Pramāṇa · Search · About · API

Kaumarikakhanda 30

Kaumārīkākhaṇḍa 30

Language
Sanskrit

Contents

30.1

cha || || nārada
uvāca || || tato nirupamaṃ divyaṃ sarvaratnamayaṃ śubham || īśānanirmitaṃ sākṣātsaha devyāviśadgṛham

30.2

tatrāsau maṃdaragirau saha devyā bhagākṣahā
prāsāde tatra codyāne reme saṃhṛṣṭamānasaḥ

30.3

etasminnaṃtare devāstārakeṇātipīḍitāḥ || protsāhitaina cātyarthaṃ mayā kalicikīrṣuṇā

30.4

āsādya te bhavaṃ devaṃ tuṣṭuvurbahudhā stavaiḥ || etasminnaṃtare devī prodvarttayata gātrakam

30.5

udvarttanamalenātha naraṃ cakre gajānanam || devānāṃ
saṃstavaiḥ puṇyaiḥ kṛpayābhiriplutā

30.6

putretyuvāca taṃ devī tataḥ saṃhṛṣṭamānasā || etasminnaṃtare śarvastatrāgatya vaco'bravīt

30.7

putrastavārthaṃ
girije śṛṇu yādṛgbhaviṣyati || vikrameṇa ca vīryeṇa kṛpayā sadṛśo mayā

30.8

yathāhaṃ tādṛśaśvāsau putraste bhavitā guṇaiḥ || ye ca pāpā durācārā
vedāndharmaṃ dviṣaṃti ca

30.9

teṣāmāmaraṇāntāni vighnānyeṣa kariṣyati || ye ca māṃ naiva manyaṃte viṣṇuṃ vāpi jagadgurum

30.10

vighnitā vighnarājena
te yāsyaṃti mahattamaḥ || teṣāṃ gṛheṣu kalahaḥ sadā naivopaśāmyati

30.11

putrasya tava vighnena samūlaṃ tasya naśyati || yeṣāṃ na pūjyāḥ pūjyaṃte
krodhāsatyaparāśca ye

30.12

raudrasāhasikā ye ca teṣāṃ vighnaṃ kariṣyati || śrutidharmāṃñjñātidharmānpālayaṃti gurūṃśca ye

30.13

kṛpālavo
gatakrodhāsteṣāṃ vighnaṃ hariṣyati || sarve dharmāśca karmāṇi tathā nānāvidhāni ca

30.14

savighnāni bhaviṣyaṃti pūjayāsya vinā śubhe || evaṃ śrutvā
umā prāha evamastviti śaṃkaram

30.15

tato vṛhattanuḥ so'bhūttejasā dyotayandiśaḥ || tato gaṇaiḥ samaṃ śarvaḥ surāṇāṃ pradadau ca tam || yāvattāra
kahaṃtā vo bhavettāvadayaṃ prabhuḥ

30.16

tato vighnapatirdevaiḥ saṃstutaḥ praṇatārtihā || cakāra teṣāṃ kṛtyāni vighnāni ditijanmanām

30.17

pārvatī ca punaddevī putratve parikalpya ca || aśokasyāṃkuraṃ vāribhiravarddhayata svāhṛtaiḥ

30.18

saptarṣīnatha cāhūya saṃskāramaṃgalaṃ taroḥ || kārayā
māsa tanvaṃgī tatastāṃ munayo'bruvan

30.19

tvayaiva darśite mārge maryādāṃ kartumarhasi || kiṃ phalaṃ bhavitā devi kalpitaistaruputrakaiḥ

30.20

devyuvāca || || yo vai nirudake grāme kūpaṃ kārayate budhaḥ || yāvattoyaṃ bhavetkūpe tāvatsvarge sa modate

30.21

daśakūpasamā
vāpī daśavāpī samaṃ saraḥ || daśasaraḥsamā kanyā daśakanyāsāmaḥ kratuḥ

30.22

daśakratusamaḥ putro daśaputrasamo drumaḥ

30.23

eṣaiva mama maryādā niyatā lokabhāvinī || jīrṇoddhāre kṛte vāpi phalaṃ tadviguṇaṃ matam

30.24

iti gaṇeśotpattiḥ || || tataḥ
kadācidbhagavānumayā saha maṃdare || maṃdire harṣajanane kaladhautamaye śubhe

30.25

prakīrṇakusumāmodamahālikulakūjite || kiṃnarodgīta saṃgīta
pratiśabditamadhyake

30.26

krīḍāmayūrairhaṃsaiśca śrutaiścaivābhinādite || mauktikairvividhai ratnairvinirmitagavākṣake

30.27

tatra puṇyakathābhiśca krīḍato
rubhayostayoḥ || prādurabhūnmahāñchabdaḥ pūritāṃbaragocaraḥ

30.28

taṃ śrutvā kautukāddevī kimetaditi śaṃkaram || paryapṛcchacchubhatanurharaṃ vismayapūrva
kam

30.29

tāmāha devīṃ giriśo dṛṣṭapūrvāstu te tvayā || ete gaṇā me krīḍaṃti śaile'smiṃstvatpriyāḥ śubhe

30.30

tapasā brahmacaryeṇa kleśena
kṣetrasādhanaiḥ || yairahaṃ toṣitaḥ pṛthvyāṃ ta ete manujottamāḥ

30.31

mat samīpamanuprāptā mama lokaṃ varānane || carācarasya jagataḥ sṛṣṭisaṃhāraṇakṣamāḥ

30.32

vinaitānaiva me prītirnairbhirvarahito rame || ete ahamahaṃ caite tānetānapaśya pārvati

30.33

ityuktā vismitā devī dadṛśe tāngavākṣake
sthitā padmapalāśākṣī mahādevena bhāṣitā

30.34

kecitkṛśā hrasvadīrghāḥ kecitsthūlamahodarāḥ || vyāghrebhameṣājamukhā nānāprāṇimahāmukhāḥ

30.35

vyāghracarmaparīdhānā nagnā jvālāmukhāḥ pare || gokarṇā gajakarṇāśca bahupādamukhekṣaṇāḥ

30.36

vicitravāhanāścaiva nānāyudhadharāstathā
gītavāditratattvajñāḥ sattvagītarasapriyāḥ

30.37

tāndṛṣṭvā pārvatī prāha katisaṃkhyābhidhāstvamī

30.38

śrīśaṃkara uvāca || || asaṃkhye
yāstvamī devi asaṃkhyeyābhidhāstathā || jagadāpūritaṃ sarvametairbhīmairmahābalaiḥ

30.39

siddhakṣetreṣu rathyāsu jīrṇodyāneṣu veśmasu || dānavānāṃ śarīreṣu
bāleṣūnmattakeṣu ca

30.40

ete viśaṃti muditā nānāhāravihāriṇaḥ || ūṣmapāḥ phenapāścaiva dhūmrapā madhuDefault:madhupāyinaḥ || mahāhārāḥ sarvabhakṣyāsta
thānye cāpyabhojanāḥ

30.41

gītanṛtyopahārāśca nānāvādyaravapriyāḥ || anaṃtatvādamīṣāṃ ca vaktuṃ śakyā na vai guṇāḥ

30.42

śrīdevyu
vāca || || manaḥśilena kalkena ya eṣa cchuritānanaḥ || tejasā bhāskarākāro rūpeṇa sadṛśastava

30.43

ākarṇyākarṇya te deva gaṇairgī
tānmahāguṇān || muhurnṛtyati hāsyaṃ ca vidadhāti muhurmuhuḥ

30.44

sadāśivaśivetyevaṃ vihvalo vakti yo muhuḥ || dhanyo'yamīdṛśī yasya
bhaktistvayi maheśvare

30.45

enaṃ vijñātumicchāmi kiṃvānāmāsau gaṇastava || || śrīśaṃkara uvāca || || sa eṣa vīrako devi sadā me'drisute priyaḥ

30.46

nānāścaryaguṇādhāraḥ pratīhāro mato'bike || || devyuvāca || || īdṛśasya sutasyāpi mamotkaṃṭhā purāṃtaka

30.47

kadāhamīdṛśaṃ putraṃ
lapsyāmyānaṃdadāyakam || || śarva uvāca || || eṣa eva sutastestu yāvadīdṛkparo bhavet

30.48

ityuktā vijayāṃ prāha śīghramānaya vīra
kam || vijayā ca tato gatvā vīrakaṃ vākyamabravīt

30.49

ehi vīraka te devī girijā toṣitā śubhā || tvāmāhvayati sā devī bhavasyānumate
svayam

30.50

ityuktaḥ saṃbhramayuto mukhaṃ saṃmārjya pāṇinā || devyāḥ samīpamāgacchajjayā'nugataḥ śanaiḥ

30.51

taṃ dṛṣṭvā girijā prāha girā
madhuravarṇayā || ehyehi putra dattastvaṃ bhavena mama putrakaḥ

30.52

ityukto daṃḍavaddevīṃ praṇamyāvasthitaḥ puraḥ || mātā tatastamāliṅgya kṛtvotsaṃge ca vīra
kam

30.53

cucuṃba ca kapole taṃ gātrāṇi ca pramārjaṃyat || bhūṣayāmāsa divyaistaṃ svayaṃ nānāvibhūṣaṇaiḥ

30.54

evaṃ saṃkalpya taṃ putraṃ lālayitvā umā
ciram || uvāca putra krīḍeti gaccha sārdhaṃ gaṇairiti

30.55

tataścikrīḍa madhye sagaṇānāṃ pārvatīsutaḥ || muhurmuhuḥ svamanasi stuvanbhaktiṃ sa śāṃkarīm

30.56

praṇamya sarvabhūtāni prārthayāmyasmiṃ duṣkaram || bhaktyā bhajadhvamīśānaṃ yasyā bhakteridaṃ phalam

30.57

krīḍituṃ vīrake yāte tato devī ca pārvatī
nānākathābhiścikrīḍa punareva jaṭābhṛtā

30.58

tato girisutākaṇṭhe kṣitaṃ bāhurmaheśvaraḥ || tapasastu viśeṣārthaṃ narma devīṃ kilābravīt

30.59

sa hi gauratanuḥ śarvo viśeṣācchaśiśobhitaḥ || raṃjitā ca vibhāvaryā devī nīlotpalacchaviḥ

30.60

śarva uvāca || || śarīre mama tanvaṃgī site
bhāsyasitadyutiḥ || bhujaṃgīvāsitā śubhre saṃśliṣṭā candane tarau

30.61

caṃdrajyotsnābhisaṃpṛktā tāmasī rajanī yathā || rajanī vā site pakṣe dṛṣṭidoṣaṃ
dadāsi me

30.62

ityuktā girijā tena kaṇṭhaṃ śarvādvimucya sā || uvāca koparaktākṣī bhukuṭīvikṛtānanā

30.63

svakṛtena janaḥ sarvo janena
paribhūyate || avaśyamarthī prāpnoti khaṇḍanāṃ śaśikhaṃḍabhṛt

30.64

tapobhirdīptacaritairyattvāṃ prārthitavatyaham || tasya me niyamasyaivamavamānaḥ padepade

30.65

naivāhaṃ kuṭilā śarva viṣamā na ca dhūrjaṭe || svadoṣaistvaṃ gataḥ kṣāṃtiṃ tathā doṣākaraśriyaḥ

30.66

nāhaṃ muṣṇāsi nayane netrahaṃtā bhavā
nbhava || bhagastatte vijānāti tathaivedaṃ jagattrayam

30.67

mūrdhni śūlaṃ janayase svadoṣairmāmadhikṣipan || yattvaṃ māmāha kṛṣṇeti mahākālo'si
viśrutaḥ

30.68

yāsyāmyahaṃ parityaktumātmānaṃ tapasā girim || jīvaṃtyā nāsti me kṛtyaṃ dhūrtena paribhūtayā

30.69

niśamya tasyā vacanaṃ
kopatīkṣṇākṣaraṃ bhavaḥ || uvācātha ca saṃbhrāṃto durjñeyacarito haraḥ

30.70

na tattvajñāsi giriṃje nāhaṃ niṃdāparastava || cāṭūktibuddhyā kṛtavāṃsta
vāhaṃ narmakīrtanam

30.71

vikalpaḥ svacchacitteti girijeṣā mama priyā || prāyeṇa bhūtilitānāmanyathā ciṃtā hṛdi

30.72

asmādṛśānāṃ
kṛṣṇāṃgi pravartaṃte'nyathā giraḥ || yadyevaṃ kupitā bhīru nai te vakṣyāmyahaṃ punaḥ

30.73

narmavādī bhaviṣyāmi jahi kopaṃ śucismite || śirasā
praṇataste'haṃ racitaste mayāñjaliḥ

30.74

dīnenāpyapamānena niṃditā nami vikriyām || varamasmi vinamro'pi na tvaṃ devi guṇānvitā

30.75

ityanekaścāṭuvākyaiḥ sūktairdevena bodhitā || kopaṃ tīvraṃ na tatyāja satī marmaṇi ghaṭṭitā

30.76

avaṣṭabdhāvatha kṣitvā pādau śaṃkarapāṇinā
viparyastālakā vegādgantumaicchata śailajā

30.77

tasyāṃ vrajantyāṃ kopena punarāha purāṃtakaḥ || satyaṃ sarvairavayavaiḥ suteti sadṛśī pituḥ

30.78

himācalasya śṛṃgaistairmeghamālākulairmanaḥ || tathā duravagāhmo'sau hṛdayebhyastavyāśayaḥ

30.79

kāṭhinyaṃ kaṣṭamasmiṃste vanebhyo bahudhā gatam
kuṭilatvaṃ nadībhyaste duḥsevyatvaṃ himādapi

30.80

saṃkrāṃtaṃ sarvamevaitattava devi himācalāt || ityuktā sā punaḥ prāha giriśaṃ śailajā tadā

30.81

kopakaṃpitadhūmrāsyā prasphuraddaśanacchadā || mā śarvātmopamānena niṃda tvaṃ guṇino janān

30.82

tavāpi duṣṭasaṃparkātsaṃkrāṃtaṃ sarvameva
hi || vyālebhyo'nekajihvatvaṃ bhasmanaḥ snehavandhyatā

30.83

hṛtkāluṣyaṃ śaśāṃkātte durbodhatvaṃ vṛṣādapi || athavā bahunoktena alaṃ vācā śrameṇa me

30.84

śmaśānavāsa āsīttvaṃ nagnatvānna tava trapā || nirghṛṇatvaṃ kapālitvādevaṃ kaḥ śaknuyāttave

30.84.p1

iti śrīskāṃde mahāpurāṇa ekāśī tisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye pārvatīprakopavarṇanaṃnāma saptaviṃśo'dhyāyaḥ

Linked texts (8)