Pramāṇa · Search · About · API

Kaumarikakhanda 56

Kaumārīkākhaṇḍa 56

Language
Sanskrit

Contents

56.1

cha || || nārada uvāca || || athānyatsaṃpravakṣyāmi śālāmāhātmya
muttamam || saṃsthāpite purā sthāne prokto'haṃ dvijapuṃgavaiḥ

56.2

sthānasya rakṣaṇārthāya upāyaṃ kuru suvrata || tato mayā pratijñātaṃ kariṣye sthāna
rakṣaṇam

56.3

ārādhitā mayā paścādbrahmaviṣṇumaheśvarāḥ || trayastvekāgracittena tatastuṣṭāḥ surottamāḥ

56.4

samāgamyātha māṃ procurnārada
vriyatāṃ varaḥ || proktaṃ tānārcya ca mayā kriyatāṃ sthānarakṣaṇam

56.5

ayameva varo mahyaṃ deyo devaiḥ sutoṣataiḥ || sthānalopo yathā na syādyathā
kīrtirbhavenmama

56.6

evamastviti deveśaiḥ pratijñātaṃ tadā mune || svāṃśena prakariṣyāma dvijānāṃ tava rakṣaṇam

56.7

evamuktvā kalāṃ muktā devai
stripuruṣaiḥ svayam || aṃtardhānaṃ tataḥ prāptāḥ sarve'pi surasattamāḥ

56.8

tato mayā dvijaiḥ sārdhaṃ śālāgre sthānarakṣaṇam || sthāpi
tāśca pṛthagdevāstrayastribhuvaneśvarāḥ

56.9

pīḍyamānā yadā viprāḥ kenāpi ca bhavaṃti hi || pūrvāhṇe cāpi ṛgvedaṃ madhyāhne ca yajūṃ
ṣyatha

56.10

yāme tṛtīye sāmāni tārasvaramadhītya ca || śāpaṃ yasya pradāsyaṃti śālāgre bhṛśaroṣitāḥ

56.11

saptāhādvarṣamadhyādvā
trivarṣādbharasratāṃ vrajet || pratijñātā sthānarakṣā yadi vo nāradāyataḥ

56.12

satyena tena no vairī bhasmībhavatu ha kṣaṇāt || anena śāpa
maṃtreṇa bhasmībhavati niścitam

56.13

śālāṃ tripuruṣāṃ tatra yaḥ paśyati dinedine || arcayettoṣayeccāsau svargaloke mahīyate

56.14

iti tripuruṣaśālāmāhātmyam || || nārada uvāca || || athānyatsaṃpravakṣyāmi madīyasaraso mahat

56.15

māhātmyamatulaṃ pārtha devānāṃ
mapi durlabham || mayā pūrvaṃ saraḥ khātaṃ darbhāṃkuraśalākayā

56.16

mṛttikā tāmrapātreṇa tyaktā bāhye tataḥ svayam || sarveṣāmeva tīrthānāmāhṛtyodaka
muttamam

56.17

tattatra sarasi kṣiptaṃ tena saṃpūrṇitaṃ saraḥ || āśvine māsi saṃprāpte bhānuvāre naraḥ śuciḥ

56.18

śrāddhaṃ yaḥ kurute tatra snātvā
dānaṃ viśeṣataḥ || pitarastasya tṛpyaṃti yāvadābhūtasaṃplavam

56.19

nāradīyaṃ saro hyetadvikhyātaṃ jagatītale || mahatā puṇyayogena devairapi hi
labhyate

56.20

yadatra dīyate dānaṃ hūyate yacca pāvake || sarvaṃ tadakṣayaṃ vidyājjapānaśanasādhanāt

56.21

nāradīye saraḥśreṣṭhe snātvā yo nāradeśva
ram || pūjayecchraddhayā martyaḥ sarvapāpaiḥ pramucyate

56.22

atra tīrthe purā pārtha sarvanāgaistapaḥ kṛtam || kadrūśāpasya mokṣārthamātmano hitakā
myayā

56.23

tataḥ siddhiṃ parāṃ prāptā etattīyaprabhāvataḥ || tato nāgeśvaraṃ liṃgaṃ sthāpayāmāsurūjitam

56.24

nāradāduttare bhāge sarve nāgāḥ
praharṣitāḥ || nāradīye saraḥśreṣṭhe yaḥ snātvā pūjayeddharam

56.25

nāgeśvaraṃ mahābhaktyā tasya puṇyamanantakam || teṣāṃ sarpabhayaṃ nāsti nāgānāṃ vacanaṃ
yathā

56.26

iti nāradīyasaromāhātmyam || || nārada uvāca || || aparadvārakānāṃ devī cātrāsti pāṃḍava

56.27

sā ca brahmāṃḍadvāre vai
sadaiva vihitālyā || caturviṃśatikoṭībhirdevībhiḥ parirakṣitā

56.28

tato dīrghaṃ tapastaptvā mayānītātra toṣitā || aparasmiṃstato dvāre sthā
pitā parameśvarī

56.29

pūrvasminnagaradvāre sthāpitā dvāravāsinī || navamī caitramāsasya kṛṣṇapakṣe bhavettu yā

56.30

kuṇḍe snānaṃ naraiḥ kṛtvā tāṃ
ca devīṃ prapūjayet || balibākulanaivedyairgandhadhūpādipūjanaiḥ

56.31

saptajanmakṛtaṃ pāpaṃ nāśamāyāti tatkṣaṇāt || yānyānprārthayate kāmāṃstāṃstānā
pnoti mānavaḥ

56.32

vandhyā ca labhate putraṃ snānamātreṇa tatra vai || navamyāṃ caitramāsasya puṣpadhūpārghyapūjayā

56.33

vighnāni nāśayeddevī sarvaṃ
siddhiṃ prayacchati || bhaktānāṃ tatkṣaṇādeva satyametanna saṃśayaḥ

56.34

uttaradvārakāṃ cāpi pūjyaivaṃ vidhivannaraḥ || etadeva phalaṃ sopi prāpnuyānmāna
vottamaḥ

56.35

pūrvadvāre tu vai devī yā sthitā dvāravāsinī || tasyāḥ pūjanamātreṇa prāpnuyādvāṃchitaṃ phalam

56.36

āśvine māsi saṃprāpte nava
rātre viśeṣataḥ || upoṣya navarātraṃ ca snātvā kuṇḍe samāhitaḥ

56.37

pūjayeddevatāṃ bhaktyā puṣpadhūpānnatarpaṇaiḥ || aputro labhate putrāṃnnirdhano labhate
dhanam

56.38

vandhyā prasūyate pārtha nātra kāryā vicāraṇā

56.38.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṇḍe koṭitīrthādimāhātmyavarṇanaṃnāma tripaṃcāśattamo'dhyāyaḥ

Linked texts (5)