Kaumarikakhanda 74
Kaumārīkākhaṇḍa 74
- Language
- Sanskrit
Contents
- 74.73 — 1 part
74.1
brahmovāca || || araṇyādrautamaṃ śāṃtamuṭajadvāra āgatam || pratyādhātuṃ pravṛtte śivabhaktirjaganmayī
74.2
āḍuloke samāyātaṃ gautamaṃ śiṣyasevi
tam || laṃbamānaśiraḥśmaśrusampūrṇamukhamaṇḍalam
74.3
jaṭābhiratitāmrābhistīrthasnānaviśuddhibhiḥ || nyastarudrākṣamaṇibhirjvālābhiriva pāvakam
74.4
bhasmatripuṇḍropetaviśālaniṭilojjvalam || śuklayajñopavītena pūrṇaṃ rudrākṣadāmabhiḥ
74.5
dadhānaṃ valkale rakte tapaḥkṛśitavigraham
japaṃtaṃ vaidikānmaṃtrāñchudraprītikarānbahūn
74.6
śambhunāvasitodāttasārūpyamiva bhāṣitam || tejonidhiṃ dayāpūrṇaṃ pratyakṣamiva bhāskaram
74.7
ālokya taṃ mahātmānaṃ vṛddhaṃ śaṃbhupadāśrayam || kṛtāṃjalipuṭā gaurī praṇantumupacakrame
74.8
kṛtāṃjaliṃ munirvīkṣya samastajagadambikām || kime
taditi sāścaryaṃ vārayanpraṇanāma saḥ
74.9
svāgataṃ gauri subhage lokamātardayānidhe || vyājena bhaktasaṃrakṣāṃ kartumatrāgatāsyaho
74.10
aho
mānye mānyamarthaṃ vijñāyaiva purā vayam || pṛthagbhāvamivālaṃbya śiṣyādibhiḥ samāgatāḥ
74.11
yaddevi te na cetkiṃcinmāyāvilasitantri
jam || tataḥ prapaṃcasaṃsiddhiḥ kathameva bhaviṣyati
74.12
tiṣṭhatvaśeṣaṃ me vaktuṃ māyāvilasitaṃ tava || na śakyate yannirṇetruṃ tvadīyaiśca kadācana
74.13
āsyatāṃ pāvane śuddhe āsane kuśanirmite || gṛhyatāṃ pādyamarghaṃ ca dattaṃ ca vidhivanmayā
74.14
iti śiṣyaiḥ samānīte darbhāṃke paramāsane
āsīnāṃmaṃbikāṃ vṛddho munirānarca bhaktimān
74.15
nivedya sakalāṃ pūjāṃ bhaktibhāvasamanvitaḥ || gauryā samabhyanujñātaḥ svayamapyāpane sthitaḥ
74.16
uvāca daśanajyotsnāparidhautadiśāmukhaḥ || pulakāṃcitasarvāṃgaḥ sānaṃdāśru sagadgadam
74.17
aho devasya māhātmyaṃ śambhoramitatejasaḥ || saddkta
rakṣaṇāya tvāmādiśadbhaktavatsalaḥ
74.18
asiddhamanyallabdhvavyaṃ kiṃ vānyattava vidyate || ambaitadbhaktimāhātmyaṃ saṃdarśayitumīśvaraḥ
74.19
kailā
saśailavṛttāṃtaḥ kaṃpātaṭatapaḥsthitaḥ || aruṇādrisamādeśaḥ sarvaṃ jñātamidaṃ mayā
74.20
āgatāsi mahābhāge bhaktāśramamimaṃ svayam || snehena
karuṇāmūrte karttavyamupadiśyatām
74.21
iti tasya vacaḥ śrutvā maharṣeḥ sarvavedinaḥ || aṃbikā prāha kutukātstuvantī taṃ mahāmunim
74.22
mahā
vaibhavametattve devadevaḥ svayaṃ śivaḥ || madhye tapasvināṃ tvaṃ tu draṣṭavya iti cādiśat
74.23
āgamānāṃ śivoktānāṃ vedānāmati pāragaḥ || tapasā
śaṃbhubhaktānāṃ tvameva śivasaṃmataḥ
74.24
aruṇācalanāmnāhaṃ tiṣṭhāmītyabravīcchivaḥ || asyācalasya māhātmyaṃ śrotavyaṃ ca bhavanmukhāt
74.25
prāptāsmyahaṃ tapaḥ kartumaruṇācalasannidhau || bhavatāṃ darśanādeva svayamīśaḥ prasīdati
74.26
śivabhaktena saṃbhāṣā śivasaṃkīrttanaśravaḥ || śivaliṃgā
rcanaṃ loke vapurgrahaphalodayaḥ
74.27
tasmānmamaitanmāhātmyaṃ śrotavyaṃ bhavato mukhāt || suvyaktamupadeśena jñānato'si pitā mama
74.28
iti
tasyā vacaḥ śrutvā gautamastapasāṃ nidhiḥ || ācakhyau giriśaṃ dhyāyannaruṇācalavaibhavam
74.29
ajñātamiva yatkiṃcitpṛcchyate ca punastvayā
avaimi sarvavidyānāṃ māyā śaivī tvameva sā
74.30
athavā bhaktavakreṇa śivavaibhavasaṃśravaḥ || śikṣaṇaṃ śāṃbhavaṃ teṣāṃ tava tuṣṭeśca kāraṇam
74.31
paṭhitānāṃ ca vedānāṃ yadāvṛttaphalāvaham || vadatāṃ śṛṇvatāṃ loke śivasaṃkīrttanaṃ tathā
74.32
safalānyadya sarvāṇi tapāṃsi caritāni me || yadahaṃ
śaṃbhunādiṣṭaṃ māhātmyaṃ kīrttaye śrutam
74.33
śivāśivaprasādena māhātmyamidamadbhutam
74.34
aruṇācalamāhātmyaṃ duritakṣayakāraṇam || śrūyatā
manavadyāṃgi purāvṛttamidaṃ mahat
74.35
aruṇādrimayaṃ liṃgamāvirbhūtaṃ yathā purā || na śakyate punarvaktumaśeṣaṃ vakrakoṭibhiḥ
74.36
aruṇācalamā
hātmyaṃ brahmaṇāmapi koṭibhiḥ|| brahmaṇā viṣṇunā pūrvaṃ somabhāskaravahnibhiḥ
74.37
indrādibhiśca dikpālaiḥ pūjitaścāṣṭasiddhaye || siddhacāraṇagaṃdharva
yakṣavidyādharoragaiḥ
74.38
khagaiśca munibhirdivyaiḥ siddhayogibhirarcitaḥ || tattatpāpanivṛttyarthaṃ tattadīpsitasiddhaye
74.39
ārādhito'yaṃ bhagavānaru
ṇādripatiḥ śivaḥ || dṛṣṭo harati pāpāni sevito vāṃñchitapradaḥ
74.40
kīrttitopi janairdūraiḥ śoṇādririti muktidaḥ || tejaḥstaṃbhamayaṃ rūpamaruṇādri
riti śrutam
74.41
dhyāyanto yoginaścitte śivasāyujyamāpnuyuḥ || dattaṃ hutaṃ ca yatkiṃcijjaptaṃ cānyattapaḥ kṛtam
74.42
akṣayyaṃ bhavati prāptama
ruṇācalasaṃnidhau || purā brahmā ca viṣṇuśca śivatejoṃśasaṃbhavau
74.43
sāhaṃkārau yuyudhatuḥ parasparajigīṣayā || tathā tayorgarvaśāṃtyai yogidhyeyaḥ sadā
śivaḥ
74.44
agnitojomayaṃ rūpamādimadhyāṃtavarjitam || saṃprāpya tasthau tanmadhye diśo daśa vibhāsayan
74.45
tejaḥstaṃbhasya tasyātha draṣṭumādyaṃ
tabhāgayoḥ|| haṃsakroḍatanuṃ kṛtvā jagmaturyāṃ rasātalam
74.46
tau viṣaṇṇamukhau dṛṣṭvā bhagavānkaruṇānidhiḥ || āvirbabhūva ca tayorvaraṃ prādādabhīpsi
tam
74.47
tatprārthitaśca deveśo yātaḥ sthāvaraliṃgatām || aruṇādririti khyātaḥ praśāṃtaḥ saṃprakāśate
74.48
divyadundubhinirghoṣairapsarogītanarttanaiḥ
pūjyate taijasaṃ liṃgaṃ puṣpavṛṣṭiśataiḥ sadā
74.49
brahmaṇāmapyatītānāṃ purā ṣaṇṇavateḥ prabhuḥ || viṣṇunābhisamudbhūto brahmā lokānasasarja hi
74.50
sa kadācittapovighnaṃ kartukāmena yoginām || iṃdreṇa prārthito brahmā sasarja lalitāṃ striyam
74.51
lāvaṇyaguṇasaṃpūrṇāmālokya kamalekṣaṇām
sumoha kaṃdarpaśaraiḥ sa viddhahṛdayo vidhiḥ
74.52
spraṣṭukāmaṃ tamālokya brahmāṇaṃ kamalāsanam || natvā pradakṣiṇavyājādaṃtṛmaicchadvarāpsarāḥ
74.53
asyāṃ pradakṣiṇāṃ bhaktyā kurvāṇāyāṃ prajāpateḥ || catasṛbhyo'pi digbhyo'sya mukhānyudbhavankṣaṇāt
74.54
sā bālā pakṣiṇī bhūtvā gaganaṃ
samagāhata || punaśca khagarūpeṇa samāyāṃtaṃ samīkṣya sā
74.55
śaraṇaṃ yācamānā sā śoṇādrimamamāśrayat || brahmaṇā viṣṇunā ca tvamadṛṣṭapadaśe
kharaḥ
74.56
rakṣa māmaruṇādrīśa śaraṇya śaraṇāgatām || iti tasyāṃ bhayārttāyāṃ krośaṃtyāmaruṇācalāt
74.57
udbhūtassthāvarālliṃgādvyādhaḥ kaści
ddhanurddharaḥ || saṃdhāya sāyakaṃ cāpe saṃmeghagaganadyutiḥ
74.58
1 niṣāde purato dṛṣṭe mohastasya nanāśa hi || tataḥ prasannahṛdayotinamraḥ kamalodbhavaḥ
74.59
namaścakre śaraṇyāya śoṇādripataye tadā || sarvapāpakṣayakṛte namastubhyaṃ pinākine
74.60
aruṇācalarūpāya bhaktavaśyāya śaṃbhave
ajānatāṃ svabhaktānāmakarmavinivarttane
74.61
tvadanyaḥ kaḥ prabhuḥ kartumaśakyaṃ cāpi dehinām || upasaṃhara me dehaṃ tejasā pāpaniścayam
74.62
anyaṃ vā sṛja viśvātmanbrahmāṇaṃ lokasṛṣṭaye || atha tasya vacaḥ śrutvā śivo dīnasya vedhasaḥ
74.63
uvāca karuṇāmūrtirbhūtvā caṃdrārddhaśekharaḥ
dattaḥ kālastava mayā puraiva na nivarttyate
74.64
kaṃ vā rāgādayo doṣā na bādheranprabhusthitam || tasmāddūrasthito'pyetadaruṇācalasaṃjñitam
74.65
bhajasva taijasaṃ liṃgaṃ sarvadoṣanivṛttaye || vācikaṃ mānasaṃ pāpaṃ kāyikaṃ vā ca yadbhavet
74.66
vinaśyati kṣaṇātsarvamaruṇācaladarśanāt || pradakṣiṇā
namaskāraiḥ smaraṇairarcanaiḥ stavaiḥ
74.67
aruṇādrirayaṃ nṛṇāṃ sarvakalmaṣanāśanaḥ || kailāse meruśṛṃge vā svasthāneṣu kalādviṣu
74.68
saṃdṛśyaḥ kaścide
vāhamaruṇādrirayaṃ svayam || yacchṛṃgadarśanānnṝṇāṃ cakṣurlābhena kevalam
74.69
bhavetsarvāghanāśaśca lābhaśca jñānacakṣuṣaḥ || madaṃśasaṃbhavo brahmā svanā
mnā brahmapuṣkare
74.70
atra snātaḥ purā brahmanmoho'gājjagatīpateḥ || snātvā tvaṃ brahmatīrthe māṃ samabhyarcya kṛtāṃjaliḥ
74.71
maunī pradakṣiṇaṃ kṛtvā
viśvātmanbhava vijvaraḥ
74.72
iti vacanamudīrya viśvanāthaṃ sthitamaruṇācalarūpato maheśam || atha sarasi nimajya padmajanmā duritaharaṃ samapūjayatkra
meṇa
74.73
imamaruṇagirīśameṣa vedhā yamaniyamādiviśuddhacittayogaḥ || sphuṭataramabhipūjya sopacāraṃ gatadurito'tha jagāma cādhipatyam
74.73.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe brahmapuṣkaramāhātmyavarṇanaṃnāma pañcamo'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit