Pramāṇa · Search · About · API

Kaumarikakhanda 13

Kaumārīkākhaṇḍa 13

Language
Sanskrit

Contents

13.1

cha || || kūrma uvāca
śāṃḍilya iti vikhyātaḥ purāhamabhavaṃ dvijaḥ || bālabhāve mayā bhūpa krīḍamānena nirmitam

13.2

purā prāvṛṣi pāṃśūtthaṃ śivāyatanamucchritam
jalāīvālukāprāyaṃ prāṃśuprākāraśobhitam

13.3

paṃcāyatanavinyāsamanoharataraṃ nṛpa || vināyakaśivāsūryamadhusūdanamūrtimat

13.4

pītamṛtsvarṇa
kalaśaṃ dhvajamālāvibhūṣitam || kāṣṭhatoraṇavinyastaṃ dolakena vibhūṣitam

13.5

dṛḍhaprāṃśusamudgatasopānaśreṇibhāsuram || sarvāścaryamayaṃ divyaṃ vaya
syaiḥ saṃvṛtena me

13.6

tatra jāgeśvaraṃ liṃgaṃ kṛtvātha viniveśitam || bālyādupalarūpaṃ tadrarṇāvāriviśuddhimat

13.7

bakapuṣpaistathānyaiśca kedāro
tthaiḥ samāhṛtaiḥ || komalairaparaiḥ puṣpairvṛtivallīsamudbhavaiḥ

13.8

kūṣmāṃḍecaiva varṇādyairūnmattakusumāyutaiḥ || maṃdārairbilvapatraiśca dūrvādyaiśca navāṃkuraiḥ

13.9

pūjā viracitā ramyā śaṃbhoriti mayā nṛpa || tatastāṃḍavamārabdhamanapekṣitasatkriyam

13.10

śivasya purato bālyādgītaṃ ca svaravarjitam || a
kārṣaṃ sakṛdevāhaṃ bālye śiśugaṇāvṛtaḥ

13.11

tato mṛto'haṃ jātaśca vipro jātismaro nṛpa || vaidiśe nagare'kārṣaṃ śivapūjāṃ viśeṣataḥ

13.12

śivadīkṣāmupāgamyānugṛhītaḥ śivāgamaiḥ || śivaprasāda ādhāya liṃgaṃ śraddhāsamanvitaḥ

13.13

kalpakoṭiṃ vasetsvarge yaḥ karoti śivālayam || yāvaṃti
paramāṇūni śivasyāyatane nṛpa

13.14

bhavaṃti tāvadvarṣāṇi kārakaḥ śivasadmani || iti paurāṇikavākyāni smarañchailaṃ śivālayam

13.15

akāriṣamahaṃ ramyaṃ viśvakarmavidhānataḥ || mṛnmayaṃ kāṣṭhaniṣpannaṃ pākeṣṭaṃ śailameva vā

13.16

kṛtamāyatanaṃ dadyātkramāddaśaguṇaṃ phalam || bhasmaśāyī
triṣavaṇo bhikṣānnakṛtabhojanaḥ

13.17

jaṭādharastapasyaṃśca śivārādhanatatparaḥ || itthaṃ me kurvato jātaṃ punarbhūpa premāpaṇam

13.18

jāto jāti
smarastatra tṛtīye'haṃ bhavāṃtare || sārvabhaumo mahīpālaḥ pratiṣṭhāne purottame

13.19

jayadatta iti khyātaḥ sūryavaṃśasamudbhavaḥ || tato mayā bahuvidhāḥ
prāsādāḥ kāritā nṛpa

13.20

tasminbhavāṃtare śaṃbhorārādhanapareṇa ca || tato nirūpitā jātā bakapuṣpapurassarāḥ

13.21

sauvarṇai rājatai
ratnanirmitaiḥ kusumairnṛpa || tathāvidhe'nnadānādi karomi nṛpasattama

13.22

kevalaṃ śivaliṃgānāṃ pūjāṃ puṣpaiḥ karomyaham || tato me bhaga
vāñchaṃbhuḥ saṃtuṣṭo'tha varaṃ dadau

13.23

ajarāmaratāṃ rājaṃstenaiva vapuṣā vṛtaḥ || tatastathāvidhaṃ prāpyānanyasādhāraṇaṃ varam

13.24

vicarāmi
mahīmetāṃ madāṃdha iva vāraṇaḥ || śivabhaktiṃ vihāyātha nṛpo'haṃ madanāturaḥ

13.25

pradharṣayitumārabdhaḥ striyaḥ paraparigrahāḥ || āyuṣasta
pasaḥ kīrtestejaso yaśasaḥ śriyaḥ

13.26

vināśakāraṇaṃ mukhyaṃ paradārapradharṣaṇam || sakarṇaḥ śrutihīno'sau paśyannaṃdho vadañjaḍaḥ

13.27

acetanaścetanāvānmūrkho vidvānapi sphuṭam || tadā bhavati bhūpāla puruṣaḥ kṣaṇamātrataḥ

13.28

yadaiva hariṇākṣīṇāṃ gocaraṃ yāti cakṣuṣām || mṛtasya
niraye vāso jīvataśceśvarādbhayam

13.29

evaṃ lokadvayaṃ haṃtrī paradārapradharṣaṇā || jarāmaraṇahīnohamiti niścayamāsthitaḥ

13.30

aihikāmuṣmikaṃ bhayaṃ
vihāyāhaṃ tataḥ param || pradharṣayitumārabdhastadā bhūpa parastriyaḥ

13.31

atha māṃ saṃparijñāya maryādārahitaṃ yamaḥ || varapradānādīśasya tadaṃtikatṛṇa
yayau || vyajijñapanmadīyaṃ ca śaṃbhordharmavyatikramam

13.32

yama uvāca || || nāhaṃ tavānubhāvena guptasyāsya vinigraham

13.33

śaknomi
pāpino deva manniyoge'nyamādiśa || jagadādhārarūpā hi tvayeśoktāḥ pativratāḥ

13.34

gāvo viprāḥ sanigamā alubdhā dānaśīlinaḥ || satya
niṣṭhā iti svāmiṃsteṣāṃ mukhyatamā satī

13.35

tāstena dharṣitā luptaṃ madīyaṃ dharmaśāsanam || varadānapramattena tavaiva paribhūya mām

13.36

jaya
dattena deveśa pratiṣṭhānādhivāsinā || imāṃ dharmasya bhagavāngiramākarṇya kopitaḥ || śaśāpa māṃ samānīya vepamānaṃ kṛtāṃjalim

13.37

īśvara uvāca || || yasmādduṣṭasamācāra dharṣitāste pativratāḥ

13.38

kāmārtena mayā śaptastasmātkūrmaḥ kṣaṇādbhava || tataḥ praṇamya vijñaptaḥ
śāpatāpaharo mayā

13.39

prāha ṣaṣṭitame kalpe viśāpo bhavitā gaṇaḥ || madīya iti saṃprocya jagāmādarśanaṃ śivaḥ

13.40

ahaṃ kūrmastadā
jāto daśayojanavistṛtaḥ || samudrasalile nītastvayāhaṃ yajñasādhane

13.41

purastādyauyajūkena smaraṃstacca bibhemi te || dagdhastvayāhaṃ pṛṣṭhetra
vraṇānyetāni paśya me

13.42

cayanāni bahūnyatra kalpasūtravidhānataḥ || pṛṣṭhopari kṛtānyāsanniṃdradyumna tadā tvayā

13.43

bhūyaḥ saṃtāpitā yajñaiḥ
pṛthivī pṛthivīpate || susrāva sarvatīrthānāṃ sāraṃ sā'bhūnmahīnadī

13.44

tasyāṃ ca snānamātreṇa sarvapāpaiḥ pramucyate || tato naimittike kasminnapi
pralaya āgataḥ

13.45

plavamānamidaṃ rājanmānasaṃ śatayojanam || ṣaṭpaṃcāśatpramāṇeṇa kalpā mama purā nṛpa

13.46

vyatītā iha catvāraḥ śeṣe
mokṣastataḥ param || evamāyuridaṃ dīrghamevaṃ śāpācca kūrmatā

13.47

mamābhūdīśvarasyaiva satīdharmadruho nṛpa || brūhi kiṃ kriyatāṃ śatrorapi te gṛhagāminaḥ

13.48

mama pṛṣṭhiściraṃ bhūpa tvayā dagdhāgninā'purā || ahaṃ jvalaṃtīmiva tāṃ paśyāmyadyāpi saṃtriṇā

13.49

idaṃ vimānamāyātaṃ tvayā kasmānnirā
kṛtam || devadūtasamāyuktaṃ bhuṃkṣva bhogānrijārjitān

13.50

iṃdradyumna uvāca || || caturmukhena tenāhaṃ svargānnirvāsitaḥ svayam || vilakṣyo
na prayāsyāmi pātādhikyāddidūṣite

13.51

tasmādvivekavairāgyamavidyāpāpanāśanam || āliṃgyāhaṃ yatiṣyāmi prāpya bodhaṃ vimuktaye

13.52

tanme gṛhāgatasyādya yathātithyakaro bhavān || tadādiśa yathā'pārapāradaḥ kopi me guruḥ

13.53

kūrma uvāca || || lomaśonāma dīrghāyu
rmatto'pyasti mahāmuniḥ || mayā kalāpagrāme sa pūrvaṃ dṛṣṭaḥ kvacinnṛpa

13.54

iṃdradyumna uvāca || || tasmādāgaccha gacchāmastameva sahitā
vayam || prāhuḥ pūtatamāṃ tīrthādapi satsaṃgatiṃ budhāḥ

13.55

itthaṃ niśamya nṛpatervacanaṃ tadānīṃ sarve'pi te ṣaḍatha taṃ munimukhyamāśu || citte vidhāya
muditāḥ prayayurdvijeṃdraṃ jijñāsavaḥ sucirajīvitahetumasya

13.55.p1

iti śrīskāṃde mahāpurāṇa ekāśītisāharuyāṃ saṃhitāyāṃ prathame māheśvara khaṇḍe kaumārikākhaṇḍe mahīprādurbhāve kūrmākhyānaṃ nāmaikādaśo'dhyāyaḥ

Linked texts (5)