Kaumarikakhanda 36
Kaumārīkākhaṇḍa 36
- Language
- Sanskrit
Contents
- 36.67 — 1 part
36.1
cha || || nārada uvāca || || tatastaṃ girivarṣmāṇaṃ patitaṃ vasudhopari || āliṃgitamiva pṛthvyā guṇinyā
guṇinaṃ yathā
36.2
dṛṣṭvā devā vismitāste jayaṃ jagustathā muhuḥ || kecitsamīpamāgaṃtuṃ bibhyati tridivaukasaḥ
36.3
utthāya tārako daityaḥ kadā
cinmo nihaṃti cet || taṃ tathā patitaṃ dṛṣṭvā vasudhāmaṇḍale^4 guhaḥ
36.4
āsīddīnamanāḥ pārtha śuśoca ca mahāmatiḥ || stavanaṃ cāpi devānāṃ vāraṃ
yitvā vaco'bravīt
36.5
śocyaṃ pātakinaṃ māṃ ca saṃstuvadhvaṃ kathaṃ surāḥ || paṃcānamapi yo bhartā prākṛto'sau na kīrtyate
36.6
sa tu rudrāṃśajaḥ
proktastasya druhyan rudraivat || svāyaṃbhuvena gītaśca ślokaḥ saṃśrūyate tathā
36.7
vīraṃ hi puruṣaṃ hatvā gosahasreṇa mucyate || yathākathaṃcitpuruṣo
na haṃtavyastato budhaiḥ
36.8
pāpaśīlasya hanane doṣo yadyapi nāsti ca || tathāpi rudrabhakto'yaṃ saṃsmaranniti śocima
36.9
tadahaṃ
śrotumicchāmi prāyaścittaṃ ca kiṃcana || prāyaścittairapaityeno yatopi mahadarjitam
36.10
iti saṃśocatastasya śivaputrasya dhīmataḥ || vāsu
devo guruḥ puṃsāṃ devamadhye vaco'bravīt
36.11
śrutiḥ smṛtiścetihāsāḥ purāṇaṃ ca śivātmaja || pramāṇaṃ cettato duṣṭavadhe doṣo na vidyate
36.12
svaprāṇānyaḥ paraprāṇaiḥ prapuṣṇātyaghṛṇaḥ pumān || tadvadhastasya hi śreyo yadyopādyātyadhaḥ pumān
36.13
annāde bhrūṇahā mārṣṭi patyau bhāryā
pacāriṇī || gurau śiṣyaśca yājyaśca steno rājani kilbiṣam
36.14
pāpinaṃ puruṣaṃ yo hi samartho na nihaṃti ca || tasya tāvaṃti
pāpāni tadarthaṃ so'pyavāśnute
36.15
pāpino yadi vadhyaṃte naiva pālanasaṃsthitaiḥ || tato'yamakṣamo lokaḥ kaṃ yāti śaraṇaṃ guha
36.16
kathaṃ yajñāśca vedāśca vartate viśvadhārakāḥ || tasmāttvayā puṇyamāptaṃ na ca pāpaṃ kathaṃcana
36.17
atha cedrudrabhakteṣu
bahumānastava prabho || tatra te kīrtayiṣyāmi prāyaścittaṃ mahottamam
36.18
ājanmasaṃbhavaiḥ pāpaiḥ pumānyena vimucyate || ākalpāṃtaṃ ca vā yena
rudraloke pramodte
36.19
kṛte pāpe'nutāpo vai yasya skanda prajāyate || rudrārādhanato'nyacca prāyaścittaṃ paraṃ na hi
36.20
na yasyālamapi brahmā
mahimānaṃ vivarṇitum || śrutiśca bhītā yaṃ vakti kiṃ tasmātparamaṃ bhavet
36.21
akāṃḍe yacca brahmāṃḍakṣayodyuktaṃ halāhalam || kaṇṭhe dadhāra śrīkaṇṭhaḥ
kastasmātparamo bhavet
36.22
duḥkhatāṃḍavadīno'bhūddaṇḍasaṃkīrṇamānasaḥ || māramāraśca yo devaḥ kastasmātparamo bhavet
36.23
viyadvyāpī surasari
tpravāho vipruṣākṛtiḥ || babhūva yasya śirasi kastasmātparamo bhavet
36.24
yajñādikāśca ye dharmā vinā yasyārcanaṃ vṛthā || dakṣo'tra satyadṛṣṭāṃtaḥ
kastasmātparamo bhavet
36.25
kṣoṇī ratho vidhiryaṃtā śaro'haṃ mandaro dhanuḥ || rathāṃge cāpi caṃdrākaum̐ yuddhe yasya ca traipure
36.26
ārādhanaṃ
tasya kecidyogamārgeṇa kurvate || duḥkhasādhyaṃ hi tatteṣāṃ nityaṃ śūnyamupāsatām
36.27
tasmāttasyārcayelliṅgaṃ bhuktimuktī ya icchati
sṛṣṭyādau liṃgarūpī sa vivādo mama brahmaṇaḥ
36.28
abhūdyasya paricchede nālamāvāṃ babhūviva || carācaraṃ jagatsarvaṃ yato līnaṃ sadāntraṃ ca
36.29
tasmālliṅgamivi proktaṃ devai rudrasya dhīmataḥ || toyena snāpayelliṅgaṃ śraddhayā śucinām̐ ca yaḥ
36.30
brahmāditṛṇaparyataṃ tenedaṃ tarpitaṃ jagat
paṃcāmṛtena talliṅgaṃ snāpayedyaśca buddhimān
36.31
tarpitaṃ tena viśvaṃ syātsudhayā pitṛbhiḥ samam || puṣpaiairabhyarcayelliṅgaṃ yathākālodbhavaiśca
yaḥ
36.32
tena saṃpūjitaṃ viśvaṃ sakalaṃ nātra saṃśayaḥ || naivedyaṃ tatra yo dadyālliṅgasyāgre vicakṣaṇaḥ
36.33
bhojitaṃ tena viśvaṃ syālliṃ
gasyaivaṃ phalaṃ mahat || kimatra bahunoktena svalpaṃ vā yadi vā bahu
36.34
liṃgasya kriyate yacca tatsarvaṃ viśvaprītidam || tacca liṃgaṃ sthāpayedyaḥ
śucau deśe subhaktitaḥ
36.35
sa sarvapāpanirmukto rudraloke pramodte || yannityaṃ yajato yajñaiḥ phalamāhurmanīṣiṇaḥ
36.36
tacca sthāpayato
liṃgaṃ śivasya śubhalakṣaṇam || yathāgniḥ sarvadevānāṃ mukhaṃ skanda prakīrtyate
36.37
tathaiva sarvajagatāṃ mukhaṃ liṃgaṃ na saṃśayaḥ || prāraṃbhā-nmucyate pāpaiḥ
sarvajanmakṛtairapi
36.38
atītaṃ ca tathāgāmi kulānāṃ tārayecchatam || mṛnmayaṃ kāṣṭhaniṣpannaṃ pakeṣṭaṃ śailameva ca
36.39
kṛtamāyatanaṃ dadyātkramā
cchataguṇaṃ phalam || kalaśaṃ tatra cāropya ekaviṃśatkulairyutaḥ
36.40
ākalpāṃtaṃ rudraloke modate rudravatsukhī || evaṃvidhaṃphalaṃ liṃgamato
bhūyo'pyadho na hi
36.41
tasmādatra mahāsena liṃgaṃ sthāpitumarhasi || yaduktametadaślīlaṃ yadi kiṃcana cātra cet
36.42
tadbravītu mahā
sena svayaṃ sākṣī maheśvaraḥ || evaṃ vadati goviṃde sādhuvādo mahānabhūt
36.43
mahādevo hyathāliṃgya skandaṃ vacanamabravīt || yadgavānmama bhakteṣu
prakaroti kṛpāṃ parām
36.44
tenāpi paramā prītirmama jātā tavopari || kiṃ tu yadbhagavānprāha vāsudevo jagadguruḥ
36.45
tattathā nānyathā kiṃci
ttatra proktaṃ hi viṣṇunā || yo hyahaṃ sa harirjñeyo yo hariḥ so'hamityuta
36.46
nāvayoraṃtaraṃ kiṃciddīpayoriva suvrata || enaṃ dveṣṭi sa māṃ dveṣṭi
yonvetyenaṃ sa mām̐'nugaḥ
36.47
iti skanda vijānāti sa maddbhoktonyathā na hi
36.48
skanda uvāca || || evamevāsmi jānāmi tvāṃ ca viṣṇuṃ
ca śaṃkara
36.49
yacca liṃgakṛte prāha harirmāṃ dharmavatsalaḥ || khe vāṇī tārakavadhe evameva purāha mām
36.50
liṃgaṃ saṃsthāpayiṣyāmi sarvapāpā
pahaṃ tataḥ || ekaṃ yatra pratijñā me gṛhītāsya vadhāya ca
36.51
dvitīyaṃ yatra niḥsattvastyaktaḥ śaktyā'suro'bhavat || tṛtīyaṃ yatra nihato hatyā
pāpopaśāṃtidam
36.52
ityuktvā viśvakarmāṇamāhūya prāha pāvakiḥ || trīṇi liṃgāni śuddhāni śīghraṃ tvaṃ kartumarhasi
36.53
vacanādbāhuleyasya
nirmame devavarddhakiḥ || trīṇi liṃgāni śuddhāni nyavedayata tāni ca
36.54
tato brahmādibhiḥ sārdhaṃ viṣṇunā śaṃkreṇa ca || pūrvaṃ saṃsthāpayāmāsa
paścimāyāmadūrataḥ
36.55
pratijñeśvaramityeva liṃgaṃ paramaśobhanam || aṣṭamyāṃ bahule cātra caitre snātvā upoṣya ca
36.56
pūjāṃ ca jāgaraṃ kṛtvā
mucyetapāruṣyapāpataḥ || ityāha skaṃdaprītyarthaṃ svayaṃ tatra maheśvaraḥ
36.57
tato dvitīyaṃ liṃgaṃ tu vahnikoṇāśritaṃ tathā || sthāpayāmāsa saraso yatra
śaktirviniryayau
36.58
kapāleśvaramityeva liṃgaṃ pāpāpahaṃ śubham || śaktiṃ ca tāmabhiṣṭūya sthāpayāmāsa tatra ca
36.59
kapāleśvara sāṃnidhyaṃ
devī kapālikeśvarīm || tatra cottaradigbhāge śakticchidraṃ pracakṣate
36.60
pātālagaṃgā yatrāsti sarvapāpaharā śivā || tatra snātvā dadau skaṃdaḥ
kṛpayābhipariplutaḥ
36.61
tadā toyaṃ tārakāya sahitaḥ sarvadaivataiḥ
36.62
kāśyapeyāya vajrāṃgata nayāya mahātmane || rudrabhaktāya satilamakṣayyo
dakamastviti
36.63
tato maheśvaraḥ prītaḥ prāha skaṃdasya śṛṇvataḥ || caturdaśyāṃ kṛṣṇapakṣe madhau caivātra yo naraḥ || snātvopogya samabhyarcya kapāle
śvaramīśvarīm
36.64
tejovadhasamudbhūtapātakena sa mucyate
36.65
asyāmeva tithau somaḥ śivayogaśca taitilam || padmayogaḥ śakticchidre
yo dinaṃ rudraṃ japanniśi || snātvātra saśarīro vai rudralokaṃ vrajiṣyati
36.66
kapāleśasya sāṃnidhye śakticchidraṃ hi kīrtyate || tasya tulyaṃ
paraṃ tīrthaṃ pṛthivyāṃ naiva vidyate
36.67
iti śrutvā rudravākyaṃ skaṃdaḥ prīto'bhavadbhṛśam || devāśca muditāḥ sarve sādhusādhviti te jaguḥ
36.67.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumārasthāpitapratijñeśvaraśakticchidreśvara māhātmyavarṇanaṃ nāma trayastriṃśo'dhyāyaḥ
Linked texts (5)
- Māheśvarakhaṇḍa — Sanskrit
- Skandamahāpurāṇa (vulgate) — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Vaiṣṇavakhaṇḍa — Sanskrit