Kaumarikakhanda 59
Kaumārīkākhaṇḍa 59
- Language
- Sanskrit
Contents
- 59.18 — 1 part
59.1
cha
nārada uvāca || || ataḥ paraṃ pravakṣyāmi brahmeśaṃ liṃgamuttamam || yasya smaraṇamātreṇa vājapeyaphalaṃ bhavet
59.2
ekadā tu purā pārtha sṛṣṭi
kāmena brahmaṇā || tapaḥ sucaritaṃ ghoraṃ sārdhavarṣasahasrakam
59.3
tapasā tena santuṣṭaḥ pārvatīpatiśaṃkaraḥ || varamasmai tataḥ prādāllokakartre svavāṃchi
tam
59.4
tato hṛṣṭaḥ pramuditaḥ kṛtakṛtyaḥ pitāmahaḥ || jñātvā kṣetrasya māhātmyaṃ svayaṃ liṃgaṃ cakāra ha
59.5
cakhāna ca saraḥ puṇyaṃ nāmnā brahmasaraḥ
śubham || mahīnagarakātpūrve mahāpātakanāśanam
59.6
asya tīre mahāliṃgaṃ sthāpayāmāsa vai vibhuḥ || tatra devaḥ svayaṃ sākṣādvriyate kila śaṃkaraḥ
59.7
puṣkarādadhikaṃ tīrthaṃ brahmeśāṃnāṃma phālguna || tatra snātvā naro bhaktyā piṇḍadānaṃ samācaret
59.8
dānaṃ caiva yathāśaktyā kārtikāṃ ca
viśeṣataḥ || devaṃ prapūjayedbhaktyā brahmeśaṃ hṛṣṭamānasaḥ
59.9
pitarastasya tuṣyaṃti yāvadābhūtasaṃplavam || puṣkareṣu ca yatpuṇyaṃ kurukṣetre ravigrahe
59.10
gaṃgādipuṇyatīrtheṣu yatphalaṃ prāpyate naraiḥ || tatphalaṃ samavāpnoti tīrthasyāsyāvagāhanāt
59.11
mokṣaliṃgasya māhātmyaṃ śṛṇu pārtha mahādbhutam
mayā sthānahitārthaṃ ca samārādhya maheśvaram
59.12
sthāpitaṃ pravaraṃ liṃgaṃ nāmnā mokṣeśvaraṃ haram || darbhāgreṇa tataḥ pārtha kūpaṃ khanitavānaham
59.13
prasādya lokakartāraṃ brahmāṇaṃ parameṣṭhinam || kamaṇḍalorbrahmaṇaśca samānītā sarasvatī
59.14
kūpe'sminmokṣanāthasya lokānāṃ pretamuktaye || kārti
kasya tu māsasya śuklapakṣe caturdaśī
59.15
kūpe snātvā narastasyāṃ tilapiṇḍaṃ samācaret || pretānuddiśya niyataṃ mokṣatīrthaphalaṃ bhavet
59.16
kule na jāyate tasya pretaḥ pārtha na saṃśayaḥ || pretā mokṣaṃ pragacchanti tīrthasyāsya prabhāvataḥ
59.17
jayādityakūpavare naraḥ snātvā prayatnataḥ
garbheśvaraṃ namaskṛtya na sa garbheṣu majjati
59.18
idaṃ mayā pārtha tava praṇītaṃ guptasya kṣetrasya samāsayogāt || māhātmyametatsukalaṃ śṛṇoti yaḥ syāddhi
śuddhaḥ kimu vacmi bhūyaḥ
59.18.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe brahmośvaramokṣeśvara garbheśvaramāhātmyavarṇanaṃnāma ṣaṭpaṃcāśattamo'dhyāyaḥ
Linked texts (5)
- Māheśvarakhaṇḍa — Sanskrit
- Skandamahāpurāṇa (vulgate) — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit