥ

12.30

mama kīrtisamuddhāraḥ sa prabhāvo mahā
tmanām || amīṣāṃ yadi te svargaṃ prayāsyanti mayā saha | tadāhamapi yāsyāmi devadūtānyathā na hi

12.31

devadūta uvāca || || ete
haragaṇāḥ sarveśāpabhraṣṭāḥ kṣitiṃ gatāḥ

12.32

śāpāṃte harapārśve tu yām̐syaṃti pṛthivīpate || vihāyemānato bhūpa tvamāgaccha mayā saha

12.33

na caiṣāṃ rocate svargo hitvā devaṃ maheśvaram || || iṃdradyumna uvāca || || yadyevaṃ gaccha tadbhūta nāyāsyehaṃ triviṣṭapam

12.34

tathā tathā
yati ṣyāmi bhaviṣyāmi yathā gaṇaḥ || aviśuddhikṣayādhikyadūṣaṇaireṣa niṃditaḥ

12.35

svargaḥ sadānuśravikastasmādenaṃ na kāmaye
tatrasthasya punaḥ pāto bhayaṃ na vyeti mānasāt

12.36

punaḥ pāto yataḥ puṃsastasmātsvargaṃ na kāmaye || sati puṇye svayaṃ tena pātito
nijalokataḥ

12.37

caturmukhena vailakṣyaṃ gato'smi kathamemi tam || itīdamuktvā dūtaṃ taṃ śṛṇvato'syaiva vismayāt

12.38

aprākṣīdbhūpatiḥ
kūrmaṃ tadāyuḥkāraṇaṃ tadā || idamāyuḥ kathaṃ jātaṃ kūrma dīrghatamaṃ tava

12.39

suhṛnmitraṃ gurustvaṃ me yena kīrtirmamoddhṛtā

12.40

kūrma
uvāca || || śṛṇu bhūpa kathāṃ divyāṃ śravaṇātpāpanāśinīm || kathāṃ sumadhurāmetāṃ śivamāhātmyasaṃyutām

12.41

śṛṇvannimāmapi kathāṃ nṛpate ma
nuṣyaḥ suśraddhayā bhavati pāpavimuktadehaḥ || śaṃbhoḥ prasādamabhigamya yathāyurevamāsītprasādata iyaṃ mama kūrmatā ca

12.41.p1

iti śrīskāṃde mahāpurāṇa ekāśītisāharūyāṃ saṃhitāyāṃ prathame māheśvarakhaṇḍe kaumārikākhaṇḍe mahīprādurbhāve daśamo'dhyāyaḥ

Linked texts (5)