Kaumarikakhanda 73
Kaumārīkākhaṇḍa 73
- Language
- Sanskrit
Contents
- 73.73 — 1 part
73.1
cha || || brahmovāca || || athābhyadhatta vijayā praṇamya jagadambikām || sāṃtvayantī stutiśatairupāyaiḥ śivadarśanaiḥ
73.2
devi tvamavinābhūtā sadā devena śaṃbhunā || prāṇeśvarī tvamekāsi śaktistasya parātmanaḥ
73.3
tathā māyāṃ tvamātmīyāṃ saṃdarśayitumīhase
pṛthagbhāvamiveśānaḥ prakāśayati na svayam
73.4
ādeśaṃ pratigṛhyaiva samupaitāsi pārvati || alaṃghanīyā sevājñā śāṃbhavī sarvadā tvayā
73.5
vidhā
tavyaṃ tapaḥ prāptaṃ sthānesmiñchivakalpite || nivṛttya nikhilānkāmāṃñchubhumāśritayā tvayā
73.6
anyathāpi jagadrakṣā tvadadhīnā jaganmayi
dharmasaṃrakṣaṇaṃ bhūyaḥ śivena sahitaṃ tava
73.7
niṣkalaṃ śivamatthaṃtaṃ dhyāyaṃtyātmanyavasthitam || viyogaduḥkhaṃ kaccittvaṃ na smariṣyasi pārvati
73.8
bhaktānāṃ tava mukhyānāṃ tavaivācārasaṃgrahaḥ || upadeśitayā loke prathatāṃ dharmavatsale
73.9
iti tasyā vacaḥ śrutvā gaurī susthiramānasā || tapaḥ
kartuṃ samārebhe kaṃpānadyāstaṭe śubhe
73.10
vimucya vividhā bhūṣā rudrākṣagaṇabhūṣitā || visṛjya divyaṃ vasanaṃ paryaṃdhādvalkale śubhe
73.11
alakaiḥ
sahasā śilpaṃmanayacca kapardatām || aliṃpata tanūṃ sarvāṃ bhasmanā muktakuṃkumā
73.12
mṛgeṣu kṛtasaṃtoṣā śiloṃchīkṛtavṛttiṣu || jajāpa niyamo
petā śivapaṃcākṣaraṃ param
73.13
kṛtvā triṣavaṇaṃ snānaṃ kampāpayasi nirmale || kṛtvā ca saikataṃ liṃgaṃ pūjayāmāsa sādaram
73.14
vṛkṣapraropaṇairdāne
raśeṣātithipūjanaiḥ || śrāṃtiṃ haraṃtī jīvānāṃ devī dharmamapālayat
73.15
grīṣme paṃcāgnimadhyasthā varṣāsu sthaṃḍileśayā || hemante jalamadhyasthā
śiśire cākarottapaḥ
73.16
puṇyātmanāṃ maharṣīṇāṃ darśanārthamupeyuṣām || vismayaṃ janayāmāsa pūjayāmāsa sādaram
73.17
kadācitsvayamuccitya
vanāṃtātpallavānvitam || puṣpotkaraṃ viśeṣeṇa śodhituṃ samupāviśat
73.18
kṛtvā ca saikataṃ liṃgaṃ kaṃpārodhasi pāvane || saṃpūjayitumārebhe nyāsā
vāhanapūrvakam
73.19
sūryamabhyarcya vidhivadraktaiḥ puṣpaiśca caṃdanaiḥ || paṃcāvaraṇasaṃyuktaṃ kramādānarca śaṃkaram
73.20
dhūpairdīpaiśca naivedyairbhaktibhāvasama
nvitaiḥ || aparokṣitamīśānamāluloke purohitam
73.21
atha devaḥ śivaḥ sākṣātsaṃśodhayitumaṃbikām || kaṃpānadyāḥ pravāheṇa mahatā paryaveṣṭa
yat
73.22
ativṛddhaṃ pravāhaṃ taṃ kaṃpāyāḥ samupasthitam || ālokya niyamāsīnāmāhuḥ sakhyastadāṃbikām
73.23
uttiṣṭha devi bahulaḥ pravāho'yaṃ
vijṛṃbhate || diśāṃ mukhāni saṃpūrya tarasā plāvayiṣyati
73.24
iti tadvacanaṃ śrutvā dhyāyatī mīlitekṣaṇā || unmīlya vegamamulaṃ nadyāstaṃ samavaikṣata
73.25
aciṃtayacca sā devī pūjāvighnasamākulā || kiṃ karomi na śaknomi hātumārabdhamarcanam
73.26
śreyaḥ prāptumavighnena prāyaḥ puṇyātmanāṃ
bhuvi || ghaṭate dharmasaṃyogo manorathaphalapradaḥ
73.27
saikataṃ liṃgamatulapravāhāllayameṣyati || liṃganāśe vimoktavyaḥ sadbhistaiḥ prāṇasaṃgrahaḥ
73.28
pravāho'yaṃ samāyāti śivamāyāvinirmitaḥ || viśodhayitumātmānaṃ bhaktiyuktaṃ nije pade
73.29
āliṃgya sudṛḍhaṃ dorbhyāmetalliṃgamanākulam
ahaṃ vatsyāmi yātāśu sakhyo yūyaṃ vidūrataḥ
73.30
ityuktā saikataṃ liṃgaṃ gāḍhamāligya sāṃbikā || na mumoca pravāhena veṣṭyamānāpi vegataḥ
73.31
stanacūcukanirmagnamudrādarśitalāṃchanam || mahāliṃgaṃ svasaṃyuktaṃ praṇanāma tadādarāt
73.32
nimīlitekṣaṇā dhyānaniṣṭhaikahṛdayā sthitā
pulakāṃcitasarvāṃgī sā smaraṃtī sadāśivam
73.33
kaṃpasvedaparitrāṇalajjāpraṇayakelidāt || kṣaṇamapyacalā liṃgānna viyogamapekṣate
73.34
atha
tāmabravītkāpi daivī vāgaśarīriṇī || vimuṃca bālike liṃgaṃ pravāho'yaṃ gato mahān
73.35
tvayārcitamidaṃ liṃgaṃ saikataṃ sthiravaibhavam || bhaviṣyati
mahābhāge varadaṃ surapūjitam
73.36
tapaścaryāṃ tavālokya racitaṃ dharmapālanam || liṃgaṃ caitannamaskṛtya kṛtārthāḥ saṃtu mānavāḥ
73.37
ahaṃ
hi taijasaṃ rūpamāsthāya vasudhātale || vasāmi cātra siddhayarthamaruṇācalasaṃjñayā
73.38
ruṇaddhi sarvalokebhyaḥ paruṣaṃ pāpasaṃcayam || ruṇo na
vidyate yasmindṛṣṭe tenāruṇācalaḥ
73.39
ṛṣayaḥ siddhagaṃdharvā mahātmānaśca yoginaḥ || muktvā kailāsaśikharaṃ meruṃ cainamupāsate
73.40
madaṃśa
jātayoḥ pūrvaṃ yudhyatorbrahmakṛṣṇayoḥ || ahaṃ mohamapākartuṃ tejorūpo vyavasthitaḥ
73.41
brahmaṇā haṃsarūpeṇa viṣṇunā kroḍarūpiṇā || adṛṣṭaśekharapadaḥ
praṇato bhaktiyogataḥ
73.42
tataḥ prasannaḥ pratyakṣastābhyāṃ varamabhīpsitam || prādāṃ jagattrayasyāsya saṃrakṣāyāṃ tu kauśalam
73.43
prārthitaśca
punastābhyāmaruṇācalasaṃjñayā || anaiṣi taijasaṃ rūpamahaṃ sthāvaraliṃgatām
73.44
gatvā pṛccha mahābhāgaṃ madbhaktiṃ gautamaṃ munim || aruṇācalamā
hātmyaṃ śrutvā tatra tapaścara
73.45
tatra te darśayiṣyāmi tejasaṃ rūpamātmanaḥ || sarvapāpanivṛttyarthaṃ sarvalokahitāya ca
73.46
iti vācaṃ
samākarṇya niṣkalātkathitāṃ śivāt || tatheti sahasā devī gaṃtuṃ samupacakrame
73.47
atha devānṛṣīnsarvānapaścātsevārthamāgatān || avā
dīdaṃbikālokya snehapūrṇena cakṣuṣā
73.48
tiṣṭhatātraiva vai devā munayaśca dṛḍhavratāḥ || niyamāṃścādhitiṣṭhaṃtaḥ kaṃpārodhasi pāvane
73.49
sarvapāpakṣayakaraṃ sarvasaubhāgyavarddhanam || pūjyatāṃ saikataṃ liṃgaṃ kucakaṃkaṇalāṃchanam
73.50
ahaṃ ca niṣkalaṃ rūpamāsthāyaitaddivā̍niśam
ārādhayāmi maṃtreṇa śoṇeśvaraṃ varapradam
73.51
matpaścaraṇālloke maddharmaparipālanāt || malliṃgadarśanāccaiva sidhyaṃtviṣṭavibhūtayaḥ
73.52
sarvakāmapradānena kāmākṣīmiti kāmataḥ || māṃ praṇamyātra madbhaktā labhaṃtāṃ vāṃchitaṃ varam
73.53
ahaṃ hi devadevasya śaṃbhoravyā
hato janaḥ || ādeśaṃ pālayiṣyāmi gatvāruṇamahīdharam
73.54
tatra gatvā tapastīvraṃ kṛtvā śaṃbhuṃ prasādya ca || māṃ tu labdhvarāṃ yūyaṃ paścā
drakṣyatha saṃgatāḥ
73.55
iti sarvānvisṛjyāśu sadgaktānpādasevinaḥ || aruṇādriṃ gatā bālā tapase śaṃkarājñayā
73.56
nityābhise
vitā'kāri sakhībhirabhiyogataḥ || āsasādāruṇādrīśaṃ divyaduṃdubhirnāditam
73.57
aṃtastejomayaṃ śāṃtamaruṇācalanāyakam || apsa
ronṛtyagītaiśca pūjitaṃ puṣpavṛṣṭibhiḥ
73.59
praṇamya sthāvaraṃ liṃgaṃ kautūhalasamanvitā || siddhānāṃ yogināṃ sārthamṛṣīṇāṃ cānvavaikṣata || 58.
atrirbhṛgurbharadvājaḥ kaśyapaścāṃgirāstathā || kutsaśca gautamaścānye siddhavidyādharāmarāḥ
73.60
tapaḥ kurvaṃti satatamapekṣitavarāptaye || gaṃgādyāḥ sarita
ścānyāḥ paritaḥ paryupāsate
73.61
divyaṃliṃgamidaṃ pūjyamaruṇādririti smṛtam || vaṃdasveti suraiḥ proktā praṇanāma punaḥpunaḥ
73.62
abhyarthitā
punaḥ sarvairātithyārthe maharṣibhiḥ || śivājñayā gautamo me draṣṭavya iti sāvadat
73.63
ayamatrarṣibhirmuktairnirdiṣṭaṃ tamathābhyagāt || sa muniḥ śivama
ktānāṃ prathamastapasāṃ nidhiḥ
73.64
vanāṃtaraṃ gataḥ prātaḥ samitkuśaphalāhṛteḥ || atithīnāśramaṃ prāptānarcayeti dṛḍhavratān
73.65
śiṣyānā
diśya dharmātmā gataśca vipināṃtaram || atha sā gautamaṃ draṣṭumāgatā parṇaśālikām
73.66
kva gato munirityuktairita āyāsyati kṣaṇāt || śiṣyai
rabhyarthitetyuktvā phalamūlaissugaṃdhibhiḥ
73.67
abhyutthānenāāsanena pādyenārgheṇa sūnṛtaiḥ || vacanaiḥ phalamūlena sārcitā śiṣyasaṃpadā
73.68
kṣaṇaṃ kṣamasvatyucustāmanye jagmustadantikam || devyāṃ praviṣṭamātrāyāṃ maharṣerāśramo mahān
73.69
abhavatkalpabahulo maṇiprāsādasaṃkulaḥ || vanāṃ
tarādupāvṛttya samitkuśaphalāharaḥ
73.70
apaśyatsvāśramaṃ dūre vimānaśataśobhitam || kimetaditi sāścaryaṃ ciṃtayanmunipuṃgavaḥ
73.71
gauryāḥ sa
māgamaṃ sarvamapaśyajjñānacakṣuṣā || śīghraṃ nivartamāno'sau draṣṭuṃ tāṃ lokamātaram
73.72
śiṣyaiḥ śīghracarairvṛttamāveditamathāśṛṇot
73.73
atha maha
rṣirupāgatakautuko nijatapaḥphalameva tadāgamam || śivadayākalitaṃ paricintayannabhajadāśramamāśritavatsalaḥ
73.73.p1
iti śrīskāṃde mahāpurāṇa ekā śītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe pārvatyāḥ kaṃpāyā aruṇācale gautamāśramāgamanaṃnāma caturtho'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit