Kaumarikakhanda 38

Kaumārīkākhaṇḍa 38

Language: Sanskrit

38.18 — 1 part

38.1

cha || || nārada uvāca || || kumāreṇa sthāpito'tra kumāreśastataḥ surāḥ || praṇamya guhamūcuśca prabaddhakarasaṃ
puṭāḥ

38.2

kiṃcidvijñāpayiṣyāmo vayaṃ tvāṃ śṛṇu tattvataḥ || pūrvaprasiddha ācāraḥ procyate jayināmayam

38.3

jayaṃti ye raṇe śatrūṃstaiḥ kāryaḥ
staṃbhacihnakaḥ || tasmāttava jayodyotanimittaṃ staṃbhamuttamam

38.4

nikṣipāsa vayaṃ yāvattvamanujñātumarhasi || viśvakarmakṛtaṃ yacca tṛtīyaṃ liṃgamutta
mam

38.5

tasya staṃbhāgratastaṃ ca saṃsthāpaya śivātmaja || evamukte suraiḥ skandastathetyāha mahāmanāḥ

38.6

tato hṛṣṭāḥ suragaṇāḥ śakrādyāḥ staṃbha
muttamam || jāṃbūnadamayaṃ śubhraṃ raṇabhūmau viniṃkṣipūḥ

38.7

paritaḥ sthaṃḍilaṃ dikṣu sarvaratnamayaṃ tu te || tatra hṛṣṭāścāpsaraso nanṛturdaśadhā śubhāḥ

38.8

mātaro maṃgalānyasya jaguḥ skandasya naṃditāḥ || iṃdrādyā nanṛtustatra svayaṃ viṣṇuśca vādakaḥ

38.9

petuḥ khātpuṣpavarṣāṇi devavādyāni sasvanuḥ
evaṃ staṃbhaṃ samāropya jayākhyaṃ viśvanaṃdakaḥ

38.10

stambheśvarastato devaḥ sthāpitastvakṣasūnunā || viriṃcipramukhairdevairjātānandaiḥ samaṃ tadā̍

38.11

hariharādityayuktaistaiḥ sendrairmunigaṇairapi || tasyaiva paścime bhāge śaktyagreṇa mahātmanā

38.12

guhena nirmitaḥ kūpo gaṃgā tatra talodbhavā || māghasya ca
caturdaśyāṃ kṛṣṇāyāṃ pitṛtarpaṇam

38.13

kūpe snānaṃ naraḥ kṛtvā bhaktyā yaḥ pāṃḍunaṃdana || gayāśrāddhena yatpuṇyaṃ tatphalaṃ labhate sphuṭam

38.14

stabheśvaraṃ
tato devaṃ gandhapuṣpaiḥ prapūjayet || vājapeyaphalaṃ prāpya modate rudrasadmani

38.15

paurṇamāsyāmamāvāsyāṃ mahīsāgarasaṃgame || śrāddhaṃ kṛtvā ca yo'bhya
rcetstaṃbheśvaramakalmaṣaḥ

38.16

pitarastasya tṛpyaṃti tṛptā yacchaṃti cāśiṣaḥ || sa bhittvā sarvapāpāni rudraloke mahīyate

38.17

ityāha bhaga
vānrudraḥ skandasya prītaye purā || evameva caturthaṃ ca sthāpitaṃ liṃgamuttamam

38.18

praṇemurdevatāḥ sarve sādhusādhviti te jaguḥ

38.18.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe staṃbheśvaramāhātmyavarṇanaṃnāma paṃcatriṃśo'dhyāyaḥ