Pramāṇa · Search · About · API

Kaumarikakhanda 66

Kaumārīkākhaṇḍa 66

Language
Sanskrit

Contents

66.1

cha || || sūta uvāca || || aśvatthalākṣāvahnau ca sarṣapānkesaraplutān || juhvato maṃtramu
khyaiśca balātibalasaṃjñakaiḥ

66.2

yāme tu prathame yāte kācinnārī samāyayau || śoṇitāktaikavasanā mahordhvodhvaṃśiroruhā

66.3

dāruṇākṣī śukla
dantī bhayasyāpi bhayaṃkarī || sā ruroda mahārāmaṃ prāpya tāṃ homabhūmikām

66.4

tāṃ dṛṣṭvā cukṣubhe sadyo vijayo bhītimāniva || barbarīkaśca nirbhīti
stasyāḥ saṃmukhamāyayau

66.5

tataḥ kaṇṭhaṃ samāśliṣya tasyā matimatāṃ varaḥ || ruroda dviguṇaṃ vīro meghavannādayanbahu

66.6

taṃ dṛṣṭvā vismitā sā ca
yāvanmuṃcati kartikām || tāvanniṣpīḍite kaṃṭhe moktuṃ tasminna cāśakat

66.7

pīḍyamāne ca balinā kaṃṭhe tasyā muhurmuhuḥ || sumoca vividhā
ñchabdānvajrāhata ivācalaḥ

66.8

kṣaṇaṃ rāvāṃstato muktvā trāhi muñceti vaktyaṇu || tataḥ kṛpālunā muktā pādayoḥ patitā'bravīt

66.9

śaraṇaṃ te prapannāsmi dāsī karmakarī tava || mahājihveti māṃ viddhi rākṣasīṃ kāmarūpiṇīm

66.10

kāśīśmaśānanilayāṃ devadānavadarpahām
dadāsi yadi me vīra durlabhāṃ prāṇadakṣiṇām

66.11

tatastapaścariṣyāmi sarvabhūtābhayapradā || asminnarthe svadevasya śapathā me tathā
tmanaḥ

66.12

yadyetadvyatyayaṃ kuryāṃ bhasmībhūyāṃ tataḥ kṣaṇam || evaṃ bruvāṇāṃ tāṃ vīro nigṛhya śapathairdṛḍham

66.13

mumoca sāpi saṃhṛṣṭā kṛcchrā
nmuktā yayau vanam || so'pi vīraḥ khaḍgadhārī tatraivāvasthito'bhavat

66.14

tato madhyamarātrau ca garjitaṃ śrūyate mahat || andhakāraṃ ca saṃjajñe
tamo'ghanarakaprabham

66.15

dadṛśe ca tataḥ śailaḥ śataśṛṃgo'tivistaraḥ || nānāśilāḥ pramumuce nānāvṛkṣāṃśca socchrayān

66.16

nānānirjhara
saṃghoṣaṃ vavṛṣe śoṇitaṃ bahu || taṃ tathā nagamālokya nirbhīto bhaiminaṃdanaḥ

66.17

parvato dviguṇo bhūtvā parvataṃ sahasāplutaḥ || padābhiṃjaghne saṃhatya
parvataṃ svena bhūbhṛtā

66.18

tadā viśīrṇaḥ so'bhūcca parvato bhūmisaṃḍale || tato yojanadehātmā śataśīrṣaḥ śatodaraḥ

66.19

vaktrairmuñcanma
hājvālāṃ repalendvo'bhyadhāvata || taṃ dhāvamānaṃ dṛṣṭvaiva barbarīko mahābalaḥ

66.20

vidhāya tādṛśaṃ rūpaṃ nardantaṃ cāpyadhāvata || tato madhyamarātrau
tau laghu citraṃ ca suṣṭhu ca

66.21

yuyudhāte bāṇajālairyathā prāvṛṣi toyadau || chinnacāpau ca khaḍgābhyāṃ chinnakhaḍgau ca muṣṭibhiḥ

66.22

parvatāviva satpakṣau ciraṃ yuyudhatuḥ sthiram || tataḥ kakṣe samutpāṭya bhrāmayitvā muhūrtakam

66.23

bhūmau pradharṣayāmāsa prasṛtaṃ
ca mumoca ha || cikṣepa cāgnikoṇe taṃ mahīsāgararodhasi

66.24

taddūre repalendrākhyaṃ grāmamadyāpi vartate || evaṃ sa repalonāma vṛttatu
lyaparākramaḥ

66.25

nāthaḥ śmaśānasyāvantyā vighnakṛnnihato'bhavat || taṃ nihatya punarvīro barbarīkaḥ sthito'bhavat

66.26

tata
stṛtīyayāme ca pratīcyā diśa āyayau || parvatābhā mahānādā pādaiḥ kampayatīva bhūḥ

66.27

duddudvahāruvyāśvatarī meghabhraṣṭā taḍidyathā
tāmāyāṃtīṃ tathā dṛṣṭvā sūryavaiśvānaraprabhām

66.28

upasṛtya javādbhaimīṃ ruroha prahasanniva || vegāttataḥ pradravantīṃ tuṃḍe prāhṛtya muṣṭibhiḥ

66.29

sthāpayāmāsa tatraiva tasthau sā cātipīḍitā || tataḥ kruddhā mahārāvaṃ kṛtvāplutya dudduddhā

66.30

jagatyāmāśu cikṣepa barbarīkaṃ tathaેચ્છkam
tato naditvā cātīva pādaghātamamuṃcata

66.31

pādau ca vīraḥ saṃgṛhya cikṣepa bhuvi līlayā || tataḥ punaḥ samutthāya dhāvaṃtīṃ tāṃ nigṛhya saḥ

66.32

muṣṭinā pātayitvaiva daṃtānkaṃṭhamapīḍayat || klinnaṃ vāsa ivāpīḍya prāṇānatyājayaddbhutam

66.33

evaṃ sīkottarasthāne smaśānaikapado
dbhavā || śākinīnāmadhīśā sā barbarīkeṇa sūditā

66.34

hatvā tāṃ cāpi cikṣepa pratīcyāmeva līlayā || duhuduhākhyamadyāpi tatra grāmaṃ sma
vartate

66.35

tatastathaiva saṃtasthau barbarīko'bhirakṣaṇe || tataścaturthe yāme ca prātaḥ kṣapaṇako'drutaḥ

66.36

muṃḍī nagno mayūrāṇāṃ picchadhārī mahā
vrataḥ || provāca cedaṃ vacanaṃ hāhā kaṣṭamatīva bhoḥ

66.37

ahiṃsā paramo dharmastadagnivrjvālyate kutaḥ || hūyamāne yato vahnau sūkṣmajīvavadho
mahān

66.38

śrutvedaṃ vacanaṃ tasya barbarīko'bravītsmayan || vadane sarvadevānāṃ hūyamāne sma pāvake

66.39

anṛtaṃ bhāṣase pāpa śikṣāyogyo'si
durmate || ityuktvā sahasotpatya kakṣāmadhye sthiro'sya ca

66.40

dantānmuṣṭiprahāraiśca samāhatyābhyapātayat || rudhirāvilavaktraṃ taṃ mumoca patitaṃ
bhuvi

66.41

sa kṣaṇāccetanāṃ prāpya ghoradaityavapurdharaḥ || bhayādbhaimeḥ pradudrāva guhāvivaramāviśat

66.42

bahuprabheti nagarī ṣaṣṭiyojanamāyatā
tasyāṃ viveśa sahasā taṃ cānu barbarīkakaḥ

66.43

barbarīkaṃ tato dṛṣṭvā nādo'bhūcca palāśinām || dhāvadhvaṃ hanyatāmeṣa chidyatāṃ bhidyatāmiti

66.44

tacchrutvā daityavīrāṇāṃ koṭayo nava bhīṣaṇāḥ || nānāyudhadharā vīraṃ barbarīkamupādravan

66.45

dṛṣṭvā tānkoṭiśo daityānkruddho bhīmātmajā
tmajaḥ || nimīlya sahasā netre teṣāṃ madhyamadhāvata

66.46

pādaghātaistataḥ kāṃścidbhujāghātaistathāparān || hṛdayasyābhighātaiśca kṣaṇātrinye yamakṣa
yam

66.47

yathā nailavanaṃ kruddhaḥ kuryādbhūmimamaṃ karī || navakoṭīstathā jaghne saha tena palāśinā

66.48

tato nāgāḥ samāgamya vāsukipramukhā
stadā || tuṣṭuvurvividhairvākyairūcuḥ suhṛdayaṃ ca te

66.49

nāgānāṃ paramaṃ kṛtyaṃ kṛtaṃ te bhaiminaṃdana || palāśaunāma daityoyaṃ nīto yatsānugo yamam

66.50

anena hi vayaṃ vīra sānugena durātmanā || pīḍitā vividhopāyaiḥ pātālādapyadhaḥ kṛtāḥ

66.51

varaṃ vṛṇīṣva tvaṃ tasmānnāgebhyo'bhimataṃ
param || varadāḥ sarva eva sma vayaṃ tubhyaṃ sutoṣitāḥ

66.52

suhṛdaya uvāca || || yadi deyo varo mahyaṃ tadenaṃ pravṛṇomyaham || sarvavighnavini
rmukto vijayaḥ siddhimāpnuyāt

66.53

tatastatheti taṃ procuḥ prahṛṣṭā vāyubhojanāḥ || sa ca tebhyaḥ purīṃ dattvā nivṛtto nāgapūjitaḥ

66.54

vivarasya ca madhyena samāgacchanmahāprabham || sarvaratnamayaṃ liṃgaṃ sthitaṃ kalpataroradhaḥ

66.55

arcyamānaṃ suballībhirnāgakanyābhiraikṣata || tato'sau
vismayāviṣṭo nāgakanyā hyapṛcchata

66.56

kenedaṃ sthāpitaṃ liṃgaṃ sūryyavaiśvānaraprabham || liṃgādapi caturdikṣu mārgāṃśceme tu kīdṛśāḥ

66.57

iti vīravacaḥ śrutvā bṛhatkaṭipayodharā || satrīḍaṃ sasmitāpāṃganirmokṣamidamabravīt

66.58

sarvapannagarājena śeṣeṇa sumahātmanā || tapa
staptvā mahāliṃgamidamatra pratiṣṭhitam

66.59

darśanātsparśanāddhyānādarcanātsarvasiddhidam || liṃgātpūrveṇa mārgoyaṃ yāti śrīparvataṃ bhuvi

66.60

elāpatreṇa vihito nāgānāṃ tatra prāptaye || dakṣiṇena ca mārgo'yaṃ yāti śūrpāra kaṃ bhuvi

66.61

karkoṭakena nāgena kṛto'yaṃ tatra prāptaye || paścimena ca
mārgo'yaṃ prabhāsaṃ yāti suprabham

66.62

airāvatena vihito nāgānāṃ gamanāya ca || uttareṇa ca mārgoyaṃ yena yātuṃ bhavānsthitaḥ

66.63

guptakṣetre siddha
liṃgaṃ yāti śaktiguhā''kṛtaḥ || vihitastakṣakeṇāsau yātuṃ tatra mahātmanā

66.64

itīdaṃ varṇitaṃ vīra vijñaptiḥ śrūyatāṃ mama||ko bhavānadhunedeto daityapṛṣṭa
gato'bhavat || adhunaiva tathaikākī samāyāto'tra no vad

66.65

vayaṃ ca sarvāste dāsyastvāṃ patiṃ pravṛṇīmahe || asmābhiḥ sahitaḥ krīḍa vividhāsvatra
bhūmiṣu

66.66

barbarīka uvāca || || ahaṃ kurukulotpannaḥ pāṃḍuputrasya pautrakaḥ || barbarīka iti khyātastaṃ daityaṃ haṃtumāgataḥ

66.67

sa ca daityo
hataḥ pāpaḥ punarghāsye mahītalam || bhavatībhiśca me nāsti kṛtyaṃ bhobhoḥ kathaṃcana

66.68

brahmacārivrataṃ yasmādahaṃ satatamāsthitaḥ || ityuktvābhyarcya
talliṃgaṃ praṇipatya ca daṇḍavat

66.69

ūrdhvamācakrame vīraḥ kātaraṃ tābhirīkṣitaḥ|| tato bahiḥ samāgatya saprakāśaṃ mukhaṃ tadā

66.70

praharṣeṇaiva pūrvasyā
vijayaṃ dadṛśe diśaḥ || tasminkāle ca vijayaḥ karma sarvaṃ samāptavān

66.71

kāṃtyā sūryyasamābhāsa ūrdhvamācakrame kṣaṇāt || tato viyadgataṃ devaiḥ
puṣpavarṣamabhūnmahat

66.72

jagurgaṃdharvamukhyāśca nanṛtuścāpsarogaṇāḥ || vijayo barbarīkaṃ ca tato vacanamabravīt

66.73

tava prasādādvīreśa siddhiḥ
prāptā mayātulā || ciraṃ jīva ciraṃ naṃda ciraṃ vasa ciraṃ jaya

66.74

ata eva hi sādhūnāṃ saṃgamicchaṃti sādhavaḥ || auṣadhaṃ sarvadoṣāṇāṃ bhavetsatsaṃ
gamo yataḥ

66.75

tvaṃ ca homasthitaṃ bhasma siṃdūrasadṛśaprabham || niḥśalyaṃ savivarakaṃ pūryyamāṇaṃ gṛhāṇa ca

66.76

akṣayyametatsaṃsrāme prathamaṃ te
pramuṃcataḥ || śatrūṇāṃ sthānakaṃ mṛtyordehaṃ dhvastaṃ kariṣyati

66.77

evaṃ sukhena vijayaḥ śatrūṇāṃ te bhaviṣyati

66.78

barbarīka uvāca
upakuryānnirākāṃkṣo yaḥ sa sādhuritīryyate || sākāṃkṣamupakuryyādyaḥ sādhutve tasya ko guṇaḥ

66.79

taddehi bhasma cānyasmai kenāpyartho na me'ṇvapi
prasādasumukhāṃ dṛṣṭiṃ vinā nānyadvṛṇomi te

66.80

devā ūcuḥ || || kurūṇāṃ pāṃḍavānāṃ ca bhaviṣyati mahāriṇaḥ || tato bhūmisthitaṃ bhasma
prāpsyaṃti yadi kauravāḥ

66.81

mahānanartho bhavitā pāṃḍavānāṃ tataḥ sphuṭam || tasmādgṛhāṇa tvaṃ bhasma sopi cakre tathā vacaḥ

66.82

devībhiḥ
sahitā devāḥ saṃmānya vijayaṃ ca te || siddhaiśvaryaṃ dadustasmai siddhaseneti nāma ca

66.83

evaṃ sa vijayo vipraḥ siddhiṃ lebhe sudurlabhām || barbarī
kaśca kṛtvaitaddevībhaktirato'vasat

66.83.p1

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe kāryasiddhivarṇanaṃnāma triṣaṣṭitamo'dhyāyaḥ

Linked texts (5)