[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 45 # Kaumarikakhanda 45 Kaumārīkākhaṇḍa 45 - **Language:** Sanskrit ## Contents - [45.252](https://indike.org/pramana/in.purana.kaumarikakhanda.45.252) — 1 part ### [45.1](https://indike.org/pramana/in.purana.kaumarikakhanda.45.1) cha || || nārada uvāca || || tato mayā sthāpite ca sthāne kālāṃtareṇa ha || ciṃtitaṃ hṛdaye bhūyo dvijānugrahakāmyayā ### [45.2](https://indike.org/pramana/in.purana.kaumarikakhanda.45.2) vāsudevavihīnaṃ hi tīrthametanna rocate || asūryaṃ hi jagadyadvatsa hi bhūṣaṇa bhūṣaṇam ### [45.3](https://indike.org/pramana/in.purana.kaumarikakhanda.45.3) yatra naiva hariḥ svāmī tīrthe gehe'tha mānase || śāstre vā tadasatsaṃvaṃ hāṃsaṃ tīrthaṃ na vāyasam ### [45.4](https://indike.org/pramana/in.purana.kaumarikakhanda.45.4) tasmātprasādya varadaṃ tīrthe'sminpuruṣo ttamam || āneṣye kalayā sākṣādviśvānugrahakāmyayā ### [45.5](https://indike.org/pramana/in.purana.kaumarikakhanda.45.5) iti saṃciṃtya kauravya tato'haṃ cātra saṃsthitaḥ || jñānayogena yogīṃdraṃ śataṃ varṣāṇyatoṣayam ### [45.6](https://indike.org/pramana/in.purana.kaumarikakhanda.45.6) aṣṭākṣaraṃ japanmaṃtraṃ saṃnigṛhyeṃdriyāṇi ca || vāsudevamayo bhūtvā sarvabhūtakṛpāparaḥ ### [45.7](https://indike.org/pramana/in.purana.kaumarikakhanda.45.7) evaṃ mayārādhyamāno garuḍaṃ harirāsthitaḥ || gaṇakoṭiparivṛtaḥ pratyakṣaḥ samajāyata ### [45.8](https://indike.org/pramana/in.purana.kaumarikakhanda.45.8) tamahaṃ prāṃjalirbhūtvā dattvāghyaṃ vidhivaddhareḥ || pratyavocaṃ praṇamyātha prabaddhakarasaṃ puṭaḥ ### [45.9](https://indike.org/pramana/in.purana.kaumarikakhanda.45.9) śvetadvīpe purā dṛṣṭaṃ mayā rūpaṃ tava prabho || ajaṃ sanātanaṃ viṣṇo naranārāyaṇātmakam ### [45.10](https://indike.org/pramana/in.purana.kaumarikakhanda.45.10) tadrūpasya kalāmekāṃ sthāpayātra janārdana yadi tuṣṭo'si me viṣṇo tadidaṃ kriyatāṃ tvayā ### [45.11](https://indike.org/pramana/in.purana.kaumarikakhanda.45.11) evaṃ mayā prārthito'tha provāca garuḍadhvajaḥ || evamastu brahmaputra yattvayābhīpsitaṃ hṛdi ### [45.12](https://indike.org/pramana/in.purana.kaumarikakhanda.45.12) tattathā bhavitā sarvamapyatrasthaṃ sadaiva hi || evamuktvā gate viṣṇau niveśya svakalāṃ prabho ### [45.13](https://indike.org/pramana/in.purana.kaumarikakhanda.45.13) mayā saṃsthāpito viṣṇurlokānugrahakā myayā || yasmātsvayaṃ śvetadvīpanivāsthyatra hariḥ sthitaḥ ### [45.14](https://indike.org/pramana/in.purana.kaumarikakhanda.45.14) vṛddho viśvasya viśvākhyo vāsudevastataḥ smṛtaḥ || kārtike śuklapakṣe yā bhavatye kādaśī śubhā ### [45.15](https://indike.org/pramana/in.purana.kaumarikakhanda.45.15) snānaṃ kṛtvā vidhānena toyaprasravaṇādiṣu || yorcayedacyutaṃ bhaktyā paṃcopacārapūjayā ### [45.16](https://indike.org/pramana/in.purana.kaumarikakhanda.45.16) upoṣya jāgaraṃ kuryādgītavādyaṃ hareḥ puraḥ || kathāṃ vā vaiṣṇavīṃ kuryāddaṃbhakrodhavivarjitaḥ ### [45.17](https://indike.org/pramana/in.purana.kaumarikakhanda.45.17) dānaṃ dadyādyathāśaktyā niyato hṛṣṭamānasaḥ || anekabhavasaṃbhūtātkalmaṣādakhilādapi ### [45.18](https://indike.org/pramana/in.purana.kaumarikakhanda.45.18) mucyate'sau na saṃdeho yadyapi brahmaghātakaḥ || gāruḍena vimānena vaikuṃṭhaṃ padamāpnuyāt ### [45.19](https://indike.org/pramana/in.purana.kaumarikakhanda.45.19) kulānāṃ tārayetpārtha śatamekottaraṃ naraḥ śraddhāyuktaṃ mudā yuktaṃ sotsāhaṃ saspṛhaṃ tathā ### [45.20](https://indike.org/pramana/in.purana.kaumarikakhanda.45.20) ahaṃkāravihīnaṃ ca snānaṃ dhūpādyulepanam || puṣpannaivedyasaṃyuktamarghadānasamanvitam ### [45.21](https://indike.org/pramana/in.purana.kaumarikakhanda.45.21) yāmeyāme mahābhaktyā kṛtārārtikasaṃyuktam || cāmarāhlādasaṃyuktaṃ bherīnādapuraskṛtam ### [45.22](https://indike.org/pramana/in.purana.kaumarikakhanda.45.22) purāṇaśrutisaṃpannaṃ bhaktinṛtyasamanvitam || vinidraṃ kṣuttṛpāsvādaspṛhāhīnaṃ ca bhārata ### [45.23](https://indike.org/pramana/in.purana.kaumarikakhanda.45.23) tatpādasaurabhaghrāṇasaṃyuktaṃ viṣṇulabbhakam || sagītaṃ sārcanakaraṃ tatkṣetragamanānvitam ### [45.24](https://indike.org/pramana/in.purana.kaumarikakhanda.45.24) pādurodhena saṃyuktaṃ brahmacaryasamanvitam || stutipāṭhena saṃyuktaṃ pādodakavibhūṣitam ### [45.25](https://indike.org/pramana/in.purana.kaumarikakhanda.45.25) satyānvitaṃ satyayogasaṃyuktaṃ puṇyavārtayā || paṃcaviṃśatibhiryuktaṃ guṇairyo jāgaraṃ naraḥ || ekādaśyāṃ prakurvīta punarna jāyate bhuvi ### [45.26](https://indike.org/pramana/in.purana.kaumarikakhanda.45.26) atra tīrthavare pūrvamaitareya iti dvijaḥ || siddhiṃ prāpto mahābhāgo vāsudevaprasā dataḥ ### [45.27](https://indike.org/pramana/in.purana.kaumarikakhanda.45.27) arjuna uvāca || || aitareyaḥ kasya putro nivāsaḥ kasya vā mune|| kathaṃ siddhimagāddhīmānvāsudevaprasādataḥ ### [45.28](https://indike.org/pramana/in.purana.kaumarikakhanda.45.28) nārada uvāca || || asminneva mama sthāne hārītasyānvaye'bhavat ### [45.29](https://indike.org/pramana/in.purana.kaumarikakhanda.45.29) māṃḍūkiriti viprāgryo vedavedāṃgapāragaḥ ### [45.30](https://indike.org/pramana/in.purana.kaumarikakhanda.45.30) tasyāsī ditarā nāma bhāryā sādhvīguṇairyutā || tasyāmutpadyata sutastvaitareya iti smṛtaḥ ### [45.31](https://indike.org/pramana/in.purana.kaumarikakhanda.45.31) sa ca bālyātprabhṛtyeva prāgjanmandyanuśikṣitam || jajapa maṃtraṃ tvaniśaṃ dvādaśākṣarasaṃjñitam ### [45.32](https://indike.org/pramana/in.purana.kaumarikakhanda.45.32) na śṛṇoti na vaktyeva manasāpi ca kiṃcana || evaṃprabhāvaḥ so'bhūcca bālye viprasutastadā ### [45.33](https://indike.org/pramana/in.purana.kaumarikakhanda.45.33) tato mūko'yamityeva nānopāyaiḥ prabodhitaḥ || pitrā yadā na kurute vyavahārāya mānasam ### [45.34](https://indike.org/pramana/in.purana.kaumarikakhanda.45.34) tato niścitya manasā jaḍoyamiti bhārata anyāṃ vivāhayāmāsa dārānputrāṃstathādadhe ### [45.35](https://indike.org/pramana/in.purana.kaumarikakhanda.45.35) piṃgānāma ca sā bhāryā tasyāḥ putrāśca jajñire || catvāraḥ karmakuśalā vedavedāṃgavādinaḥ ### [45.36](https://indike.org/pramana/in.purana.kaumarikakhanda.45.36) yajñeṣu śāṃtihomeṣu dvijaiḥ sarvatra pūjitāḥ || aitareyopi nityaṃ ca trikālaṃ harimaṃdire ### [45.37](https://indike.org/pramana/in.purana.kaumarikakhanda.45.37) jajapa paramaṃ jāpyaṃ nānyatra kurute śramam|| tato mātā nirīkṣyaiva sapatnītanayāṃstathā ### [45.38](https://indike.org/pramana/in.purana.kaumarikakhanda.45.38) dāryamāṇeṇa manasā tanayaṃ vākyamabravīt || kleśāyaiva ca jāto'si dhigme janma ca jīvitam ### [45.39](https://indike.org/pramana/in.purana.kaumarikakhanda.45.39) nāryāstasyā nṛloke'tra varaivājanarvaniḥ sphuṭam || vimānitā yā bhartrā syānna putraḥ syādguṇairyutaḥ ### [45.40](https://indike.org/pramana/in.purana.kaumarikakhanda.45.40) piṃgeyaṃ kṛtapuṇyā vai yasyāḥ putrā mahāguṇāḥ || vedavedāṃgatattvajñāḥ sarvatrābhyarcitā guṇaiḥ ### [45.41](https://indike.org/pramana/in.purana.kaumarikakhanda.45.41) tadahaṃ putra durbhāgyā mahīsāgarasaṃgame || nimajjiṣye varaṃ mṛtyurjīvite kiṃ phalaṃ mama || tvamapyevaṃ mahāmaunī nanda bhakto hareśvaram ### [45.42](https://indike.org/pramana/in.purana.kaumarikakhanda.45.42) nārada uvāca || || iti māturvacaḥ śrutvā prahasannaitareyakaḥ ### [45.43](https://indike.org/pramana/in.purana.kaumarikakhanda.45.43) dhyātvā muhūrtaṃ dharmajño mātaraṃ praṇato'bravīt || mātarmithyābhibhūtāsi ajñāne jñānavatyasi ### [45.44](https://indike.org/pramana/in.purana.kaumarikakhanda.45.44) aśocye śocasi śubhe śocye naivā'pi śocasi dehasyāsya kṛte mithyāsaṃsāre kiṃ vimuhyasi ### [45.45](https://indike.org/pramana/in.purana.kaumarikakhanda.45.45) mūrkhācaritametaddhi manmāturucitaṃ na hi || anyatsaṃsārasāraṃ ca sāramanyacca mohi tāḥ ### [45.46](https://indike.org/pramana/in.purana.kaumarikakhanda.45.46) prapaśyaṃti yathā rātrau khadyotaṃ dīpavatsthitam || yadidaṃ manyase sāraṃ śṛṇu tasyāpyasāratām ### [45.47](https://indike.org/pramana/in.purana.kaumarikakhanda.45.47) evaṃvidhaṃ hi mānuṣyamā garbhāditi kaṣṭadam || asthipaṭṭatulāstambhe snāyubandhena yaṃtrite ### [45.48](https://indike.org/pramana/in.purana.kaumarikakhanda.45.48) raktamāṃsamadālipte viṇmūtradravyabhājane || keśaromatṛṇacchanne suvarṇa tvaksudhūtake ### [45.49](https://indike.org/pramana/in.purana.kaumarikakhanda.45.49) vadanaikamahādvāre ṣaḍavākṣavibhūṣite || oṣṭhadvayakapāṭe ca tathā daṃtārgalānvite ### [45.50](https://indike.org/pramana/in.purana.kaumarikakhanda.45.50) nāḍīsvedapravāhe ca kālavaktrānala sthite || evaṃvidhe gṛhe gehī jīvo nāmāsti śobhane ### [45.51](https://indike.org/pramana/in.purana.kaumarikakhanda.45.51) guṇatrayamayī bhāryā prakṛtistasya tatra ca || bodhāhaṃkārakāmāśca krodhalobhādayo'pi ca ### [45.52](https://indike.org/pramana/in.purana.kaumarikakhanda.45.52) apatyānyasya hā kaṣṭamevaṃ mūḍhaḥ pravartate || tasya yoyo yathā mohastathā taṃ śṛṇu tattvataḥ ### [45.53](https://indike.org/pramana/in.purana.kaumarikakhanda.45.53) srotāṃsi yasya satataṃ prasavaṃti gire riva || kaphamūtrādikānyasya kṛte dehasya muhyati ### [45.54](https://indike.org/pramana/in.purana.kaumarikakhanda.45.54) sarvāśucinidhānasya śarīrasya na vidyate || śucirekapradeśo'pi viṇmūtrasya dṛteriva ### [45.55](https://indike.org/pramana/in.purana.kaumarikakhanda.45.55) spṛṣṭvā svadehasrotāṃsi mṛttoyaiḥ śodhyate karaḥ || tathāpyaśucibhāṃḍasya na virajyati kiṃ naraḥ ### [45.56](https://indike.org/pramana/in.purana.kaumarikakhanda.45.56) kāyaḥ sugandhatoyādyairatnairatnenāpi susaṃskṛtaḥ || na jahāti svakaṃ bhāvaṃ śvapucchamiva nāmitam ### [45.57](https://indike.org/pramana/in.purana.kaumarikakhanda.45.57) svadehāśucigaṃdhena na virajyati yo naraḥ || virāge kāraṇaṃ tasya kimanyadu padiśyate ### [45.58](https://indike.org/pramana/in.purana.kaumarikakhanda.45.58) gandhalepāpanodārthaṃ śaucaṃ dehasya kīrttitam || dvayasyāpagamātpaścādbhāvaśuddhyā viśudhyati ### [45.59](https://indike.org/pramana/in.purana.kaumarikakhanda.45.59) gaṃgātoyena sarveṇa mṛdbhāraiḥ parvatopamaiḥ || ā mṛtyorācarañchaucaṃ bhāvaduṣṭo na śudhyati ### [45.60](https://indike.org/pramana/in.purana.kaumarikakhanda.45.60) tīrthasnānaistapobhirvā duṣṭātmā naiva śudhyati || sveditaḥ kṣālita stīrthe kiṃ śuddhiṃmadhigacchati ### [45.61](https://indike.org/pramana/in.purana.kaumarikakhanda.45.61) aṃtarbhāvapraduṣṭasya viśato'pi hutāśanam || na svargo nāpavargaśca dehanirddahanaṃ param ### [45.62](https://indike.org/pramana/in.purana.kaumarikakhanda.45.62) bhāvaśuddhiḥ paraṃ śaucaṃ pramāṇaṃ sarvakarmasu || anyathāilaṃgyate kāṃtā bhāvena duhitā'nyathā ### [45.63](https://indike.org/pramana/in.purana.kaumarikakhanda.45.63) anyathaiva stanaṃ putraścitayatyanyathā patiḥ || cittaṃ viśo dhayettasmātkimanyairbāhyaśodhanaiḥ ### [45.64](https://indike.org/pramana/in.purana.kaumarikakhanda.45.64) bhāvataḥ saṃviśuddhātmā svargaṃ mokṣaṃ ca viṃdati || jñānāmalāṃbhasā puṃsaḥ saddvairāgyamṛdā punaḥ ### [45.65](https://indike.org/pramana/in.purana.kaumarikakhanda.45.65) avidyārāgaraviṇmūtralepagaṃdhaviśodhanam || evametaccharīraṃ hi nisargādaśuci viduḥ ### [45.66](https://indike.org/pramana/in.purana.kaumarikakhanda.45.66) tvaṅmātrasāraniḥsāraṃ kadalīsārasaṃnibham || jñātvaivaṃ doṣavaddehaṃ yaḥ prājñaḥ śithilībhavet ### [45.67](https://indike.org/pramana/in.purana.kaumarikakhanda.45.67) sa niṣkrāmati saṃsāre dṛḍhagrāhī sa tiṣṭhati || evametanmahākaṣṭaṃ janma duḥkhaṃ prakīrttitam ### [45.68](https://indike.org/pramana/in.purana.kaumarikakhanda.45.68) puṃsāmajñātadoṣeṇa nānākarmavaśena ca || yathā girivarākrāṃtaḥ kaścidduḥkhena tiṣṭhati ### [45.69](https://indike.org/pramana/in.purana.kaumarikakhanda.45.69) yathā jarāyuṇā dehī duḥkhaṃ tiṣṭhati veṣṭitaḥ || patitaḥ sāgare yadvadduḥkhamāste samākulaḥ ### [45.70](https://indike.org/pramana/in.purana.kaumarikakhanda.45.70) garbhodakena siktāṃgastathā''ste vyākulaḥ pumān || lohakumbhe yathā nyastaḥ pacyate kaścidagninā ### [45.71](https://indike.org/pramana/in.purana.kaumarikakhanda.45.71) garbhakumbhe tathā kṣitaḥ pacyate jaṭharāgninā || sūcībhiragnivarṇābhirvibhinnasya nirantaram ### [45.72](https://indike.org/pramana/in.purana.kaumarikakhanda.45.72) yadduḥkhaṃ jāyate tasya tadvrbhe'ṣṭaguṇaṃ bhavet || ityetadgarbhaduḥkhaṃ hi prāṇināṃ parikīrttitam ### [45.73](https://indike.org/pramana/in.purana.kaumarikakhanda.45.73) carasthirāṇāṃ sarveṣāmātmagarbhāṇurūpataḥ || tatrasthasya ca sarveṣāṃ janmanāṃ smaraṇaṃ bhavet ### [45.74](https://indike.org/pramana/in.purana.kaumarikakhanda.45.74) mṛtaścāhaṃ punarjāto jātaścāhaṃ punarmṛtaḥ || nānāyonisahasrāṇi mayā dṛṣṭānyanekadhā ### [45.75](https://indike.org/pramana/in.purana.kaumarikakhanda.45.75) adhunā jātamātro'haṃ prāptasaṃskāra eva ca || tataḥ śreyaḥ kariṣyāmi yena garbho na saṃbhavot ### [45.76](https://indike.org/pramana/in.purana.kaumarikakhanda.45.76) adhyeṣyāmi harerjñānaṃ saṃsāravinivarttanam || evaṃ saṃciṃ tayannāste mokṣopāyaṃ vicintayan ### [45.77](https://indike.org/pramana/in.purana.kaumarikakhanda.45.77) garbhātkoṭiguṇaṃ duḥkhaṃ jāyamānasya jāyate || garbhavāse smṛtiryāsītsā jātasya praṇaśyati ### [45.78](https://indike.org/pramana/in.purana.kaumarikakhanda.45.78) spṛṣṭamātrasya bāhyena vāyunā mūḍhatā bhavet || saṃmūḍhasya smṛtibhraṃśaḥ śīghraṃ saṃjāyate punaḥ ### [45.79](https://indike.org/pramana/in.purana.kaumarikakhanda.45.79) smṛtibhraṃśāttatastasya pūrvakarmavaśena ca || ratiḥ saṃjāyate tūrṇaṃ jaṃtostatraiva janmani ### [45.80](https://indike.org/pramana/in.purana.kaumarikakhanda.45.80) rakto mūḍhaśca lokoyamakārye saṃpravartate || tatrātmānaṃ na jānāti na paraṃ na ca daivatam ### [45.81](https://indike.org/pramana/in.purana.kaumarikakhanda.45.81) na śṛṇoti paraṃ śreyaḥ sati cakṣuṣi nekṣate || same pathi samairgacchanskhalatīva padepade ### [45.82](https://indike.org/pramana/in.purana.kaumarikakhanda.45.82) satyāṃ buddhau na jānāti bodhyamāno budhairapi || saṃsāre kliśyate tena rāgamohavaśānugaḥ ### [45.83](https://indike.org/pramana/in.purana.kaumarikakhanda.45.83) garbhasmṛterabhāvena śāstramuktaṃ maharṣibhiḥ || tadduḥkhakathanārthāya svargamokṣaprasādhakam ### [45.84](https://indike.org/pramana/in.purana.kaumarikakhanda.45.84) ye śāstra jñāne satyasminsarvakarmārthasādhake || na kurvantyātmanaḥ śreyastadatra paramadbhutam ### [45.85](https://indike.org/pramana/in.purana.kaumarikakhanda.45.85) avyaktendriyavṛttitvādbālye duḥkhaṃ mahatpunaḥ || icchannapi na śaknoti vaktuṃ kartuṃ ca kiñcana ### [45.86](https://indike.org/pramana/in.purana.kaumarikakhanda.45.86) daṃtotthāne mahadduḥkhaṃ maulene vyādhinā tathā || bālarogaiśca vividhaiḥ pīḍā bālagrahairapi ### [45.87](https://indike.org/pramana/in.purana.kaumarikakhanda.45.87) tṛḍbubhu kṣāparītāṃgaḥ kvacittiṣṭhati rāraṭan || viṇmūtrabhakṣaṇādyaṃ ca mohādbālaḥ samācaret ### [45.88](https://indike.org/pramana/in.purana.kaumarikakhanda.45.88) kaumāre karṇavedhena mātāpitrorvitāḍanaiḥ || akṣarādhyaya nādyaiśca duḥkhaṃ syādguruśāsanāt ### [45.89](https://indike.org/pramana/in.purana.kaumarikakhanda.45.89) pramattendriyavṛttaiśca kāmarāgaprapīḍanāt || rāgodvṛttasya satataṃ kutaḥ saukhyaṃ hi yauvane ### [45.90](https://indike.org/pramana/in.purana.kaumarikakhanda.45.90) īrṣyayā suma hadduḥkhaṃ mohādraktasya jāyate || mattasya kupitasyaiva rāgo doṣāya kevalam ### [45.91](https://indike.org/pramana/in.purana.kaumarikakhanda.45.91) na rātrau viṃdate nidrā kāmāgniparikheditaḥ || divāpi hi kutaḥ saukhyamarthopārjanaciṃtayā ### [45.92](https://indike.org/pramana/in.purana.kaumarikakhanda.45.92) nārīṣu tvanubhūtāsu sarvadoṣāśrayāsu ca || viṇmūtrotsargasadṛśaṃ saukhyaṃ maithunajaṃ smṛtam ### [45.93](https://indike.org/pramana/in.purana.kaumarikakhanda.45.93) sanmānamapamā nena viyogeneṣṭasaṃgamaḥ || yauvanaṃ jarayā grastaṃ kva saukhyamanupadravam ### [45.94](https://indike.org/pramana/in.purana.kaumarikakhanda.45.94) valīpalitakāyena śithilīkṛtavigrahaḥ || sarvakriyāsvaśaktaśca jarayā jarjarīkṛtaḥ ### [45.95](https://indike.org/pramana/in.purana.kaumarikakhanda.45.95) strīpuṃsoryauvanaṃ rūpaṃ yadanyonyāśrayaṃ purā || tadevaṃ jarayā grastamubhayorapi na priyam ### [45.96](https://indike.org/pramana/in.purana.kaumarikakhanda.45.96) jarābhibhūtaḥpuruṣaḥ patnīputrādi bāṃdhavaiḥ || aśaktatvādurācārairbhṛtyaiśca paribhūyate ### [45.97](https://indike.org/pramana/in.purana.kaumarikakhanda.45.97) dharmamarthaṃ ca kāmaṃ ca mokṣaṃ ca nām̐turo yataḥ || śaktaḥ sādhayituṃ tasmādyuvā dharmaṃ samācaret ### [45.98](https://indike.org/pramana/in.purana.kaumarikakhanda.45.98) vātapittakaphādīnāṃ vaiṣamyaṃ vyādhirucyate || vātādīnāṃ samūhaśca deho'yaṃ parikīrtitaḥ ### [45.99](https://indike.org/pramana/in.purana.kaumarikakhanda.45.99) tasmādvyādhimayaṃ jñeyaṃ śarīramidamā tmanaḥ || rogairnānāvidhairyāṃti dehe duḥkhānyanekaṇaḥ ### [45.100](https://indike.org/pramana/in.purana.kaumarikakhanda.45.100) tāni na svātmavedyāni kimanyatkathayāmyaham || ekottaraṃ mṛtyuśatamasmindehe prati ṣṭhitam ### [45.101](https://indike.org/pramana/in.purana.kaumarikakhanda.45.101) tatraikaḥ kālasaṃyuktaḥ śeṣāstvāgaṃtavaḥ smṛtāḥ || ye tvihāgaṃtavaḥ proktāste praśāmyanti bheṣajaiḥ ### [45.102](https://indike.org/pramana/in.purana.kaumarikakhanda.45.102) japahomapradānaiśca kālamṛtyurna śāmyati || vividhā vyādhayaḥ śastāḥ sarpādyāḥ prāṇinastathā ### [45.103](https://indike.org/pramana/in.purana.kaumarikakhanda.45.103) viṣāṇi cābhicārāśca mṛtyordvārāṇi dehinām || pīḍitaṃ sarparogadyairapi dhanvaṃtariḥ svayam ### [45.104](https://indike.org/pramana/in.purana.kaumarikakhanda.45.104) svasthīkartuṃ na śaknoti kālaprāptaṃ hi dehinam || nauṣadhaṃ na tapo maṃtrā na mitrāṇi na bāṃdhavāḥ ### [45.105](https://indike.org/pramana/in.purana.kaumarikakhanda.45.105) śaknuvaṃti paritrātuṃ naraṃ kālena pīḍitam || rasāyanatapojapyairyogasiddhairmahātmabhiḥ ### [45.106](https://indike.org/pramana/in.purana.kaumarikakhanda.45.106) kālamṛtyurapi prājñairnīyate nāpi saṃyutaiḥ nāsti mṛtyusamaṃ duḥkhaṃ nāsti mṛtyusamaṃ bhayam ### [45.107](https://indike.org/pramana/in.purana.kaumarikakhanda.45.107) nāsti mṛtyusamastrāsaḥ sarveṣāmapi dehinām || sabhāryāputramitrāṇi rājyaiśvaryasukhāni ca ### [45.108](https://indike.org/pramana/in.purana.kaumarikakhanda.45.108) ābaddhāni snehapāśairmṛtyuḥ sarvāṇi kṛṃtati || kiṃ na paśyasi mātastvaṃ sahasrasyāpi madhyataḥ ### [45.109](https://indike.org/pramana/in.purana.kaumarikakhanda.45.109) janāḥ śatāyuṣaḥ paṃca bhavaṃti na bhavanti vā || aśītikā vipadyante kecitsaptatikā narāḥ ### [45.110](https://indike.org/pramana/in.purana.kaumarikakhanda.45.110) paramāyuḥ sthitā ṣaṣṭiścaṣṭasyasti na niścitam || tasya yāvaddrave dāyurdehinaḥ pūrvakarmabhiḥ ### [45.111](https://indike.org/pramana/in.purana.kaumarikakhanda.45.111) tasyārdhamāyuṣo rātrirharate mṛtyurūpiṇī || bālabhāvena mohena vārdhake jarayā tathā ### [45.112](https://indike.org/pramana/in.purana.kaumarikakhanda.45.112) varṣāṇāṃ viṃśati ryāti dharmakāmārthavarjitaḥ || āgantukairbhayaiḥ puṃsāṃ vyādhiśokairanekadhā ### [45.113](https://indike.org/pramana/in.purana.kaumarikakhanda.45.113) hriyateddhaṃ hi tatrāpi yaccheṣaṃ taddhi jīvitam || jīvitāṃte ca maraṇaṃ mahāghoramavāpnuyāt ### [45.114](https://indike.org/pramana/in.purana.kaumarikakhanda.45.114) jāyate yonikoṭīṣu mṛtaḥ karmavaśātpunaḥ || dehabhedena yaḥ puṃsāṃ viyogaḥ karmasaṃkhyayā ### [45.115](https://indike.org/pramana/in.purana.kaumarikakhanda.45.115) maraṇaṃ tadvinirdiṣṭaṃ na nāśaḥ paramārthataḥ || mahātamaḥpraviṣṭasya cchidyamāneṣu marmasu ### [45.116](https://indike.org/pramana/in.purana.kaumarikakhanda.45.116) yadduḥkhaṃ maraṇaṃ jaṃtorna tasyehopamā kvacit || hā tāta mātarhā kāṃte kraṃdatyevaṃ suduḥkhitaḥ ### [45.117](https://indike.org/pramana/in.purana.kaumarikakhanda.45.117) maṇḍūka iva sarpeṇa gīryate mṛtyunā janaḥ || bāṃdhavaiḥ saṃparityaktaḥ priyaiśca parivāritaḥ ### [45.118](https://indike.org/pramana/in.purana.kaumarikakhanda.45.118) niḥśvasandīrghamuṣṇaṃ ca mukhena pariśuṣyatā || caturaṃteṣu khaṭvāyāḥ parivartanamuhurmuhuḥ ### [45.119](https://indike.org/pramana/in.purana.kaumarikakhanda.45.119) saṃmūḍhaḥ kṣipatetyarthaṃ hastapādāvitastataḥ || khadvāto vāṃchate bhūmiṃ bhūmeḥ khadvāṃ punarmahīm ### [45.120](https://indike.org/pramana/in.purana.kaumarikakhanda.45.120) vivastro muktalajjaśca viṣṭhānulepitaḥ || yācamānaśca salilaṃ śuṣkakaṇṭhoṣṭhatālukaḥ ### [45.121](https://indike.org/pramana/in.purana.kaumarikakhanda.45.121) ciṃtayānaḥ svavittāni kasyaitāni mṛte mayi || paṃcāvaṭānvanamānaḥ kālapāśena karṣitaḥ ### [45.122](https://indike.org/pramana/in.purana.kaumarikakhanda.45.122) mriyate paśyatāmeva gale ghurghurarāvakṛt jīvastṛṇajalūkeva dehāddehaṃ viśetkramāt ### [45.123](https://indike.org/pramana/in.purana.kaumarikakhanda.45.123) saṃprāpyottaramaṃśena dehaṃ tyajati pūrva kam || maraṇātprārthanā duḥkhamadhikaṃ hi vivekinaḥ ### [45.124](https://indike.org/pramana/in.purana.kaumarikakhanda.45.124) kṣaṇikaṃ maraṇe duḥkhamanaṃtaṃ prārthanākṛtam || jñātaṃ mayaitadadhunā mṛto bhavati yadduruḥ ### [45.125](https://indike.org/pramana/in.purana.kaumarikakhanda.45.125) na paraḥ prārthayedyastuṣṇā lāghavakāraṇam || ādau duḥkhaṃ tathā madhye hyantye duḥkhaṃ ca dāruṇam ### [45.126](https://indike.org/pramana/in.purana.kaumarikakhanda.45.126) nisargātsarvabhūtānāmiti duḥkhaparaṃparā || kṣudhā ca sarvarogāṇāṃ vyādhiḥ śreṣṭhatamaḥ smṛtaḥ ### [45.127](https://indike.org/pramana/in.purana.kaumarikakhanda.45.127) sa cānnauṣadhilepena kṣaṇamātraṃ praśāmyati || kṣuddyāgherveṃdanā tīvrā niḥśeṣabalakṛntanī ### [45.128](https://indike.org/pramana/in.purana.kaumarikakhanda.45.128) tayābhibhūto mriyate yathānyairvyādhi bhirnaraḥ || rājño'bhimānamātraṃ hi mamaiva vidyate gṛhe ### [45.129](https://indike.org/pramana/in.purana.kaumarikakhanda.45.129) sarvamābharaṇaṃ bhāraṃ sarvamālepanaṃ mama || sarvaṃ pralāpitaṃ gītaṃ nityamunmattaceṣṭitam ### [45.130](https://indike.org/pramana/in.purana.kaumarikakhanda.45.130) ityevaṃ rājyasaṃbhogaiḥ kutaḥ saukhyaṃ vicārataḥ || nṛpāṇāṃ vyagracittānāmanyonyavijigīṣayā ### [45.131](https://indike.org/pramana/in.purana.kaumarikakhanda.45.131) prāyeṇa śrīmadālepānnahuṣādyā mahānṛpāḥ || svargaṃ prāpyāpi patitāḥ kaḥ śriyo viṃdate sukham ### [45.132](https://indike.org/pramana/in.purana.kaumarikakhanda.45.132) uparyupari devānāmanyonyātiśaye sthitam || naraiḥ puṇyaphalaṃ svarge mūlacchedena bhujyate ### [45.133](https://indike.org/pramana/in.purana.kaumarikakhanda.45.133) na cānyatkriyate karma so'tra doṣaḥ sudāruṇaḥ || chinnamūlataruryadvadvaśaḥ patate kṣitau ### [45.134](https://indike.org/pramana/in.purana.kaumarikakhanda.45.134) puṇyamūlakṣaye tadvatpātayaṃti divaukasaḥ || iti svargepi devānāṃ nāsti saukhyaṃ vicārataḥ ### [45.135](https://indike.org/pramana/in.purana.kaumarikakhanda.45.135) tathā nārakiṇāṃ duḥkhaṃ prasiddhaṃ kiṃ ca varṇyate || sthāvareṣvapi duḥkhāni dāvāgnihimaśoṣaṇam ### [45.136](https://indike.org/pramana/in.purana.kaumarikakhanda.45.136) kuṭhāraiśchedanaṃ tīvraṃ valkalānāṃ ca takṣaṇam || parṇaśākhāphalānāṃ ca pātanaṃ caṃḍavāyunā ### [45.137](https://indike.org/pramana/in.purana.kaumarikakhanda.45.137) apamardaśca satataṃ gajairanyaiśca dehibhiḥ || tṛḍbubhukṣā ca sarpāṇāṃ krodho duḥkhaṃ ca dāruṇam ### [45.138](https://indike.org/pramana/in.purana.kaumarikakhanda.45.138) duṣṭānāṃ ghātanaṃ loke pāśena ca nibandhanam evaṃ sarīsṛpāṇāṃ ca duḥkhaṃ mātarmuhurmuhuḥ ### [45.139](https://indike.org/pramana/in.purana.kaumarikakhanda.45.139) akasmājjanmamaraṇaṃ kīṭādīnāṃ tathāvidham || varṣāśītātapaiṭuḥkhaṃ sukaṣṭaṃ mṛgapakṣiṇām ### [45.140](https://indike.org/pramana/in.purana.kaumarikakhanda.45.140) kṣuttṛṭkleśena mahatā saṃtrastāśca sadā mṛgāḥ || paśunāganikāyānāṃ śṛṇu duḥkhāni yāni ca ### [45.141](https://indike.org/pramana/in.purana.kaumarikakhanda.45.141) kṣuttṛṭkṣītādidamanaṃ vadhabandhanatāḍa nam || nāsāpravedhanaṃ trāsaḥ pratodāṃkuśatāḍanam ### [45.142](https://indike.org/pramana/in.purana.kaumarikakhanda.45.142) veṇukuntādinigaḍamudgarā'ṅkuśatāḍanam || bhārodvahanasaṃkleśaṃ śikṣāyuddhādipīḍanam ### [45.143](https://indike.org/pramana/in.purana.kaumarikakhanda.45.143) ātmayūthaviyogaśca vane ca nayanādikam || durbhikṣaṃ durbhagatvaṃ ca mūrkhatvaṃ ca daridratā ### [45.144](https://indike.org/pramana/in.purana.kaumarikakhanda.45.144) adharottarabhāvaśca maraṇaṃ rāṣṭravi bhramaḥ || anyonyābhibhavādduḥkhamanyonyātiśayātpunaḥ ### [45.145](https://indike.org/pramana/in.purana.kaumarikakhanda.45.145) anityatā prabhāvāṇāmucchrāyāṇāṃ ca pātanam || ityevamādibhirduḥ khairyasmā dvyāptaṃ carācaram ### [45.146](https://indike.org/pramana/in.purana.kaumarikakhanda.45.146) nirayādimanuṣyāṃtaṃ tasmātsarvaṃ tyajedvudhaḥ || skandhātskandhaṃ nayedbhāraṃ viśrāmaṃ manyatenyathā ### [45.147](https://indike.org/pramana/in.purana.kaumarikakhanda.45.147) tadvatsarvamidaṃ loke duḥkhaṃ duḥkhena śāmyati || evametajjagatsarvamanyonyātiśayocchritam ### [45.148](https://indike.org/pramana/in.purana.kaumarikakhanda.45.148) duḥkhairākulitaṃ jñātvā nirvedaṃ paramāṃpnuyāt || nirvedācca virāgaḥ syādvirāgājjñānasaṃbhavaḥ ### [45.149](https://indike.org/pramana/in.purana.kaumarikakhanda.45.149) jñānena taṃ paraṃ jñātvā viṣṇuṃ muktimavāpnuyāt || nāhametādṛśe loke rameyaṃ janani kvacit ### [45.150](https://indike.org/pramana/in.purana.kaumarikakhanda.45.150) rājahaṃso yathā śuddhaḥ kākāmedhyapradarśakaḥ || śṛṇu mātaryatra saṃstho rameyaṃ nirupadravaḥ ### [45.151](https://indike.org/pramana/in.purana.kaumarikakhanda.45.151) avidyāyanamatyugraṃ nānākarmātiśākhinam saṃkalpadaṃśamakaraṃ śokaharṣahimātapam ### [45.152](https://indike.org/pramana/in.purana.kaumarikakhanda.45.152) mohāṃdhakāratimiraṃ lobhavyālasarīsṛpam || viṣayānanyathādhvānaṃ kāmakrodhavimokṣakam ### [45.153](https://indike.org/pramana/in.purana.kaumarikakhanda.45.153) tadatītya mahādurgaṃ praviṣṭo'smi mahadvanam || na tatpraviśya śocaṃti na praiduṣyaṃti tadvidaḥ ### [45.154](https://indike.org/pramana/in.purana.kaumarikakhanda.45.154) na ca bibhyati keṣāṃcittrāsya bibhyati kecana ### [45.155](https://indike.org/pramana/in.purana.kaumarikakhanda.45.155) tasminvane saptamahādrumāstu saptaiva nadyaśca phalāni sapta || saptāśramāḥ sapta samādhayaśca dīkṣāśca saptaitadaraṇyarūpam ### [45.156](https://indike.org/pramana/in.purana.kaumarikakhanda.45.156) paṃcavarṇāni divyāni caturvarṇāni kānicit || tridvivarṇaikavarṇāni puṣpāṇi ca phalāni ca ### [45.157](https://indike.org/pramana/in.purana.kaumarikakhanda.45.157) sṛjaṃtaḥ pādapāstatra vyāpya tiṣṭhanti tadva nam ### [45.158](https://indike.org/pramana/in.purana.kaumarikakhanda.45.158) sapta striyastatra vasanti satyastvavāṅmukyo bhānumato bhavaṃti || ūrdhvaṃ rasānādadate prajābhyaḥ sarvāśca tāstattvataḥ kopi veda ### [45.159](https://indike.org/pramana/in.purana.kaumarikakhanda.45.159) saptaiva girayaścātra dhṛtaṃ yairbhuvanatrayam || nadyaśca saritaḥ sapta brahmavārivahāḥ sadā ### [45.160](https://indike.org/pramana/in.purana.kaumarikakhanda.45.160) tejaścābhayadānatvamadrohaḥ kauśalaṃ tathā || acāpalyama thākrodhaḥ priyavādaśca saptamaḥ ### [45.161](https://indike.org/pramana/in.purana.kaumarikakhanda.45.161) ityete girayo jñeyāstasminvidyāvane sthitāḥ || dṛḍhaniścayastathā bhāsā samatā nigraho guṇaḥ ### [45.162](https://indike.org/pramana/in.purana.kaumarikakhanda.45.162) nirmamatvaṃ tapaścātra santoṣaḥ saptamo hṛdaḥ || bhagavadguṇavijñānādbhaktiḥ syātprathamā nadī ### [45.163](https://indike.org/pramana/in.purana.kaumarikakhanda.45.163) puṣpādipūjā dvitīyā tṛtīyā ca pradakṣiṇā caturthī stutivāgrūpā pañcamī īśvarārpaṇā ### [45.164](https://indike.org/pramana/in.purana.kaumarikakhanda.45.164) ṣaṣṭhī brahmaikatā proktā saptamī siddhireva ca || sapta nadyo'tra kathitā brahmaṇā parameṣṭhinā ### [45.165](https://indike.org/pramana/in.purana.kaumarikakhanda.45.165) brahmā dharmo yamaścāgniriṃdro varuṇa eva ca ### [45.166](https://indike.org/pramana/in.purana.kaumarikakhanda.45.166) dhanadaśca dhruvādīnāṃ saptakānarcayantyamī || nadīnāṃ saṃgamastatra vaikuṃṭhaṃsamupahvare ### [45.167](https://indike.org/pramana/in.purana.kaumarikakhanda.45.167) ātmatṛptā yato yāṃti śāṃtā dāṃtāḥ parātparam || keciddrumāḥ striyaḥ kecitkecittattvavido'pare ### [45.168](https://indike.org/pramana/in.purana.kaumarikakhanda.45.168) saritaḥ kecidāhuḥ sma saptaiva jñāna vittamāḥ || anapetavratakāmo'tra brahmacaryaṃ carāmi ca ### [45.169](https://indike.org/pramana/in.purana.kaumarikakhanda.45.169) brahmaiva samidhastatra brahmāgnirbrahma saṃstaraḥ || āpo brahma gururbrahma brahmacaryamidaṃ mama ### [45.170](https://indike.org/pramana/in.purana.kaumarikakhanda.45.170) etadvevdṛśaṃ sūkṣmaṃ brahmacaryaṃ vidurbudhāḥ || guruṃ ca śṛṇu me mātaryo me vidyāprado'bhavat ### [45.171](https://indike.org/pramana/in.purana.kaumarikakhanda.45.171) ekaḥ śāstā na dvitīyo'sti śā stā hṛdyeva tiṣṭhanpuruṣaṃ praśāsti || tenābhiyuktaḥ praṇavādivodakaṃ yathā niyuktosmi tathācarāmi ### [45.172](https://indike.org/pramana/in.purana.kaumarikakhanda.45.172) eko gururnāsti tathā dvitīyo hṛdi sthitastamahaṃ nu bravīmi || yaṃ cāvamānyaiva guruṃ mukundaṃ parābhūtā dānavāḥ sarva eva ### [45.173](https://indike.org/pramana/in.purana.kaumarikakhanda.45.173) eko baṃdhurnāsti tato dvitīyo hṛdi sthitaṃ ta mahamanubravīmi || tenānuśiṣṭā bāṃdhavā baṃdhumaṃtaḥ saptarṣayaḥ sapta divi prabhāṃti ### [45.174](https://indike.org/pramana/in.purana.kaumarikakhanda.45.174) brahmacaryaṃ ca saṃsevyaṃ gārhasthya śṛṇu yādṛśam || patnī prakṛ tirūpā me taccitto nāsmi karhicit ### [45.175](https://indike.org/pramana/in.purana.kaumarikakhanda.45.175) maccittā sā sadā mātarmama sarvārthasādhanī || ghrāṇaṃ jihvā ca cakṣuśca tvakca śrotraṃ ca paṃcamam ### [45.176](https://indike.org/pramana/in.purana.kaumarikakhanda.45.176) mano buddhiśca saptaite dīpyaṃte pāvakā mama || gaṃdho rasaśca rūpaṃ ca śabdaḥ sparśaśca paṃcamam ### [45.177](https://indike.org/pramana/in.purana.kaumarikakhanda.45.177) maṃtavyamatha boddhavyaṃ saptaitāḥ samidho mama || hutaṃ nārāyaṇadhyānādbhuṃkte nārāyaṇaḥ svayam ### [45.178](https://indike.org/pramana/in.purana.kaumarikakhanda.45.178) evaṃvidhena yajñena yajāmyasmiṃ tamīśvaram || akāmayānasya ca sarvakāmo bhavedviṣāṇasya ca sarvadoṣaḥ ### [45.179](https://indike.org/pramana/in.purana.kaumarikakhanda.45.179) na me svabhāveṣu bhavaṃti lepāstoyasya biṃdoriva puṣkareṣu || nityasya me naiva bhavaṃtyanityā nirīkṣamāṇa sya bahusvabhāvāt ### [45.180](https://indike.org/pramana/in.purana.kaumarikakhanda.45.180) na sajjate karmasu bhogajālaṃ divīva sūryasya mayūkhajālam ### [45.181](https://indike.org/pramana/in.purana.kaumarikakhanda.45.181) evaṃvidhena putreṇa mā mātarduḥkhinī bhava tatpadaṃ tvāṃ ca neṣyāmi na yatkratuśatairapi ### [45.182](https://indike.org/pramana/in.purana.kaumarikakhanda.45.182) iti putravacaḥ śrutvā vismitā itarābhavat || ciṃtayāmāsa yadyevaṃ vidvānmama suto dṛḍham ### [45.183](https://indike.org/pramana/in.purana.kaumarikakhanda.45.183) lokeṣu khyātimāyāti tato me syādyaśaḥ param || ityādi ciṃtayaṃtyāṃ ca rajanyāṃ bhagavānhariḥ ### [45.184](https://indike.org/pramana/in.purana.kaumarikakhanda.45.184) prahṛṣṭastasya tairvākyai rvismitaḥ prādurāsa ca || mūrteḥ svayaṃ viniṣkramya śaṃkhacakragadādharaḥ ### [45.185](https://indike.org/pramana/in.purana.kaumarikakhanda.45.185) jagadudbhāsayanbhāsā sūryakoṭisamaprabhaḥ || tato niṣpatya dharaṇīṃ hṛṣṭaromāśrugadgadaḥ ### [45.186](https://indike.org/pramana/in.purana.kaumarikakhanda.45.186) mūrdhni baddhāṃjaliṃ dhīmānaitareyo'tha tuṣṭuve ### [45.187](https://indike.org/pramana/in.purana.kaumarikakhanda.45.187) namastubhyaṃ bhagavate vāsudevāya dhīmahi || pradyumnāyāniruddhāya namaḥ saṃkarṣaṇāya ca ### [45.188](https://indike.org/pramana/in.purana.kaumarikakhanda.45.188) namo vijñānamātrāya paramānaṃdamūrtaye || ātmārāmāya śāṃtāya nivṛttadvaitadṛṣṭaye ### [45.189](https://indike.org/pramana/in.purana.kaumarikakhanda.45.189) ātmānaṃdānubhūtyaiva samya ktyaktormaye namaḥ || hṛṣīkeśāya mahate namaste'naṃtaśaktaye ### [45.190](https://indike.org/pramana/in.purana.kaumarikakhanda.45.190) vacasyuparate prāpyo ya eko manasā saha || anāmarūpacinmātraḥ so'vyānnaḥ sadasatparaḥ ### [45.191](https://indike.org/pramana/in.purana.kaumarikakhanda.45.191) yasminnidaṃ yataścedaṃ tiṣṭhatyepaiti jāyate || mṛnmayeṣviva mṛjjātistasmai te brahmaṇe namaḥ ### [45.192](https://indike.org/pramana/in.purana.kaumarikakhanda.45.192) yaṃ na spṛśaṃti na vidurmanobuddhīṃ driyāsavaḥ|| aṃtarbahiśca vitataṃ vyomavatpraṇato'smyaham ### [45.193](https://indike.org/pramana/in.purana.kaumarikakhanda.45.193) deheṃdriyaprāṇamanodhiyo'mī yadaṃśabaddhāḥ pracaraṃti karmasu || naivānyadālohamiva prataptaṃ sthāneṣu taddṛṣṭapadena ete ### [45.194](https://indike.org/pramana/in.purana.kaumarikakhanda.45.194) caturbhiśca tribhirdvābhyāmekadhā praṇamāmi tam || pūrvāparāparayuge śāstāraṃ paramīśvaram ### [45.195](https://indike.org/pramana/in.purana.kaumarikakhanda.45.195) hitvā gatī rmokṣakāmā yaṃ bhajaṃti daśātmakam || taṃ paraṃ satyamamalaṃ tvāṃ vayaṃ paryupāsmahe ### [45.196](https://indike.org/pramana/in.purana.kaumarikakhanda.45.196) oṃnamo bhagavate mahāpuruṣāya mahānubhāvāya vibhūtipataye sakalasātvataparivṛḍhanikarakarakamalotpalakuṅkalopalālitacaraṇāraviṃdayugala paramaparameṣṭhinnamaste ### [45.197](https://indike.org/pramana/in.purana.kaumarikakhanda.45.197) tavāgnirāsyaṃ vasudhāṃghri hisyugmaṃ nabhaḥ śiraścaṃdraravī ca netre || samastalokā jaṭharaṃ bhujāśca diśaścatasro bhagavannamaste ### [45.198](https://indike.org/pramana/in.purana.kaumarikakhanda.45.198) janmāni tāvaṃti na saṃti deva niṣpīḍya sarvāṇi ca sarvakālam || bhūtāni yāvaṃti mayātra bhīme pītāni saṃsāramahāsamudre ### [45.199](https://indike.org/pramana/in.purana.kaumarikakhanda.45.199) saṃpacchilānāṃ himavanmaheṃdrakailāsamervādiṣu naiva tādṛk dehānanekānanugṛhṇato me prāptāsti saṃpannamahatī yatheśa ### [45.200](https://indike.org/pramana/in.purana.kaumarikakhanda.45.200) na saṃti te deva bhuvi pradeśā na yeṣu jāto'smi tathā vinaṣṭaḥ || bhūtvā mayā yeṣu na jaṃtavaśca saṃbhakṣito vā na ca bhūtasaṃghaiḥ _First 200 of 254 passages. [Read on](https://indike.org/pramana/in.purana.kaumarikakhanda.45)_ ## Linked texts (20) - [Skandamahāpurāṇa (vulgate)](https://indike.org/pramana/in.purana.skanda*vulgate.1.4.40.1) — Sanskrit - [Padmapurāṇa](https://indike.org/pramana/in.purana.padma.2.66.94) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.23.9) — Sanskrit - [Viṣṇudharma](https://indike.org/pramana/in.purana.upa.vaisnava.visnudharma.1.94.89) — Sanskrit - [Bhāgavatapurāṇa](https://indike.org/pramana/in.purana.bhagavata.6.16.19) — Vyāsa, Sanskrit - [Revākhaṇḍa (Skandapurāṇa)](https://indike.org/pramana/in.purana.skanda.revakhanda.54.6) — Sanskrit - [Māheśvarakhaṇḍa](https://indike.org/pramana/in.purana.mahesvarakhanda.45.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.83.1) — Sanskrit - [Kumārikākhaṇḍa](https://indike.org/pramana/in.purana.sthala.kumarikakhanda.44.1) — Sanskrit - [Kaumārakhaṇḍa](https://indike.org/pramana/in.purana.kaumarakhanda.44.1) — Sanskrit - [Vīramaheśvarācārasaṃgraha](https://indike.org/pramana/in.sampradaya.saiva.virasaiva.viramahesvaracarasamgraha.4.73) — Nīlakaṇṭha Nāganātha, Sanskrit - [Śivadharmottara (another edition)](https://indike.org/pramana/in.sampradaya.saiva.sivadharma.sivadharmottara*alt.1.8.43) — Sanskrit - [Bhūkhaṇḍa](https://indike.org/pramana/in.purana.bhukhanda.65.76) — Sanskrit - [Anvitārthaprakāśikā](https://indike.org/pramana/in.purana.anvitarthaprakasika.147.19) — Gaṅgāsahāya Śarman, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.107.10) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.107.10) — Basava, Sanskrit - [Purāṇasāra (Mādhava Vidyāraṇya)](https://indike.org/pramana/in.purana.sangraha.puranasara-madhava-vidyaranya.63.117) — Mādhava Vidyāraṇya, Sanskrit - [Purāṇasāra](https://indike.org/pramana/in.niti.dharma.jati.puranasara.63.117) — Sāyaṇa, Sanskrit - [Brāhmaṇagītā](https://indike.org/pramana/in.sampradaya.general.gita.brahmanagita.12.7) — Vyāsa, Sanskrit - [Bhāgavatamāhātmya](https://indike.org/pramana/in.sampradaya.vaisnava.tantra.bhagavatamahatmya.177.19) — Kṛṣṇacandra, Sanskrit --- Source: [https://indike.org/pramana/in.purana.kaumarikakhanda.45](https://indike.org/pramana/in.purana.kaumarikakhanda.45) · Pramāṇa