Pramāṇa · Search · About · API

Kaumarikakhanda 39

Kaumārīkākhaṇḍa 39

Language
Sanskrit

Contents

39.1

cha
nārada uvāca || || evaṃ dṛṣṭvā kṣitau tāni liṃgāni harasūnunā || haribrahmeṃdrapramukhā devāḥ procuḥ parasparam

39.2

aho dhanyaḥ
kumāro'yaṃ mahīsāgarasaṃgame || yena catvāri liṃgāni sthāpitāni sudurlabhe

39.3

vayamapyatra śuddhyarthaṃ toṣārthaṃ skandarudrayoḥ || sādhvarthe
cātmalābhāya kurmo liṃgaparaṃparām

39.4

athavā koṭiśo devā munayo naiva saṃkhyayā || sarve cetsthāpayiṣyaṃti liṃgānyatra mahītaṭe

39.5

pūjā teṣāṃ kathaṃ bhāvi bahutvānnātra pacyate || yasya rāṣṭre rudraliṃgaṃ pūjyate naiva bhaktitaḥ

39.6

tasya sīdati tadrāṣṭraṃ durbhikṣavyādhitaskaraiḥ
saṃbhūya sthāpayiṣyāmo liṃgamekaṃ tataḥ śubham

39.7

iti kṛtvā matiṃ sarve prāpyānujñāṃ maheśvarāt || praharṣitā guhaścaiva haribrahmamu
khāḥ surāḥ

39.8

bhūmibhāgaṃ śubhaṃ vīkṣya vijane liṃgamuttamam || sthāpayāmāsuratha te svayaṃ brahmavinirmitam

39.9

siddhārthaiḥ sthāpitaṃ yasmā
ddevairbrahmādibhiḥ svayam || siddheśvaramiti prāha nāma liṃgasya vai guhaḥ

39.10

sarvairdevaistatra liṃge khānitaṃ sara uttamam || sarvatīrthodakaiḥ śubhraiḥ pūritaṃ
ca mahātmabhiḥ

39.11

etasminnaṃtare pārtha pātālāccheṣanaṃdanaḥ || kumudonāma āgatya prāha śeṣādipannagān

39.12

asmiṃstārakayuddhe tu pralaṃ
bonāma dānavaḥ || palāyitvā skaṃdabhītyā pāpaḥ pātālamāviśat

39.13

sa vo vasūṃni putrāṃśca bhāryāḥ kanyā gṛhāṇi ca || vidhvaṃsayati
nāgeṃdrāḥ śīghraṃ dhāvatadhāvata

39.14

śeṣātmajasya tadvākyaṃ kumadasya niśamya te || autsukyamāpurnāgeṃdrā yāmayāmeti vādinaḥ

39.15

tānni
vārya tataḥ skaṃdaḥ kruddhaḥ śaktimathādade || pātālāya sumocātha procya daityo nihanyatām

39.16

tataḥ skaṃdabhujotsṛṣṭā bhuvaṃ nirbhidya vegataḥ
praviṣṭā sahasā śaktiryathā daivaṃ naraṃ prati

39.17

sā taṃ hatvā pralaṃbaṃ ca koṭibhirdaśabhirvṛtam || naṃdayitvā gatā nāgāñjalakallolapūrvikā

39.18

yāṃtyā śaktyā tayā pārtha yatkṛtaṃ vivaraṃ bhuvi || pātālagaṃgātoyena pūritaṃ pāpahāriṇā

39.19

tasya nāma dadau skaṃdaḥ siddhakūpa iti smṛtaḥ
kṛṣṇāṣṭamyāṃ caturdaśyāmapupavāsī naraḥ svayam

39.20

snātvā kūpe'rcayedīśaṃ siddheśvaramananyadhīḥ || prabhūtabhavasaṃbhūtapāpaṃ tasya vilīyate

39.21

siddha
kuṃḍe ca yaḥ snātvā śrāddhaṃ kuryādvicakṣaṇaḥ || sarvakalmaṣanirmukto bhaktiyogyo bhavenbhave 1

39.22

vaṭaścāpyakṣayastasya tuṣṭo rudro varaṃ dadau || prayāga
vaṭatulyo'yametatsatyaṃ na saṃśayaḥ

39.23

atrāgatya mahābhāgaḥ śrāddhaṃ kuryātsubhaktitaḥ || pitṝṇāmakṣayaṃ tacca sarveṣāṃ piṃḍapātanam

39.24

tato
brahmādayo devāḥ skaṃdena sahitāstadā || siddhāṃbikāṃ mahāśaktiṃ prārthayāmāsurīśvarīm

39.26

tvayāviṣṭo hi bhagavānmatsyarūpī janārdanaḥ
jagaduddhāraṇārthāya cakre karmāṇyanekaṃśaḥ

39.26-2

iti tāṃ prārthayāmāsuratra tyājyaṃ na te śubhe || atra sthitāḥ sarva ime kṣetrapālā mahābalāḥ

39.27

aṣṭamyāṃ vā caturdaśyāṃ balipuṣpaiśca tvāṃ śubhe || ye pūjayaṃti te pālyāḥ sarvāpatsu ca yā sadā

39.28

evamuktā siddhamātā tatheti pratyapadyata
sthāpayāmāsuratha tāṃ liṃgāduttarabhāgataḥ

39.29

tataḥ kṣetrapatīndevāścatuḥṣaṣṭiṃ maheśvaram || siddheyaṃ nāma kṣetrasya rakṣārthaṃ vidadhuḥ svayam

39.30

tvāṃ ca ye pūjayiṣyaṃti kāryāraṃbheṣu sarvadā || varṣe varṣe rājamāṣabalinā ca viśeṣataḥ

39.31

tānasau pālayettuṣṭaḥ pitā lokāniva svakān
siddhikṛto devāstatra siddhivināyakam

39.32

karparditanayaṃ prārthya sthāpayāṃcakrire muṃdā || taṃ ca ye pūjayaṃtyatra kāryāraṃbheṣu sarvadā

39.33

teṣāṃ siddhiṃ dadātyeṣa prabalo vighnarāṅgavaḥ || yadyatra pūjayedyastu satataṃ siddhasaptakam

39.35

paśyedrā smarate vāpi sarvadoṣairvimucyate || siddhe
śvaraḥ siddhavaṭaśca sākṣātsiddhāṃbikā siddhavināyakaśca || siddheyakṣetrādhipatiśca siddhasarastathā siddhakūpaśca sapta

39.36

atra tuṣṭo dadau rudraḥ
surāṇāṃ durlabhānvarān || vaiśākhamāsasyāṣṭamyāṃ kṛṣṇāyāṃ siddhakūpake

39.37

snātvā piṃḍānvaṭe kṛtvā pūjayanmāṃ ca siddhabhāk || sadā
yo'bhyarcayenmāṃ ca brahmacārī jiteṃdriyaḥ

39.38

aṣṭāviṣṭakarā nityaṃ bhaveyustasya siddhayaḥ || maṃtrajāpyaṃ baliṃ homamatra yaḥ kurute
naraḥ

39.39

ekacittaḥ śucirbhūtvā so'bhīṣṭāṃ siddhimāpnuyāt || samāhitamanāścāṃtha siddheśaṃ yastu paśyati

39.40

tasya si
ddhirbhavatyeva vighnairyadi na hanyate || siddhāṃbikā mahādevī hyatra saṃnihitāsti yā

39.41

siddhidā sādhakeṃdrāṇāṃ mahāvidyāṃ japaṃti ye || dhīrebhyo
brahmacāribhyaḥ satyacittebhya eva ca

39.42

maṃtrajāpyāddadātyeṣā sarvasiddhīryathepsitāḥ || pātālasya bilaṃ caitaddrahaśaktyā kṛtaṃ mahat

39.43

siddhāṃ
bikāprasādena vighnakṣetrapayormama || pratyakṣaṃ bhavitā yatra nānāvaścaryāṇi bhūriśaḥ

39.44

atra siddhiṃ prayāsyaṃti koṭiśaḥ puruṣāḥ surāḥ || vidyādhara
tvaṃ devatvaṃ gaṃdharvatvaṃ ca nāṃgatā

39.45

yakṣatvaṃ cāmaratvaṃ ca prāpsyaṃtyatra ca sādhakāḥ || atra vai vijayonāma sthaṃḍilasya prabhāvataḥ

39.46

siddhāṃ
bikāṃ samārādhya siddhimāpsyati durlabhāṃm || yo māṃ drakṣyati cātrasthaṃ yaśca māṃ pūjayiṣyati || vādapracārato vāpi puṇyāvāptirbhaviṣyati

39.47

nārada uvāca || || tryaṃbakeṇa vareṣvevaṃ datteṣvapi surottamāḥ

39.48

prahṛṣṭāḥ samapadyaṃta gāthāṃ cemāṃ jagustadā || tena yajñairjapaiḥstotraistapo
bhisto̍ṣitā va̍yam

39.49

sarve devāḥ siddhiliṃgaṃ yo naraḥ pūjayiṣyati || sarvakāmaphalāvāptirityevaṃ śaṃkaro'bravīt

39.50

ityuktvā te jayaṃ
prāptāḥ skaṃdena sahitāḥ surāḥ || kārāyya̍ ramyaprāsādāndramyaistārakasaṃbhavaiḥ

39.51

caturvargaphalāvāptiṃ dattvā kṣetrasya saṃyayuḥ || kecitskaṃdaṃ praśaṃsaṃtastī
rthamanye hariṃ pare

39.52

kecilliṃgāni paṃcāpi yuddhaṃ keciddivaṃ yayuḥ || tato̍'ṃtarikṣe cāliṃgya mahāsenaṃ haro'bravīt

39.53

saptame mārutaskaṃdhe va
sa nityaṃ priyātmaja || kāryeṣvahaṃ tvayā putra saṃpraṣṭavyaḥ sadaiva hi

39.54

darśanānmama bhaktyā ca śreyaḥ paramavāpsyasi || staṃbhatīrthe ca̍ vatsye'haṃ na
vimokṣyāmi karhicit

39.55

ityuktvā visasarjainaṃ pariṣvajya maheśvaraḥ || brahmaviṣṇumukhāṃścaiva bhaktyā taira̍bhinaṃditaḥ

39.56

visarjatāḥ su̍rā
jagmuḥ svānisvānyālayā̍ni ca || śarvo jagāma kailāsaṃ ska̍ṃdhaṃ vai saptamaṃ guhaḥ

39.57

ityetatkathitaṃ pārtha liṃgapaṃcakasaṃbhavam || yaḥ paṭhetska̍ṃdsaṃ
baddhāṃ kathāṃ martyo mahāmatiḥ

39.58

śṛṇuyācchāvayedvā̍pi sa bhavetkīrtimānnaraḥ || bahvāyuḥ subhagaḥ śrīmānkāṃtimānchubhadarśanaḥ

39.59

bhūtebhyo
nirbhayaścāpi sarvaduḥkhavivarjitaḥ || śucirbhūtvā pumānyaśca kumāreśvarasannidhau

39.60

śṛṇuyātskaṃdacaritaṃ mahādhanapatirbhavet || bālānāṃ vyādhiduṣṭā
nāṃ rājadvāropasevinām

39.61

idaṃ tatparamaṃ dhanyaṃ sarvadoṣaharaṃ sadā || tanukṣaye ca sāyujyaṃ ṣaṇmukhasya vrajennaraḥ

39.62

varamenaṃ dadurdevāḥ skaṃda
syātha gatā divam

39.62.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe paṃcaliṃgopā khyānasamāptivarṇanaṃnāma ṣaṭtriṃśo'dhyāyaḥ

Linked texts (8)