Kaumarikakhanda 65

Kaumārīkākhaṇḍa 65

Language: Sanskrit

65.62 — 1 part

65.1

cha || || śaunaka
uvāca || || sūta śrutā purāsmābhirutpattirgaṇapasya ca || kṣetranāthaḥ kathaṃ jajñe vadaitacchṛṇvatāṃ hi naḥ

65.2

sūta uvāca || || yadā dāru
kadaityena pīḍadyamānā divaukasaḥ || śivaṃ devyā sahāsīnaṃ praṇipatyedamabruvan

65.3

deva daityena ghoreṇa durjayena surāsuraiḥ || pīḍitā dārukeṇa smaḥ
svasthānāccāpi cyāvitāḥ

65.4

na viṣṇunā na caṃdreṇa na cānyenāpi kenacit || śakyo haṃtuṃ sa duṣṭātmā ardhanārīśvaraṃ vinā

65.5

tena saṃpīḍyamānānāmasmākaṃ śaraṇaṃ bhava || ityuktvā rurudurdevāstrāhītyāhīti cābruvan

65.6

tato'tikṛpayāviṣṭaharakaṃṭhasya̍ kālimām || gṛhītvā pārvatī
cakre nārīmekāṃ mahābhayām

65.7

ātmaśaktiṃ tatra muktvā provācedaṃ vacaḥ śubhā || yasmādatīva kālāsi nāmnā tvaṃ kālikā bhava

65.8

devāriṃ
ca durātmānaṃ śīghraṃ nāśaya śobhane || evamuktā mahārāvā kālikā prāpya taṃ tadā

65.9

raveṇaiva mṛtaṃ cakre sānugaṃ sphuṭitahṛdam || tatovantī
śmaśānasthā mahārāvānamuṃcata

65.10

yairāsanvikalau lokāstrayo'pi pramṛtā yathā || tato rudro bālarūpaṃ kṛtvā viśvakṛte vibhuḥ

65.11

rudaṃsta
syāḥ samīpe cāpyāgataḥ pretasadmani || rudaṃtaṃ ca tato bālaṃ kṛtvotsaṃge kṛpānvitā

65.12

kālikā'pāyayattastanyaṃ mā rudeti prajalpatī || stanya
vyājena bālo'pi papau krodhaṃ tadaṃgajam

65.13

yo'sau harakaṃṭhabhavaviṣādāsītsudurdharaḥ || pītakrodhasvabhāve ca saumyyāsītkālikā tadā

65.14

bālo'pi bālarūpaṃ tattyaktumaicchatkṛtakriyaḥ

65.15

tato devāḥ kālikāyāḥ śaṃkamānāḥ punarbhayam || ūcurmā bāla bālatvaṃ parityaja kṛpāṃ kuru

65.16

bāla uvāca || || na bhetavyaṃ kālikāyāḥ saumyā devī yataḥ kṛtā || asti cedbhavatāṃ bhītiranyānsrakṣyāmi bālakān || catuḥ
ṣaṣṭikṣetrapālānityuktvā so'sṛjanmukhāt

65.17

prāha tānbālarūpāṃśca bālarūpī maheśvaraḥ || svargeṣu paṃcaviṃśānāṃ pātāleṣu ca tāvatām

65.18

caturdaśānāṃ bhūrloke vāso vaḥ pālanaṃ tathā || ayameva śmaśānastho bhavitā śvā ca vāhanam

65.19

naivedyaṃ bhavatāṃ rājamāṣataṃḍulamithakāḥ
anabhyarcya ca yo yuṣmānkiṃcitkṛtyaṃ vidhāsyati

65.20

tasya tanniṣphalaṃ bhāvi bhuktaṃ pretaiśca rākṣasaiḥ || ityuktvā bhagavānrudrastatraivāṃ
taradhīyata

65.21

kṣetrapālāḥ sthitāścaiva yathāsthāne nirūpitāḥ || iti vaḥ kṣetrapālānāṃ sṛṣṭiḥ proktā samāsataḥ

65.22

ārādhanaṃ pravakṣyāmi
yena prītā bhavaṃti te

65.23

oṃkṣāṃ kṣetrapālāya namaḥ || iti navākṣaro mahāmaṃtraḥ

65.24

anenātra caṃdanādi dattvā rājamāṣataṇḍulamithrakāṃśca catuḥ
ṣaṣṭikṛtabhāgānvaṭakānnivedya tāvatyo dīpikastāvanti patrāṇi pūgāni nivedya daṇḍavatpraṇamya mahāstutimetāṃ japet

65.25

oṃūrdhvakeśā virū
pākṣā nityaṃ ye ghorarūpiṇaḥ || raktanetrāśca piṃgākṣāḥ kṣetrapālānnamāmi tān

65.26

aṅgero hyāpakumbhaśca iḍācārastathaiva yaḥ || iṃdramūrtiśca kolā
kṣa upeṃpād ṛtuṃsanaḥ

65.27

siddheyaścaiva valiko nīlapādekadaṃṣṭrikaḥ || irāpatiścāghahārī vighnahārī tathāṃtakaḥ

65.28

ūrdhvapādaḥ kambalaśca
khaṃjanaḥ khara eva ca || gomukhaścaiva jaṃghālo gaṇanāyaśca vāraṇaḥ

65.29

jaṭālopyajaṭālaśca naumi svaḥkṣetrapālakān || ṛkāro haṭhakārī ca
ṭaṃkapāṇiḥ khaṇistathā

65.30

ṭhaṃṭhaṃkaṇo jaṃbaraśca sphuliṃgāsyastaḍidruciḥ || daṃturo ghananādaśca nandakaśca tathā paraḥ

65.31

phetkāra
kārī paṃcāsyo barbarī bhīmarūpavān || bhagnapakṣaḥ kālamegho yuvāno bhāskarastathā

65.32

rauravaścāpi laṃboṣṭho vaṇijaḥ sujaṭālikaḥ || sugaṃdho
ḍuhukaścaiva naumi pātālarakṣakān

65.33

sarvaliṃgeṣu huṃkāraḥ smaśāneṣu bhayāvahaḥ || mahālakṣo vane ghore jvālākṣo vasatau sthitaḥ

65.34

ekavṛ
kṣaśca vṛkṣeṣu karālavadano niśi || ghaṇṭāravo guhāvāsī padmakhaṃjo jale sthitaḥ

65.35

catvareṣu durārohaḥ parvate kuravastathā || nirjhareṣu pravā
hāravyo māṇibhadro nidhiṣvapi

65.36

rasakṣetre rasādhyakṣo yajñavāṭeṣu koṭanaḥ || caturdaśa bhuvaṃ vyāpya sthitāṃścaivaṃ namāmi tān

65.37

evaṃ
catuḥṣaṣṭhimitāñcharaṇaṃ yāmi kṣetrapān || prasīdaṃtu prasīdaṃtu tṛpyaṃtu mama pūjayā

65.38

sarvakāryeṣu yaścaivaṃ kṣetrapānarcayecchuciḥ || kṣetrapāstasya
tuṣyaṃti yacchaṃti ca samīhitam

65.39

imaṃ kṣetrapakalpaṃ ca vijānanvijayastathā || yathoktavidhinābhyarcya siddheyaṃ tuṣṭuve ca tam

65.40

praṇamya ca tato devīmānarca vaṭayakṣiṇīm || purā yadā nāradena kalāpagrāmato dvijāḥ

65.41

samānītāstaiśca sākaṃ sunaṃdā nāma brāhmaṇī || vidha
vābhyāgatā tatra tapastaptuṃ mahītaṭe

65.42

sā kṛcchrāṇi parākāṃśca atikṛcchrāṇi kurvatī || jyeṣṭhe bhādrapade cakre sāvitryā dve trirātrike

65.43

māsopavāsaṃ ca tathā kārtike kulanāṃdinī || saptaliṃgāni saṃpūjya devīpūjāṃ sadā vyadhāt

65.44

darśa snānaṃ tathā cakre mahīsāgarasaṃgame || ityā
divahubhistaistainityaṃ niyamapālanaiḥ

65.45

dhūtapāpā yayau lokamumāyāḥ kṛtasvāgatā || aṃśena ca taṭe tasminsaṃbhūtā vaṭayakṣiṇī

65.46

tasyāstuṣṭo varaṃ prādātsiddhaliṃgasthito haraḥ || anabhyarcya ya enāṃ ca matpūjāṃ prakariṣyati

65.47

tasya tanniṣphalaṃ sarvamityuktaṃ pālyameva me
tasmātprapūjayennityaṃ vaṭasthāṃ vaṭayakṣiṇīm || puṣpairdhūpaistu naivedyairmaṃtreṇānena bhaktitaḥ

65.48

sunaṃde naṃdanīyāsi pūjāmetāṃ gṛhāṇa me
prasīda sarvakāleṣu mama tvaṃ vaṭayakṣiṇi

65.49

evaṃ saṃpūjya tāṃ natvā kṣamāpya vaṭayakṣiṇīm || sarvānkāmānavāpnotinaro nārī
ca sarvadā

65.50

vijayaścāpi māhātmyamidaṃ jānanmahāmatiḥ || ānarca vaṭavṛkṣasthāṃ bhaktito vaṭayakṣiṇīm

65.51

tataḥ siddhāṃ
vikāṃ stutvā japtavānaparājitām || mahāvidyāṃ vaiṣṇavīṃ tu sādhanena samanvitām

65.52

yasyāḥ smaraṇamātreṇa sarvaduḥkhakṣayo bhavet
tāṃ vidyāṃ kīrtayiṣyāmi śṛṇudhvaṃ viprapuṃgavāḥ

oṃ namo bhagavate vāsudevāya namo'naṃtāya sahasraśīrṣāya kṣīrodārṇavaśāyine śeṣabhogaparyaṃ
kāya garuḍavāhanāya pītavāsase vāsudeva saṃkarṣaṇa pradyumnāniruddha hayaśiro varāha narasiṃha vāmana trivikrama rāma rāma varaprada namo'stu te namo'
stu te asuradaityadānavayakṣarākṣasabhūtapretapiśācakuṃbhāṃḍasiddhayoginīḍākinīskaṃdapurogamānyahānbrahmakṣatrayahāṃścānyāṃśca hana 2 daha 2 paca 2 matha 2
vidhvaṃsaya 2 vidrāvaya 2 śaṃkhena cakreṇa vajreṇa gadayā muśalena halena bhasmīkuru sahasrabāhave sahasracaraṇāyudha jaya 2 vijaya 2 aparājita apra
tihata sahasranetra jvala 2 prajvala 2 viśvarūpa bahurūpa madhusūdana mahāvarāha mahāpuruṣa vaikuṃṭha nārāyaṇa padmanābha goviṃda dāmodara hṛṣīkeśa sarvāṃsuro
tsādana sarvabhūtavaśaṃkara sarvaduḥkhaprabhedana sarvayaṃtraprabhaṃjana sarvanāgapramardana sarvadevamaheśvara sarvabaṃdhavimokṣaṇa sarvāhinapramardana sarvajvarapraṇāśana sarvagraha
nivāraṇa sarvapāpapraśamana janārdana janānaṃdakera namo'stu te svāhā

65.54

imāmaparājitāṃ paramavaiṣṇavīṃ mahāvidyāṃ japati paṭhati śṛṇoti smarati
dhārayati kīrtayati na ca tasya vāyvagnivajropalāśanivarṣabhayaṃ na samudrabhayaṃ na grahabhayaṃ na ca caurabhayaṃ na ca śvāpadabhayaṃ vā bhavet

65.55

kaci
drātryaṃdhakārastrīrājakulaviṣopaviṣagaradavaśīkaraṇavidveṣaṇoccāṭanavadhabaṃdhabhayaṃ vā na bhavedetairmaṃtrapadairudāhṛtairhṛdā baddhaiḥ saṃsiddhapūjitaiḥ

65.56

tadyathā || namonamaste'stu abhaye anaghe ajite atrāsite amṛte aparājite paṭhitasiddhe smaritasiddha ekāsingle quot signnaṃśe ume dhruve aruṃdhati sāvitri gāyatri
jātavedasi mānastoke sarasi sarasvati dharaṇi dhāriṇi saudāmini adite vinate gauri gāṃdhāri mātaṃgi kṛṣṇe yaśode satyavādini brahmavādini
kāli kapālini sadyovayavacayanakari sthalagataṃ jalagatamaṃtarikṣagataṃ vā rakṣa 2 sarvabhūtabhayopadravebhyo rakṣa 2 svāhā

65.57

yasyāḥ praṇaśyate puṣpaṃ
garbho vā patate yadi || mriyaṃte bālakā yasyāḥ kākavaṃdhyā ca yā bhavet || dhārayeta imāṃ vidyāmebhirdoṣairna lipyate

65.58

raṇe rājakule dyūte nityaṃ
tasya jayo bhavet || śastraṃ dhārayate hyeṣāṃ samare kāṃḍadhāriṇī

65.59

gulmaśūlākṣirogāṇāṃ nityaṃ nāśakarī tathā || śirorogajvarāṇāṃ ca nāśanī
sarvadehinām

65.60

tadyathā || hana 2 kāli sara 2 kāli sara 2 gauri dhama 2 gauri dhama 2 vidye ālī tāle māle maṃdhe baṃdhe paca 2 vidye
nāśaya pāpaṃ hana duḥsvapnaṃ vināśaya kaṣṭanāśini rajani saṃdhye duṃdubhināde mānasavege śaṃkhini cakriṇi vajriṇi śūlini apamṛtyuvināśini
viśveśvari draviḍi drāviḍi keśavadayite paśupatimahite durdamadāmini śarvari kirāti mātaṃgi oṃ hrām̐ hram̐ hraim̐ krām̐ kraiṃ krām̐tvara 2 ye māṃ dviṣaṃti pratyakṣaṃ
parokṣaṃ vā sarvāndama 2 marda 2 tāpaya 2 pātaya 2 śoṣaya 2 utsādaya 2 brahmāṇi māheśvari vārāhi vināyaki aiṃdri āgneyi cāmaṃḍe
vāruṇi pracaṃḍavidyote iṃdropeṃdrabhagini vijaye śāṃtisvastipuṣṭivivardhini kāmāṃkuśe kāmadudhe sarvakāmavaraprade sarvabhūteṣu vāsini prati
vidyāṃ kuru 2 ākarṣiṇi veśini jvālāmālini ramaṇi ramaṇi dharaṇi dhāriṇi mānonmānini rakṣa 2 vāyavye jvālāmālini
tāpani śoṣaṇi nīlapatākini mahāgauri mahāśraye mahāmayūri ādityaraśmi jāhnavi yamaghaṃṭe kiṇi 2 ciṃtāmaṇi surabhi surotpanne
kāmadughe yathā manīṣitaṃ kāryaṃ tanmama sidhyatu svāhā oṃ svāhā oṃbhūḥ svāhā oṃbhuvaḥ svāhā oṃsvaḥ svāhā oṃ bhūrbhuvaḥsvaḥ svāhā
yatraivāgataṃ pāpaṃ tatraiva pratigacchatu svāhā oṃbale mahābale asiddhasādhini svāhā

Kaumarikakhanda 65

Contents

Linked texts (6)