Pramāṇa · Search · About · API

Kaumarikakhanda 24

Kaumārīkākhaṇḍa 24

Language
Sanskrit

Contents

24.1

cha || || nāradauvāca || || evaṃ viprakṛtā devā maheṃdrasahitāstadā || yayuḥ
svāyaṃbhuvaṃ dhāma markairūpamupāśritāḥ

24.2

tataśca vismito brahmā prāha tānsurapuṃgavān || svarūpeṇeha tiṣṭhadhvaṃ nātra vastārakādbhayam

24.3

tato
devāḥ svarūpasthāḥ mlānavadanāṃbujāḥ || tuṣṭuvuḥ praṇatāḥ sarve pitaraṃ putrakā yathā

24.4

namo jagatprasūtaye te hetave pālakāya ca || saṃhartre ca nama
stubhyaṃ tisro'vasthāstava prabho

24.5

tvamapaḥ prathamaṃ sṛṣṭvā tāsu vīryamavāsṛjaḥ || tadaṇḍamabhavaddhaimaṃ yasmim̐llokāścarācarāḥ

24.6

vedeṣvāhurvirā
ḍrūpaṃ tvāmekarūpamīdṛśam || pātālaṃ pādamūlaṃ ca pārṣṇipāde rasātalam

24.7

mahātalaṃ cāsya gulphau jaṃghe cāpi talātalam || sutalaṃ jānunī
cāsya ūrū ca vitalātale

24.8

mahītalaṃ ca jaghanaṃ nābhiścāsya nabhastalam || jyotiḥpadmuraḥsthānaṃ svarloko bāhurucyate

24.9

grīvā mahaśca
vadanaṃ janalokaḥ prakīrtyate || lalāṭaṃ ca tapolokaḥ śīrṣaṃ satyamudāhṛtam

24.10

candrasūryau ca nayane diśaḥ śrotre nāsikāśvinau || ātmānaṃ
brahmaraṃdhrasthamāhustvāṃ vedavādinaḥ

24.11

evaṃ ye te virāḍrūpaṃ saṃsmaraṃta upāsate || janmabandhavinirmuktā yāṃti tvāṃ paramaṃ padam

24.12

evaṃ
sthūlaṃ prāṇimadhyaṃ ca sūkṣmaṃ bhāvebhāve bhāvitaṃ tvāṃ gṛṇaṃti || sarvatrasthaṃ tvāmataḥ prāhurvedāstasmai tubhyaṃ padmaja idvidhama

24.13

evaṃ stuto viraṃcistu
kṛpayābhipariplutaḥ || jānannapi tadā prāha teṣāmāśvāsahetave

24.14

sarve bhavanto duḥkhārtāḥ parimlānamukhāṃbujāḥ || bhraṣṭāyudhāstathā'kasmādbhraṣṭā
bharaṇavāsasaḥ

24.15

mamaiveyaṃ kṛtirdevā bhavatāṃ yadviḍambanā || yadvairājaśarīre me bhavanto bāhusaṃjñakāḥ

24.16

yadyadvibhūtimatsattvaṃ dhārmikaṃ
corjitaṃ mahat || tatrāsīdvāhunāśo me bāhusthāne ca te mama

24.17

tannūnaṃ mama bhagnau ca bāhū tena durātmanā || yena copa̍hṛtaṃ devāstanmamākhyātu
marhatha

24.18

devā ūcuḥ || || yo'sau vajrāṃgata nayastvayā dattavaraḥ prabho || bhṛśaṃ viprakṛtāstena tattvaṃ jānāsi tattvataḥ

24.19

yattanmahīsamudrasya taṭaṃ śārśvikatīrthakam || tadākramya kṛtaṃ tena marubhūmisamaṃ prabho

24.20

ṛddhayaḥ sarvadevānāṃ gṛhītāstena sarvataḥ || mahābhūtasvarū
peṇa sa eva ca jagatpatiḥ

24.21

caṃdrasūryau grahāstārā yaccānyaddevapakṣataḥ || tacca sarvaṃ nirākṛtya sthāpito daityapakṣataḥ

24.22

vayaṃ ca vidhṛtā
stena bahūpahasitāstathā || viṣṇoḥ prasādānmuktāśca kathaṃcidiva kaṣṭataḥ

24.23

tadvayaṃ śaraṇaṃ prāptāḥ pīḍitāḥ kṣuttṛṣārditāḥ || dharmarakṣā
karāśceti saṃcitya trātumarhasi

24.24

ityuktaḥ svātmabhūdevaiḥ surairdaityaviceṣṭitam || surānuvāca bhagavānataḥ saṃciṃtya tattvataḥ

24.25

avadhyastārako daityaḥ sarvairapi surāsuraiḥ || yasya vadhyaśca nādyāpi sa jāto bhagavānpunaḥ

24.26

mayā ca varadānena cchandayitvā
nivāritaḥ

24.27

tapasā sa hi dīpto'bhūttrailokyadahanātmakaḥ || sa ca vavre vadhaṃ daityaḥ śiśotaḥ saptavāsarāt

24.28

sa ca saptadino bālaḥ
śaṃkarādyo bhaviṣyati || tārakasya ca vīrasya vadhakartā bhaviṣyati

24.29

satīnāmā tu yā devī vinaṣṭā dakṣahelayā || sā bhaviṣyati
kalyāṇī himācalaśarīrajā

24.30

śaṃkarasya ca tasyāśca yatnaḥ kāryaḥ samāgame || ahamapyasya kāryasya śeṣaṃ kartā na saṃśayaḥ

24.31

ityuktāstridaśāstena sākṣātkamalayoninā || jagmurmeruṃ praṇamyeśaṃ marka̍rūpeṇa saṃvṛtāḥ

24.32

tato gateṣu deveṣu brahmā lokapitāmahaḥ || niśāṃ
sasmāra bhagavānsvāṃ tanuṃ pūrvasaṃbhavām

24.33

tato bhagavatī rātrirupatasthe pitāmaham || tāṃ vivikte samālokya tathovāca vibhāvarīm

24.34

vibhāvāre mahatkāryaṃ vibudhānāmupasthitam || tatkartavyaṃ tvayā devi śṛṇu kāryasya niścayam

24.35

tārakonāma daityeṃdraḥ suraketuranirjitaḥ
tasyābhāvāya bhagavānniyiṣyati yaṃ śivaḥ

24.36

sutaḥ sa bhavitā tasya tārakasyāṃtakārakaḥ || ahaṃ tvādau yadā jātastadāpaśyaṃ puraḥsthitam

24.37

ardhanārīśvaraṃ devaṃ vyāpya viśvamavasthitam || dṛṣṭvā tamabruvaṃ devaṃ bhajasveti ca bhaktitaḥ

24.38

tato nārī pṛthagjātā puruṣaśca tathā
pṛthak || tasyāścaivāṃśajāḥ sarvāḥ striyastribhuvane smṛtāḥ

24.39

ekādaśa ca rudrāśca puruṣāstasya cāṃśajāḥ || tāṃ nārīmamamālokya putraṃ dakṣamathā
bravam

24.40

bhajasva putrīṃ jagatīṃ mamāpi ca tavāpi ca || puṃduḥkhanarakāttrātrī putrī te bhāvinī tviyam

24.41

evamukto mayā dakṣaḥ putrītve pari
kalpitām || rudrāya dattavānbhaktyā nāma dattvā satīti yat

24.42

tataḥ kāle cam̐ kasmiṃścidvamene ca tāṃ pitā || mumūrṣuḥ pāpasaṃkalpo durātmā
kulakajjalaḥ

24.43

ye rudraṃ naiva manyaṃte te sphuṭaṃ kulakajjalāḥ || piśācāste durātmāno bhavaṃti brahmarākṣasāḥ

24.44

avamānena tasyāpi
yathā devī jahām̐ tanum || yathā yajñaḥ sa ca dhvasto bhavena viditaṃ hi te'

24.45

adhunā himaśailasya bhavitrī duhitā ca sā || maheśvaraṃ
patiṃ sā ca punaḥ prāpsyati niścitam

24.46

tadidaṃ ca tvayā kāryaṃ menāgarbhe praviśya ca || tasyāśchaviṃ kuru kṛṣṇāṃ yathā kālī bhavettu sā

24.47

yadā rudropahasitā tapastapsyati sā mahat || samāptaniyamā devī yadā cogrā bhaviṣyati

24.48

svayameva yadā rūpaṃ sugauraṃ pratipa
tsyate || viraheṇa haraścāsyā matvā śūnyaṃ jagattrayam

24.49

tasyaiva himaśailasya kaṃdare siddhasevite || pratīkṣamāṇastāṃ devīmugraṃ saṃtapsyate tapaḥ

24.50

tayoḥ sutastaṃtapasorbhavitā yo mahānsutaḥ || bhaviṣyati sa daityasya tārakasya nivārakaḥ

24.51

tapaso hi vinā nāsti siddhiḥ kutrāpi
śobhane || sarvāsāṃ karmasiddhīnāṃ mūlaṃ hi tapa ucyate

24.52

tvayāpi dānavo devi dehanirgatayā tadā || caṃḍamuṃḍapurogāśca haṃtavyā lokadu
rjayāḥ

24.53

yasmāccaṃḍaṃ ca muṃḍaṃ ca tvaṃ devi nihaniṣyasi || cāmuṃḍeti tato loke khyātā devi bhaviṣyasi

24.54

tatastvāṃ varade devi
lokaḥ saṃpūjayiṣyati || bhedairrahuvidhākāraiḥ sarvagāṃ kāmasādhanīm

24.55

oṃkāravaktrāṃ gāyatrīṃ tvāmarcaṃti dvijottamāḥ || ūrjitāṃ baladāṃ cāpi
rājānaḥ sumahābalāḥ

24.56

vaiśyāśca bhūtimityeva śivāṃ śūdrāstathā śubhe || kṣāṃtirmunīnāmakṣobhyā dayā niyamināmapi

24.57

tvaṃ mahopāya
sandohā nītirnayavisarpiṇām || paristhitistvamarthānāṃ tvamaho prāṇikā matā

24.58

tvaṃ yuktiḥ sarvabhūtānāṃ tvaṃ gatiḥ sarvadehinām || ratistvaṃ
raticittānāṃ prītistvaṃ hṛdyadarśinām

24.59

tvaṃ kāṃtiḥ śubharūpāṇāṃ tvaṃ śāṃtiḥ śubhakarmiṇām || tvaṃ bhrāṃtirmūḍhacittānāṃ tvaṃ phalaṃ kratuyāji
nām

24.60

jaladhīnāṃ mahāvelā tvaṃ ca līlā vilāsinām || saṃbhūtistvaṃ padārthānāṃ sthititvaṃ lokapālinī

24.61

tvaṃ kālarātrirniḥśeṣa
bhuvanāvalināśinī || priyakaṃṭhagrahānandadāyinī tvaṃ vibhāvarī

24.62

prasīda praṇatānasmānsaumyadṛṣṭyā vilokaya

24.63

iti stuvaṃto ye devi
pūjayiṣyaṃti tvāṃ śubhe || te sarvakāmānāpsyaṃti niyatā nātra saṃśayaḥ

24.64

ityuktā tu niśādevī tathetyuktvā kṛtāñjaliḥ || jagāma tvaritā
pūrvaṃ gṛhaṃ himagirermahat

24.65

tatrā''sīnāṃ mahāharmye ratnabhittisamāśraye || dadarśa menāmāpāṃḍucchavivakrasaroruhām

24.67

kiṃci
cchyāmamukhodgrastanabhāgavanāmitām || mahauṣadhigaṇābaddhamaṃtrarājaniṣevitām || 66.|| tataḥ kiṃcitpramilite menānetrāṃbujadvaye || āviveśa
mukhaṃ rātrirbrahmaṇo vacanāttadā

24.68

janmadāyā jaganmātuḥ krameṇa jaṭharāṃtaṃram || araṃjayacchaviṃ devyā gṛhamāturvibhāvarī

24.69

tato jaganmaṃ
galadā menā himagireḥ priyā || brāhme muhūrte subhage prāsūta śubhānanām

24.70

tasyāṃ tu jāyamānāyāṃ jaṃtavaḥ sthāṇujaṃgamāḥ || abhavansukhinaḥ
sarve sarvalokanivāsinaḥ

24.71

abhavatkrūrasattvānāṃ cetaḥ śāṃtaṃ ca dehinām || jyotiṣāmapi tejastvamabhavatsutarāṃ tadā

24.72

vanāśritā
ścauṣadhayaḥ svādvaṃti phalāni ca || gaṃdhavaṃti ca mālyāni vimalaṃ ca nabho'bhavat

24.73

mārutaśca sukhasparśo diśaśca sumanoharāḥ || vismṛtā
ni ca śāstrāṇi prādurbhāvaṃ prapedire

24.74

prabhāvastīrthamukhyānāṃ tadāṃ puṇyatamo'bhavat || satye dharme cādhyayane yajñe dāne tapasyapi

24.75

sarveṣāmabhavacchraddhā janmakāle guhāraṇeḥ || aṃtarikṣamarāścāpi praharṣotphullalocanāḥ

24.76

haribrahmamaheṃdrārkavāyuvahnipurogamāḥ || puṣpavṛṣṭiṃ pramu
mucustasminmenāgṛhe śubhe

24.77

meruprabhṛtayaścāpi mūrtimaṃto mahānagāḥ || tasminmahotsave prāptā vīraikāṃsyopaśobhitāḥ

24.78

sāgarāḥ sarita
ścaiva samājagmuśca sarvaśaḥ

24.79

himaśailo'bhavalloke tadā sarvaiścarācaraiḥ || sevyaścāpyabhigamyaśca pūjanīyaśca bhārata

24.80

anubhūyotsavaṃ
te ca jagmuḥ svānālayāṃstadā

24.80.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe kumāreśa māhātmye pārvatījanmavarṇanaṃnāma dvāviṃśo'dhyāyaḥ

Linked texts (8)