Kaumarikakhanda 55

Kaumārīkākhaṇḍa 55

Language: Sanskrit

55.47 — 1 part

55.1

cha || || arjuna uvāca || || koṭitīrthaṃ kathaṃ jātaṃ kena vā nirmitaṃ mune
kasmādvā koṭitīrthānāṃ phalamatrocyate mune

55.2

nārada uvāca || || yadā me sthāpitaṃ sthānaṃ prasādyātha mayā prabhuḥ || brahmalokātsamā
nītaḥ sākṣādbrahmā pitāmahaḥ

55.3

tato madhyāhnasamaye snānārthe bhagavānvidhiḥ || sasmāra koṭitīrthānāṃ smṛtānyatrāgatāni ca

55.4

svargātri
daśalakṣāṇi saptatiśca mahītalāt || pātālādviṃśallakṣāṇi smṛtānyabhyāgatāni ca

55.5

anena pravibhāgena liṃgānyapi kurudvaha || āyātāni
yathā pūjāṃ vidadhāti pitāmahaḥ

55.6

tato'bhiṣecanaṃ kṛtvā liṃgānyabhyarcya padmabhūḥ || madhyāhnakṛtyaṃ saṃsādhya mama premṇā varaṃ dadau

55.7

tato
bhagavatā hyatra manasā nirmitaṃ saraḥ || bhagavānarcitastīrthairidarmūce prajāpatiḥ

55.8

kiṃ kurma bhagavandhātarādeśaṃ dehi naḥ prabho || teṣāṃ tadvacanaṃ śrutvā
brahmā prāha prajāpatiḥ

55.9

etasminsarasi stheyaṃ tīrthaiḥ sarvairathātra ca || ekasmiṃśca tathā liṃge sarvaliṃgairmamārcanāt

55.10

koṭīnāmeva tīrthānāṃ
liṃgānāṃ snānapūjayā || dānena ca phalaṃ tvatra yadi satyaṃ vaco mama

55.11

yaḥ śrāddhaṃ kurute cātra piṃḍadānaṃ yathāvidhi || pitṝṇāmakṣayā tṛpti
rjāyate nātra saṃśayaḥ

55.12

snātvā yo'bhyarcayeddevaṃ koṭīśvaramananyadhīḥ || koṭiliṃgārcanaphalaṃ vyaktaṃ tasyopajāyate

55.13

trailokye yāni
tīrthāni gaṃgādyāḥ saritastathā || teṣāṃ sa phalamāpnoti koṭitīrthāvagāhanāt

55.14

evaṃ dattvā varaṃ brahmā brahmalokaṃ yayau prabhuḥ || koṭitīrthaṃ ca
saṃjātaṃ tataḥ prabhṛti viśrutam

55.15

asya tīre purā pārtha brahmādyairdevasattamaiḥ || yajñānbahuvidhānkṛtvā tataḥ siddhiṃ parāṃ yayuḥ

55.16

vasiṣṭhādyairmuni
varaistapaśvīrṇaṃ purānagha || manaso'bhīpsitānkāmānprāpuranye tapodhanāḥ

55.17

atra tīrthe purā pārtha atriṇā vihitaṃ tapaḥ || koṭitīrthāddakṣiṇataḥ
sthāpitaṃ liṃgamuttamam

55.18

atrīśvarābhisaṃjñaṃ tu mahāpāpaharaṃ param || sthāpayitvā ca talliṃgamagre cakre sarovaram

55.19

tatra snātvā ca yo
martyaḥ śrāddhaṃ kuryātprayatnataḥ || atrīśvaraṃ samabhyarcya rudraloke vasecciram

55.20

bharadvājena muninā koṭitīrthe sarovare || tapaścīrṇaṃ mahābāho yajñāśca
vihitāḥ kila

55.21

bharadvājeśvaraṃ liṃgaṃ sthāpitaṃ sumanoharam || tatra kṛtvā saro ramyaṃ parāṃ mudamavāptavān

55.22

tatra snātvā naro
bhaktyā śrāddhaṃ kuryādvidhānataḥ || bharadvājeśvaraṃ pūjya śivaloke mahīyate

55.23

tataśca koṭitīrthe'smingautamo bhagavānṛṣiḥ || atapyata
tapo ghoramahalyāsaṃgamāśayā

55.24

taṃ kāmaṃ prāptavāndhīmānparāṃ mudamupāgataḥ || ahalyāyā samāyogametattīrthaprabhāvataḥ

55.25

asminkṣetre mahāliṃgaṃ gautameśvarasaṃjñitam || sthāpayāmāsa bhagavānahalyāsarasastaṭe

55.26

arjuna uvāca || || ahalyāyā kadā
brahmankhānitaṃ vai mahatsaraḥ || tanmama brūhi sakalamahalyāsaraḥkāraṇam

55.27

nārada uvāca || || ahalyā śāpamāpannā gautamātkila
phālguna || purā caṃdrasamāyoge paraṃ duḥkhamupāgatā

55.28

tato duḥkhārtaḥ sa muniḥ koṭitīrthe'karottapaḥ || tapasā tena vai pārthāhalyayā saha
saṃgataḥ

55.29

tataḥ sādhvī paraṃ dṛṣṭā atra kṣetre sarovaram || cakāra sumahatpuṇyaṃ tīrthodaiḥ paripūritam

55.30

ahalyāsarasi snānaṃ piṃḍadānaṃ
samācaret || gautameśaṃ ca saṃpūjya brahmalokaṃ sa gacchati

55.31

koṭitīrthe naraśreṣṭha aneke munayo'malāḥ || tapastaptvā sughoraṃ ca parāṃ siddhimṛ
pāgatāḥ

55.32

rājabhirbahubhiḥ pūrvaṃ tapo dānaṃ tathādhvarāḥ || asmiṃstīrthe suvihitāḥ parāṃ siddhimūpāgatāḥ

55.33

asyai tīre dvijaṃ caikaṃ mṛṣṭā
traiyaṃśca tarpayet || tena śraddhāsahāyena koṭirbhavati tarpitā

55.34

asya tīre naraḥ pārtha ratnāni vividhāni ca || gobhūmitiladhānyāni vāsāṃsi
vividhāni ca

55.35

śraddhayā parayā pārtha dvijebhyaḥ saṃprayacchati || śatakoṭiguṇaṃ puṇyaṃ koṭitīrthaprabhāvataḥ || koṭitīrthe pratiśrutya dvijebhyo
na prayacchati

55.36

narake pātayitvā ca kulamekottaraṃ śatam || ātmānaṃ pātayetpaścāddāruṇaṃ rauravaṃ mahat

55.37

māghamāse tu saṃprāpte
prātaḥkāle tathā'male || yaḥ snāti makarāditye tasya puṇyaṃ śṛṇuṣva me

55.38

sarvatīrtheṣu yatpuṇyaṃ sarvayajñeṣu yatphalam || sarvadānavratairyeñca koṭi
tīrthe dinedine

55.39

tatpuṇyaṃ labhate martyo nātra kāryā vicāraṇā || kanyāgate savitari yaḥ śrāddhaṃ kurute naraḥ

55.40

pitarastasya
tṛpyaṃti gayāśrāddhaśatairna tu || kārttike māsi saṃprāpte snānādi kurute yadi

55.41

tadakṣayaphalaṃ sarvaṃ brahmaṇo vacanaṃ yathā || iṣṭvātra yajñamekaṃ
tu koṭiyajñaphalaṃ labhet

55.42

kanyāṃ brāhmeṇa vidhinā dattvā koṭiguṇaṃ phalam || sarvadānaṃ koṭiguṇaṃ koṭitīrthe bhavedyataḥ

55.43

koṭi
tīrthe tyajetprāṇānhṛdi kṛtvā tu mādhavam || tasya pārtha ciraṃ svarge hyakṣayā śāśvatī gatiḥ

55.44

koṭitīrthe tīrthavare dehatyāgaṃ karoti yaḥ
tasya pūjāṃ prakurvaṃti brahmādyā devatāgaṇāḥ

55.45

asya tīre dehadāho yasya kasya prajāyate || asthikṣepo yasya bhavenmahīsāgarasaṃgame

55.46

tatphalaṃ gadituṃ pārtha vāgīśo'pi na vai kṣamaḥ || etajjñātvā paraṃ pārtha koṭitīrthaṃ prasevate

55.47

dinedine phalaṃ tasya kāṃpilaṃ gosahasrakam
svarge martye ca pātāle tasmādetatsudurlabham

55.47.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe koṭitīrthamāhātmyavarṇanaṃnāma dvipañcāśattamo'dhyāyaḥ

Kaumarikakhanda 55

Contents

Linked texts (5)