[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 13 # Kaumarikakhanda 13 Kaumārīkākhaṇḍa 13 - **Language:** Sanskrit ## Contents - [13.55](https://indike.org/pramana/in.purana.kaumarikakhanda.13.55) — 1 part ### [13.1](https://indike.org/pramana/in.purana.kaumarikakhanda.13.1) cha || || kūrma uvāca śāṃḍilya iti vikhyātaḥ purāhamabhavaṃ dvijaḥ || bālabhāve mayā bhūpa krīḍamānena nirmitam ### [13.2](https://indike.org/pramana/in.purana.kaumarikakhanda.13.2) purā prāvṛṣi pāṃśūtthaṃ śivāyatanamucchritam jalāīvālukāprāyaṃ prāṃśuprākāraśobhitam ### [13.3](https://indike.org/pramana/in.purana.kaumarikakhanda.13.3) paṃcāyatanavinyāsamanoharataraṃ nṛpa || vināyakaśivāsūryamadhusūdanamūrtimat ### [13.4](https://indike.org/pramana/in.purana.kaumarikakhanda.13.4) pītamṛtsvarṇa kalaśaṃ dhvajamālāvibhūṣitam || kāṣṭhatoraṇavinyastaṃ dolakena vibhūṣitam ### [13.5](https://indike.org/pramana/in.purana.kaumarikakhanda.13.5) dṛḍhaprāṃśusamudgatasopānaśreṇibhāsuram || sarvāścaryamayaṃ divyaṃ vaya syaiḥ saṃvṛtena me ### [13.6](https://indike.org/pramana/in.purana.kaumarikakhanda.13.6) tatra jāgeśvaraṃ liṃgaṃ kṛtvātha viniveśitam || bālyādupalarūpaṃ tadrarṇāvāriviśuddhimat ### [13.7](https://indike.org/pramana/in.purana.kaumarikakhanda.13.7) bakapuṣpaistathānyaiśca kedāro tthaiḥ samāhṛtaiḥ || komalairaparaiḥ puṣpairvṛtivallīsamudbhavaiḥ ### [13.8](https://indike.org/pramana/in.purana.kaumarikakhanda.13.8) kūṣmāṃḍecaiva varṇādyairūnmattakusumāyutaiḥ || maṃdārairbilvapatraiśca dūrvādyaiśca navāṃkuraiḥ ### [13.9](https://indike.org/pramana/in.purana.kaumarikakhanda.13.9) pūjā viracitā ramyā śaṃbhoriti mayā nṛpa || tatastāṃḍavamārabdhamanapekṣitasatkriyam ### [13.10](https://indike.org/pramana/in.purana.kaumarikakhanda.13.10) śivasya purato bālyādgītaṃ ca svaravarjitam || a kārṣaṃ sakṛdevāhaṃ bālye śiśugaṇāvṛtaḥ ### [13.11](https://indike.org/pramana/in.purana.kaumarikakhanda.13.11) tato mṛto'haṃ jātaśca vipro jātismaro nṛpa || vaidiśe nagare'kārṣaṃ śivapūjāṃ viśeṣataḥ ### [13.12](https://indike.org/pramana/in.purana.kaumarikakhanda.13.12) śivadīkṣāmupāgamyānugṛhītaḥ śivāgamaiḥ || śivaprasāda ādhāya liṃgaṃ śraddhāsamanvitaḥ ### [13.13](https://indike.org/pramana/in.purana.kaumarikakhanda.13.13) kalpakoṭiṃ vasetsvarge yaḥ karoti śivālayam || yāvaṃti paramāṇūni śivasyāyatane nṛpa ### [13.14](https://indike.org/pramana/in.purana.kaumarikakhanda.13.14) bhavaṃti tāvadvarṣāṇi kārakaḥ śivasadmani || iti paurāṇikavākyāni smarañchailaṃ śivālayam ### [13.15](https://indike.org/pramana/in.purana.kaumarikakhanda.13.15) akāriṣamahaṃ ramyaṃ viśvakarmavidhānataḥ || mṛnmayaṃ kāṣṭhaniṣpannaṃ pākeṣṭaṃ śailameva vā ### [13.16](https://indike.org/pramana/in.purana.kaumarikakhanda.13.16) kṛtamāyatanaṃ dadyātkramāddaśaguṇaṃ phalam || bhasmaśāyī triṣavaṇo bhikṣānnakṛtabhojanaḥ ### [13.17](https://indike.org/pramana/in.purana.kaumarikakhanda.13.17) jaṭādharastapasyaṃśca śivārādhanatatparaḥ || itthaṃ me kurvato jātaṃ punarbhūpa premāpaṇam ### [13.18](https://indike.org/pramana/in.purana.kaumarikakhanda.13.18) jāto jāti smarastatra tṛtīye'haṃ bhavāṃtare || sārvabhaumo mahīpālaḥ pratiṣṭhāne purottame ### [13.19](https://indike.org/pramana/in.purana.kaumarikakhanda.13.19) jayadatta iti khyātaḥ sūryavaṃśasamudbhavaḥ || tato mayā bahuvidhāḥ prāsādāḥ kāritā nṛpa ### [13.20](https://indike.org/pramana/in.purana.kaumarikakhanda.13.20) tasminbhavāṃtare śaṃbhorārādhanapareṇa ca || tato nirūpitā jātā bakapuṣpapurassarāḥ ### [13.21](https://indike.org/pramana/in.purana.kaumarikakhanda.13.21) sauvarṇai rājatai ratnanirmitaiḥ kusumairnṛpa || tathāvidhe'nnadānādi karomi nṛpasattama ### [13.22](https://indike.org/pramana/in.purana.kaumarikakhanda.13.22) kevalaṃ śivaliṃgānāṃ pūjāṃ puṣpaiḥ karomyaham || tato me bhaga vāñchaṃbhuḥ saṃtuṣṭo'tha varaṃ dadau ### [13.23](https://indike.org/pramana/in.purana.kaumarikakhanda.13.23) ajarāmaratāṃ rājaṃstenaiva vapuṣā vṛtaḥ || tatastathāvidhaṃ prāpyānanyasādhāraṇaṃ varam ### [13.24](https://indike.org/pramana/in.purana.kaumarikakhanda.13.24) vicarāmi mahīmetāṃ madāṃdha iva vāraṇaḥ || śivabhaktiṃ vihāyātha nṛpo'haṃ madanāturaḥ ### [13.25](https://indike.org/pramana/in.purana.kaumarikakhanda.13.25) pradharṣayitumārabdhaḥ striyaḥ paraparigrahāḥ || āyuṣasta pasaḥ kīrtestejaso yaśasaḥ śriyaḥ ### [13.26](https://indike.org/pramana/in.purana.kaumarikakhanda.13.26) vināśakāraṇaṃ mukhyaṃ paradārapradharṣaṇam || sakarṇaḥ śrutihīno'sau paśyannaṃdho vadañjaḍaḥ ### [13.27](https://indike.org/pramana/in.purana.kaumarikakhanda.13.27) acetanaścetanāvānmūrkho vidvānapi sphuṭam || tadā bhavati bhūpāla puruṣaḥ kṣaṇamātrataḥ ### [13.28](https://indike.org/pramana/in.purana.kaumarikakhanda.13.28) yadaiva hariṇākṣīṇāṃ gocaraṃ yāti cakṣuṣām || mṛtasya niraye vāso jīvataśceśvarādbhayam ### [13.29](https://indike.org/pramana/in.purana.kaumarikakhanda.13.29) evaṃ lokadvayaṃ haṃtrī paradārapradharṣaṇā || jarāmaraṇahīnohamiti niścayamāsthitaḥ ### [13.30](https://indike.org/pramana/in.purana.kaumarikakhanda.13.30) aihikāmuṣmikaṃ bhayaṃ vihāyāhaṃ tataḥ param || pradharṣayitumārabdhastadā bhūpa parastriyaḥ ### [13.31](https://indike.org/pramana/in.purana.kaumarikakhanda.13.31) atha māṃ saṃparijñāya maryādārahitaṃ yamaḥ || varapradānādīśasya tadaṃtikatṛṇa yayau || vyajijñapanmadīyaṃ ca śaṃbhordharmavyatikramam ### [13.32](https://indike.org/pramana/in.purana.kaumarikakhanda.13.32) yama uvāca || || nāhaṃ tavānubhāvena guptasyāsya vinigraham ### [13.33](https://indike.org/pramana/in.purana.kaumarikakhanda.13.33) śaknomi pāpino deva manniyoge'nyamādiśa || jagadādhārarūpā hi tvayeśoktāḥ pativratāḥ ### [13.34](https://indike.org/pramana/in.purana.kaumarikakhanda.13.34) gāvo viprāḥ sanigamā alubdhā dānaśīlinaḥ || satya niṣṭhā iti svāmiṃsteṣāṃ mukhyatamā satī ### [13.35](https://indike.org/pramana/in.purana.kaumarikakhanda.13.35) tāstena dharṣitā luptaṃ madīyaṃ dharmaśāsanam || varadānapramattena tavaiva paribhūya mām ### [13.36](https://indike.org/pramana/in.purana.kaumarikakhanda.13.36) jaya dattena deveśa pratiṣṭhānādhivāsinā || imāṃ dharmasya bhagavāngiramākarṇya kopitaḥ || śaśāpa māṃ samānīya vepamānaṃ kṛtāṃjalim ### [13.37](https://indike.org/pramana/in.purana.kaumarikakhanda.13.37) īśvara uvāca || || yasmādduṣṭasamācāra dharṣitāste pativratāḥ ### [13.38](https://indike.org/pramana/in.purana.kaumarikakhanda.13.38) kāmārtena mayā śaptastasmātkūrmaḥ kṣaṇādbhava || tataḥ praṇamya vijñaptaḥ śāpatāpaharo mayā ### [13.39](https://indike.org/pramana/in.purana.kaumarikakhanda.13.39) prāha ṣaṣṭitame kalpe viśāpo bhavitā gaṇaḥ || madīya iti saṃprocya jagāmādarśanaṃ śivaḥ ### [13.40](https://indike.org/pramana/in.purana.kaumarikakhanda.13.40) ahaṃ kūrmastadā jāto daśayojanavistṛtaḥ || samudrasalile nītastvayāhaṃ yajñasādhane ### [13.41](https://indike.org/pramana/in.purana.kaumarikakhanda.13.41) purastādyauyajūkena smaraṃstacca bibhemi te || dagdhastvayāhaṃ pṛṣṭhetra vraṇānyetāni paśya me ### [13.42](https://indike.org/pramana/in.purana.kaumarikakhanda.13.42) cayanāni bahūnyatra kalpasūtravidhānataḥ || pṛṣṭhopari kṛtānyāsanniṃdradyumna tadā tvayā ### [13.43](https://indike.org/pramana/in.purana.kaumarikakhanda.13.43) bhūyaḥ saṃtāpitā yajñaiḥ pṛthivī pṛthivīpate || susrāva sarvatīrthānāṃ sāraṃ sā'bhūnmahīnadī ### [13.44](https://indike.org/pramana/in.purana.kaumarikakhanda.13.44) tasyāṃ ca snānamātreṇa sarvapāpaiḥ pramucyate || tato naimittike kasminnapi pralaya āgataḥ ### [13.45](https://indike.org/pramana/in.purana.kaumarikakhanda.13.45) plavamānamidaṃ rājanmānasaṃ śatayojanam || ṣaṭpaṃcāśatpramāṇeṇa kalpā mama purā nṛpa ### [13.46](https://indike.org/pramana/in.purana.kaumarikakhanda.13.46) vyatītā iha catvāraḥ śeṣe mokṣastataḥ param || evamāyuridaṃ dīrghamevaṃ śāpācca kūrmatā ### [13.47](https://indike.org/pramana/in.purana.kaumarikakhanda.13.47) mamābhūdīśvarasyaiva satīdharmadruho nṛpa || brūhi kiṃ kriyatāṃ śatrorapi te gṛhagāminaḥ ### [13.48](https://indike.org/pramana/in.purana.kaumarikakhanda.13.48) mama pṛṣṭhiściraṃ bhūpa tvayā dagdhāgninā'purā || ahaṃ jvalaṃtīmiva tāṃ paśyāmyadyāpi saṃtriṇā ### [13.49](https://indike.org/pramana/in.purana.kaumarikakhanda.13.49) idaṃ vimānamāyātaṃ tvayā kasmānnirā kṛtam || devadūtasamāyuktaṃ bhuṃkṣva bhogānrijārjitān ### [13.50](https://indike.org/pramana/in.purana.kaumarikakhanda.13.50) iṃdradyumna uvāca || || caturmukhena tenāhaṃ svargānnirvāsitaḥ svayam || vilakṣyo na prayāsyāmi pātādhikyāddidūṣite ### [13.51](https://indike.org/pramana/in.purana.kaumarikakhanda.13.51) tasmādvivekavairāgyamavidyāpāpanāśanam || āliṃgyāhaṃ yatiṣyāmi prāpya bodhaṃ vimuktaye ### [13.52](https://indike.org/pramana/in.purana.kaumarikakhanda.13.52) tanme gṛhāgatasyādya yathātithyakaro bhavān || tadādiśa yathā'pārapāradaḥ kopi me guruḥ ### [13.53](https://indike.org/pramana/in.purana.kaumarikakhanda.13.53) kūrma uvāca || || lomaśonāma dīrghāyu rmatto'pyasti mahāmuniḥ || mayā kalāpagrāme sa pūrvaṃ dṛṣṭaḥ kvacinnṛpa ### [13.54](https://indike.org/pramana/in.purana.kaumarikakhanda.13.54) iṃdradyumna uvāca || || tasmādāgaccha gacchāmastameva sahitā vayam || prāhuḥ pūtatamāṃ tīrthādapi satsaṃgatiṃ budhāḥ ### [13.55](https://indike.org/pramana/in.purana.kaumarikakhanda.13.55) itthaṃ niśamya nṛpatervacanaṃ tadānīṃ sarve'pi te ṣaḍatha taṃ munimukhyamāśu || citte vidhāya muditāḥ prayayurdvijeṃdraṃ jijñāsavaḥ sucirajīvitahetumasya ### [13.55.p1](https://indike.org/pramana/in.purana.kaumarikakhanda.13.55.p1) iti śrīskāṃde mahāpurāṇa ekāśītisāharuyāṃ saṃhitāyāṃ prathame māheśvara khaṇḍe kaumārikākhaṇḍe mahīprādurbhāve kūrmākhyānaṃ nāmaikādaśo'dhyāyaḥ ## Linked texts (5) - [Skandamahāpurāṇa (vulgate)](https://indike.org/pramana/in.purana.skanda*vulgate.1.4.9.1) — Sanskrit - [Māheśvarakhaṇḍa](https://indike.org/pramana/in.purana.mahesvarakhanda.13.1) — Sanskrit - [Kumārikākhaṇḍa](https://indike.org/pramana/in.purana.sthala.kumarikakhanda.13.1) — Sanskrit - [Kaumārakhaṇḍa](https://indike.org/pramana/in.purana.kaumarakhanda.13.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.52.1) — Sanskrit --- Source: [https://indike.org/pramana/in.purana.kaumarikakhanda.13](https://indike.org/pramana/in.purana.kaumarikakhanda.13) · Pramāṇa