Kaumarikakhanda 50
Kaumārīkākhaṇḍa 50
- Language
- Sanskrit
Contents
- 50.104 — 1 part
50.1
cha || || nārada uvāca || || tato mayāsya tīrthasya rakṣaṇāya punarjaye
samārādhya yathā devyaḥ sthāpitāstacchṛṇuṣva bhoḥ
50.2
yathātmā sarvabhūteṣu vyāpakaḥ parameśvaraḥ || tathaiva prakṛtirnityā vyāpakā parameśvarī
50.3
śakti
prasādādāpnoti vīryaṃ sarvāṃśca saṃpadaḥ || īśvarī sarvabhūteṣu sā caivaṃ pārtha saṃsthitā
50.4
buddhirhrīpuṣṭilajjeti tuṣṭiḥ śāṃtiḥ kṣamā spṛhā || śraddhā ca
cetanā śaktirmaṃtrotsāhaprabhūdbhavā
50.5
iyameva ca baṃdhāya mokṣāyaiyaṃ ca sarvadā || enāmārādhya caiśvaryamindrādyāḥ samavāpnuyuḥ
50.6
ye ca
śaktiṃ na manyaṃte tiraskurvaṃti cādhamāḥ || yogīndrā api te vyaktaṃ bhraśyaṃte kāśijā yathā
50.7
vārāṇasyāṃ kila purā siddhayogīśvarāḥ punaḥ
avamanya ca te śaktiṃ punarbhraṃśamupāgatāḥ
50.8
tasmātsadā dehineyaṃ śaktiḥ pūjyaiva nityadā || tuṣṭā dadāti sā kāmānruṣṭā saṃharate kṣaṇāt
50.9
paramā prakṛtiḥ sā ca bahubhedairvyavasthitā || tāsāṃ madhye mahādevyo hyatra saṃsthāpitāḥ śṛṇu
50.10
catasrastu mahāśaktayaścaturdikṣu vyavasthitāḥ || siddhāṃbi
kā tu pūrvasyāṃ sthāpitā sā guhena ca
50.11
jagadādau mūlaprakṛterutpannā sā prakīrtyate || ārādhitā yataḥ siddhaistasmātsiddhāṃbikā ca sā
50.12
dakṣiṇasyāṃ tathā tārā saṃsthitā sthāpitā mayā || tāraṇārthāya devānāṃ yasmātkūrma samāśritā
50.13
yayāviṣṭaḥ samujjahre vedānkūrmo jagadguruḥ
anayāviṣṭadehaśca budho bauddhāndaniṣyati
50.14
koṭiśo vedamārgasya dhvaṃsakānpāpakarmmaṇaḥ|| iyaṃ mayā samārādhya samānītā gireḥ sutā
50.15
koṭisaṃkhyābhiratyugradevībhiḥ saṃvṛtā ca sā || dakṣiṇāṃ diśamāśritya saṃsthitā mama gauravāt
50.17
paścimāyāṃ tathā devī saṃsthitā bhāskarā śubhā
yathāviṣṭāni bhāsaṃte bhāskarapramukhāni ca||16||biṃbāni sarvatārāṇāṃ gacchantyāyāṃti ca drutam || saiṣā mahābalā śaktirbhāsvarā kurunandana
50.18
mayārādhya samānītā kaṭāhānna saṃsthitā || koṭikoṭivṛtā nityaṃ trāyate paścimāṃ diśam
50.19
uttarasyāṃ tathā-devī saṃsthitā yoganaṃdinī
paramaprakṛterdehātpūrvaṃ niḥsṛtayā yayā
50.20
dṛṣṭvā dṛṣṭā nirmalayā yogamāpuścataḥsanāḥ || yogiśvarī ca sā devī sanakādyaiḥ sutoṣitā
50.21
saiva cāṃḍakaṭāhānme samārādhyātra prāpitā || yoginībhiḥ parivṛtā saṃsthitā cottarāṃ diśam
50.22
evametā mahāśaktyaścatasraḥ saṃsthitāḥ
sadā || pūjitāḥ kāmadā nityaṃ ruṣṭāḥ saṃharaṇakṣamāḥ
50.23
tataśca nava me durgāḥ samānītāḥ śṛṇuṣva tāḥ
50.24
tripurānāma paramā devī
sthāṇuryayā purā || āviṣṭastripuraṃ ninye bhasmatvaṃ jagadīśvaraḥ
50.25
tripureti tatastāṃ tu proktavānbhagavānharaḥ || tuṣṭāva ca svayaṃ tasmātpūjyā
sā jagatāmapi
50.26
sā cārādhya samānītā mayāmareśvaraparvatāt || bhaktānāṃ kāmadā sāsti bhaṭṭhāityasamīpataḥ
50.27
aparā cāpi
kolaṃbā mahāśaktiḥ sanātanī || kolarūpī yayāviṣṭaḥ keśavaścojjahāra gām
50.28
tasmātsā viṣṇunā coktā kolaṃbeti stutārcitā || sā ca
devī mayā pārtha bhaktiyogena toṣitā
50.29
vārāhagirisaṃsthā māṃ samānītā ca sābravīt || yatrāhaṃ nārada sadā tiṣṭhāmi kṛpayārthinām
50.30
tatra kūpena saṃstheyaṃ rudrāṇīsaṃsthitena vai || taṃ hi kūpaṃ vinā mahyaṃ na ratirjāyate kvacit
50.31
tasmādbhavānkūpavaraṃ svayamatra khana dvija
evamukte pārtha devyā darbhamūlena me tadā
50.32
kūpo'khani yatra sākṣādrudrāṇī kūpa āvabhau || tato mayā tatra devāḥ snātvā jaghvā ca tarpitāḥ
50.33
pūjitā ca tato devī kolaṃbā jagadīśvarī || parituṣṭā tadā devī praṇataṃ māṃ tato'bravīt
50.34
sadātra cāhaṃ sthāsyāmi prasādaṃ prāpitā tvayā ||ye
ca kūpenna saṃsnātvā māghāṣṭamyāṃ viśeṣataḥ
50.35
pūjayiṣyaṃti māṃ martyāsteṣāṃ chetsyāmi duṣkṛtam || sarvatīrthamayo yaśca sarvartukavane sthitaḥ
50.36
meroḥ samīpe rudrāṇyāḥ kūpa eṣa sa eva ca
50.37
prayāgādapi gaṃgāyā gayāyāśca viśeṣataḥ || kūpesminnadhikaṃ snānaṃ mayā nārada kīrtitam
50.38
tadahaṃ tava vākyena saṃsthitātra tapodhana || guhenātha saraḥpuṇyaṃ pālayiṣyāmyataṃdritā
50.39
kumāreśaṃ pūjayitvā pūjayiṣyaṃti ye ca mām || devībhiḥ
ṣaṣṭikoṭibhiryutā teṣāmabhīṣṭadā
50.40
nārada uvāca || || ityukto'haṃ pārtha devyā tadānīṃ prīyamāṇayā || pratyabruvaṃ pramuditaḥ kolaṃbāṃ viśvamā
taram
50.41
atrāsya mātā tvaṃ devi guptakṣetrasya kāraṇam || tīrthayātrā vṛthā teṣāṃ nārcayaṃtīha tvāṃ ca ye
50.42
idaṃ ca yatsaraḥ puṇyaṃ tvannāmnā
khyātimeṣyati || īśvarī saraso'sya tvaṃ tīrthasyāsya tatheśvarī
50.43
evaṃ dīrghaṃ tapastaptvā sthāpitā mayakā śubhā || mahādurgā naraistasmātpū
jyeyaṃ satataṃ budhaiḥ
50.44
tṛtīyā ca diśi tasyāṃ sthitā saṃsthāpitā mayā || guhena ca kapāleśyāḥ prabhāvosyāḥ pureritaḥ
50.45
dhanyāste
ye prapaśyaṃti nityamenāṃ narottamāḥ || kapāleśvaramabhyarcya viśvaśaktiriyaṃ yataḥ
50.46
evametāstisro durgāḥ pūrvasyāṃ diśi saṃsthitāḥ || paści
māyāṃ pravakṣyāmi tisro durgā mahottamāḥ
50.47
suvarṇākṣī tu yā devī brahmāṃḍaparipālinī || sā mayātra samārādhya tīrthe devī niveśitā
50.48
ye caināṃ praṇamiṣyaṃti pūjayiṣyaṃti bhaktitaḥ || trayastriṃśadbhiḥ koṭībhirdevībhiḥ pūjitā ca taiḥ
50.49
aparā ca mahādurgā carcitā ceti
saṃsthitā || rasātalatalāttatra mayānītā subhaktitaḥ
50.50
iyamarcya ca ciṃtyā ca vīratvaṃ samabhīpsubhiḥ || bahubhirdevadaityairduṣṭo tebhyaśca vīra
tām
50.51
iyameva mahādurgā śūdrakaṃ vīrasattamam || caurairbaddhaṃ kalau cāgre mokṣayiṣyati vikramāt
50.52
tatastvetāṃ sa cārādhya vīreṃdratvama
vāpsyati || nihaniṣyati cākramya kālasenamukhātripūn
50.53
tasmādiyaṃ samārādhyā vīryakāmairnaraiḥ sadā || carcitā yā mahādurgā paścimāyāṃ
diśi sthitā
50.54
tathā trailokyavijayā tṛtīyasyāṃ diśi sthitā || yāmārādhya jayaṃ prāptastrilokyāṃ rohiṇīpatiḥ || somalokānma
yānītā pūjitā jayadā sadā
50.55
evametāḥ paścimāyāmuttarasyāmataḥ śṛṇu || tisro devyaścottarasyāmekavīrāmukhāḥ sthitāḥ
50.56
ekavīreti yā devī sākṣātsā śivapūjitā || yayāviṣṭo jagatsarvaṃ saṃharatyeṣa bhūtarāṭ
50.57
vīryeṇānyekavīrāyāḥ kṛtvā lokāṃśca bhasmasāt
yugaikādaśapūrṇatve vilakṣo'bhūtsa bhasmani
50.58
evaṃvidhā tvekavīrā śaktireṣā sanātanī || pūjitārādhitā caiva sarvābhīpsitadā nṛṇām
50.59
brahmalokātsamānītā mayārādhyātra bhārata || nāmakīrtanamapyasyā duṣṭānāṃ ghātanaṃ viduḥ
50.60
dvitīyā harasiddhyākhyā devī durgā
mahābalā || śīkottarātsamārādhya mayānītātra pāṃḍava
50.61
yadā śīkottarasthena pārvatyā prārthitena ca || rudreṇa ḍākinīmaṃtraḥ prokto devyāḥ
kṛpālunā
50.62
tadā maṃtraprabhāveṇa mohitā girijā satī || tamevākramya māṃsaṃ ca śoṇitaṃ ca bhavaṃ papau
50.63
tato rudraśarīrāttu viniṣkrāṃtā
rtināśinī || harasiddhirmahādurgā mahāmaṃtraviśāradā
50.64
sā sahasrabhujā devī samākramyābhipīḍya ca || mokṣayāmāsa giriśamaśāpayata tāṃ
tathā
50.65
tataḥ prabhṛti sā loke harasiddhiḥ prakīrtyate || devīnāṃ ṣaṣṭikoṭibhirāvṛtā pūjyate suraiḥ
50.66
etāmārādhya sugrīvapramukhā doṣa
nāśinīm || abhūvantsumahāvīryā ḍākinīsaṃghanāśanāḥ
50.67
tasmādetāṃ pūjayettu manovākkāyakarmabhiḥ || ḍākinyādyā na sarpaṃti harasiddheranaṃ
taram
50.68
tṛtīyeśānakoṇasthā caṃḍikā navamī sthitā || vāgīśo'pi labhetpāraṃ naiva yasyāḥ pravarṇane
50.69
yā purā pārvatīdehādviniḥ
sṛtya mahāsurau || caṃḍamuṃḍau nihatyaiva bhakṣayāmāsa krodhataḥ
50.70
akṣauhiṇīśataṃ tvekaṃ caṃḍamuṃḍau ca tāvubhau || nāpūryataikagrāso'syāḥ kim̐lakṣyā
yātviyaṃ hi sā
50.71
iyamevāṃdhakānāṃ ca tṛṣitā śoṇitaṃ punaḥ || papau tato nijagrāha cāṃdhakaṃ bhagavānbhavaḥ
50.72
iyaṃ ca raktabījānāṃ
kṛtvā pānaṃ ca raktajam || arpayāmāsa taṃ devyāścāmuṇḍāpītaśoṇitam
50.73
eṣā tṛpyati bhaktānāṃ praṇāmenāpi bhārata || arbudānāṃ ca koṭī
bhirdaityānāṃ pāpakarmmiṇām
50.74
kuṇḍaṃ cāsyā mayā devyāḥ puṇyaṃ niṣpāditaṃ śubham || yatra vai sparśamātreṇa sarvatīrthaphalaṃ labhet
50.75
harasi
ddhirdevasiddhirdharmasiddhiśca bhārata || vividhā prāpyate siddhistīrthe'smiṃścaṃḍikārataiḥ
50.76
yaśca pūjayate devīṃ svalpena bahunāpi vā || kātyā
yanī koṭiśatairavṛtā tasya vibhūtidā
50.77
evametā mahādurgā nava tīrthe'tra saṃsthitāḥ || catasraścāpi digdevyo nityamarcyaḥ śubhepsubhiḥ
50.78
āśvinasya ca māsasya navarātre viśeṣataḥ || upoṣya caikabhaktairvā devīstvetāḥ prapūjayet
50.79
balipūpakanaivedyaistarpaṇairdhūpagaṃdhibhiḥ || tasya
rakṣāṃ caraṃtyetā rathyāsu trikacatvare
50.80
bhūtapretapiśācādyā nopakuryuḥ prapīḍanam || āpado vidravaṃtyāśu yoginyo naṃdayaṃti tam
50.81
putrārthī labhate putrāndhanārthī dhanamāpnuyāt || rogārto mucyate rogādvaddho mucyeta bandhanāt
50.82
āsāṃ yaḥ kurute bhaktiṃ naro nārī ca
śraddhayā || sarvānkāmānavāpnoti yāṃściṃtayati cetasi
50.83
kāmagavye imā devyaścintāmaṇinibhāstathā || kalpavallyo'tha bhaktānāṃ
praticchando'tra nava hi
50.84
tathātra bhūtamātāsti harasiddhestu dakṣiṇe || tasyā māhātmyamatulaṃ saṃkṣepātprabravīmi te
50.85
pūrvaṃ
kila guho vidvānpuṇye sārasvate taṭe || bhūtapretapiśācānāmādhirājye'bhyaṣicyata
50.86
sa ca sarvāṇi bhūtāni maryādāyāmadhārayat || etaddattaṃ
pradāyaiva kṛpayā bhagavānguhaḥ
50.87
yadaṃmaṃtrahutaṃ kiṃcidvedabāhyaṃ ca yatkṛtam || aśraddhayā ca krodhena tadrūstṛptyai bhaviṣyati
50.88
tatastvanena
bhogena tāni naṃdaṃti kṛtsnaśaḥ || tataḥ kenāpi kālena śraddhayā'śraddhayā kṛtam
50.89
puṇyaṃ tānyeva bhūtāni grasaṃtyākramya devatāḥ || tato devāḥ
kṣudhārttāste guhāyaitannyavedayan
50.90
sa vai tadākarṇya kruddho guhaḥ kāla ivābhavat || tasya kruddhasya bhrūpadmamadhyātkācidvinirgatā
50.91
jvālāmālā sudurdarśā nārī dvādaśalocanā || sā ca praṇamya taṃ prāha tava śaktirahaṃ prabho || śīghramādiśa māṃ kṛtyai kiṃ karomi tavepsitam
50.92
skanda uvāca || || etairbhūtagaṇaiḥ pāpairullaṃghya mama śāsanam
50.93
manuṣyadattaṃ sakalaṃ bhujyate svecchayā'dhamaiḥ || śīghrametāni tvaṃ
tasmānmaryādāyāmupānaya
50.94
etāstvāmanuvrajiṣyaṃti devyaḥ koṭiśataṃ śubhe || tatastatheti sā coktā devībhiḥ saṃvṛtā tadā
50.95
mayūraṃ samupāsthāya guhaśaktiḥ samāgatā || sarojavanamāsādya bhūtasaṃghānapaśyata
50.96
jaghāna ca samāsādya devī nānāvidhāyudhaiḥ
tataḥ pretapiśācādyā hanyamānā mahāraṇe
50.97
prasādayaṃtita tāṃ devīṃ nānāvaiṣaiḥ sudīnavat || kecidbrāhmaṇaveṣaiśca tāpasānāṃ tatho
ktibhiḥ
50.98
nṛtyaṃti devi padmākṣi prasīdeti punaḥpunaḥ || tataḥ prasannā sā devī vriyatāṃ svecchayā''ha tān
50.99
tāṃ te procu
strāhi nastvaṃ bhūtamātā bhaveśvari || maryādāṃ naiva tyakṣyāmo vayaṃ skandavinirmitām
50.100
ye caivaṃ tvāṃ toṣayanti teṣāṃ dehi varānsadā
50.101
śrīdevyuvāca || || vaiśākhe darśadivase ye caivaṃ toṣayaṃti mām || ariṣṭābharaṇaiḥ puṣpairdadhibhaktaiśca pūjanaiḥ || teṣāṃ sarvopasargā vai yāsyaṃti
vilayaṃ sphuṭam
50.102
evaṃ dattvā varaṃ devī mumude bhūtasaṃvṛtā || evaṃ prabhāvā sā devī mayānītātra bhārata
50.103
ya enāṃ praṇamenmartyaḥ sarvā
riṣṭairvimucyate
50.104
evaṃ prabhāvāḥ parikīrttitā mayā samāsataḥstīrthavare'tra devyaḥ || caturdaśaivārjjuna pūjitā yāścaturdaśasthānavarairnṛmukhyaiḥ
50.104.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe śrīdevyākhyānavarṇanaṃnāma saptacatvāriṃśattamo'dhyāyaḥ
Linked texts (5)
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Vaiṣṇavakhaṇḍa — Sanskrit