[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 5 # Kaumarikakhanda 5 Kaumārīkākhaṇḍa 5 - **Language:** Sanskrit ## Contents - [5.138](https://indike.org/pramana/in.purana.kaumarikakhanda.5.138) — 1 part ### [5.1](https://indike.org/pramana/in.purana.kaumarikakhanda.5.1) cha || || nārada uvāca || || tato'haṃ dharmavarmāṇaṃ procya tiṣṭhe ddhanaṃ tvayi || kṛtyakāle grahīṣyāmītyāgamaṃ raivataṃ girim ### [5.2](https://indike.org/pramana/in.purana.kaumarikakhanda.5.2) āsaṃ pramuditaścāhaṃ paśyaṃstaṃ girisattamam || āhvayānaṃ narāntādhūnbhūmerbhujami vocchritam ### [5.3](https://indike.org/pramana/in.purana.kaumarikakhanda.5.3) yasminnānāvidhā vṛkṣāḥ prakāśaṃte samaṃtataḥ || sādhuṃ gṛhapatiṃ prāpya putrabhāryādayo yathā ### [5.4](https://indike.org/pramana/in.purana.kaumarikakhanda.5.4) muditā yatra saṃtṛptā vāśaṃte koki lādayaḥ || sadgurorjñānasaṃpannā yathā śiṣyagaṇā bhuvi ### [5.5](https://indike.org/pramana/in.purana.kaumarikakhanda.5.5) yatra taptvā tapo martyā yathepsitamavāpnuyuḥ || śrīmahādevamāsādya bhakto yadvanmanoratham ### [5.6](https://indike.org/pramana/in.purana.kaumarikakhanda.5.6) tasyāhaṃ ca gireḥ pārtha samāsādya mahāśilām || śītasaurabhyamaṃdena prīṇito'ciṃtayaṃ hṛdi ### [5.7](https://indike.org/pramana/in.purana.kaumarikakhanda.5.7) tāvanmannā sthānamātraṃ yadatīva sudurla bham || idānīṃ brāhmaṇārye'haṃ kurve tāvadupakramam ### [5.8](https://indike.org/pramana/in.purana.kaumarikakhanda.5.8) brāhmaṇāśca vilokya me ye hi pātratamā matāḥ || tathā hi cātra śrūyaṃte vacāṃsi śrutivādi nām ### [5.9](https://indike.org/pramana/in.purana.kaumarikakhanda.5.9) na jalottaraṇe śaktā yadvannauḥ karṇavarjitā || tadvacchreṣṭho'pyanācāro vipro noddharaṇakṣamaḥ ### [5.10](https://indike.org/pramana/in.purana.kaumarikakhanda.5.10) brāhmaṇo hyanadhīyāna stṛṇāgniriva śāmyati || tasmai havyaṃ na dātavyaṃ na hi bhasmani hūyate ### [5.11](https://indike.org/pramana/in.purana.kaumarikakhanda.5.11) dānapātramatikramya yadapātre pradīyate || taddattaṃ gāmatikramya gardabhasya gavāhikam ### [5.12](https://indike.org/pramana/in.purana.kaumarikakhanda.5.12) ūṣare vāpitaṃ bījaṃ bhinnabhāṃḍe ca goduham || bhasmanīva hutaṃ havyaṃ mūrkhe dānamaśā śvatam ### [5.13](https://indike.org/pramana/in.purana.kaumarikakhanda.5.13) vidhihīne tathā 'pātre yo dadāti pratigraham || na kevalaṃ hi tadyāti śeṣaṃ puṇyaṃ praṇaśyati ### [5.14](https://indike.org/pramana/in.purana.kaumarikakhanda.5.14) bhūratnā gau stathā bhogāḥ suvarṇaṃ dehameva ca || aśvaśvaśrustathā vāso ghṛtaṃ tejastilāḥ prajāḥ ### [5.15](https://indike.org/pramana/in.purana.kaumarikakhanda.5.15) ghraṃti tasmādavidvāṃstu bibhiyācca pratigrahāt || svalpa kenāpyavidvāṃstu paṃke gauriva sīdati ### [5.16](https://indike.org/pramana/in.purana.kaumarikakhanda.5.16) tasmādye gūḍhatapaso gūḍhasvādhyāyasādhakāḥ || svadāraniratāḥ śāṃtāsteṣu dattaṃ sadā'kṣayam ### [5.17](https://indike.org/pramana/in.purana.kaumarikakhanda.5.17) deśe kāla upāyena dravyaṃ śraddhāsamanvitam || pātre pradīyate yattatsakalaṃ dharmalakṣaṇam ### [5.18](https://indike.org/pramana/in.purana.kaumarikakhanda.5.18) na vidyayā kevalayā tapasā vāpi pātratā || yatra vṛttamime cobhe taddhi pātraṃ pracakṣate ### [5.19](https://indike.org/pramana/in.purana.kaumarikakhanda.5.19) teṣāṃ trayāṇāṃ madhye ca vidyā mukhyo mahāguṇaḥ || vidyāṃ vināṃdhavadviprāścakṣuṣmaṃto hi te matāḥ ### [5.20](https://indike.org/pramana/in.purana.kaumarikakhanda.5.20) tasmāccakṣuṣmato vidvāndeśe deśe parīkṣayet || praśnānye mama vakṣyaṃti tebhyo dāsyāmyahaṃ tataḥ ### [5.21](https://indike.org/pramana/in.purana.kaumarikakhanda.5.21) iti saṃciṃtya manasā tasmāddeśātsamutthitaḥ āśrameṣu maharṣīṇāṃ vicarāmyasmiṃ phālguna ### [5.22](https://indike.org/pramana/in.purana.kaumarikakhanda.5.22) imāñchlokāngāyamānaḥ praśnarūpāñchṛṇuṣva tān || mātṛkāṃ ko vijānāti katidhā kīdṛśā kṣaram ### [5.23](https://indike.org/pramana/in.purana.kaumarikakhanda.5.23) paṃcaipaṃcādbhutaṃ gehaṃ ko vijānāti vā dvijaḥ || bahu̍rūpāṃ striyaṃ kartumekarūpāṃ ca vetti kaḥ ### [5.24](https://indike.org/pramana/in.purana.kaumarikakhanda.5.24) ko vā citrakathābaṃdhaṃ vetti saṃsāra gocaraḥ || ko vaurṇavamahāyrāṃhaṃ vetti vidyāparāyaṇaḥ ### [5.25](https://indike.org/pramana/in.purana.kaumarikakhanda.5.25) ko vāṣṭavidhaṃ brāhmaṇyaṃ vetti brāhmaṇasattamaḥ || yugāṃnāṃ ca caturṇāṃ vā ko mūladivasā nvadet ### [5.26](https://indike.org/pramana/in.purana.kaumarikakhanda.5.26) rcaturdaśamanūnāṃ vā mūlavāsaraṃ vetti kaḥ || kasmiṃścaiva̱ dine prāpa pūrvaṃ vā bhāskaro ratham ### [5.27](https://indike.org/pramana/in.purana.kaumarikakhanda.5.27) udvejayati bhūtāni kṛṣṇāhiriva vetti kaḥ || ko vāsminghorasaṃsāre dakṣadakṣatamo bhavet ### [5.28](https://indike.org/pramana/in.purana.kaumarikakhanda.5.28) paṃthānāvapi dvau kaścidvetti vakti ca brāhmaṇaḥ || iti me dvādaśa praśnānye vidurbrāhmaṇo ttamāḥ ### [5.29](https://indike.org/pramana/in.purana.kaumarikakhanda.5.29) te me pūjyatamāsteṣāmahamārādhakaściram || ityahaṃ gāyamāno vai bhramitaḥ sakalāṃ mahīm ### [5.30](https://indike.org/pramana/in.purana.kaumarikakhanda.5.30) te cāhurduḥkhadāḥ khyātāḥ praśnāste kurmahe namaḥ || ityahaṃ sakalāṃ pṛthvavīṃ viciṃtyālabdhabrāhmaṇaḥ ### [5.31](https://indike.org/pramana/in.purana.kaumarikakhanda.5.31) himādriśikharāsīno bhūyaściṃtāmavāptavān || sarve vilokitā viprāḥ kimataḥ kartumutsahe ### [5.32](https://indike.org/pramana/in.purana.kaumarikakhanda.5.32) tato me ciṃtayānasya punarjātā matistviyam || adyāpi na gataścāhaṃ kalāpagrāmamuttamam ### [5.33](https://indike.org/pramana/in.purana.kaumarikakhanda.5.33) yasminviprāḥ saṃvasaṃti mūrtīnīva tapāṃsi ca || caturāśītisāhasrāḥ śrutādhyayanaśālinaḥ ### [5.34](https://indike.org/pramana/in.purana.kaumarikakhanda.5.34) sthāne tasmingamiṣyāmītyuktvāhaṃ calitastadā || khecaro himamākramya paraṃ pāraṃ gata stataḥ ### [5.35](https://indike.org/pramana/in.purana.kaumarikakhanda.5.35) adrākṣaṃ puṇyabhūmisthaṃ grāmaratnamahaṃ mahat || śatayojanavistīrṇaṃ nānāvṛkṣasamākulam ### [5.36](https://indike.org/pramana/in.purana.kaumarikakhanda.5.36) yatra puṇyavatāṃ saṃti śataśaḥ pravarāśramāḥ sarveṣāmapi jīvānāṃ yaṃtrānyonyaṃ na duṣṭatā ### [5.37](https://indike.org/pramana/in.purana.kaumarikakhanda.5.37) yajñabhājāṃ munīnāṃ yadupakārakaṃ sadā || satāṃ dharmavatāṃ yadvadupakāro na śāmyati ### [5.38](https://indike.org/pramana/in.purana.kaumarikakhanda.5.38) munīnāṃ yatra paramaṃ sthānaṃ cāpyavināśakṛt || svāhāsvadhāvaṣaṭkārahantakāro na naśyati ### [5.39](https://indike.org/pramana/in.purana.kaumarikakhanda.5.39) yatra kṛtayugasyārthaṃ bījaṃ pārthaviśiṣyate || sūrya sya somavaṃśasya brāhmaṇānāṃ tathaiva ca ### [5.40](https://indike.org/pramana/in.purana.kaumarikakhanda.5.40) sthānakaṃ tatsamāsādya praviṣṭo'haṃ dvijāśramān || tatra te vividhānvādānvivadaṃte dvijottamāḥ ### [5.41](https://indike.org/pramana/in.purana.kaumarikakhanda.5.41) parasparaṃ ciṃtaṃyānā vedā mūrtidharā yathā || tatra medhāvinaḥ kecidarthamanyaiḥ prapūritam ### [5.42](https://indike.org/pramana/in.purana.kaumarikakhanda.5.42) vicikṣipurmahātmāno nabhogatamivāmiṣam || tatrā haṃ karamudyamya prāvocaṃ pūryatāṃ dvijāḥ ### [5.43](https://indike.org/pramana/in.purana.kaumarikakhanda.5.43) kākāravaiḥ kimetairvo yadyasti jñānaśālitā || vyākurudhvaṃ tataḥ praśnānmama durviṣahānbahūn ### [5.44](https://indike.org/pramana/in.purana.kaumarikakhanda.5.44) brāhmaṇā ūcuḥ || || vada brāhmaṇa praśnāṃsvāñchrutvā''dhāsyāmahe vayam || paramo hyeṣa no lābhaḥ praśnānpṛcchati yadbhavān ### [5.45](https://indike.org/pramana/in.purana.kaumarikakhanda.5.45) ahaṃ pūrvvikayā te vai nyaṣedhaṃta parasparam || ahaṃ pūrvvamahaṃ pūrvvamiti vīrā yathā raṇe ### [5.46](https://indike.org/pramana/in.purana.kaumarikakhanda.5.46) tatastānabravaṃ praśnānahaṃ dvādaśa pūrvvakān || śrutvā te māmavo caṃta līlāyaṃto munīśvarāḥ ### [5.47](https://indike.org/pramana/in.purana.kaumarikakhanda.5.47) kiṃ te dvija bālapraśneairamībhiḥ svalpakairapi || asmākaṃ yannihīnaṃ tvaṃ manyase sa bravītvamūnū ### [5.48](https://indike.org/pramana/in.purana.kaumarikakhanda.5.48) tatoti vismitaścāhaṃ manyamānaḥ kṛtārthatām || teṣāṃ nihīnaṃ saṃciṃtya prāvocaṃ prabravītvayam ### [5.49](https://indike.org/pramana/in.purana.kaumarikakhanda.5.49) tataḥ sutanunāmā sa bālo'bālo'bhyuvāca mām mama maṃdāyate vāṇī praśnaiḥ svalpaistava dvija || tathāpi vacmi māṃ yasmānnihīnaṃ manyate bhavān ### [5.50](https://indike.org/pramana/in.purana.kaumarikakhanda.5.50) sutanuruvāca || || akṣarāstu dvipaṃ cāśanmātṛkāyāḥ prakīrttitāḥ ### [5.51](https://indike.org/pramana/in.purana.kaumarikakhanda.5.51) oṃkāraḥ prathamastatra caturdaśa svarāstathā || sparśāścaiva trayastriṃśadanusvārastathaiva ca ### [5.52](https://indike.org/pramana/in.purana.kaumarikakhanda.5.52) visarjanīyaśca paro jihvāmūlīya eva ca || upadhmānīya evāpi dvipaṃcāśadamī smṛtāḥ ### [5.53](https://indike.org/pramana/in.purana.kaumarikakhanda.5.53) iti te kathitā saṃkhyā artha caiṣāṃ śṛṇu dvija || asminnarthe ceti hāsaṃ tava vakṣyāmi yaḥ purā ### [5.54](https://indike.org/pramana/in.purana.kaumarikakhanda.5.54) mithilāyāṃ pravṛtto'bhūdbrāhmaṇasya niveśane || mithilāyāṃ purā puryāṃ brāhmaṇaḥ kauthumābhidhaḥ ### [5.55](https://indike.org/pramana/in.purana.kaumarikakhanda.5.55) yena vidyāḥ prapāṭhitā vartate bhuvi yā dvija || ekatriśatsahasrāṇi varṣāṇāṃ saṃ kṛtodaraḥ ### [5.56](https://indike.org/pramana/in.purana.kaumarikakhanda.5.56) kṣaṇamapyanavacchinnaṃ paṭhitvā gehavānabhūt || tataḥ kenāpi kālena kauthumasyābhavatsutaḥ ### [5.57](https://indike.org/pramana/in.purana.kaumarikakhanda.5.57) jaḍavadvarttamānaḥ sa mātṛkāṃ pratyapadyata || paṭhitvā mātṛkāmanyannādhyeti sa kathaṃcana ### [5.58](https://indike.org/pramana/in.purana.kaumarikakhanda.5.58) tataḥ pitā khinnarūpī jaḍaṃ taṃ samabhāṣata || adhīṣva putrakādhīṣva tava dāsyāmi modakān ### [5.59](https://indike.org/pramana/in.purana.kaumarikakhanda.5.59) athānyasmai pradāsyāmi karṇāvutpāṭayāmi te ### [5.60](https://indike.org/pramana/in.purana.kaumarikakhanda.5.60) putra uvāca || || tāta kiṃ modakārthāya paṭhyate lobhahetave || paṭhanaṃnāma yatpuṃsāṃ paramārtha hi tatsmṛtam ### [5.61](https://indike.org/pramana/in.purana.kaumarikakhanda.5.61) kauthuma uvāca || || evaṃ te vadamānasaya āyurbhavatu brahmaṇaḥ || sādhvī buddhiriyaṃ te'stu kuto nādhyeṣyataḥ param ### [5.62](https://indike.org/pramana/in.purana.kaumarikakhanda.5.62) putra uvāca || || tāta sarvaṃ parijñeyaṃ jñātamatraiva vai yataḥ ||tataḥ paraṃ kaṃṭhaśoṣaḥ kimarthaṃ kriyate vada ### [5.63](https://indike.org/pramana/in.purana.kaumarikakhanda.5.63) pitovāca || || vicitraṃ bhāṣase bāla jñāto'trārthaśca kastvayā || brūhi brūhi puna rvatsa śrotumicchāmi te giram ### [5.64](https://indike.org/pramana/in.purana.kaumarikakhanda.5.64) putra uvāca || || ekatriśatsahasrāṇi paṭhitvāpi tvayā pitaḥ || nānātarkāṃnbhrāṃtireva saṃdhritā manasi svake ### [5.65](https://indike.org/pramana/in.purana.kaumarikakhanda.5.65) ayamayaṃ cāyamiti dharmo yo darśanoditaḥ || teṣu vātāyate cetastava tannāśayāmi te ### [5.66](https://indike.org/pramana/in.purana.kaumarikakhanda.5.66) upadeśaṃ paṭhasyeva naivārthajño'si tattvataḥ || pāṭhamātrā hi ye viprā dvipadāḥ paśavo hi te ### [5.67](https://indike.org/pramana/in.purana.kaumarikakhanda.5.67) tatte bravīmi tadvākyaṃ mohamātaṃḍamadbhutam ### [5.68](https://indike.org/pramana/in.purana.kaumarikakhanda.5.68) akāraḥ kathito brahmā ukāro viṣṇurucyate || makāraśca smṛto rudrastrayaścaite guṇāḥ smṛtāḥ ### [5.69](https://indike.org/pramana/in.purana.kaumarikakhanda.5.69) ardhamātrā ca yā mūrdhni paramaḥ sa sadāśivaḥ || evamoṃkāramāhātmyaṃ śrutireṣā sanātanī ### [5.70](https://indike.org/pramana/in.purana.kaumarikakhanda.5.70) oṃkārasya ca māhātmyaṃ yāthātmyena na śaṃkyate || varṇānāmayutenāpi graṃthakoṭibhireva vā ### [5.71](https://indike.org/pramana/in.purana.kaumarikakhanda.5.71) punaryatsāresarvasvaṃ proktaṃ tacchrūyatāṃ param || aḥkārāṃtā akārādyā manavaste caturdaśa ### [5.72](https://indike.org/pramana/in.purana.kaumarikakhanda.5.72) svāyaṃbhuvaśca svārociṣauttamo raivatastathā || tāmasaścākṣuṣaḥ ṣaṣṭhastathā vaivasvato'dhunā ### [5.72-2](https://indike.org/pramana/in.purana.kaumarikakhanda.5.72-2) sāvarṇirubrahmasāvarṇī rudrasāvarṇireva ca || dakṣasāvarṇirevāpi dharmasāvarṇireva ca ### [5.74](https://indike.org/pramana/in.purana.kaumarikakhanda.5.74) raucyo bhautyastathā cāpi manavo'mī caturdaśa || śvetaḥ pāṃḍustathā raktastāmraḥ pītaśca kāpilaḥ ### [5.75](https://indike.org/pramana/in.purana.kaumarikakhanda.5.75) kṛṣṇaḥ śyāmastathā dhūmraḥ supiśaṃgaḥ piśaṃgakaḥ || trivarṇaḥ śabalo varṇaiḥ karkaṃdhura iti kramāt ### [5.76](https://indike.org/pramana/in.purana.kaumarikakhanda.5.76) vaivasvataḥ kṣakāraśca tāta kṛṣṇaḥ pradṛśyate || kakārādyā hakārāṃtāstrayastriṃśacca devatāḥ ### [5.77](https://indike.org/pramana/in.purana.kaumarikakhanda.5.77) kakārādyāṣṭhakārāṃtā ādityā dvādaśa smṛtāḥ || dhātā mitro'ryamā śakro varuṇaścāṃśuśceva ca ### [5.78](https://indike.org/pramana/in.purana.kaumarikakhanda.5.78) bhago vivasvānpūṣā ca savitā daśamastathā || ekādaśastathā tvaṣṭā viṣṇurdvādaśa ucyate ### [5.79](https://indike.org/pramana/in.purana.kaumarikakhanda.5.79) jaghanyajaḥ sa sarveṣāmādityānāṃ guṇādhikaḥ || ḍakārādyā bakārāṃtā rudrāścaikādaśaiva tu ### [5.80](https://indike.org/pramana/in.purana.kaumarikakhanda.5.80) kapālī piṃgalo bhīmo virūpākṣo vilohitaḥ ajakaḥ śāsanaḥ śāstā śaṃbhuścaṇḍo bhavastathā ### [5.81](https://indike.org/pramana/in.purana.kaumarikakhanda.5.81) bhakārādyāḥ ṣakārāṃtā aṣṭau hi vasavo matāḥ || dhruvo ghoraśca somaśca āpaścaiva nalo' nilaḥ ### [5.82](https://indike.org/pramana/in.purana.kaumarikakhanda.5.82) pratyūṣaśca prabhāsaśca aṣṭau te vasavaḥ smṛtāḥ || sau haścetyaśvinau khyātau trayastriṃśadime smṛtāḥ ### [5.83](https://indike.org/pramana/in.purana.kaumarikakhanda.5.83) anusvāro visargaśca jihvā mūlīya eva ca || upadhmānīya ityete jarāyujāstathāṃḍajāḥ ### [5.84](https://indike.org/pramana/in.purana.kaumarikakhanda.5.84) svedajāścodbhrijāśceti tam̐ta jīvāḥ prakīrtitāḥ|| bhāvārthaḥ kathitaścāyaṃ tattvārtha śṛṇu sāṃpratam ### [5.85](https://indike.org/pramana/in.purana.kaumarikakhanda.5.85) ye pumāṃsastvamṛndevānsamāśritya kriyāparāḥ || ardhamātrātmake nitye pade līnāsta eva hi ### [5.86](https://indike.org/pramana/in.purana.kaumarikakhanda.5.86) caturṇāṃ jīvayonīnāṃ tadaiva parimucyate || yadābhūnmanasā vācā karmaṇā ca yajetsurān ### [5.87](https://indike.org/pramana/in.purana.kaumarikakhanda.5.87) yasmiñchāstre tvamī devā mānitā naiva pāpibhiḥ || tacchāstraṃ hi na maṃtavyaṃ yadi brahmā svayaṃ vadet ### [5.88](https://indike.org/pramana/in.purana.kaumarikakhanda.5.88) amī ca devāḥ sarvatra śraute mārge pratiṣṭhitāḥ || pāṣaṇḍaśāstre sarvatra niṣiddhāḥ pāpakarmabhiḥ ### [5.89](https://indike.org/pramana/in.purana.kaumarikakhanda.5.89) tadamū nye vyatikramya tapo dānamatho japam || prakurvaṃti durātmāno vepam̐te marutaḥ pathi ### [5.90](https://indike.org/pramana/in.purana.kaumarikakhanda.5.90) aho mohasya māhātmyaṃ paśyatāvijitātmanām || paṭhaṃti mātṛkāṃ pāpā manyaṃte na surāniha ### [5.91](https://indike.org/pramana/in.purana.kaumarikakhanda.5.91) sutaturuvāca || || iti tasya vacaḥ śrutvā pitābūdtivismitaḥ || papraccha ca bahūnpraśnānsopya vā़dīttathātathā ### [5.92](https://indike.org/pramana/in.purana.kaumarikakhanda.5.92) mayāpi tava prokto'yaṃ mātṛkāpraśna uttamaḥ || dvitīyaṃ śṛṇu taṃ praśnaṃ paṃcapaṃcādbhutaṃ gṛham ### [5.93](https://indike.org/pramana/in.purana.kaumarikakhanda.5.93) paṃcabhūtāni pañcaiva karma jñāneṃdriyāṇi ca || paṃca paṃcāpi viṣayā manobuddhyahameva ca ### [5.94](https://indike.org/pramana/in.purana.kaumarikakhanda.5.94) prakṛtiḥ puruṣaścaiva pañcaviṃśaḥ sadāśivaḥ || pañcapañcabhiraitaistu niṣpannaṃ gṛhamu cyate ### [5.95](https://indike.org/pramana/in.purana.kaumarikakhanda.5.95) dehametadidaṃ veda tattvato yātyasau śivam || bahurūpaṃ striyaṃ prāhurbuddhiṃ vedāṃtavādinaḥ ### [5.96](https://indike.org/pramana/in.purana.kaumarikakhanda.5.96) sā hi nānārthabhajanānnānārūpaṃ prapa dyate || dharmasyaikasya saṃyogādbahudhāpyekikaiva sā ### [5.97](https://indike.org/pramana/in.purana.kaumarikakhanda.5.97) iti yo veda tattvārthaṃ nāsau narakamāpnuyāt || (5) munirbhiyañca na proktaṃ yanna manyeta daiva tān ### [5.98](https://indike.org/pramana/in.purana.kaumarikakhanda.5.98) vacanaṃ tadbudhāḥ prāhurbaṃdhaṃ citrakathaṃ tviti || yacca kāmānvitaṃ vākyaṃ, paṃcamaṃ vāpyataḥ śṛṇu ### [5.99](https://indike.org/pramana/in.purana.kaumarikakhanda.5.99) eko lobho mahāgrāho lobhā tpāpaṃ pravartate || lobhātkrodhaḥ prabhavati lobhātkāmaḥ pravarttate ### [5.100](https://indike.org/pramana/in.purana.kaumarikakhanda.5.100) lobhānmohaśca māyā ca mānaḥ stambhaḥ parepsutā || avidyā'prajñatā caiva sarvaṃ lobhātpravartate ### [5.101](https://indike.org/pramana/in.purana.kaumarikakhanda.5.101) haraṇaṃ paravittānāṃ paradārābhimarśanam || sāhasānāṃ ca sarveṣāmakāryāṇāṃ kriyāstathā ### [5.102](https://indike.org/pramana/in.purana.kaumarikakhanda.5.102) sa lobhaḥ saha mohena vijetavyo jitātmanā || dambho drohaśca niṃdā ca paiśunyaṃ matsarastathā ### [5.103](https://indike.org/pramana/in.purana.kaumarikakhanda.5.103) bhavantyetāni sarvāṇi lubdhānāmakṛtātmanām || sumahām̐ tyapi śāstrāṇi dhārayaṃti bahuśrutāḥ ### [5.104](https://indike.org/pramana/in.purana.kaumarikakhanda.5.104) chettāraḥ saṃśayānāṃ ca lobhagrastā vrajaṃtyadhaḥ || lobhakrodhaprasaktāśca śiṣṭācārabahiṣkṛtāḥ ### [5.105](https://indike.org/pramana/in.purana.kaumarikakhanda.5.105) antaḥkṣurā vāṅ‌madhurāḥ kūpāśchannāstṛṇairiva || kurvate ye bahūnmārgāṃstāṃstānhetubalānvitāḥ ### [5.106](https://indike.org/pramana/in.purana.kaumarikakhanda.5.106) sarvamārgaṃ visuṃpaṃti lobhājjātiṣu niṣṭhurāḥ dharmāvataṃsakāḥ kṣudrā muṣṇaṃti dhvajino jagat ### [5.107](https://indike.org/pramana/in.purana.kaumarikakhanda.5.107) ete'tipāpino jñeyā nityaṃ lobhasamanvitāḥ || janako yuvanāśvaśca vṛṣādarbhiḥ prasenajit ### [5.108](https://indike.org/pramana/in.purana.kaumarikakhanda.5.108) lobhakṣayāddivaṃ prāptāstathaivānye janādhipāḥ || tasmāttyajaṃti ye lobhaṃ te'tikrāmaṃti sāgaram ### [5.109](https://indike.org/pramana/in.purana.kaumarikakhanda.5.109) saṃsārārakhyamato'nye ye grāha grastā na saṃśayaḥ || atha brāhmaṇabhedāṃstvamaṣṭau viprrāvadhāraya ### [5.110](https://indike.org/pramana/in.purana.kaumarikakhanda.5.110) mātraśca brāhmaṇaścaiva śrotriyaśca tataḥ param || anūcānastathā bhrūṇa ṛṣikalpa ṛṣirmuniḥ ### [5.111](https://indike.org/pramana/in.purana.kaumarikakhanda.5.111) ete hyaṣṭau samuddiṣṭā brāhmaṇāḥ prathamaṃ śrutau || teṣāṃ paraḥ paraḥ śreṣṭho vidyāvṛttaviśeṣataḥ ### [5.112](https://indike.org/pramana/in.purana.kaumarikakhanda.5.112) brāhmaṇānāṃ kule jāto jātimātro yadā bhavet || anupetaḥ kriyāhīno mātra ityabhidhīyate ### [5.113](https://indike.org/pramana/in.purana.kaumarikakhanda.5.113) ekoddeśyamatikramya vedasyācāravānṛjuḥ || sa brāhmaṇa iti prokto nibhṛtaḥ satyavāgghṛṇī ### [5.114](https://indike.org/pramana/in.purana.kaumarikakhanda.5.114) ekāṃ śākhāṃ sakalpāṃ ca ṣaḍbhiraṃgairadhītya ca || ṣaṭkarmanirato vipraḥ śrotriyonāma dharmavit ### [5.115](https://indike.org/pramana/in.purana.kaumarikakhanda.5.115) vedavedāṃgata ttvajñaḥ śuddhātmā pāpavarjitaḥ || śreṣṭhaḥ śrotriyaivānprājñaḥ so'nūcāna iti smṛtaḥ ### [5.116](https://indike.org/pramana/in.purana.kaumarikakhanda.5.116) anūcānaguṇopeto yajñasvādhyāyayaṃtritaḥ || bhrūṇa ityucyate śiṣṭaiḥ śeṣabhojī jiteṃdriyaḥ ### [5.117](https://indike.org/pramana/in.purana.kaumarikakhanda.5.117) vaidikaṃ laukikaṃ caiva sarvajñānamavāpya yaḥ || āśramastho vaśī nityamṛṣikalpa iti smṛtaḥ ### [5.118](https://indike.org/pramana/in.purana.kaumarikakhanda.5.118) ūrdhvaretā bhavatyagryo niyatāśī nasaṃśayī || śāpānugrahayoḥ śaktaḥ satyasaṃdho bhavedṛṣiḥ ### [5.119](https://indike.org/pramana/in.purana.kaumarikakhanda.5.119) nivṛttaḥ sarvatattvajñaḥ kāmakrodhavivarjitaḥ || dhyānastho niṣkriyo dāṃtastulyamṛtkāṃcano muniḥ ### [5.120](https://indike.org/pramana/in.purana.kaumarikakhanda.5.120) evamanvayavidyābhyāṃ vṛttena ca samucchritāḥ || triśuklānāṃ viprendrāḥ pūjyante savanādiṣu ### [5.121](https://indike.org/pramana/in.purana.kaumarikakhanda.5.121) ityevaṃvidhavipratvamuktaṃ śṛṇu yugāṃdayaḥ || navamī kārtike śuklā kṛtādiḥ parikīrtitā ### [5.122](https://indike.org/pramana/in.purana.kaumarikakhanda.5.122) vaiśākhasya tṛtīyā yā śuklā tretādirucyate māghe pañcadaśīnāma dvāparādiḥ smṛtā budhaiḥ ### [5.123](https://indike.org/pramana/in.purana.kaumarikakhanda.5.123) trayodaśī nabhasye ca kṛṣṇā sā hi kaleḥ smṛtā || yugādayaḥ smṛtā hyetā dattasyākṣayakā rakāḥ ### [5.124](https://indike.org/pramana/in.purana.kaumarikakhanda.5.124) etāścatasrastithayo yugādyā dattaṃ hutaṃ cākṣayamāśu vidyāt || yugeyuge varṣaśatena dānaṃ yugādikāle divasena tatphalam ### [5.125](https://indike.org/pramana/in.purana.kaumarikakhanda.5.125) yugādyāḥ kathitā hyetā manvādyāḥ śṛṇu sāṃpratam || am̐śvayuktachuklanavamī dvādaśī kārtike tathā ### [5.126](https://indike.org/pramana/in.purana.kaumarikakhanda.5.126) tṛtīyā caitramāsasya tathā bhādrapadasya ca phālgunasya tvamāvāsyā pauṣasyaikādaśī tathā ### [5.127](https://indike.org/pramana/in.purana.kaumarikakhanda.5.127) āṣāḍhasyāpi daśamī māghamāsasya saptamī || śrāvaṇasyāṣṭamī kṛṣṇā tathāṣāḍhī ca pūrṇimā ### [5.128](https://indike.org/pramana/in.purana.kaumarikakhanda.5.128) kārtikī phālgunī caitrī jyeṣṭhe pañcadaśī sitā || manvaṃtarādayaścaitā dattasyākṣayakārakāḥ ### [5.129](https://indike.org/pramana/in.purana.kaumarikakhanda.5.129) yasyāṃ tithau rathaṃ pūrvaṃ prāpa devo divākaraḥ || sā tithiḥ kathitā viprairmāghe yā rathasaptamī ### [5.130](https://indike.org/pramana/in.purana.kaumarikakhanda.5.130) tasyāṃ dattaṃ hutaṃ ceṣṭaṃ sarvamevākṣayaṃ matam || sarvadāridryaśamanaṃ bhāskaraprī taye matam ### [5.131](https://indike.org/pramana/in.purana.kaumarikakhanda.5.131) nityodvejakamāhuryaṃ budhāstaṃ śṛṇu tattvataḥ || yaśca yācaniko nityaṃ na sa svargasya bhājanam ### [5.132](https://indike.org/pramana/in.purana.kaumarikakhanda.5.132) udvejayati bhūtāni yathā caurāstathaiva saḥ || narakaṃ yāti pāpātmā nityodvegakarastvasau ### [5.133](https://indike.org/pramana/in.purana.kaumarikakhanda.5.133) ihopapattimarma kena karmaṇā kva ca prayātavyamito mayeti || vicārya caivaṃ pratikārakārī budhaiḥ sa cokto dvija dakṣakṣaḥ ### [5.134](https://indike.org/pramana/in.purana.kaumarikakhanda.5.134) māsairaṣṭabhirahnā ca pūrveṇa vayasāyuṣā || tatkarma puruṣaḥ kuryādyenāṃte sukhamedhate ### [5.136](https://indike.org/pramana/in.purana.kaumarikakhanda.5.136) arcirdhūmaśca mārgau dvāvāhurvedāṃtavādinaḥ ||arciṣā yāti mokṣaṃ ca dhūmenāvartate punaḥ||135||yajñairāsādyate dhūmo naiṣkarmyeṇārcirāpyate|| etayoraparo mārgaḥ pākhaṃḍa iti kīrtyate ### [5.138](https://indike.org/pramana/in.purana.kaumarikakhanda.5.138) yo devānmanyate naiva dharmāṃśca manusūcitān||naitau sa yāti paṃthānau tattvārtho'yaṃ nirūpitaḥ||137||iti te kīrtitāḥ praśnāḥ śaktyā brāhmaṇasattama || sādhu vā'sādhu vā brūhi khyāpadyātmānameva ca ### [5.138.p1](https://indike.org/pramana/in.purana.kaumarikakhanda.5.138.p1) iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kalāpagrāmavāsisutunubrāhmaṇena nāradapraśnottarakathanaṃnāma paṃcamo'dhyāyaḥ ## Linked texts (10) - [Skandamahāpurāṇa (vulgate)](https://indike.org/pramana/in.purana.skanda*vulgate.1.4.3.1) — Sanskrit - [Critical edition (BORI)](https://indike.org/pramana/in.lit.mahabharata.vyasa*crit.12.152.5) — Sanskrit - [Māheśvarakhaṇḍa](https://indike.org/pramana/in.purana.mahesvarakhanda.5.1) — Sanskrit - [Kumārikākhaṇḍa](https://indike.org/pramana/in.purana.sthala.kumarikakhanda.5.1) — Sanskrit - [Kaumārakhaṇḍa](https://indike.org/pramana/in.purana.kaumarakhanda.5.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.44.1) — Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.1.p50) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.1.p50) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.1.p45) — Hemādri, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.7.p155) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.kaumarikakhanda.5](https://indike.org/pramana/in.purana.kaumarikakhanda.5) · Pramāṇa