Pramāṇa · Search · About · API

Kaumarikakhanda 29

Kaumārīkākhaṇḍa 29

Language
Sanskrit

Contents

29.1

cha || || nārada uvāca || || atha brahmā mahādevamabhivādya kṛtāṃjaliḥ || udvāhaḥ kriyatāṃ deva ityuvāca maheśvaram

29.2

tasya tadvacanaṃ śrutvā prāhedaṃ bhagavānharaḥ || parādhīnā vayaṃ brahmanhimādreścāpi yat

29.3

yadyuktaṃ kriyatāṃ taddhi vayaṃ yuṣmadvaśo'dhunā || tato
brahmā svayaṃ divyaṃ puraṃ ratnamayaṃ śubham

29.4

udvāhārthaṃ maheśasya tatkṣaṇātsamakalpayat || śatayojanavistīrṇaṃ prāsādaśataśobhitam

29.5

pure
tasminmahādevaḥ svayameva vyatiṣṭhata || tataḥ saptamunīndevaściti nābhyāgatānpuraḥ

29.6

prāhiṇodaṃbikāyāśca sthirapatnyārthamīśvaraḥ || sāruṃdhatīkāste
tatra hlādayaṃto himācalam

29.7

sabhāryamīśvaraguṇaiḥ sthirapatrāṇi cādadhuḥ || tataḥ saṃpūjitāstena punarāgamya te'calāt

29.8

nyavedayanvṛyaṃ va
kāya sa ca tānabhyanaṃdata || udvāhārthaṃ tato devo viśvaṃ sarvaṃ nyamaṃtrayat

29.9

samāgataṃ ca tatsarvaṃ vinā daityairdurātmabhiḥ || sthāvaraṃ jaṃgamaṃ yacca
viśvaṃ viṣṇupurogamam

29.10

sabrahmakaṃ purārātermahimānamavardhayat || tatastaṃ vidhirāhedaṃ gandhamādanaparvate

29.11

pure sthitaṃ vivāhasya deva
kālaḥ pravartate || tatastasya jaṭājūṭe caṃdrakhaṃḍaṃ pitāmahaḥ

29.12

babaṃdha praṇayodāravisphāritavilocanaḥ || kapardai śobhanaṃ viṣṇuḥ svayaṃ cakre'sya
harṣataḥ

29.13

kapālamālāṃ vipulāṃ cāmuṇḍā mūrdhnyabaṃdhata || uvāca cāpi giriśaṃ putraṃ janaya śaṃkara

29.14

yo daityeṃdrakulaṃ hatvā māṃ raktai
starpayiṣyati || sūryo jvalacchikhāraktaṃ bhābhāsitajagattrayam

29.15

babaṃdha devadevasya svayameva pramodaitaḥ || śeṣavāsukimukhyāśca jvalaṃtastejasā
śubhāḥ

29.16

ātmānaṃ bhūṣaṇasthāne svayaṃ te cakrurīśvare || vāyavaśca tatastīkṣṇaśṛṃgaṃ himagiriprabham

29.17

vṛṣaṃ vibhūṣayāmāsurnānāratnopapa
ttibhiḥ || śakro gajājinaṃ gṛhya svayamagre vyavasthitaḥ

29.18

vinā bhasma samādhāya kapāle rajataprabham || manujāsthimayīṃ mālāṃ pretanāthaśca
vandanam

29.19

vahnistejomayaṃ divyamajinaṃ pradadau sthitaḥ || evaṃ vibhūṣitaḥ sarvairbhṛtyairīśo babhau bhṛśam

29.20

tato himādreḥ puruṣā vīrakaṃ
procire vacaḥ || mā bhūtkālātyayaḥ śīghraṃ bhavasyaitannivedyatām

29.21

tato devaṃ praṇamyāha vīrakaḥ karasaṃpuṭī || tvarayaṃti maheśānaṃ himādreḥ puruṣā
stvamī

29.22

iti śrutvā vaco devaḥ śīghramityeva cābravīt || sapta vāridhayastasya cakrurdarpaṇadarśanam

29.23

tatraikṣata mahādevaḥ svarūpaṃ sa jaga
nmayam || tato baddhāṃjalirdhīmānsthāṇuṃ provāca keśavaḥ

29.24

devadeva mahādeva tripurāṃtaka śaṃkara || śobhase'nena rūpeṇa jagadānaṃdadā
yinā

29.25

maheśvara yathā sākṣādaparastvaṃ maheśvaraḥ || tataḥ smayanmahādevo jayeti bhuvane śrutaḥ

29.26

karamālaṃbya viṣṇośca vṛṣabhaṃ ruruhe
śanaiḥ || tataśca vasavo devāḥ śūlaṃ tasya nyavedayan

29.27

dhanado nidhibhiryuktaḥ samīpasthastato'bhavat || sa śūlapāṇirviśvātmā saṃcacāla
tato haraḥ

29.28

devaduṃdubhinādaiśca puṣpasāraiśca gītakaiḥ || nṛtyadbhirapsarobhiśca jayeti ca mahāsvanaiḥ

29.29

savyadakṣiṇasaṃsthānau brahmaviṣṇū
tu jagmatuḥ || haṃsaṃ ca garuḍaṃ caiva samāruhya mahāprabhau

29.30

athāditirditiḥ sā ca danuḥ kadrūḥ suparṇajā || paulomī surasā caiva siṃhikā
surabhirmuniḥ

29.31

siddhirmāyā kṣamā durgā devī svāhā svadhā sudhā || sāvitrī caiva gāyatrī lakṣmīḥ sā dakṣiṇā dyutiḥ

29.32

spṛhā
matirdhṛtirbuddhirmathiṛddhiḥ sarasvatī || rākā kuhūḥ sinīvālī devī bhānumatī tathā

29.33

dharaṇī dhāraṇī belā rājñī cāpi ca rohiṇī
ityetāścānyadevānāṃ mātaraḥ patna̍yastathā

29.34

udvāhaṃ devadevasya jagmuḥ sarvā mudānvitāḥ || uragā garuḍā yakṣā gaṃdharvāḥ kiṃnarā narāḥ

29.35

sāgarā girayo meghā māsāḥ saṃvatsarāstathā || vedā maṃtrāstathā yajñāḥ śrautā dharmāśca sarvaśaḥ

29.36

huṃkārāḥ praṇavāścaiva itihāsāḥ
sahasraśaḥ || koṭiśaśca tathā devā maheṃdrādyāḥ savāhanāḥ

29.37

anujagmurmahādevaṃ koṭiśo'rbudaśaśca hi || gaṇāśca pṛṣṭhato jagmuḥ śaṃkhavarṇāśca
koṭiśaḥ

29.38

daśabhiḥ kekarārūyāśca vidyuto'ṣṭābhireva ca || catuḥṣaṣṭyā viśākhāśca navabhiḥ pāriyātrikāḥ

29.39

ṣaḍbhiḥ sarvāṃtakaḥ
śrīmāṃstathaiva vikṛtānanaḥ || jvālākeśo dvādaśabhiḥ koṭibhiḥ saṃvṛto yayau

29.40

saptabhiḥ samadaḥ śrīmānduṃdubhoṣṭābhireva ca || paṃcabhiśca
kapālīśaḥ ṣaḍbhiḥ saṃhlādakaḥ śubhaḥ

29.41

koṭikoṭibhirevaikaḥ kuṃḍakaḥ kuṃbhakastathā || viṣṭaṃbho'ṣṭābhireveha gaṇapaḥ sarvasattamaḥ

29.42

pippa
laśca sahasreṇa sannādaśca tathā balī || āveśanastathāṣṭābhiḥ saptabhiścaṃdratāpanaḥ

29.43

mahākeśaḥ sahasreṇa naṃdirdvādaśabhistathā || nagaḥ kālaḥ
karālaśca mahākālaḥ śatena ca

29.44

agnikaḥ śatakoṭyā vai koṭyāmabhimukha eva ca || ādityamūrdhā koṭyā ca koṭyā caiva dhanāvahaḥ

29.45

sannāgaśca śatenaiva kumudaḥ koṭibhistribhiḥ || amoghaḥ kokilaścaiva koṭikoṭyā sumaṃtrakaḥ

29.46

kākapādastathā ṣaṣṭyā ṣaṣṭyā saṃtānako
gaṇaḥ || mahābalaśca navabhirmadhupiṃgaśca piṃgalaḥ

29.47

nīlo navatyā saptatyā caturvaktraśca pūrvapāt || vīrabhadraścatuḥṣaṣṭyā karaṇo bālaka
stathā

29.48

paṃcākṣaḥ śatamanyuśca meghamanyuśca viṃśatiḥ || koṣṭhakoṭiścatuḥṣaṣṭyā sukośo vṛṣabhastathā

29.49

viśvarūpastālaketuḥ paṃcā
śacca sitānanaḥ || īśāno vṛddhadevaśca dīptātmā mṛtyuhā tathā

29.50

viṣādo yamahā caiva gaṇo bhṛṃgāriṭistathā || aśanī hāsakaścaiva catuḥṣaṣṭyā
sahasrapāt

29.51

ete cānye ca gaṇapā asaṃkhyātā mahābalāḥ || sarve sahasrahastāśca jaṭāmukuṭadhāriṇaḥ

29.52

caṃdralekhāvattaṃsāśca nīlakaṃṭhā
strilocanāḥ || hārakuṃḍalakeyūramukuṭādyairalaṃkṛtāḥ

29.53

aṇimādiguṇairyuktāḥ śaktāḥ śāpaprasādayoḥ || sūryakoṭipratīkāśāstatrāijagmu
rgaṇeśvarāḥ

29.54

pātālāṃbarabhūmisthāḥ sarvalokanivāsinaḥ || tuṃbururnārado hāhā hūhūścaiva tu sāmagāḥ

29.55

taṃtrīmādāya vādyāṃ
ścā'vādayañchaṃkhaṃkarotsave || ṛṣayaḥ kṛtsnaśaścaiva vedagītāṃstapodhanāḥ

29.56

puṇyānvaivāhikānmaṃtrāñjapuḥ saṃhṛṣṭamānasāḥ || evaṃ pratasthe
giriśo vījyamānaśca gaṃgayā

29.57

tathā yamunayā cāpāṃpatinā dhṛtacchatrayā || strībhirnānāvidhālāpairlājābhiścānumoditaḥ

29.58

mahotsavena deveśo girisyānaṃ viveśa saḥ || prabhāsatsvarṇakalaśaṃ toraṇānāṃ śatairyutam

29.59

vaiḍūryabaddhabhūmisthaṃ ratnajaiśca gṛhairyutam
tatpraviśya stūyamāno dvāramabhyāsasāda ha

29.60

tato himācalastatra dṛśyate vyākulākulaḥ || ādiśadātmabhṛtyānāṃ mahādeva upasthite

29.61

tato brahmāṇamacalo gurutve prārthayattadā || kṛtyānāṃ sarvabhāreṣu vāsudevaṃ ca buddhimān

29.62

pratyāha ca vivāhe'sminkumārībhrātaraṃ
vinā || bhaviṣyati kathaṃ viṣṇo lājahomādikarmasu

29.63

suto hi mama mainākaḥ sa praviṣṭo'rṇave sthitaḥ || iti ciṃtāviṣaṇṇaṃ taṃ viṣṇurāha
mahāmatiḥ

29.64

atra ciṃtā na kartavyā girirāja kathaṃcana || ahaṃ bhrātā jaganmāturevadevaṃ ca nānyathā

29.65

tataḥ pramuditaḥ śailaḥ pārvatīṃ
ca svalaṃkṛtām || sakhībhiḥ koṭisaṃkhyābhirvṛtāṃ prāveśayatsadmaḥ

29.66

tato nīlamayastaṃbhaṃ jvalatkāṃcanakuṭṭimam || muktājālapariṣkāraṃ jvalitau
ṣadhidīpitam

29.67

ratnāsanasahasrāḍhyaṃ śatayojanavistṛtam || vivāhamaṃḍapaṃ śarvo viveśānucarāvṛtaḥ

29.68

tataḥ śailaḥ sapatnīkaḥ pādau
prakṣālya harṣitaḥ || bhavasya tena toyena siṣice svaṃ jagattathā

29.69

pādyamācamanaṃ dattvā madhuparkaṃ ca gāṃ tathā || pradānasya prayogaṃ ca saṃciṃtayaṃti
brāhmaṇāḥ

29.70

dauhitrīṃ kavyavāhānāṃ dadmi putrīṃ svakāmaham || ityuktā tasthivāñchailo na jānāti harasya saḥ

29.71

tataḥ sarvānapṛcchatsa
kulaṃ ko'pi na veda tat || tato viṣṇusvidaṃ prāha pṛcchyaṃte'nye kimarthataḥ

29.72

ajñātakulatāṃ tasya pṛcchyatāmayameva ca || ahirave aheḥ pādānvetti
nānyo himācala

29.73

svagotraṃ yadi na brūte na deyā bhaginī mama || tato hāsastadā jajñe sarveṣāṃ sumahāsvanaḥ

29.74

nivṛttaśca kṣaṇādbhūyaḥ
kiṃ vakṣyati harastviti || tato vimṛśya bahudhā kiṃcidbhītānano yathā

29.75

lajjājaḍaḥ smitaṃ cakre tataḥ pārtha sa vai haraḥ || tato viśiṣṭā bruvati
śīghraṃ kālo'tivartate

29.76

hariḥ prāha maheśānaṃ bibhyadāvedyahaṃ tava || mātāmahaṃ ca pitaraṃ prayogaṃ śṛṇu bhūdhara

29.77

ātmaputrāya te śaṃbho
ātmadauhitrakāya te || ityukte viṣṇunā sarve sādhusādhviti te jaguḥ

29.78

devo'pyudāharedbuddhiṃ sarvebhyo'pyadhikāṃ varām || tataḥ śailastathā
coktvā dattvā devīṃ ca sodakam

29.79

ātmānaṃ cāpi devāya pradadau sodakaṃ nagaḥ || tataḥ sarve tuṣṭuvustaṃ vivāhaṃ vismayānvitāḥ

29.80

dātā
mahībhṛtāṃ nātho hotā devaścaturmukhaḥ || varaḥ paśupatiḥ sākṣātkanyā viśvāraṇistathā

29.81

tataḥ stuvatsu muniṣu puṣpavarṣe mahatyapi || nadatsu
deva tūryeṣu karaṃ jagrāha tryambakaḥ

29.82

devo devīṃ samālokya salajjāṃ himaśailajām || na tṛpyati na cāhlādatsā ca devaṃ vṛṣadhvajam

29.83

tatra
brahmādimunayo devīmadbhutarūpiṇīm || paśyaṃtaḥ śaraṇaṃ jagmurmanasā parameśvaram

29.84

mā muhyāma pārvatīṃ ca yathā nāradaparvatau || tatastathaiva taccakre
sarveṣāmīpsitaṃ vacaḥ

29.85

tato devaiśca munibhiḥ saṃstutaḥ parameśvaraḥ || praviveśa śubhāṃ vediṃ mūrtimajjvalanāśritām

29.86

vedhāḥ śrutīritairmaṃ
traimūrtiṃmadbhirupasthitaiḥ || mūrtamagniṃ juhāva triḥ parikramya ca taṃ haraḥ

29.87

lājāhoma umābhrātā prāha taṃ sasmitaṃ hariḥ || bahavo militāḥ saṃti
lokāḥ saṃmardda īśvara

29.88

sāvadhānena rakṣyāṇi bhūṣaṇāni tvayā hara || tato haraśca taṃ prāha sveṃjane mā'tigopaya

29.89

kiṃcitprārthaya
dāsyāmi prāha viṣṇustato varam || tvayi bhaktirdṛḍhā me'stu sa ca taddurlabhaṃ dadau

29.90

dadatuḥ sṛṣṭisaṃrakṣāṃ brahmaṇe dakṣiṇāmubhau || agnaye
yajñabhāgāṃśca prītau harajanārdanau

29.91

bhṛgvādīnāṃ tato dattvā śrutirakṣaṇadakṣiṇām || tato gītaiśca nṛtyaiśca bhojanaiśca yathepsitaiḥ

29.92

mahotsavairanekam̐śca vismayaṃ samapadyata || visṛjya lokaṃ taṃ sarvaṃ kimicchādānakairbhavaḥ

29.93

sam̐rasvatyā ca pitarau devyāścā''śvāsya duḥkhitau
āmaṃtrya himaśaileṃdraṃ brahmāṇaṃ ca sakeśavam

29.94

jagāma maṃdaragiriṃ giriṇā sānugorcitaḥ

29.95

tato gate bhagavati nīlalohite sahomayā
girimamalaṃ hi bhūdharaḥ || sabāṃdhavo rūm̐diti hi kasya no mano visaṃṣṭhulaṃ jagati hi kanyakāpituḥ

29.96

imaṃ vivāhaṃ girirājaputryāḥ śṛṇoti
cādhyeti ca yo naraḥ śuciḥ || viśeṣataścāpi vivāhamaṃgale sa maṃgalaṃ vṛddhimavāpnute ciram

29.96.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśamāhātmye haragaurīvivāhavarṇanaṃnāma ṣaḍviṃśo'dhyāyaḥ

Linked texts (12)