[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 53 # Kaumarikakhanda 53 Kaumārīkākhaṇḍa 53 - **Language:** Sanskrit ## Contents - [53.97](https://indike.org/pramana/in.purana.kaumarikakhanda.53.97) — 1 part ### [53.1](https://indike.org/pramana/in.purana.kaumarikakhanda.53.1) ch aṃtitiruvāca || || sādhubālamate bāla kamaṭhaitattvayocyate || śarīralakṣaṇaṃ śrotuṃ punaricchāmi tadvada ### [53.2](https://indike.org/pramana/in.purana.kaumarikakhanda.53.2) kamaṭha uvāca || || yathaita dveda brahmāṃḍaṃ śarīraṃ ca tathā śṛṇu || pādamūlaṃ ca pātāla prajādaṃ ca rasātalam ### [53.3](https://indike.org/pramana/in.purana.kaumarikakhanda.53.3) talātalaṃ tathā gulphau jaṃghe cāsya mahātalam || jānunī sutalaṃ corū vitalaṃ cātalaṃ kaṭim ### [53.4](https://indike.org/pramana/in.purana.kaumarikakhanda.53.4) nābhiṃ mahītalaṃ prāhurbhuvarlokaṃmathodaram || uraḥsthalaṃ ca svarlokaṃ mahagrīvā mukhaṃ janam ### [53.5](https://indike.org/pramana/in.purana.kaumarikakhanda.53.5) netre tapaḥ satyalokaṃ śīrṣadeśaṃ vadaṃti ca || tadyathā sapta dvīpāni pṛthivyāṃ saṃsthitāni ca ### [53.6](https://indike.org/pramana/in.purana.kaumarikakhanda.53.6) tathātra dhātavaḥ sapta nāmatastānnibodha me || tvagasṛṅmāṃsa medo'sthimajjāśukrāṇi dhātavaḥ ### [53.7](https://indike.org/pramana/in.purana.kaumarikakhanda.53.7) asthyatra śatāni syustrīṇi ṣaṣṭyadhikāni ca || triṃśacchatasahasrāṇi nāḍīnāṃ kathitāni ca ### [53.8](https://indike.org/pramana/in.purana.kaumarikakhanda.53.8) ṣaṭpaṃcāśatsahasrāṇi tathānyāni navaiva tu || tā vahaṃti rasaṃ dehe jalaṃ nadyo yathā bhuvi ### [53.9](https://indike.org/pramana/in.purana.kaumarikakhanda.53.9) sārdhābhistisṛbhiśchannaṃ samaṃtādromakoṭibhiḥ || śarīraṃ sthūlasūkṣmābhirdṛśyādṛśyā hi tāḥ smṛtāḥ ### [53.10](https://indike.org/pramana/in.purana.kaumarikakhanda.53.10) ṣaḍaṃgāni pradhānāni kathyamānāni me śṛṇu || dvau bāhū sakthinī dve ca mūrdhā jaṭharameva ca ### [53.11](https://indike.org/pramana/in.purana.kaumarikakhanda.53.11) aṃtrāṇyatra tathā trīṇi sārdhavyāmatrayāṇi ca || trivyāmāni tathā strīṇāmāhurvedavido dvijāḥ ### [53.12](https://indike.org/pramana/in.purana.kaumarikakhanda.53.12) ūrdhvanālamadhovaktraṃ hṛdi padmaṃ prakīrtyate hṛtpadmavāmataḥ plīho dakṣiṇe syāttathā yakṛt ### [53.13](https://indike.org/pramana/in.purana.kaumarikakhanda.53.13) majjāto medasaścaiva vasāyāśca tathā dvija || mūtrasya caiva pittasya śleṣmaṇaḥ śakṛtastathā ### [53.14](https://indike.org/pramana/in.purana.kaumarikakhanda.53.14) raktasya caramasyātra gartā dvyaṃjalayaḥ smṛtāḥ || tebhyaḥ pravartamānāste dehaṃ saṃdhārayaṃtyuta ### [53.15](https://indike.org/pramana/in.purana.kaumarikakhanda.53.15) sīvanyaśca tathā sapta paṃca mūrdhānamā sthitāḥ || ekā meḍhraṃ gatā caikā tathā jihvāṃ gatā dvija ### [53.16](https://indike.org/pramana/in.purana.kaumarikakhanda.53.16) nāḍyaḥ sarvāḥ pravartaṃte nābhipadmāttathātra ca || yāsāṃ śreṣṭhā śiro yātā suṣumneḍā' tha piṃgalā ### [53.17](https://indike.org/pramana/in.purana.kaumarikakhanda.53.17) nāsikādvāramāsādya saṃsthite dehavardhane || vāyuragniścaṃdramāśca paṃcadhā paṃcadhātra ca ### [53.18](https://indike.org/pramana/in.purana.kaumarikakhanda.53.18) prāṇāpānasamānāśca udāno vyāna eva ca || paṃca bhedāḥ smṛtā vāyoḥ karmāṇyeṣāṃ vadaṃti ca ### [53.19](https://indike.org/pramana/in.purana.kaumarikakhanda.53.19) ucchvāsaścaiva niḥśvāso hyannapānapraveśanam || ākaṃṭhācchīrṣasaṃsthāsya prāṇakarma prakīrtitam ### [53.20](https://indike.org/pramana/in.purana.kaumarikakhanda.53.20) tyāgo viṇmūtraśukrāṇāṃ garbhavistravaṇaṃ tathā || apānakarma nirdiṣṭaṃ sthānamasya gudopari ### [53.21](https://indike.org/pramana/in.purana.kaumarikakhanda.53.21) samāno dhāraya tyannaṃ vivecayati cāpyatha || rasayaṃścaiva carati sarvaśroṇiṣvavāritaḥ ### [53.22](https://indike.org/pramana/in.purana.kaumarikakhanda.53.22) vākpravṛttipradodvāre prayatne sarvakarmaṇām || ākaṃṭhasurasaṃsthā namudānasya prakīrtyate ### [53.23](https://indike.org/pramana/in.purana.kaumarikakhanda.53.23) vyāno hṛdi sthito nityaṃ tathā dehacaropi ca || dhātuvṛddhipradaḥ svedalālonmeṣanimeṣakṛt ### [53.24](https://indike.org/pramana/in.purana.kaumarikakhanda.53.24) pācako rajakaścaiva sādhakālocakau tathā || bhrājakaśca tathā dehe pañcadhā pāvakaḥ sthitaḥ ### [53.25](https://indike.org/pramana/in.purana.kaumarikakhanda.53.25) pācakastu pacatyannaṃ nityaṃ pakvāśaye sthitaḥ āmāśayastho'pi rasaṃ raṃjakaḥ kurute tvasṛk ### [53.26](https://indike.org/pramana/in.purana.kaumarikakhanda.53.26) sādhako hṛdisaṃsthaśca buddhyādyutsāhakārakaḥ || ālocakaśca dṛksaṃstho rūpadarśanaśakti kṛt ### [53.27](https://indike.org/pramana/in.purana.kaumarikakhanda.53.27) tvaksaṃstho bhrājako dehaṃ bhrājayennirmalīkṛtaḥ || kledako bodhakaścaiva tarpaṇaḥ śleṣmaṇastathā ### [53.28](https://indike.org/pramana/in.purana.kaumarikakhanda.53.28) ālaṃbakastathā dehe paṃcadhā soma ucyate || kledakaḥ kledayatyannaṃ nityaṃ pakvāśaye sthitaḥ ### [53.29](https://indike.org/pramana/in.purana.kaumarikakhanda.53.29) bodhako rasanāsthaśca rasānāmavabodhakaḥ || śiraḥsthaścakṣurādīnāṃ tarpaṇāttarpaṇaḥ smṛtaḥ ### [53.30](https://indike.org/pramana/in.purana.kaumarikakhanda.53.30) sarvasaṃdhigataścaiva śleṣmaṇaḥ śleṣmakṛttathā || uraḥsthaḥ sarvagātrāṇi sa vai hyārlabakaḥ sthitaḥ ### [53.31](https://indike.org/pramana/in.purana.kaumarikakhanda.53.31) evaṃ vāyvagnisomaiśca dehaḥ saṃdhārita stvasau || ākāśajāni srotāṃsi tathā koṣṭhaviviktatā ### [53.32](https://indike.org/pramana/in.purana.kaumarikakhanda.53.32) pārthivānīha jānīhi ghrāṇakeśanakhāni ca || asthīni dhairyaṃ gurutā tvaṅmāṃsaṃ hṛdayaṃ gudam ### [53.33](https://indike.org/pramana/in.purana.kaumarikakhanda.53.33) nābhirmedo yakṛnmajjā aṃtramāmāśayaḥ śirā || snāyuḥ pakvāśayaścaiva prāhurvedavido dvijāḥ ### [53.34](https://indike.org/pramana/in.purana.kaumarikakhanda.53.34) netrayormaṃḍalaṃ śuklaṃ kaphā dravati paitṛkam || kṛṣṇaṃ ca maṇḍalaṃ vātāttathā bhavati mātṛkam ### [53.35](https://indike.org/pramana/in.purana.kaumarikakhanda.53.35) pakṣmamaṇḍalamekaṃ tu dvitīyaṃ carmamaṇḍalam || śuklaṃ tṛtīyaṃ kathitaṃ caturthaṃ kṛṣṇamaṇḍalam ### [53.36](https://indike.org/pramana/in.purana.kaumarikakhanda.53.36) dṛṅmaṇḍalaṃ paṃcamaṃ tu netraṃ syātpaṃcamaṇḍalam || apare netrabhāge dve upāṃgo'pāṃga eva ca ### [53.37](https://indike.org/pramana/in.purana.kaumarikakhanda.53.37) upāṃgo netraparyaṃto nāsā mūlamapāṃgakaḥ || vṛṣaṇau ca tathā proktau medosṛkkaphamāṃsakau ### [53.38](https://indike.org/pramana/in.purana.kaumarikakhanda.53.38) asṛṅmāṃsamayī jihvā sarveṣāmeva dehinām || hastayoroṣṭhayormeḍhre grīvāyāṃ ṣaṭ ca kūrcakāḥ ### [53.39](https://indike.org/pramana/in.purana.kaumarikakhanda.53.39) evamatra sthite jīvo dehe'sminsaptasaptake || paṃcaviṃśatiko vyāpya dehaṃ1 vāso'sya mūrdhani ### [53.40](https://indike.org/pramana/in.purana.kaumarikakhanda.53.40) tvagasṛṅmāṃsamityāhu strikaṃ mātṛsamudbhavam || medomajjāsthikaṃ proktaṃ pitṛjaṃ ṣaṭ ca kauśikam ### [53.41](https://indike.org/pramana/in.purana.kaumarikakhanda.53.41) evaṃ bhūtamayaṃ dehaṃ paṃcabhūtasamudbhavaiḥ || annairryathā vṛddhimeti tadahaṃ varṇa yāmi te ### [53.42](https://indike.org/pramana/in.purana.kaumarikakhanda.53.42) tadannaṃ piṇḍakavalairprāsairbhuktaṃ ca dehi'bhiḥ || pūrvaṃ sthūlāśaye vāyuḥ prāṇaḥ prakurute dvidhā ### [53.43](https://indike.org/pramana/in.purana.kaumarikakhanda.53.43) saṃpraviśyānnamadhye tu pṛthagannaṃ pṛthagja lam || agnerūrdhvaṃ jalaṃ sthāpya tadannaṃ tajjalopari ### [53.44](https://indike.org/pramana/in.purana.kaumarikakhanda.53.44) jalasyādhaḥ svayaṃ prāṇaḥ sthitvāgniṃ dhamate śanaiḥ || vāyunā dhamyamānogniratyuṣṇaṃ kurute jalam ### [53.45](https://indike.org/pramana/in.purana.kaumarikakhanda.53.45) tadannamuṣṇatoyena samaṃtātpacyate punaḥ || dvidhā bhavati tatpakvaṃ pṛthakkiṃṭṭaṃ pṛthagrasam ### [53.46](https://indike.org/pramana/in.purana.kaumarikakhanda.53.46) malairdvādaśabhiḥ kiṭṭaṃ bhinnaṃ dehādvahirvrajet || karṇākṣināsikājihvādaṃtāḥ śiśnaṃ gudaṃ nakhāḥ ### [53.47](https://indike.org/pramana/in.purana.kaumarikakhanda.53.47) romakūpāṇi caiva syurdvādaśaite malāśrayāḥ||hatpadmapratibaddhāśca sarvā nāḍyaḥ samaṃtataḥ ### [53.48](https://indike.org/pramana/in.purana.kaumarikakhanda.53.48) tāsāṃ mukheṣu taṃ sūkṣmaṃ vyānaḥ sthāpayate rasam || rasena tena tā nāḍīḥ samānaḥ pūrayetpunaḥ ### [53.49](https://indike.org/pramana/in.purana.kaumarikakhanda.53.49) tataḥ prayāṃti saṃpūrṇāstāśca dehaṃ samaṃtataḥ || tataḥ sa nāḍimadhyastho rañjakenoṣmaṇā rasaḥ ### [53.50](https://indike.org/pramana/in.purana.kaumarikakhanda.53.50) pacyate pacyamānastu rudhiratvaṃ bhajetpunaḥ || tatastvaglomakeśāśca māṃsaṃ snāyu śirāsthi ca ### [53.51](https://indike.org/pramana/in.purana.kaumarikakhanda.53.51) nakhā majjā khaivaimailyaṃ śukravṛddhiḥ kramādbhavet || evaṃ dvādaśadhātrasya pariṇāmaḥ prakīrtyate ### [53.52](https://indike.org/pramana/in.purana.kaumarikakhanda.53.52) evametadviniṣpannaṃ śarīraṃ puṇyahetave || yathaiva syaṃdanaḥ śubhro bhārasaṃvāhanāya ca ### [53.53](https://indike.org/pramana/in.purana.kaumarikakhanda.53.53) tailābhyaṃgādibhiryatnairbahubhiḥ pālyate na cet || kiṃ kṛtyaṃ sādhyate tena yadi bhāraṃ vahenna hi ### [53.54](https://indike.org/pramana/in.purana.kaumarikakhanda.53.54) evametena dehena kiṃ kṛtyaṃ bhojanottamaiḥ || vardhitena na cetpuṇyaṃ kurute paśuvacca tat ### [53.55](https://indike.org/pramana/in.purana.kaumarikakhanda.53.55) bhavaṃti cātra ślokāḥ yasminkāle ca deśe ca vayasā yādṛśena ca || kṛtaṃ śubhāśubhaṃ karma tattathā tena bhujyate ### [53.56](https://indike.org/pramana/in.purana.kaumarikakhanda.53.56) tasmātsadā śubhaṃ kāryamavicchinnasukhārthibhiḥ vicchidyaṃte'nyathā bhogā grīṣme kusarito yathā ### [53.57](https://indike.org/pramana/in.purana.kaumarikakhanda.53.57) yasmātpāpena duḥkhāni tīvrāṇi subahūnyapi || tasmātpāpaṃ na kartavyamātmapīḍākaraṃ hi tat ### [53.58](https://indike.org/pramana/in.purana.kaumarikakhanda.53.58) evaṃ te varṇitaḥ sādho praśno'yaṃ śaktito mayā || yathā saṃjāyate prāṇī yathā śṛṇu pralīyate ### [53.59](https://indike.org/pramana/in.purana.kaumarikakhanda.53.59) āyuṣye karmaṇi kṣīṇe saṃprāpte maraṇe nṛṇām || svakarmavaśago dehī kṛṣyate yamakiṃkaraiḥ ### [53.60](https://indike.org/pramana/in.purana.kaumarikakhanda.53.60) paṃcatanmātrasahitaḥ samanobuddhayahaṃkṛtiḥ || puṇyapāpamayaiḥ pāśairbaddho jīvastyaje dvapuḥ ### [53.61](https://indike.org/pramana/in.purana.kaumarikakhanda.53.61) śīrṣaṃṇaśca saptabhiścchaidrairnirgacchetpuṇyakarmaṇām || adhaśca pāpināṃ yāṃti yogināṃ brahmaraṃdhrataḥ ### [53.62](https://indike.org/pramana/in.purana.kaumarikakhanda.53.62) tatkṣaṇātso'tha gṛhṇāti śārīraṃ cātivāhikam || aṃguṣṭhaparvamātraṃ tu svaprāṇaireva nirmitam ### [53.63](https://indike.org/pramana/in.purana.kaumarikakhanda.53.63) tatastansmisthitaṃ jīvaṃ dehe yamabhaṭāstadā || baddhvā nayaṃti mārgeṇa yāmyenāti yathābalam ### [53.64](https://indike.org/pramana/in.purana.kaumarikakhanda.53.64) taptāṃbarīṣatulyena ayoguḍanibhena ca || prataptasikatenāpi tāmrapātranibhena ca ### [53.65](https://indike.org/pramana/in.purana.kaumarikakhanda.53.65) ṣaḍaśītisahasrāṇi yojanānāṃ mahīta lāt || kṛṣyamāṇo yamapurīṃ nīyate pāpakṛdbharaiḥ ### [53.66](https://indike.org/pramana/in.purana.kaumarikakhanda.53.66) kvacicchītaṃ mahādurgamandhakāraṃ kvacinmahat || agnisaṃsparśavadanaiḥ kākakākolajaṃbukaiḥ ### [53.67](https://indike.org/pramana/in.purana.kaumarikakhanda.53.67) makṣikādaṃśamaśakairbhakṣyate sarpavṛścikaiḥ || bhakṣyamāṇo'pi tairjaṃtuḥ kraṃdate mriyate na hi ### [53.68](https://indike.org/pramana/in.purana.kaumarikakhanda.53.68) kvacicca bhakṣyate ghorai rākṣasaiḥ kṛṣyate'syate dahyamānotighoreṇa saikatena ca nīyate ### [53.69](https://indike.org/pramana/in.purana.kaumarikakhanda.53.69) muhūrtairdaśabhiryāti taṃ mārgamatidustaram || taṃ kālaṃ sumahadvetti puruṣo varṣasaṃmitam ### [53.70](https://indike.org/pramana/in.purana.kaumarikakhanda.53.70) tāryate ca nadīṃ ghorāṃ pūyaśoṇitavāhinīm || nadīṃ vaitaraṇīṃnāma keśaśaivalaśādvalām ### [53.71](https://indike.org/pramana/in.purana.kaumarikakhanda.53.71) tato yamasya purataḥ sthāpyate yamakiṃ karaiḥ || pāpī mahābhayaṃ paśyetkālāṃtakamukhairvṛtam ### [53.72](https://indike.org/pramana/in.purana.kaumarikakhanda.53.72) puṇyakarmā saumyarūpaṃ dharmarājaṃ tadā kila || manuṣyā eva gacchaṃti yamalokaṃ na cāpare ### [53.73](https://indike.org/pramana/in.purana.kaumarikakhanda.53.73) maraṇānaṃtaraṃ teṣāṃ jaṃtūnāṃ yonipūraṇam || tathāhi pretā manujāḥ śrūyaṃte nānyajaṃtavaḥ ### [53.74](https://indike.org/pramana/in.purana.kaumarikakhanda.53.74) dhārmikaḥ pūjyate tatra pāpaḥ pāśagalo bhavet dhārmikaśca yathā yāti taṃ mārgaṃ śṛṇu vacmi te ### [53.75](https://indike.org/pramana/in.purana.kaumarikakhanda.53.75) ārāmadrumadātāraḥ phalapuṣpavatā pathā || chāyayā ca sukhaṃ yāṃti tathā ye cchatradā narāḥ ### [53.76](https://indike.org/pramana/in.purana.kaumarikakhanda.53.76) upānahapradā yānairvittṛṣāḥ pūrtadharmiṇaḥ || vimānairyānadā yāṃti tathā śayyāsanapradāḥ ### [53.77](https://indike.org/pramana/in.purana.kaumarikakhanda.53.77) bhakṣyabhojyaistathā tṛptā yāṃti bhojanadā yinaḥ || dīpapradāḥ prakāśena gopradāstāṃ nadīṃ sukham ### [53.78](https://indike.org/pramana/in.purana.kaumarikakhanda.53.78) śrīsūryyaṃ śrīmahādevaṃ bhaktā ye puruṣottamam || janmaprabhṛti te yāṃti pūjyamānā yamānugaiḥ ### [53.79](https://indike.org/pramana/in.purana.kaumarikakhanda.53.79) mahīṃ gāṃ kāṃcanaṃ lohaṃ tilānkārpāsameva ca || lavaṇaṃ saptadhānyaṃ ca dattvā yāti sukhaṃ naraḥ ### [53.80](https://indike.org/pramana/in.purana.kaumarikakhanda.53.80) teṣāṃ tatra gatānāṃ ca pāpināṃ puṇyakarmi ṇām || citraguptaḥ pretapāya nirūpayati vai tataḥ ### [53.81](https://indike.org/pramana/in.purana.kaumarikakhanda.53.81) pretaloke sa vasati tataḥ saṃvatsaraṃ naraḥ || vatsareṇa ca tenāsya śarīramabhijāyate ### [53.82](https://indike.org/pramana/in.purana.kaumarikakhanda.53.82) sodakumbhamathānnādyaṃ bāṃdhavairyatpradīyate || dinedine sa tadbhuktvā tena vṛddhiṃ prayāti ca ### [53.83](https://indike.org/pramana/in.purana.kaumarikakhanda.53.83) pūrvadattamathānnādyaṃ prāpnoti svayameva ca || svayaṃ yena na dattaṃ ca tathā dātā na vidyate ### [53.84](https://indike.org/pramana/in.purana.kaumarikakhanda.53.84) na cāpyudakadātāsau kṣuttṛḍbhyāmatipīḍyate || bāṃdhavaistū dakaṃ dattaṃ nadībhūtvopatiṣṭhati ### [53.85](https://indike.org/pramana/in.purana.kaumarikakhanda.53.85) māsimāsi ca yacchāddhaṃ ṣoḍaśaśrāddhapūrvakam || atra na kriyate yasya pretatvātsa na mucyate ### [53.86](https://indike.org/pramana/in.purana.kaumarikakhanda.53.86) mānuṣeṇa dinenaiva pretaloke dinaṃ smṛtam || tasmāddinedine deyaṃ pretāyānnaṃ ca vatsaram ### [53.87](https://indike.org/pramana/in.purana.kaumarikakhanda.53.87) taṃ ca smaśānikānāma gaṇā yāmyā bhayāvahāḥ || śītavātātapopetaṃ tatra rakṣaṃti pāpinam ### [53.88](https://indike.org/pramana/in.purana.kaumarikakhanda.53.88) yatheha bandhane kaścidrakṣyate viṣamainaraiḥ || pretapiṃḍā na dīyaṃte ṣoḍaśaśrāddhapūrvakāḥ ### [53.89](https://indike.org/pramana/in.purana.kaumarikakhanda.53.89) yasya tasya na mokṣo'sti pretatvāddhai yugairapi || tataḥ sapi ṇḍīkaraṇe bāṃdhavaiḥ sukṛte naraḥ ### [53.90](https://indike.org/pramana/in.purana.kaumarikakhanda.53.90) pūrṇe saṃvatsare dehaṃ saṃpūrṇa pratipadyate || pāpātmā ghorarūpaṃ tu dhārmiko divyamuttamam ### [53.91](https://indike.org/pramana/in.purana.kaumarikakhanda.53.91) tataḥ sa narakaṃ yāti svargaṃ vā svena karmaṇā || rauravādyāśca narakāḥ pātālatalasaṃsthitāḥ ### [53.92](https://indike.org/pramana/in.purana.kaumarikakhanda.53.92) surādyāḥ satyaparyaṃtāḥ svarlokāsyordhvamāśritāḥ || itihāsapu rāṇeṣu vedasmṛtiṣu yacchrutam ### [53.93](https://indike.org/pramana/in.purana.kaumarikakhanda.53.93) puṇyaṃ tena bhavetsvargo narakastadviparyayāt || tatrāpi kālavasatikarmaṇāmanurūpataḥ ### [53.94](https://indike.org/pramana/in.purana.kaumarikakhanda.53.94) arvāksapiṃḍīkaraṇaṃ yasya varṣācca vā kṛtam || pretatvamapi tasyāpi proktaṃ saṃvatsaraṃ dhruvam ### [53.95](https://indike.org/pramana/in.purana.kaumarikakhanda.53.95) yairiṣṭaṃ ca tribhirmedhairarcitaṃ vā suratrayam || pretalokaṃ na te yāṃti tathā ye samare hatāḥ ### [53.96](https://indike.org/pramana/in.purana.kaumarikakhanda.53.96) śuddhena puṇyena divaṃ ca śuddhāṃ pāpena śuddhena tathā tamondham || miśreṇa svargaṃ narakaṃ ca yāti dehastathaivāsya bhavecca tādṛk ### [53.97](https://indike.org/pramana/in.purana.kaumarikakhanda.53.97) praśnatrayaṃ ceti tava praṇītamutpattimṛtyū paralokavāsaḥ || yathā gururme samudājahāra kiṃ bhūya icchasyuta tadvadāmi ### [53.97.p1](https://indike.org/pramana/in.purana.kaumarikakhanda.53.97.p1) iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍa kaumārikākhaṇḍe ādityakamaṭhasaṃvāde jīvasya pāralaukikagatyādivarṇanaṃnāma paṃcāśattamo 'dhyāyaḥ ## Linked texts (8) - [Skandamahāpurāṇa (vulgate)](https://indike.org/pramana/in.purana.skanda*vulgate.1.4.48.3) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.369.20) — Sanskrit - [Revākhaṇḍa (Skandapurāṇa)](https://indike.org/pramana/in.purana.skanda.revakhanda.57.20) — Sanskrit - [Māheśvarakhaṇḍa](https://indike.org/pramana/in.purana.mahesvarakhanda.53.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.92.1) — Sanskrit - [Kumārikākhaṇḍa](https://indike.org/pramana/in.purana.sthala.kumarikakhanda.52.1) — Sanskrit - [Kaumārakhaṇḍa](https://indike.org/pramana/in.purana.kaumarakhanda.52.1) — Sanskrit - [Śivadharmottara (another edition)](https://indike.org/pramana/in.sampradaya.saiva.sivadharma.sivadharmottara*alt.1.9.2-2.p1) — Sanskrit --- Source: [https://indike.org/pramana/in.purana.kaumarikakhanda.53](https://indike.org/pramana/in.purana.kaumarikakhanda.53) · Pramāṇa