Pramāṇa · Search · About · API

Kaumarikakhanda 26

Kaumārīkākhaṇḍa 26

Language
Sanskrit

Contents

26.1

cha || || nārada uvāca || || evaṃ śrutvā sabhāryaḥ sa pramodaplutamānasaḥ || praṇamya māmiti
prāha yadyevaṃ puṇyavānaham

26.2

punaḥ kiṃcitpravakṣyāmi putryā me dakṣiṇaḥ karaḥ || uttānaḥ kāraṇaṃ kiṃ tacchrotumicchāmi nārada

26.3

iti
pṛṣṭo'smi śailena prāvocaṃ kāraṇaṃ tadā || sarvadaiva karo hyasyāḥ sarveṣāṃ prāṇināṃ prati

26.4

abhayasya pradātā'sāvuttānastu karastataḥ || eṣā bhāryā
jagaddharturvṛṣāṃkasya mahīdhara

26.5

jananī sarvalokasya bhāvinī bhūtabhāvinī || tadyathā śīghramevaiṣā yogaṃ yātu pinākinā

26.6

tvayā vidheyaṃ
vidhivattathā śailendrasattama || astyatra sumahatkāryaṃ devāṃnāṃ himabhūdhara

26.7

iti procya tamāpṛcchaya prāvocaṃ vāsavāya tat || mama bhūyastu kartavyaṃ
tanmayā kṛtameva hi

26.8

kiṃ tu paṃcaśaraḥ preryaḥ kāryaśeṣe'tra vāsava || ityādiśya gataścāhaṃ tārakaṃ prati phālguna

26.9

kalipriya
tvāttasyainamarthaṃ kathituṃ sphuṭam || himādrirapi me vākyapreritaḥ pārvatīṃ prati

26.10

bhavasyārādhanāṃ kartuṃ sasakhīmādiśattadā
sā taṃ paricacāreśaṃ tasyā dṛṣṭvā suśīla̍tām

26.11

puṣpatoyaphalādyāni niyuktā pārvatī vyadhāt || mahendropi ca madvākyātsmaraṃ sasmāra
bhārata

26.12

sa ca tatsmaraṇaṃ jñātvā vasaṃtaratisaṃyutaḥ || cūtāṃkurāstraḥ sahasā prādurāsīnmanobhavaḥ

26.13

tamāha ca vaco dhīmā
nsmayanniva ca taṃ spṛśan || upadeśena bahunā kiṃ tvāṃ prati ratipriya

26.14

citte vasasi tena tvaṃ vetsi bhūtamranogatam || tathāpi tvāṃ
vadiṣyāmi svakāryaparatāṃ smaran

26.15

mamaikaṃ sumahatkāryaṃ kartumarhasi manmatha || maheśvaraṃ kṛpānāthaṃ satībhāryāviyojitam

26.16

saṃyo
jaya punardevyā himādrigṛhajātayā || devī devaśca tuṣṭau te kariṣyata ihepsitam

26.17

madana uvāca || || alīkametaddevendra sa hi devasta
poratiḥ || nānyāsādyitavyāni tejāṃsi manurabravīt

26.18

vedānteṣu ca māṃ viprā garhayaṃti punaḥpunaḥ || mahāśano mahāpāpmā kāmo'yama
nalo mahān

26.19

āvṛtaṃ jñānametena jñānināṃ nityavairiṇā || tasmādayaṃ sadā tyājyaḥ kāmo'hiriva sattamaiḥ

26.20

evaṃ
śīlasya me kasmātpratuṣyati maheśvaraḥ || madyapasyeva pāpasya vāsudevo jagadguruḥ

26.21

iṃdra uvāca || || maivaṃ brūhi mahābhāga tvāṃ vinā
kaḥ pumānbhuvi || dharmamarthaṃ tathā kāmaṃ mokṣaṃ vā prāptumīśvaraḥ

26.22

yatkiṃcitsādhyate loke mūlaṃ tasya ca kāmanā || kathaṃ kāmaṃ viniṃdati
tasmātte mokṣasādhakāḥ

26.23

satyaṃ cāpi śrutervākyaṃ tava rūpaṃ tridhāgatam || tāmasaṃ rājasaṃ caiva sāttvikaṃ cāpi manmatha

26.24

amuktiṃtaḥ
kāmanayā rūpaṃ tattāmasaṃ tava || sukhabuddhyā spṛhā yā ca rūpaṃ tadrājasaṃ tava

26.25

kevalaṃ yāvadarthārthaṃ tadrūpaṃ sāttvikaṃ tava || tanme rūpatrayamidaṃ brūhi
nopāsate hi ke

26.26

tvaṃ sākṣātparamaḥ pūjyaḥ kuru kāryamidaṃ hi naḥ || atha vā pīḍitāndṛṣṭvā sāmānyānapi paṃḍitāḥ || svaprāṇairapi trāyaṃti
parametanmahāphalam

26.27

iti saṃciṃtya kāryaṃ tvaṃ sarvathā kuru tatsphuṭam

26.28

ityā karṇya tathetyuktā vasaṃtaratisaṃyutaḥ || pikādisainyasaṃpanno
himādriṃ prayayau smaraḥ

26.29

tatrāpaśyata śaṃbhoḥ sa puṇyamāśramamaṃḍalam || nānā vṛkṣasamākīrṇaṃ śāṃtasattvasamākulam

26.30

tatrāpaśyattrinetrasya
vīrakaṃnāma dvārapam || yathā sākṣānmaheśānaṃ gaṇāṃścāyutaśo'sya ca

26.31

dadarśa ca maheśānaṃ nāsāgrakṛtalocanam || devadārudrumacchāyāvedikā
madhyamāśritam || samakāyaṃ sukhāsīnaṃ samādhisthaṃ maheśvaram

26.32

nistaraṃgaṃ vinirgṛhya sthitamiṃdriyagocarān || ātmānamātmanā devaṃ praviṣṭaṃ
tapaso nidhim

26.33

taṃ tathāvidhamālokya so̍tarbhedāya yatnavān || bhramaradhvanivyājena viveśa madano manaḥ

26.34

etasminnaṃtare devo vi
kāsitavilocanaḥ || sasmāra nagarājasya tanayāṃ raktamānasaḥ

26.35

niveditā vīrakeṇa viveśa ca gireḥ sutā || tasminkāle mahābhāgā sadā
yadgadupaiti sā

26.36

tatastasyāṃ manaḥ svīyamanuraktamavekṣya ca || nigṛhya līlayā devaḥ svakaṃ pṛṣṭhamavaikṣata || tāvadāpūrṇadhanuṣamapaśyata ratipriyam

26.37

tannāśakṛpayayā devo nānāsthāneṣu so'gamata || tāvatpaśyati pṛṣṭhasthamākṛṣya dhanuṣaḥ śaram

26.38

sa nadīḥ parvatāṃścaiva āśramānsarasīsta
thā || paribhramanmahādevaḥ pṛṣṭhasthaṃ tamavaikṣata

26.39

jagattrayaṃ paribhramya punarāgātsvamāśramam || pṛṣṭhasthameva taṃ vīkṣya niḥśvāsaṃ mumuce haraḥ

26.40

tatastṛtīyanetrotthavahninā nākavāsinām || krośatāṃ gamitaḥ kāmo bhasmatvaṃ pāṃḍunaṃdana

26.41

sa tu taṃ bhasmasātkṛtvā haranetrodbhavo'nalaḥ
vyajṛṃbhata jagaddagdhuṃ jvālāpūritadiṅmukhaḥ

26.42

tato bhavo jagaddhetorvyabhajajjātavedasam || sāhaṃkāre jane caṃdre sumanassu ca gītake

26.43

bhṛṃgeṣu kokilāsyeṣu vihāreṣu smarānalam || tatprāptau snehasaṃyuktaṃ kāmināṃ hṛdayaṃ kila

26.44

jvālayatyaniśaṃ so'gnirduścikitsyo'sukhāvahaḥ
vilokya haraniḥśvāsajvālābhasmīkṛtaṃ smaram

26.45

vilalāpa ratirdīnā madhunā baṃdhunā saha || vilapaṃtī subahuśo madhunā parisāṃtvitā

26.46

ratyāḥ pralāpamākarṇya devadevo vṛṣadhvajaḥ || kṛpayā parayā prāha kāmapatnīṃ nirīkṣya ca

26.47

amṛto'pi hyayaṃ bhadre kāryaṃ sarvaṃ patistava
rartikāle dhruvaṃ bāle kariṣyati na saṃśayaḥ

26.48

yadā viṣṇuśca bhavitā vasudevātmajo vibhuḥ || tadā tasya suto yaḥ syātsa
patiste bhaviṣyati

26.49

sā praṇamya tato rudramiti proktā ratistataḥ || jagāma svecchayā gatyā vasaṃtādibhiranvitā

26.49.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kāmadahanonāma caturviṃśo' dhyāyaḥ

Linked texts (11)