Pramāṇa · Search · About · API

Kaumarikakhanda 34

Kaumārīkākhaṇḍa 34

Language
Sanskrit

Contents

34.1

cha || || nārada uvāca
te cainaṃ yojya cāśīrbhirayācaṃta varaṃ guham || eṣa eva varo'smākaṃ yatpāpaṃ tārakaṃ jahi

34.2

evamastviti tānuktvā yogoyoga iti bruvan
tārakārimahātejā mayūraṃ cādhyarohata

34.3

śaktihasto vinadyatha guho devāṃstadābravīt || yadyadya tārakaṃ pāpaṃ nāhaṃ hanmi surottamāḥ

34.4

gobrāhmaṇāvamantṝṇāṃ tato yāmi gatiṃ sphuṭam || evaṃ tena pratijñāte śabdo'tisumahānabhūt

34.5

yogoyoga iti prāhurājñayā śarajanmanaḥ || arajo
vāsasī rakte vasānaḥ pārvatīsutaḥ

34.6

athāgre sarvadevāṃnāṃ sthito vīro yayau mudā || tasya keturalaṃ bhāti caraṇāyudhaśobhitaḥ

34.7

caraṇābhyāṃ
girīñchakto yo vidārayituṃ raṇe || yā ceṣṭā sarvabhūtānāṃ prabhā śāṃtirbalaṃ yathā

34.8

tanmayā guhaśaktiḥ sā bhṛśaṃ haste vyarocata || yaddāḍharyaṃ
sarvalokeṣu tanmayaṃ kavacaṃ tathā

34.9

yotsyamānasya vīrasya deheprādurabhūtsvayam || dharmaḥ satyamasaṃmohastejaḥ kāṃtatvamakṣatiḥ

34.10

balamojaḥ
kṛpā caiva baddhā karayugaṃ tathā || ādeśakārīṇyagre'sya svayaṃ tasthurmahātmanaḥ

34.11

tamagre cāpi gacchaṃtaṃ pṛṣṭhatonuyayau haraḥ || rathenādityavarṇena
pārvatyā sahitaḥ prabhuḥ

34.12

nirmitena hareṇaiva svayaṃmīśena līlayā || sahasraṃ tasya siṃhānāṃ tasminyuktaṃ rathottame

34.13

abhīṣūnpuruṣavyāghra
brahmā ca jagṛhe svayam || te pibaṃta ivākāśaṃ trāsayaṃtaścarācaram

34.14

siṃhā rathasya gacchaṃto nadaṃtaścārukesarāḥ || tasminrathe paśupatiḥ sthito
bhātyumayā saha

34.15

vidyutā maṃḍitaḥ sūryaḥ seṃdracāpaghano yathā || agratastasya bhagavāndhaneśo guhyakaiḥ saha

34.16

āsthāya ruciraṃ yāti
puṣpakaṃ naravāhanaḥ || airāvaṇaṃ samāsthāya śakraścāpi suraiḥ saha

34.17

pṛṣṭhatonuyayau yāṃtaṃ varadaṃ vṛṣabhadhvajam || tasya dakṣiṇato devā marutaśca
trayodhinaḥ

34.18

gacchaṃti vasubhiḥ sārdhaṃ rudraiśca saha saṃgatāḥ || yamaśca mṛtyunā sārdhaṃ sarvataḥ parivāritaḥ

34.19

ghorairvyādhiśatai
ścāpi savyato yāti kopitaḥ || yamasya pṛṣṭhataścāpi ghorastriśikharaḥ sitaḥ

34.20

vijayonāma rudrasya yāti śūlaḥ svayaṃ kṛtaḥ
tamugrapāśo bhagavānvaruṇaḥ salileśvaraḥ

34.21

parivārya śatairyāti yādobhirvividhairvṛtaḥ || pṛṣṭhato vijayasyāpi yāti rudrasya paṭṭiśaḥ

34.22

gadāmuśalaśaktyādyairvarapraharaṇairvṛtaḥ || paṭṭiśaṃ cānvagātpārtha astraṃ pāśupataṃ mahat

34.23

bahuśīrṣaṃ mahāghoramekapādaṃ bahūdaram
kamaṃḍaluścāsya paścānmaharṣigaṇasevitaḥ

34.24

tasya dakṣiṇato bhāti daṇḍo gacchañchriyā vṛtaḥ || bhṛgvaṃgirobhiḥ sahito devairapya
bhipūjitaḥ

34.25

rākṣasāścānyadevāśca gandharvā bhujagāstathā || nadyo nadāḥ samudrāśca munayo'psarasāṃ gaṇāḥ

34.26

nakṣatrāṇi grahāścaiva
jaṃgamaṃ sthāvaraṃ tathā || mātaraśca mahādevamanujagmuḥ kṣudhānvitāḥ

34.27

sarveṣāṃ pṛṣṭhataścāsīttākṣryastho buddhimānhariḥ || pālayanpṛtanāṃ sarvāṃ
svaparīvārasaṃvṛtaḥ

34.28

evaṃ sainyasamopeta uttaraṃ taṭamāgataḥ || tāmraprākāramāśritya tasthau tryaṃbakanaṃdanaḥ

34.29

sa tārakapurasyāpi paśyanvṛddhi
manuttamām || visiṣmiye mahāsenaḥ praśaśaṃsa tapo'sya ca

34.30

sthitaḥ paśyansa śuśubhe mayūrastho guhastadā || chatreṇa dhriyamāṇena svayaṃ soma
samastviṣā

34.31

vījyamānaścāmarābhyāṃ vāyvagnibhyāṃ mahādyutiḥ || mātṛbhiśca surairdaityaiḥ svairgaṇairapi saṃvṛtaḥ

34.32

tataḥ praṇamya taṃ śakro deva
madhye vaco'bravīt || paśyapaśya mahāsena daityānāṃ balaśālinām

34.33

ye tvāṃ kālaṃ na jānaṃti martyā gṛhnaratā iva || eteṣāṃ ca gṛhe dūto
yastvāṃ śaṃsatu tārakam

34.34

vīrāṇāmucitaṃ tvetatkīrtidaṃ ca mahājane || anujñayā tataḥ skandabhaktaṃ śakro dhanaṃjaya

34.35

māmādiśyāsure
ndrāya prāhiṇoddautyayogyakam || ahaṃ svayaṃ gantukāmaḥ śakreṇāpi ca preṣitaḥ

34.36

prāsāde strīsahasrāṇāṃ prāvocaṃ madhyato'pyaham || asurādhama
durbuddhe śakrastvāmāha tacchṛṇu

34.37

yajñagadgalanādāptaṃ kilbiṣaṃ dānava tvayā || tasyāhaṃ nāśakaste'dya puruṣaścedbhaviṣyasi

34.38

śīghraṃ niḥ
sara pāpiṣṭha niḥsāriṣyasi cenna hi || kṣaṇāttava puraṃ kṣepsye pāvindhāyaiva sāgare

34.39

iti śrutvā rūkṣavācaṃ kruddhaḥ strīgaṇasaṃvṛtaḥ || muṣṭimudyamya
mām̐'dhāvadbhītaścāhaṃ palāyitaḥ

34.40

vyākulastatra vṛttāṃtaṃ kumārāya nyavedayam || mayi cāpyāgate daityaściṃtayāmāsa cetasi

34.41

nālabdha
saṃśrayaḥ śakro vaktumetadihārhati || nimittāni ca ghorāṇi saṃtrāsaṃ janayaṃti me

34.42

evaṃ viciṃtya cotthāya gavākṣaṃ so'dhyarohata || sahasrabhau
mikāvāsaśṛṅgavātāyanasthitaḥ

34.43

apaśyaddevasainyaṃ sa divaṃ bhūmiṃ ca saṃvṛtam || rathairgajairhayaiścāpi nāditāśca diśo daśa

34.44

vimānai
ścādbhutākāraiḥ kiṃnarodgītanāditaiḥ || dundubhibhirgoviṣāṇaistālaiḥ śaṃkhaiśca nāditaiḥ

34.45

akṣobhyāmiva tāṃ senāṃ dṛṣṭvā so'ciṃtayattadā || ete
mayā jitāḥ pūrvaṃ kasmādbhūyaḥ samāgatāḥ

34.46

iti ciṃtāparo daityaḥ śuśrāva kaṭukākṣaram || devabaṃdibhirudghuṣṭaṃ ghoraṃ hṛdayadāraṇam

34.47

jayātu
laśaktidīdhitipiṃjararucārumaṇḍalabhrujodbhāsitadevasainya puravadanakumudakānanavikāsanendo kumāranātha jaya ditikulamahodhivaḍavānala madhuraravamayūra
ratvāsuramukuṭakūṭakuṭṭitacaraṇanakhāṃkura mahāsena tārakavaṃśaśuṣkatṛṇadāvānala yogīśvara yogijanahṛdayagaganavitataciṃtāsaṃtānasaṃtamasanodanakharakira
ṇakalpanakhanikaravirājitacaraṇakamala skanda jaya bāla saptavāsara bhuvanāvaliśokasaṃdahana

34.48

namo namastestu manoramāya namostu te
sādhubhayāpahāya || namostu te bālakṛtācalāya namonamo nāśaya devaśatrūn

34.48.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kumārasya tārakāsuranagaraṃ prati gamanavarṇanaṃ nāmaikatriṃśo'dhyāyaḥ

Linked texts (9)